深仔記 (已結業)

今曰同朋友踩單車入大埔, 晒左成朝, 朋友話都係時候食吓嘢, 抖一抖啦, 咁就揀左依間叫深仔記嘅餐廳開餐。可能啱啱做完運動比較肚餓啦, 我哋兩個人都叫左幾多嘢吓, 先黎牛腩撈同雲吞撈, 然後整個肉丸粥同炸油條, 再加兩碟油菜。朋友唔食牛, 所以牛腩撈我一個人KO哂。牛腩炆得好淋, 好夠味, 如果唔係朋友唔食得, 我一定會叫埋牛筋試試。撈麵都唔錯, 特別係加左腩汁, 唔太乾之餘, 用黎送牛腩一流。至於雲吞, 鮮蝦味十足, 大大粒, 一啖食完最痛快。再黎試個肉丸粥, 豬肉丸算唔太濃味果隻, 食落單牙, 粥底食落清甜, 如果想食得清啲嘅話, 依個粥啱哂, 另外, 油條幫你切埋上枱, 方便share, 可能因為好耐冇食過油條, 我哋竟然仲叫多一客嚟食, 勁!最後食埋油菜, 有生菜同通菜兩種。個靈魂係蠔油同腐乳, 加埋少少辣椒醬食, 真係冇得輸! 我諗依餐可以算得上係粥粉麵大餐!

收工夜咗，返嚟太和先搵食，又攰又餓，離遠見到深仔記個招牌已經比佢深深咁吸咗過去 ，順便叫埋男友陪我宵夜。有咩好得過呢刻有個愛人陪住一齊嘆住呢啲經典味道。淨牛腩，炸雲吞，灼黑柏葉拼魷魚，蠔油雲吞撈粗，腐乳通，加埋凍豆漿。先嚟柱候牛腩，香噴噴立即起筷，牛根又淋又入味，幾乎入口即溶，腩位肉一疏疏，點埋辣油更刺激。灼黑柏葉同魷魚都係爽爽嘅，點埋個辣椒豉油又係經典嘅絕配味道。招牌雲吞撈粗，而撈粗就一定要有蠔油，粗麵表面面積夠大，較易沾上蠔油勁惹味。飲啖熱湯，之後再食足料雲吞，內裏七成位置都係蝦，呢個時候由於佢都沾上咗少少蠔油，試過淨點辣油都夠滋味。腐乳通就不過不失，仲係青綠色 。最後要讚嘅係炸雲吞，將招牌雲吞炸到勁香脆，點上沙律醬，男友口大大可以一啖過。見佢食到津津有味，如果呢刻有支藍妹就不得了，好鐘意呢個。

星期天受友人推介來到太和深仔記，時正晚上7點。坐底環顧店舖，燈光明亮感覺乾淨企理，設計特別，友人說這是舊港式設計。未幾許已經想好叫邊啲食。叫幾樣野，分來吃一向是我們的作風。淨豬手（68蚊）南乳味適中，份量都幾多，肉質入味而柔軟，補充骨膠原一流。招牌鮮蝦雲吞麵（28蚊） 湯味唔會太濃，清甜。麵冇鹼水味，而且有咬口。 雲吞五粒 ，唔似平時吃開咁大粒，但好在粒粒鮮蝦，冇用豬肉充數，口感十足 蝦味濃郁，而且雲吞皮皮薄嫩滑。炸水餃 （細40蚊）上碟賣相一般，但最緊要係好唔好吃。同雲吞一樣內里有鮮蝦，但多左木耳。 咬落餃皮鬆脆，而且將肉汁緊鎖其中。（其美味令我不禁後悔，點解唔叫個大 68蚊）淨牛腩 （68蚊）牛腩牛根分量平均，腩味十足 ，不過牛腩肉比較實。 牛筋反而好軟，未至於入口即溶，但口感唔錯，腩汁好適合撈飯。馳名肉丸粥（30蚊） 大碗而且唔會太稀,有淡淡米香，唔加配料都可似吃多幾碗。肉丸有五粒，肉咪濃郁。淨鮮鮑汁雞腳（68蚊）分量多，上碟雞腳都好完整。鮑汁雞腳算幾入味 ，而且在口中好容易就骨肉分離。可惜個汁冇跟埋上碟。另外尼間深仔記野飲冇自家制，有支裝椰青水，果汁先生等等，都幾特別。最後總結

