湘川滬 (+WOO嘉湖二期)

营业中

休息中

#去左嘉湖食中菜置富旗下的商場嘉湖銀座最近翻新，換上新名稱+WOO，感覺似乎重新定位，一於去行下！商場改以藍色作為主調，不過裝修似乎未完成，不少店舖均未完成裝修，也未有改變以民生店為主的格局，而且工事處處，晚上更顯得商場冷清。儘管如此，還是要醫肚，我們到了一家中菜館食晚餐，點了幾款小菜當晚餐。花雕醉雞 ($75)這個涼菜前菜花雕醉雞，酒香撲鼻、雞肉嫩滑，不俗！雪菜肉絲炒年糕 ($70)雪菜肉絲炒年糕年糕都算爽口香味，不錯但不算好入到雪菜肉絲的味道！醬爆雞丁 ($78)所謂醬爆是指將甜麵醬經過熱油爆炒，逼出醬香，鹹中帶甜，還有一些雞粒，香口有口感。四川樟茶鴨 半隻 ($138)樟茶鴨是由清代傳承至今的名菜，長時間熏製鴨子，蒸熟後再炸脆外皮而成，一口咬落脆皮，散發淡淡煙熏香，別具風味，不過肉質一般，老，鴨本身品質未至理想。幾款食物質素均不俗，味道不錯，在天水圍嘉湖一帶，選擇不多，加上價錢算相宜，總體水平尚算理想！

起身同屋企人柴娃娃去食小菜特別有滿足感，比起飲茶或茶記早餐更有聚首一堂嘅感覺唔係每間餐廳午市都有供應小炒，通常都只係簡單嘅廚部小菜。相反湘川滬有唔少午市特價菜式選擇，所有餐牌上既都叫得。上海粗炒、年糕、小籠包⋯⋯等等都係上海名物，但由細到大食親上海野媽咪都必點呢道蝦子鍋塌豆腐。正統夾有豬肉既繁複製法如今已鮮少見到，以呢個價錢食到七分似既味道都值回票價。豆腐裹上麵粉煎至金黃，再以高湯、調味料同曬乾既蝦卵煮成帶蝦鮮既醬汁，薄薄既麵粉皮包覆住豆腐，一嗦滑入口中，軟嫩易化，甜中帶香農家小炒肉雖標有一隻辣椒仔，但無咩辣味，加入京蔥、雙色椒拌炒，食落更鹹香爽口。腩肉肥瘦分明，口感似豬頸肉，爽彈但無肥膩感。伴酒菜之選簡單既調味同食材卻炒成惹味香口既佳餚，雞粒帶部分脂肪，炒製後保留鮮嫩飽滿不鞋口，加上香脆嘅花生，令人食到停唔到口上海炒年糕食得多，用軟殼蟹黎炒真係未試過，因為年糕本身無味，所以整道菜調味都偏濃。軟殼蟹手掌大小，有三隻，外殼鬆脆又幾厚肉，整體而言唔錯

遊完濕地公園，嘆返個晚餐先返去港島。呢間係置富+woo內既上海菜館，係粉嶺都有分店。一入去冇麥人，覺得個裝修好grand, 唔係金碧輝煌果種而係好沉實好似回到家中好relax. 侍應數量足夠，服務貼心。冬天點了個羊腩煲，有d有骨，有d冇骨，有d係全肉，有d多膏，岩哂一家人各取所需。羊腩煲連埋魚腩片同生菜，魚腩勁滑。再加個上海粗炒。最欣賞係個service, 侍應幫我地加水要我地嘆埋杯茶先走，真係好寫意好舒服。走時差不多full house

放學要找地方醫肚，去到附近的天水圍置富嘉湖二期吃湘川滬菜中國風多款菜式湘川滬菜晚市也有不少優惠。近排愛上水煮魚，滑滑的魚片滿滿的香辣汁而這個重慶水煮魚只是108$就一大盤很足料。魚片滑嫩配上荳芽薯粉等配料，非常足料好抵食滿滿口水雞辣醬，挺入味雞皮雞肉都夠新鮮酸酸辣辣，好開胃也很足料。可選火腿或咸肉扒，選了火腿䶢度剛好菜很入味，份量也很足好喜歡這個甜點糖粉入口即融的感覺，特別之處是入面加了香蕉，與高力豆沙很合拍滿足的晚餐

