湘川滬 (+WOO嘉湖二期)

营业中

休息中

食晏時間路過湘川滬，大家話不如試下！估唔到酒樓既小菜都幾有水準！大家都食得辣、一見到毛血旺就即刻嗌！嗜血🤣麻辣鱔魚毛血旺一堆辣椒就少不了㗎啦、啲料真係勁多！鴨血、鱔魚、牛柏葉、芽菜、腸仔，薯粉墊底！真係好正！超值！走油元蹄呢個等得比較耐，因為佢需要長啲時間蒸煮！真係冇令人失望！肉質超林，超級入味！表層肥肉部份入口即溶、肥瘦一齊入口真係好食到講唔到...估唔到水準有咁高👍🏻 值得期待！清炒翡翠苗萵筍刨絲、清清淡淡！配辣食及元蹄正好！小菜配靚仔白飯真係無敵，呢到小菜大大碟，好岩同屋企人或三兩知己一齊食！👍🏻

又到一月一度食鄉下菜解解饞嘅日子，當然都係去返屋企人最愛去嘅湘川滬除上海菜外，仲有兩湖、四川等多地名菜選擇，甜酸麻辣皆全，正適合親朋戚友大圍飯聚。上海人習慣正餐前先點冷盤作前菜，是日心水係陳醋黃瓜。新鮮爽脆，甜中帶酸，潮濕天氣食用更醒胃消暑。上海菜多以糖醋醬油簡單調味，烹調方式以燘煮燉為主，無咁熱氣油膩。糖醋排骨係常見家常菜之一，香甜惹味好送飯。選用豬扒部位，肉質厚身而鮮嫩鬆軟、老人家都咬得開，而且大部份肉件都不帶骨推薦一試。因為不愛榨菜味道，所以揀咗具湖南風味嘅酸豆角肉末。酸豆角味道似酸菜，但口感更脆更有質感；肉末肥瘦參半，顆粒大有咬口，無絲毫油膩感。叉子燒餅今次燒得啱啱好，面頭酥脆又帶濃郁芝麻香，同時又有麵餅嘅煙韌。填滿肉末餡食落非常有滿足感夏天無胃口食飯，食燒餅當正餐香得嚟有飽足感，啱哂。媽咪最愛嘅上海名菜——崧子黃花魚，怕噎骨又想食魚人士必選，魚身炸成香口，配以糖醋汁酸甜開胃，啖啖肉。原條上枱後店員會當面切開分成小件方便食用,一切開就聞到強烈嘅海鮮味。外皮香脆，內裡肉嫩，層次豐富，調味加上油炸製法完美辟去魚腥味，無骨、連魚頭都食得。忍唔住食完一舊又一舊，食極都唔夠喉，如果再厚肉

天水圍食飯，食上海菜。不論主食到甜品都有好多選擇。北京填鴨如果食二食就另加50蚊。唔食既話，佢會幫你pack好，你可以拎返屋企食。鴨皮鬆脆，香口。剩食鴨皮已經好食。🐓雲吞雞煲雲吞一口一粒，每人都分到2粒。雞大隻，湯清甜，唔算多油。侍應會主動分比我地食。小籠包有4粒，湯飽滿，一入口就爆出。相對個肉較為瘦，唔太肥。🦐咸香蝦球有大概8舊，蝦球大粒，成粒舖滿左咸蛋味。雖然罪惡感重，但好味，送飯一流。😊蛋白瑤柱炒飯飯炒到一粒粒，均勻。唔黏口，而味道適中。

疫情雖然嚴重，但無阻我的覓食意志。女朋友想食片皮鴨，所以就近帶她來了，這間位於置富嘉湖二期(前銀座)，幫襯這間的原因是，上次幫襯，這𥚃的元蹄性價比相當高。隔離桌的人，亦大讚這裡的片皮鴨好食。進入前先量體溫，這已成為各餐廳必備動作。坐下後，很快便決左好菜式。由於食客不多，上菜的速度滿快，先上的是片皮鴨，酥脆可口，食得我滿嘴皆是油。砂鍋雲吞雞，只叫了半隻，湯汁雞味十足，雲吞不過不失，雞肉仍可入口。咸香蝦球，咸蛋味十足，蝦球亦爽口彈牙，可惜因太油，脆感不足。重慶酸菜魚片，雖然只是少辣，但仍然十分惹味。瑤柱蛋白炒飲，很平凡，但份量十足，口感乾爽，鑊氣十足。其他的還有，干鍋香辣大腸，及小籠包，上一篇曾提及，今次便不舊調重彈。湘川滬 (天水圍)人均消費220元天水圍天恩路12-18號置富嘉湖二期2樓216A及F舖