今日約左個死黨踩單車，踩左成日梗係第一時間醫肚。見到有間餐廳，寫住「十大受歡迎雲吞麵檔」，就等我試下你係咪名符其實。叫左個牛腩蝦子撈麵。呢個撈麵真係不得了，啲蝦子鋪到成個面都係，真心足料抵讚。牛腩新鮮，無膻味，唔硬又唔會過腍。麵質爽彈，唔重鹼水味，亦唔乾身。湯保持熱辣辣，配撈麵一流。同行朋友食左佢地既雲吞河話啲雲吞好新鮮又多蝦。麵店個吖姐聽到即話，呢到啲雲吞係招牌黎。好，就叫埋個炸雲吞試下。68蚊有10粒，炸埋先6.8一粒，抵。一上枱，顛覆左對炸雲吞既印象。因為平時酒樓食開既炸雲吞，都係多皮少肉。但佢就粒粒都啖啖肉，脆皮少。一食落口，啲雲吞的皮超薄，蝦肉真係同朋友講一樣好新鮮。雖然係炸出黎，但唔覺得油，每隻雲吞都好乾身，油溫要控制得好先會咁乾身同唔出油。見佢啲野咁靚，唔encore真係對唔住自己。試埋個炸水餃，一樣炸得好好食，乾身唔油膩，啲餡料仲有汁添。明明食完冇耐，一路打食評已經有種衝動想再食一次，真心值得推薦。

今日又去咗「深仔記」食秘制蝦子撈麵， 味道依然不變， 真係好好食。 食多幾次都唔厭。店内裝修以懷舊為主， 雖然裝修不走豪華路線， 以簡簡單單為主， 但環境感覺舒適， 十分親民。《秘制蝦子撈麵 $52》蝦子份量十足， 鋪滿整碟撈麵，蝦子混入麵條， 充滿蝦子香味， 麵條勁爽口彈牙。 《淨雲吞 $28》雲吞整得好好味，豬肉同肥膏比例剛剛好， 雲吞皮又薄又滑， 入口仲有勁多蝦肉，鮮蝦爽口彈牙， 每次都令人十分回味。《鳳城水餃撈麵 $39》，水餃餡料十足， 有蝦、木耳、豬肉等等。加上爽囗木耳， 口感特別彈牙。 麵底當然正啦， 撈起食， 真爽！ 《炸鯪魚球 $40》即叫即炸嘅鯪魚球， 炸得非常香口， 食落彈牙，點上蜆蚧醬， 就更加野味。 《灼鵝腸、灼魷魚同灼黑柏葉 $68》， 我最鐘意食鵝腸， 口感爽脆， 仲要非常乾淨， 正！ 最正就係加入大量蔥絲同薑絲， 再加上醬油一齊食， 非常惹味。

尋日落完大雨，今日又好似好熱好焗咁，口淡淡就去左食粥。呢間深仔記睇落好似比其他粥麵店吸引，仲係大埔第四分店，就入左去😯一入去幾位靚姨姨都好主動招呼，拎水黎俾地，餐具紙巾就自己係櫃桶拎。佢推介左雲呑同雞粥俾我地，就一於落order啦！咸雞粥話明係咸雞粥底偏咸，都有四五舊雞！落既唔止係葱絲，仲有薑絲添，加埋胡椒粉，食落有幾分似葱油雞🤤雞食落好滑，一啲都唔老👍🏻我地仲叫左牛肉粥，咪睇佢白徒徙，其實個粥底好綿仲好熱好夠味！因為唔食葱所以叫左走葱，所以成個粥牛肉係好重要，牛肉食落口好滑，而且份量仲好多，一碗有成六，七舊！呢度裝修得好舊式既感覺，無論係招牌去到地板都好有feel，所以加9蚊要左個樽裝忌廉係特別有風味😂叫左雲呑魚旦河粉，湯唔會好咸，食完唔會好頸渴。河粉係幼河粉黎，好滑！魚旦大大粒好彈，咬落都幾爽，唔會好粉又唔會好實，味道清香👍🏻雲呑果然係招牌，味道適中，一碗都有4粒！食住等左五分鐘到先到，應該係即叫即整🤤仲叫左個雙拼炸醬牛腩撈麵。牛腩一黎到就聞到好香，食落不論係牛腩還是牛筋都好啉👍🏻炸醬真係睇到一條條，味道微辣同樣份量好足，幼麵都好爽！唔知大家鐘意點食撈面呢，我就鐘意放少少湯落個面到