夜晚去到銀座嘉湖二期食晚飯，太正啦😚呢度有齊四川、兩湖、上海等幾個好省份嘅菜式，可以一次過食齊幾種口味，符合曬我哋心多多嘅要求👍，但同樣也用上比較多時間去選擇野食🤯最後決定以下幾樣嘢食😆灌湯小籠包皮薄餡靚多湯多肉汁，好易穿底，要非常小心的起嚟食，唔係會漏曬啲湯汁，哥個就係我啦😑田七花菇燉乳鴿湯底清澈唔油膩，湯頭鹹香鮮味多料👍京式宮爆蝦球蝦球大隻，食落彈牙、爽口，醬汁甜辣好惹味😋蟹粉扒豆苗多多蟹粉粒粒既蟹膏鋪滿成個菜上面😚豆苗鮮嫩爽口👍干逼海參紅燒肉海參同肉都炆得好腍夠入味， 兩樣同樣都好大件頭😚 紅燒肉肥瘦均勻， 整個餸都好骨膠原，夠曬滋潤☺👩‍⚖ 估唔到碟碟都咁大件頭， 質素亦有番咁上下 ，價錢正比價高，又多款👍唔怪得知咁多一家大細個嚟用餐La~ps~碟碟份量多，下次會叫少啲啲

近排愛上上海菜，一星期都食4餐喇🤭🤭周圍搵上海菜，俾我發現，天水圍銀座都有間，就約埋朋友放工一齊試😋😋一間有齊3款~湘菜。川菜。滬菜。幾方便又唔洗周圍走，又可試多幾款菜外面都都抬坐，都幾特別，好有外國feel田七花香菇嫩乳鴿~好清甜，有咸香味，好多金華火腿，乳鴿燉到骨都軟晒，夠火喉四喜烤麸~味道有d淡😑京式宮爆蝦球🦐~快炒小菜，炸到脆卜卜，配甜酸醬，幾開胃蝦勁大隻，大過 匙羹🥄灌湯小籠包~夾起🥢就穿，湯汁太油，而且肉入面加左豆腐，肉太散蟹皇🦀扒本地豆苗~蟹皇好似唔洗錢咁🤭🤭,多到見唔到豆苗，但蟹皇無蟹膏味😖😖干逼海參紅燒肉~好大碟，已經炆到林晒正，但肉太多，食唔晒，海参份量太少😟海参唔會切到細細舊，炆幾耐都搵到紅燒肉入晒味，豬肉分左5層肥膏同肉，入口即溶2個人叫左6個餸，侍應都叫我地食唔夠先再叫😅😅仲有甜品未叫，食到最後，當然放棄了😅😅

「湘川滬」以前在葵芳有分店的，曾經是筆者和同事的飯堂，但後來結業了。這晚和家人到天水圍吃飯，竟然看到這邊有「湘川滬」，立刻過來尋找那股腦海中的味道。餐廳位於商場2樓的一角，佔地頗大。2個人叫了一鍋酸辣湯，原來份量有很多的。酸辣湯內有肉絲、木耳絲、豆腐，筍絲等，湯質感稠身。味道酸中帶辣，惹味開胃的湯品。由雞絲、青瓜絲、粉皮組成，撈上麻醬就可食用。味道不過不失，沒有太大特色。價錢稍嫌定得有點進取。平日吃上海菜都會點的津白。用雞湯和牛奶煮成的醬湯，浸著紹菜。紹菜入味又爽腍，加上咸肉和百頁豆腐，口感多變。器皿有明火熱著，一路滾起令大腸更有味，吃到最後更是特別香辣、辣得滋味過癮。大腸煙韌入味，不過要小心黏底。滿滿的一煲紅油辣椒，但吃進口後辣度比想像中低，反而更多的是惹味。魚片煮得入味，肉質非常滑溜，份量也頗多的。一煲內有蠻多芽菜和薯粉。以當日2人的入座人數，這煲水煮魚可以代替粉麵飯了。結果眼闊肚窄，最後湯品喝不完要帶走。一行二人飽到連甜品也吃不下了。

黎到湘川滬就一次過可以試哂三個地方既菜式，平日晚上餐廳都幾full，所以大家真係要早d book位食飯賽磅蟹其實就即係蛋白加蟹肉加少少青豆混合而成，味道清淡，蛋白滲透著微微既蟹肉鮮味四季豆炒得夠乾身，再加埋肉碎粒一齊炒，份外惹味酸酸甜甜既糖醋魚令人越食越開胃，魚塊仲要大大舊，好多肉小籠包雖然皮好薄，入面仲裝有唔少上湯，仲我拎起既時候都唔會穿原來呢個鍋可以當湯咁飲，材料有津白、粉絲、豆腐、蝦仁、冬菇、腩肉、筍最後又點少得叫埋甜品