今日和家人一同晚飯，到了銀座廣場的湘川滬，老字號店舖品質有保證！京式片皮鴨一味兩食，份量十足，片皮鴨很大隻，外皮香脆，肉嫩！加多50元可以一味兩食，涼瓜炆鴨肉，送飯送酒一流，非常抵食！小籠包，非常多汁，即叫即整熱辣辣！干鍋香辣大腸，這個做得很出色，大腸香脆，辣得過癮，干鍋上枱，燒焦少少口感更佳！瑤柱蛋白炒飯，火候十足，粒粒乾身！雙色蒸魚頭，點了青辣椒和豆豉味，和之前在內地吃到的味道相近，魚頭很鮮味！冰凍藍妹啤酒都係$18一支，抵飲！店員服務周到，和客人都有說有笑，大部份都是熟客，難怪在這裏屹立多年！

日日在家食飯 偶然都要約朋感覺出去食一餐飯難得出街食 緊係食想食既川菜啦 呢間真係百吃不厭😋😋 坐下會有個餐食小食 麻辣蓮藕雲耳 夠麻夠辣 好夠味 幾啖比我食哂招牌小籠包$38 皮薄多汁 大家食時要小心 會辣到咀 當然我會點埋醋食 👍🏻👍🏻點解我鍾意去呢度食川菜 因為有鑊氣小炒 瑤柱蛋白炒飯$78 炒得夠乾身 飯有咬口 干鍋豬大腸$78有火爐住上 熱食 香脆內軟 夠辣干扁涼瓜四季豆$60 唔會太乾 有小小濕 用埋肉醉撈飯 食左2碗飯上海粗炒 $70 呢個濕得黎 炒出黎嘅麵條都係一條條 夠哂入味多汁辣子雞 夠辣 炸到外脆內軟 非常香口 惹味😋

在家工作了一個星期，真的要出外補充日用品，今天一家來到附近的大商場，這裏超市，食肆樣樣有，找個舒適地方食個晚餐～爸媽喜歡食中菜，所以選擇了這間～先坐底看餐牌，店員主動說還有北京填鴨，所以先點了一隻，肉的部分我選擇了涼瓜炒～鴨大隻，燒得非常光身飽滿～皮方面油脂不太多，入口不會太油～瑤柱蛋白炒飯瑤柱蛋白炒至分明，炒得乾身也帶鑊氣～干煸涼瓜四季豆帶點微辣，有肉碎加涼爪絲伴炒～干煱香辣大腸用了京蔥辣椒炒，入口感覺大腸經油炸至脆身才下鑊炒，所以帶點脆口～小籠包小籠包皮夠薄，包肉湯汁是滿滿的，入口一定要小心，皮夠薄但不會夾破皮～四人份量這裏剛剛好～爸媽說滿意～還要說下次～

難得的星期六夜晚，可以與家人共渡晚餐，他們比較偏愛食中華料理~~當然帶去他們喜歡的相關餐廳，所以這晚就來到這裡拉~^^其實中華美食一直都是很有深度的美食，比西方相對更注重健康的。來之前上網了解一下如何分辨中華料理haha><湘菜其實是湖南菜，是以香辣，香鮮，為主。川菜則是四川菜，能吃辣而聞名於世。滬菜就是上海菜，以濃油赤醬為典型特徵。真的很多種類，各有特色呀！一進到來，環境很有中華料理的情調，樓頂挂滿一個個大燈籠，很有氣派~難得來到中式餐廳，當然要點些地道的特色美食拉^^1。金沙南瓜件如果只聼名字完全想不到味道...以爲只是炸南瓜而已，然而不是！ 而是除了炸粉外，還融合了咸蛋黃的一起油炸。咸蛋黃愛好者的我真的很驚喜，加上外脆咸内軟甜，很討小朋友喜歡！2。五花腩（已配送薄餅）想不到這個價錢已經包括薄餅算挺便宜的，因爲薄餅分量也不少！可以不用食白飯，也可以吸收澱粉質營養，對我這些愛食餸多過白飯的人是最開心的haha^^(同我一樣習慣的朋友可以點這個)看圖就很明顯是肉比菜更多^^真材實料呢！肉質是五花腩，肥瘦適中，女生也不會感到油膩的。甜甜的豆瓣醬, 沾在每一片菜和肉都掛上汁