去到坐低食就先黎隻咸肉粽，咸肉粽夠足料.有肥豬肉同咸蛋，綠豆夠多，分量剛剛好吾會食到滯😆再食反個南乳豬手面，豬手夠哂臨，同面湯又夾，食落夠哂鮮味.👍🏼叫反個小食炸雲吞，雲吞皮炸得夠跪又香口，好清楚睇到每隻雲吞入面有兩隻蝦，絕對吾會偷工減料😆再食佢地既推介-京都炸醬面，我有叫師傅減下分量因為怕食吾哂，本身應該係一大碟，炸醬醬汁酸辣味夠哂開胃，辣呢加野就視乎你食吾食得辣啦，真心都幾辣下🤔叫左小量水餃，雲吞，魚蛋，同牛丸😋水餃一咬開好就見到有蝦，木耳，而且皮好薄，所以好值得再食！雲吞都係皮薄都係有蝦，不過配豬肉，一咬開啲肉汁出哂黎，好新鮮又夠料🤤🤤🤤魚蛋夠哂彈牙夠哂口感，絕對吾會係翻煮加👍🏼再黎深仔推介既鵝腸，魷魚同黑柏葉我好怕鵝腸洗吾乾淨有屎，所以一到手就睇清楚有冇屎，竟然每條都咁乾淨，仲夠哂爽口真係好正，拎去打邊爐一定好好食😻😻魷魚同黑柏葉又係爽口，做涼拌應該吾錯🤩🤩

今晚去咗會一會深仔記嘅招牌麵。店舖用上老香港嘅陳設，經典卡座配綠色窗框加大鏡，再加上幾個木牌介紹招牌菜，充滿香港懷舊風情。🦐秘製蝦子撈麵 $52嘩～蝦子的份量十分重手。入口少鹹同無腥味，鮮味十足，不容錯過！麵條爽口彈牙，無硯水味，越撈越起勁。湯頭清而不咸。招牌鮮蝦雲吞河粉 $285粒大大雲吞，外皮薄蝦肉爽🦐，河粉滑一滑。炸鯪魚球 $40炸得非常香口，仲配上蜆蚧醬😋蜆蚧醬係用新鮮蜆肉、酒、老薑等醃製而成。當鯪魚球配上蜆蚧醬，大大添加了海水鹹香風味。腐乳通菜（$13）份量多，通菜脆嫩，腐乳味道調教得啱啱好。食麵當然要配支最好飲的玻璃樽可樂$11。《正遠荳品》的黑荳漿$9也不差。雖則不是自家製，但都係香港製造，荳味濃郁而又不太甜，值得一試！

離開太和商場，行過嚟只係兩三分鐘，就會見到「深仔記」，主打粥粉麵，裝修幾新淨。秘制蝦子撈麵$52密麻麻嘅蝦子，真係多得好誇張，正。麵底彈牙，仲配有一碗湯。狀元及第粥$30粥底煲得夠綿滑，材料好多：粉腸、豬肚、肉丸、豬潤，同埋一大塊比較少見既豬心。最好食係豬潤，滑一滑又冇血水。呢度比較特別係：有好多選擇！飲品除左例牌嘅豆漿，仲有黑豆漿、橙汁、樽裝汽水、椰青水、紙包檸檬茶等等。食物除左粥粉麵，連飯都有。多啲人就可以share嚟食啦！腐乳通菜$13用淥麵水嚟灼菜，因為有鹼水成份，菜就更加翠綠。通菜最好食當然係加腐乳醬，一絕！ 淨雲吞$28八粒唔係大粒，但每粒入面都冇肥豬肉，最怕雲吞入面有好多肥豬肉充數。入面九成九都係爽彈嘅蝦仁，好足料。灼鵝腸$68鵝腸洗得乾淨，去除左大部份肥膏。當然冰鮮鵝腸梗係冇新鮮鵝腸咁滋味啦，但就更爽口。精髓係啲蔥絲同薑絲，再加少少醬油，真係正架！炸水餃（細）五粒$40 意外地，全餐我覺得最好食係炸水餃。即叫即炸，隻隻都脹卜卜，睇見都知好多蝦。餃子皮炸到超脆，雖然見到碟底有唔少油，但餃子係冇乜油，幾乾身。香口嘢又足料，點會唔好食。未食完就即刻想要encore叫多碟。早知

今日又係屋企附近搵食，住大埔好處就係多好嘢食，餐廳多到試唔完。成日經過都未食呢一間深仔記，網上評價話佢係香港十大雲吞麵之一，一於同女朋友一齊試吓佢得唔得。女朋友要左南乳豬手撈粗，有成四大件咁多，佢話真係肉質好Q，每一啖都充滿骨膠原。而且豬手既油流落麵上邊，變成極香口嘅邪惡豬油撈麵，怕肥嘅女友都食晒。我就叫咗肥鵝腸雲吞麵，因為鵝腸麵其他鋪頭少見，但佢出名係雲吞，所以一於就雙併。先飲啖湯係大地魚湯底，雖然都有少少味精，但做大地魚湯底既麵店已經買少見少。鵝腸係新鮮貨，仲有最好食嘅肥膏！同啲薑絲一齊食，甘香得來又唔羶，超正！雲吞雖然唔係大埔最大粒，但真係好出色，多蝦少肉皮又薄！一個字，爽！淨鮑汁雞腳，有成十幾隻好誇張，抵食！而且雞腳炆得好淋又入味，女朋友話佢完全食得唔麻煩因為骨肉容易分離！炸鯪魚球，魚肉彈牙，蜆介醬提鮮！下次再嚟試吓牛腩先！