湘川滬今日收工約咗三個朋友去食辣野，最近天氣凍冰冰啱晒啦，今次帶大家入天水圍搵食好西。花雕醉雞酒香味好濃，聞到就已經好吸引，雞肉入味而且咬落嫩滑，入面仲有杞子，好足料㗎，而且雞皮仲好彈。螺頭花膠小籠包小籠包同酒樓既完全冇得比，餡料十足，入邊嘅湯好甜，但略嫌皮唔夠薄。麻辣鱔魚毛血旺鴨血好滑，配菜好有嚼口，又麻又辣，一邊有好多芽菜，魚都好多，毛血旺好滑，好好食，好過隱😍。天府水煮牛肉牛肉好嫩滑，牛味好濃厚，而且辣度好夠，送飯一流。另外芽菜、粉條都好入味，入邊份量好多，一人食完一碗都仲有。咸香海蝦球咸蛋味好出色，吾會話太濃，蛋黃味好香，而且炸得好酥脆，咬落爽口彈牙，小編唔覺意食咗三粒🥰👍🏻👍🏻梅干菜肋排平時梅菜扣肉食得多，估吾到肋排同梅菜都可以甘夾，食落好惹味，軟骨位夠稔軟，口感有層次，特別推薦🤩。椒絲腐乳唐生菜腐乳味夠濃，菜亦都好新鮮鮮嫩，好食👍🏻。湘川滬天水圍天恩路12-18號置富嘉湖二期2樓216A及F舖最高為（5/5）味道⭐⭐⭐⭐⭐️價錢⭐⭐⭐⭐⭐️環境⭐⭐⭐⭐服務⭐⭐⭐⭐⭐推薦星數⭐⭐⭐⭐⭐

湘川滬天氣凍除左打邊爐食燒肉，仲可以食辣野。今次小編就黎到天水圍呢間湘菜餐廳食好西😎。螺頭花膠小籠包小籠包同酒樓既完全冇得比，餡料非常有特食，而且湯汁又香又濃，真係皮薄餡靚😆。花雕醉雞酒香味好濃，聞到就已經好吸引，雞肉入味而且咬落嫩滑，好食👍🏻。麻辣鱔魚毛血旺鴨血好滑，配菜好有嚼口，又麻又辣，好過隱😍。天府水煮牛肉牛肉好嫩滑，牛味好濃厚，而且辣度好夠，送飯一流。另外芽菜、粉條都好入味，正😋。咸香海蝦球咸蛋味好出色，吾會話太濃，啱啱好冇蓋過蝦既味道，而且炸得好酥脆，咬落爽口🤤。梅干菜肋排平時梅菜扣肉食得多，估吾到肋排同梅菜都可以甘夾，食落好惹味，軟骨位夠稔軟，口感有層次，推薦🤩。椒絲腐乳唐生菜腐乳味夠濃，菜亦都好新鮮鮮嫩，好食👍🏻。

今日突然好想食京菜，就叫老公係附近揾食。點知原來近近地銀座就有間係我地左近。 餐廳闊落舒適，夠晒光猛，側邊仲有卡位坐添。如果人多，可以坐圓枱，圓枱都有好多張，唔洗坐到咁迫。小籠包熱辣辣出爐，皮薄多汁， 餡料多肉質嫩， 啱曬我口味。蟹肉河蝦， 呢碟嘢唔係周圍都有得食， 竟然呢度有得食，咁當然要叫下啦。 蟹肉和蟹膏 鋪滿曬， 蝦大大粒， 份量夠曬多， 入口好juicy，蟹肉蟹膏夠曬香，唔會好流。黃金蝦配鍋巴蝦簡直係我嘅摯愛，黃金蝦又點少得呢？ 黃金蝦炸到金黃色，啖啖肉， 爽口彈牙非常惹味，再配上香脆嘅鍋巴， 簡直係絕配。真材實料，鮮味十足。上海粗炒炒得夠晒香口和乾身， 味道唔會太鹹， 叫咗一碟四個人食，份量啱啱好。價錢經濟，水準好高， 款式多元化， 都係一個唔錯嘅選擇。