依家難得出門見見朋友，朋友帶我去附近餐廳食埋晚飯傾耐d，佢有食過，覺得唔錯，帶我試下。餐廳可以話係好多選擇，你想食嘅中菜款式都有，一時間好難選擇😂鹹香海虾球虾球肉質爽口彈牙，配上薄薄的一層鹹蛋黃，味道配搭得十分好，配上鹹蛋黄，真係好酥香好惹味。而且咬落又唔覺得厚粉，整體口感都幾好。土匪搶鴨係全晚最好食嘅菜式，鹹度同辣度混合得啱啱好，配合鴨肉原本嘅鮮味，一拍即合。鴨肉經過醃製同烹調，味道豐富有層次，放入口，先係一個辣味蔓延開嚟，慢慢帶出鴨肉嘅香味，然後喺其他醬料，令人無法自拔。干煸四季豆四季豆好鮮嫩，咬落去總有“索索聲”嘅感覺，配上淡淡的橄欖菜以及肉碎，味道頗為惹味，又不失清新。蔥油海蜇皮海蜇肉厚實有韌性，配上蔥油作為調味料，不失為一碟開胃前菜。重慶酸辣魚片魚片爽口，比起日常經常食到嘅鱸魚，肉質更加鮮味，加上酸菜湯底同埋少少辣椒更加開胃可口。除咗魚片仲有粉絲配搭，不失風味。薑汁芝麻湯圓食完味道豐富嘅上菜，飯後配上一碗薑汁湯圓，亂唯有滿足。薑味唔算太濃烈唔使怕辣。

本來一心想過嚟試片皮鴨，但原來要早一日預訂，想試嘅記得要預早打去同餐廳留定。唯有照舊嗌小菜嘆吓人蔘烏龍，茶香依舊濃香回甘。萵荀絲份量十足，$55勁大碟，顏色碧綠爽脆，入口清香，係餐館中少數口味清淡嘅健康菜式。川菜普遍都加入紅綠辣椒爆炒，香口濃味，夏天食袪濕、冬天食暖肚。份量不多，雖則蝦球帶子均有乒乓波大小，但只有各四隻。不似京滬菜單純油爆香，川菜習慣先裹上生粉炸香再加入調味拌炒，外層炸成香脆，令整道菜更香口，蝦球帶子大隻得嚟都幾彈牙。可能加咗醋嘅關係，味道微甜偏酸，睇落紅卜卜實則食落無咩辣味。肋排加咗鹹甜梅菜炆煮，稔香肉嫩不痴牙，風味依舊，香甜惹味。可惜今次軟骨位唔多，反而多肉又厚身，食肉獸應該好buy

好朋友生日，壽星想食中菜，所以揀左呢間。其實都係常客，不過今日慶祝生日，梗係食豪小小啦。2個人嗌左一個小食，2道菜，二個甜品。鮑魚海參菜膽$268有4隻鮑魚，炆得幾入味。估唔到海參分量咁多，味道鮮味香濃。菜膽係西蘭花。三鮮鍋貼$38 （4隻）一碟4件，鍋貼煎至微焦，香脆口感。咬落去亦有肉汁，點醋食更加好味。香辣農家焙魚 $188店員介紹鉗魚，肉質更加鮮甜嫩滑。配菜有芽菜，菇，香草，一邊食一邊加熱，愈煮愈出味。最後嗌左椰汁雪燕同芒果布甸畫上完美句號。