$28一碗細蓉，開到來大埔？超多分店的深仔記，殺入大埔讓大家都享受到雲吞麵的趣味+$8叫個雙拼，碗仔細細麵都幾多，雲吞皮薄而沒破，抵讚。但蝦肉略帶乾身，裡面的豬肉量不足，吊不出整體的雲吞香味，有點可惜。另一拼是水餃，只有2粒是怎麼回事？皮依舊夠薄，裡面帶些黑木耳頗爽口，不過有一顆的皮破掉了，有些可惜麵底相當不錯，夠煙韌，但湯底就有點略略過咸了另外一個朋友點了牛腩飯，飯粒有層次軟硬適中抵讚！可是腩汁不帶甜，只有重咸味，加上牛腩跟牛筋的煙韌度過高，是因爲太忙嗎？炸雲吞樣子不錯，不過用油一般，賣相也是一般，蝦肉極小，這就讓我真有點失望了來這裡試著吃他的雲吞麵好了，想試其他就要看你的耐受能力有多高啦

以前其實已經幫襯過一次，因為溝通問題，所以那次光顧的感覺非常不良！今次再次光顧，抱着平常心，希望上次只是誤會一場。加上今次好趕時間，打算快食快走。「滷水雞腳麵」自己好喜歡食鳳爪，其實這小店弄的都算好味，幾 juicy。麵沒有鹼水味。「豆漿」初時我話要熱豆漿，服務員嬸嬸話冇問題，幫我弄熱。我還以為豆漿是自家製的。轉個頭，另一服務員就從雪櫃拿了一支有標籤的支裝豆漿給我。我當然滿腦問號❓好自然地，我告訴她我要熱的。但下1秒，我就發現自己講錯說話，因為對方回應我沒有熱。為了減少磨擦，我只好告訴她我拿走回家喝，還以為這樣可以畫上句號，誰不知，那個服務員嬸嬸不斷重複說：「係啦係啦，帶返屋企飲，囉返屋企飲啦.....」🙄就是文化差異，勸解要求香港正常服務質素嘅食客，光顧前要三思，免得自己勞氣。*餐廳沒有提供BB櫈。

在香港要吃好的雲吞麵，通常都挑一些店名有“麥”字的，要更好嗎？也可以到鏞記。當然也有不少有實力的小店，今今天剛好到了大埔，又開了眼界太和站附近找不到想吃的餐廳，看見這間店就心想不如簡簡單單食一餐進店後室内環境不錯，冷氣夠，就點了一個麵，填飽自己之餘也打發一下時間去未吃過的麵店，較保險是點牛腩和豬手類多汁又濃味的配料，再試一下雲吞，看見這種有滷水雞腳又覺得新奇，就要了雞腳雲吞麵麵上枱時，我就後悔了，沒想過這小店會有如此香的大地魚湯底，真想嚐一下本來的味道，麵是清爽無鹼水味的，雲吞不算小巧，但也不是街坊店般巨型，作為男士還可以一口一隻，味道也到位。雞腳是有趣的，但又不如打冷舖的花生雞腳，香味也淡，下次來會吃剩雲吞。在大埔，這裏也算是岀色的麵店吧？

又到下午三點三，食個下午茶疏疏肝既時間。😊👍🏻路經大和消防局附近，發現有間餐廳門外貼滿報紙報導，聲稱是香港十大雲吞麵之一，那當然入去試試。裝潢是70年代風格。其實我也沒經歷過70年代😂，反正就是懷舊tone. 綠色卡位，鮮紅招牌。 點了最basic 既雲吞河，雲吞皮薄多蝦😃😌，可惜河粉未食已經吸曬水，唔覺得好味😞😔。因為唔係叫牛腩，湯底是最原始無咩特別味道的清湯。埋單$30 下午茶餐，幾抵食。

今日無意之間經過啲間門面懷舊嘅鋪頭，一行三人坐低即刻叫野食，我揀左水餃撈麵，而朋友就分別揀雲吞撈同牛腩河，女仔胃口比較細，所以份量啱啱好。鳳城水餃撈麵，水餃四隻，蝦仁鮮味，木耳絲好爽口。👍🏻👍🏻鮮蝦雲吞撈麵，有6粒雲吞，包住一兩粒蝦肉，口感彈牙。👍🏻柱侯牛腩麵，啖啖肉，湯底唔錯。