今晚到了天水圍銀座的「湘川滬」吃晚飯，這間中菜餐廳是在商場裡，以半開放式設計，有室內和室外座位，感覺開揚。餐廳以中式設計，裝修雅緻，典雅時尚，環境整潔，令人感覺舒服。餐牌裡有多款特色四川、上海美食，也有很多本地小菜，口味很大眾化。而且晚市也有許多優惠小菜，看得我也眼花瞭亂。灌湯小籠包(4隻)小籠包皮薄餡靚，小籠包外皮夠薄，內裡肉饀肉汁豐富，令人垂涎三尺。咸香蝦球鍋粑咸蛋黃炸蝦球很特別，賣相相當吸引。每隻蝦球都沾上滿滿的咸蛋碎，食落去十分咸香惹味， 值得嚐嚐。而一小塊一小塊的鍋粑也沾滿咸蛋碎，口感有點像米餅，有點像零食，不知不覺都放盡口裡。糖醋魚塊 糖醋魚塊是開胃醒神的一道菜。橙紅的甜酸茨汁做得剛好，酸甜適口。而魚肉外脆裡嫩，色澤金黃。砂鍋雲吞雞 砂鍋雲吞雞是上海菜必吃的一道菜，既可以飲雞湯，也可以食雲吞和雞肉。湯底是經長時間熬製而成的奶白色的雞湯，再加上爽口的白菜仔，清甜又好喝。而雞肉有足足半隻份量，雞肉煮得香嫩，再點一點豉油調味，鮮味更加突出。雲吞皮薄餡靚，份量也很多， 飽到一個點。 「湘川滬」令我印象最深刻係店員服務態度都很不錯，不論食物、環境、服務質素都很正面，對這頓晚飯都很滿意

前日同屋企人黎天水圍探朋友，聽朋友推薦過呢間川菜幾好食。主打湖南，四川同埋上海菜，餐廳鄰近翅鐵站只需行大約10分鐘就到都幾方便。看過餐牌後，決定要了招牌小籠包，再加多個四季豆及津白等等，先上小籠包，皮薄湯多好食， 唔小心就好易整到個匙羹都係湯，放心好大粒系個匙羹到，真才實料。值得一試。津白很甜美，加上以整個砂鍋上菜令口感變好。瑤柱蛋白炒飯，飯粒同蛋白融合，食落去有瑤柱香，勁有獲氣。干扁涼瓜四季豆，四季豆炸到乾身，再用蒜頭肉碎炒。環境，服務，價錢，食物都很滿意，有時間都僧常來。

冬天到拉，當然要食羊腩鍋暖暖胃😆😆見到屋企附近湘川滬推出羊腩鍋，就來試試廣式枝竹羊腩鍋，當然枝足和羊腩是絕配啦，炆得很夠林而且味道很不錯，羊腩不會騷，最後加埋生菜和魚片就一流🤪🤪杭州醬鴨，喜愛這款菜式，自從上次杭州旅行食完之後一直念念不忘，估唔到這裏做得有九成相似，非常地道，煙燻嘅效果很突出，每次嚟到一定要必點🥰🥰重慶酸菜魚片，可以自行選擇辣到或者走辣，還有大量粉絲酸菜，魚片夠薄夠滑，連湯都飲埋😬😬川燒蝦球帶子一上枱即掃光，蝦球大大隻，帶子紮實爽口，小小辣😛還有地道糖水甜品，豆沙鍋餅最愛，煎得夠趣，豆沙香綿，食埋糖水就真係大滿足啦！相信這個冬天話要來這裏兩三次吧🤣🤣

同屋企人提早過冬，近排天氣又凍冰冰，即刻想起要打邊爐，但係真係有點悶了，就羊腩煲啦😝😝見到湘川滬新推出羊腩煲，於過去食羊取暖，仲送生菜同魚片添😍😍一上枱大大鍋香噴噴，選擇了港式枝竹羊腩嘅做法，非常之啱口味，小小蘇夠晒淋，點埋腐乳醬一流😋😋食完羊之後再加湯食埋魚片和生菜🥬份量很足，已經飽咗一半😂😂川燒蝦球帶子，非常足料帶子又厚又大粒，蝦球爽脆彈牙，川燒做法又香又辣，好惹味呢🥰🥰再食埋重慶酸菜魚片，叫咗走辣，估唔到又唔錯喎，魚片非常之薄沒有骨，算是比較正宗嘅做法😎食埋糖水就真係非常滿足啦！價錢大眾化服務又同到，坐得舒服，家庭聚會好選擇😛