家人飯聚，嗌左啲一家大細都啱食嘅。嫩雞煨麵估唔到又幾大碗，入面有好多雞粒，配切碎嘅小棠菜。湯底唔會太濃，啱晒同行小朋友。紅燒元碲(小)聽侍應推介，揀左小。一上枱都呆左，勁大隻。炆得好淋好入味！豬皮入口即溶，配埋肉一齊食，口感一流！強烈推薦呢一道菜！招牌小籠包皮薄多汁，大家夾嘅時候都小心翼翼。味道亦都唔錯！價錢： 價格大眾化，性價比十分高嫩雞煨麵$50紅燒元碲$138(小)招牌小籠包$38(4隻)店員態度亦十分親切有禮，值得推介。

一班親友聚會，當中有長輩，所以揀左中菜館 。店舖名已經講明入面有川（四川）滬（上海）湘（湖南），一間食店有齊3個地方菜色，一次滿足晒3個願望。鎮江餚肉$58光滑晶瑩，鹵凍透明。瘦肉香、肥肉唔膩，分佈得啱啱好。配埋香醋，有另一番風味。上海醉豬手 $60出街食豬手最怕去毛去得唔乾淨。呢度就處理得好好。肉質Q彈唔會韌。食時再點下汁就更有花雕酒味。夫妻肺片$55一道有名川菜，以牛內臟為主。香辣惹味，底下配青瓜，爽脆口感，中和麻辣感覺。土匪牛肉 $108無辣不歡嘅我地，見到一上枱有咁多辣椒就食指大動，牛肉肉質非常口感好淋，唔會好韌。

再來到這家餐廳食晚餐 這次去再已經坐滿一半人了面對疫情人人也很膽心人心惶惶 但飯此終是要吃的~何不吃得開心一點呢? 食飽才有氣力和健健康康過日子這次坐了於位坐得挻舒服 點了幾個小菜和兩個甜品🤤·四川樟茶乳鴿 HKD$78 乳鴿靜靜從小到大很喜歡吃😋 這個口味是第一次食😆上菜時已經聞到陣陣香味 外皮有點脆卜卜肉質嫰滑🤤·菠蘿黑醋骨 HKD$78 黑醋做菜不常見但挻健康食材 味道酸酸甜甜挻開胃醋骨不會感到太韌而且很腍身🤤 是個拌飯不錯的小菜·椰汁燉燕窩 | 燉雪烚紅蓮 HKD$50 飯後來個甜品滋補一下才行😆 即生津又潤喉挻不錯吧靜靜喜歡椰汁燉燕窩多一點 因為熱辣辣的椰汁很好吃而且做到燉蛋般的賣相很吸引😍 很快就被我吃光了🤩這次食物素質覺得不錯 價錢和份量挻好不過不失吧😊餐廳環境和職員服務挻好 這家餐廳還是會再來吃東西

喺OpenRice搵吓附近有乜嘢餐廳好推介，原來銀座有呢一間中菜館，平時日頭好似茶樓咁有點心小菜食夜晚都有特色小菜！見屋企人去左旅行又唔想煮嘢食就落嚟搵野食😋😋😋呢度嘅裝修都幾用心，好有中國氣氛平時去上海店都會帶個擔擔麵，嚟到呢度都唔例外即刻嗌返碗！分量仲要好多好大碗！湯底唔係好辣，夠重口味一啖面一啖湯非常之惹味！如果在香啲花生味就好啦麵條質地好有咬口每一條麵都掛滿左湯汁，好味道！再叫咗個口水雞做開胃菜，麻辣味道，皮爽肉滑，食得津津有味！送飯一流！另外在叫咗個瑤柱溫室豆苗豆苗非常之新鮮爽口，味道仲好清甜！必食！差少少想嗌多啲！水煮酸菜肥牛肉味道比我想像中清，平時食開嘅水煮牛都係紅紅辣辣嘅，呢個係酸辣嘅，肥牛嘅份量都唔少裏面仲有埋粉絲，相當豐富！肥牛煮得剛剛好，吸收左湯底嘅味道，食落幾開胃！總括而言餐廳嘅菜式種類繁多而且味道都有水準，叫咗咁多嘢都可以清光光，就知可以再次光臨👍🏻