源味開元米線 (已結業)

今日中同聚舊 大家都諗住食烤魚就來試下依間新開既餐廳餐廳座位開揚 都坐得幾舒服 同埋餐廳開到都幾夜 可以當宵夜食下今次食咗酸菜蒜香烤魚 魚肉鮮嫩又滑 勁入味 餐廳好細心 有特 大 中 小 微辣 俾客人選擇 平時唔食得辣又想食少少辣 所以我地揀咗微辣 建議如果平時唔太食得辣可選微辣 因為佢會愈煮愈辣 到最後我地食到好似變咗小辣咁 但係超好食的平時鐘意食薯粉又類既嘢 可以試下佢嗰手工寛粉 係寬既薯粉來 放埋落烤魚到 啲粉吸曬啲湯汁又辣辣地 真係食度唔停口佢仲有好多配菜 可以選 選擇都幾多下 幾適合俾一大班人食 可以迎合返大家既口味值得一提的是店員服務態度好好 一嚟就好細心 見到我地凍就轉位俾我地 佢仲好有心機介紹嗰烤魚俾我地 原來嗰烤魚係用咗比平時出面餐廳較貴的魚 今日大家都食得幾開心，下次一定會再來！

叫左米線，餸既份量偏少，牛腩切丁真係少見，蘿蔔唔夠冧，味道非常一般。另外叫口水雞，雪味明顯，似係就咁淋 d辣汁就叫口水雞。咁既份量味道，價錢屬偏貴，唯一服務還叫ok.

中秋聽日就係，雖然日頭仲係好熱，但入夜開始變涼，已經唔使點開冷氣，咁即係又到咗打邊爐食烤魚之類嘅季節喇食烤魚咁大陣象，嗌定大大杯嘢飲先啦！芒果汁係鮮榨，裡面全是芒果蓉，唔係落糖漿，所以唔會死甜，仲有百香果𠻹鹹柑桔超大粒，好容易篤爛，應該釀咗一排，好入味，胃弟忍唔住食埋粒柑桔烤魚嘅角色係有得選擇，大胃揀咗清江魚做主角，因為大陸通常都係用呢種魚個樣係恐怖啲，不過好新鮮，即劏即處理，煎完再上爐，零舍滑口饅頭炸得啱啱好脆，點埋煉奶簡直冇得彈涼粉好嫩口，大胃唔食得辣都忍唔住食咗半碟誠意同心機之作，真係值得介紹吓

一入到鋪頭入面好簡單好乾淨，重有一陣好香嘅烤魚味。打開餐牌佢地一共有六款唔同嘅口味，而且每隻味都可以選擇唔同嘅辣度。食得辣啲嘅重可以再加三十蚊轉毛血旺麻辣。咁我地今日就揀左微辣嘅酸菜烤魚，正當我地諗住等食嘅時候，老闆重同我地講有六款魚揀，比起平時出面好多嘅鋪頭都更加多嘅選擇，而且每條魚都係原條上。我地揀左條江團老闆同我地講即劏即整話要等多陣。咁係我地等緊嘅時候我老闆就同我地講話佢啲野全部都係新鮮運黎，酸菜就係四川直接運落黎，叫我地一陣試真啲。重話鋪頭叫源味就係希望做到原汁原味。過左一陣條魚黎到喇，都未擺低已經聞到好香嘅酸菜味，條魚好大條，一望已經見到好多肉。店員叫我地等多陣之後試啖湯先，咁我地緊係跟住做。啖湯好鲜，而且唔似出面嘅味精湯，唔會愈飲愈口渴，睇黎老闆講嘅新鮮運落黎係真架喎。飲完湯緊係試條魚，熟左之後啲肉自然甩出黎，啲肉實得黎唔會韌重要好新鮮。食落就知條魚真係真材實料。條魚都真係好大條，食完條魚兩個都飽咁濟，但我地又貪食嗌左幾碟配菜，分别係午餐肉，豆芽，娃娃菜重有萵苣。估唔到碟碟都好足份量啲菜重好爽添。最後老闆重介紹左兩杯招牌飲品比我地，分別係霸氣百香果同健康爽芒，話係用新鮮生

真的與朋友超久沒見面，因為我在澳洲買的手信足足兩個月都未給她，而她替我買的漫畫亦未給我，最後朋友前晚約我去她家附近的源味開元米線吃晚飯，順道交換東西。朋友說她之前跟她媽媽吃過這裡重慶酸辣湯薯粉蠻不錯的，這次她繼續嚐，重慶酸辣湯薯粉另加配豬大腸和炸醬。豬大腸處理乾淨，煮得入味，炸醬加入薯粉當中亦大大提升其風味。我同樣吃重慶酸辣湯薯粉，不過我所配選的配料主要吸收湯汁能力高，因為湯頭辣而不死酸，最適合吃豆卜，金針菇，牛柏葉與墨魚丸，墨魚丸極度彈牙，牛柏葉非常爽口，薯粉彈性十足。蒜泥白肉肥瘦相間，但一點油膩感也沒有，反而口感爽脆，蒜香盈滿口腔。白肉底下的青瓜十分爽口，跟白肉夾在一起吃倍添清新，令人胃口大開。源味口水雞醬汁些許麻辣，雞肉上頭撒滿大量花生粒提香和蔥花提香，雞肉頗為滑嫩，即使雞胸部位亦很細滑，口水雞給得大方，朋友挺推薦吃。川香水煮魚我們加錢轉了桂花魚，紅油，花椒，香料快炒，麻香帶勁，重現四川水煮魚滋味，湯裡大量薯粉，不怕吃不飽。桂花魚骨刺不多，魚肉細緻幼滑，我們愛不釋口。吃辣的不少得喝金桔鹹檸七，一整顆醃金桔和數片青檸在七喜飄浮，鹹鹹酸酸帶點甜，不單可解辣下火，那透心涼的冰感超級棒。

去開長沙灣，經過一間有四川風格裝修既鋪頭，聞到烤魚既香味，即刻流口水，毫不猶豫就入去試下。等野食既時候，發現店內既特色牆好有中國裝修既感覺，目測可能仲係人手畫既tim，好有心思！店員服務態度好好，我地無頭緒食咩好既時候主動同我地介紹唔同特色菜式，最後我地叫左酸菜蒜香烤魚，魚就揀左江團魚。條魚真係好大條、江團魚既特色就係啖啖肉！配埋個湯汁，帶出魚既鮮味。另外烤魚既配料都好豐富，蒜頭、黃金豆、豆腐、酸菜等等，數唔曬，飽到北行！有濃味既蒜香，老闆推薦我地試下招牌自家鮮榨飲品。「健康爽芒」，健康在佢係用芒果鮮榨出黎，唔係芒果味飲品，飲到芒果果肉，鐘意芒果既人唔好走寶啦。而「蜂蜜柚子茶」飲落去就清新啲，帶綠茶味，同韓國嗰啲完全唔同，我覺得好值得推介。老闆仲同我地講，啲蜂蜜真係蜂蜜，唔係平時係超級市場買嗰啲唔知有冇化學野既蜂蜜。除左烤魚之外，仲有米線、雞煲等等，今次飽得濟，下次要黎試下其他！

特別鍾意食d煙煙韌韌嘅野，最近唔少地方都開咗d專食四川涼皮，紅薯粉嘅餐廳，今日就黎咗呢間。有北川涼皮嘅，心心眼，不過以佢嘅厚度，覺得叫粉條更合適，同埋有少少失望，過厚嘅關係，食緊無味嘅粉團咁，再者唔多夠爽口彈牙。口水雞做得唔錯，個人同朋友唔太食得辣但都接受到，雞肉夠嫩，唔過老，分量幾多下。皮蛋外面夠凍同夠咬口，內裡有少少流心，食落幾甘香，停唔到口，朋友唔多鍾意皮蛋，我食曬yeah！紅燒肥腸內部清洗得幾乾淨，怕肥膩嘅朋友都唔洗驚，因為佢地都清走得7788喇，薯仔粒好香，啱啱送到黎時就覺得有陣薯仔雞翼味咁，最估佢唔到嘅係薯仔雖為配菜，但好入味好好食，成道菜都好惹味。最後緊係食返碗麵打個底啦，我地叫咗炸醬+牛腩+雞翼嘅牛骨湯紅薯粉，好飽足呀。

原本以為呢間餐廳淨係食米線，點知一入餐廳，幾乎坐滿人，見到枱枱唔是食緊雞煲就係食緊烤魚。見到咁受歡迎，店員推介鱸魚，因為佢比鯇魚少骨，所以我地就叫左一份酸菜蒜香烤鱸魚(微辣)（$268）。 佢唔有有酸菜味揀， 仲要香辣，豆花，泡椒等，辣度就由bb辣去到大辣。烤魚份量好足，上面仲有好多蒜頭、酸菜，所以個湯底好香蒜味，辣得黎又帶點酸，好開胃。老闆仲話條魚、蒜頭，辣椒等都係即叫即整，日日都新鮮運到黎架，所以條魚真係非常鮮甜，啲肉質又好滑，同埋相對上真係算少骨。味道方面，條魚好入味，酸味辣味個比例都啱啱好，唔會太辣又唔會太酸。同埋俾多$59就可以揀4款嘅烤魚配菜，所以我地仲叫左海帶，娃娃菜，年糕，烏冬。配菜份量都幾多，兩個人就未必食得曬。啲菜好新鮮同好易入味，酸酸辣辣，好正！最後放入烏冬，吸曬啲精華，超滿足！ 野飲方面，健康爽芒，霸氣百香果，金桔鹹檸七都係佢地嘅招牌，大家下次黎可以試下啦。...

咁岩個朋友在長沙灣收工, 我地就相約果邊附近搵食啦, 然後大家都想話食米線之類, 就只稔到三哥, 都冇特別上網搵, 就沿青山道行行下見到這家似新開冇耐的 "源味開元米線" 都係米線喎.只望個店門口都有張貼哂佢地既主打餸菜, 都幾符合岩我地的口味, 就稔住不如試下新野啦~😋店員服務態度好好, 安排左一邊冇咁凍既卡位比我地. 放低完menu都有講如果稔唔到可以叫佢地幫手推介 ^^咁新手黎幫襯都要睇下有什麼好西, 第一印象好緊要.見佢都有三款menu既, 分別係米線 / 炒小菜粉麵 / 烤魚因為我地一早已經定左係想食米線, 所以烤魚我地先放棄, 就決定米線+小食+炒菜.- 紅油豬耳切得好薄, 好易入口, 爽口彈牙, 辣度我完全接受到, 我朋友就可能冇我食得咁辣, 但佢都話比出面一d店做得好, 因為係佢豬耳本身爽彈😌- 源味口水雞係佢店推介之一, 就算唔係佢推介我地都打算必點 😛 佢地做法同出面唔同, 有張雞件切成片狀, 唔會太多骨頭部位, 同埋雞肉係用土雞 (即係有點似火雞肉), 辣度比豬耳少, 如果用黎餸飯都好夾😋- 川湘小炒肉睇落最多辣椒炒既一道菜, 但其實最冇辣度, 所以算係bb辣等

相信好多朋友仔翻大陸會特登走去食川菜，只因大陸既川菜又平又正宗。但其實係香港都有好多唔錯既選擇。今次黎食呢間睇個名係食米線既，但除左米線之外，呢到其實有好多好食既川菜食，例如烤魚、酸菜魚、水煮牛肉等等。豆花烤魚（$268）要左海鱸魚因為呢種魚多肉少骨，而且店家用料新鮮，魚肉鮮甜沒有腥味。平時唔係好食得辣既我食左微辣，入到口有少少麻但又辣得幾過癮，雖然有辣味，但係依然可以食到豆花既清甜。而且豆花份量好多，真係唔洗叫飯都飽。川北涼粉（$28）我冇特別要求辣度，呢道既涼粉係酸辣麻既，配以超級滑溜既涼粉可以做一個開胃菜。但係由於我唔食得太辣，我下次食會要求翻小辣再挑戰自己，慢慢加辣。五餸蕃薯粉（$49）蕃薯粉亦都是十分滑溜，配清湯岩岩好緩解左岩岩食魚同涼粉既辣，再食埋處理得好好冇異味既大腸同牛腩，呢餐十分滿足。總結一下，如果有朋友仔想食正宗川菜我都推薦黎呢到。

今日路過見到開咗間新嘅川菜館 即管入去試一試一見到飲品menu 就覺得有特色 經過老闆介紹 知道佢嘅五穀雜糧豆漿 係自己新鮮即磨而成嘅 就叫左杯嚟飲 想到枱見到係好靚嘅紫色 先知原來仲落咗紫薯 老闆仲畀咗一包 佢哋磨豆漿嘅原料我睇 真係好多種類 感覺真材實料 新鮮得來仲要唔係太甜 味道不錯主菜方面 我叫咗個清湯手工麵 配牛丸雞翼 勝瓜 用料新鮮嘅 個湯都好清 用咗牛骨嚟煲 面亦都好彈口 係佢哋自己師傅拉嘅 覺得佢哋好有心 唔錯唔錯然後阿媽叫咗個重慶酸辣米線 配牛腩豬潤芽菜 呢個食得出好正宗嘅麻辣 雖然辣度好辛苦 但其實又好爽 覺得自己有少少變態 哈哈我哋亦都叫咗幾款小食 包括口水雞 佢哋係用新鮮雞整嘅 仲有夫妻肺片 老闆亦都好好咁教我哋要撈勻嚟食 呢兩款又係麻麻辣辣咁 好惹味 總體嚟講 嘢食唔錯 係一間有心經營嘅小店 支持哦

去深水埗覓食，這家「源味開元米線」，原來不止食米線咁簡單！仲有招牌手工麵、烤魚、雞煲，冇加一，抵食又好味！最推介手工麵($26麵底,可自選湯底加$1,和加配菜) ，是廚師每天手做， 食落麵質煙韌彈牙，比起上海麵、日本拉麵的口感都要好，麵條不會發水，又能吸收湯底味道。試了牛骨湯配手工麵，味道真的一流！真的要大力推介！本來很喜歡食米線，今晚食過手工麵，一試難忘！以後想食湯粉麵，一定會來「源味」！ 另外還是試了蕃茄湯底米線， 哈哈，不吃飯，就點粉麵配小菜，很有四川風味吧！蕃茄湯味道不算濃，是用新鮮蕃茄淆製而成的，吃得出的番茄香，不會太酸但又健康的湯底。米線滑嘟嘟的，吸收了蕃茄湯的酸甜味道，吃得很開胃。跟餐加$6的飲品，選了凍檸茶，這裏的檸茶十分清香，原來茶底是即沖的新鮮紅茶，所以茶味特別香，檸檬增加酸酸的味道，食辣嘢的話可以幫助清新口腔，而且很消暑。廚師是地道四川人， 煮的川菜特別正宗，源味口水雞($42) ，非常入味！不是青瓜絲墊底，而是以洋蔥墊底，與麻辣紅油拌好再吃，超香！點了小辣，味道剛好，洋蔥的揮發性香味，其實食落味道是甜甜的。口水雞薄切還是第一次見，非常入味，原來四川正宗食法是這樣

大熱天時胃口麻麻，好想食些酸味刺激味蕾，這間米線店，主要以川菜為主，晚市還有烤魚及雞煲供應，價錢都是二百多元，兩個人食魚都食飽。食烤魚點都要叫返支啤酒降下火啦! $28大支裝青島都唔算貴。酸菜蒜香烤鯇魚半條鯇魚比我手掌至前臂還要長，鯇魚煎至半熟後才放入烤盤，所以魚皮呈金黃色，而且保持到魚肉結實，不會煮一陣就散。鯇魚肉肉質雪白，即叫即劏，所以都要等三幾個字才上枱，魚肉保持嫩滑，酸菜味刺激味蕾，不分開胃。雞翼、手工牛丸、豬大腸米線配雞湯雞湯真是用了雞件去熬製，湯底有雞肉鮮甜，米線爽口不易腍，牛丸彈牙，大腸又炆到很腍，但雞翼就比較瘦弱。

今日放工決定做下24孝，帶媽媽去食四川菜 我地去左位於長沙灣既源味開元米線，店舖好有特色，有好多中國特色既畫在牆上，好多中國風既元素😎 我地因為食量唔太大，所以只係叫左一條微辣既海鱸魚 (酸菜蒜香烤魚) ， 配菜就要左 年糕，娃娃菜，豆卜同蓮藕😝配菜份量都幾多，兩個人真係未必得哂 放左娃娃菜同豆卜慢慢煮 真係超入味 食到酸酸辣辣 好過瘾 而條海鱸魚都好好食 肉質好鮮甜 但都偏多骨既一種魚 所以食既時候要小心啲 而魚既湯底方面 用料十足 調味調得剛剛好 好濃郁😍😍 因為佢係會越煮越辣，對我地黎講真係有小小辣，所以我地叫左一杯佢地既特飲 健康爽芒。係百香果同芒果混埋一齊，百香果既味會比較突出 兩種水果都係甜既 所以好適合解辣 好match 好好飲😋😋

行過長沙灣，見到哩間新鋪頭，惗住就腳試下，點知有驚喜發現。雖然鋪頭名叫源味開元米線，但除左米線，仲有烤魚、川菜。我見到隔離台點左烤魚，睇上去都好吸引。不過我朋友唔鐘意食魚，我地就點左菜。功夫毛血旺毛血旺其實係重慶既特色菜，以麻辣為主，入面既料有鴨血、牛柏葉、魷魚、午餐肉、芽菜等等既配菜一起煮，一次可以食好多唔同既配菜，非常豐富，滿足我貪心既胃口。牛柏葉切成絲，好考功夫，同埋我估係為左入味D。仲有鴨血真係好好味！好嫩好滑~久唔久都會食辣既我，發現哩個辣味未係香港食過。加上以前有去過四川玩，覺得哩間既辣，比較正宗，亦都比較辣既，想挑戰既朋友，都係由小辣挑戰起好D  清炒萵筍絲萵筍絲青翠碧綠，好爽口清新，好味又可以清下辣味。口水雞造型好特別，個碟好可愛~口水雞都唔錯，雞肉幾滑，又唔會係肥雞（好怕D雞好肥，哈哈）口水雞係無毛血旺咁辣既霸氣百香果哩杯真係好好飲！朋友俾我試左啖，好多果肉，唔係得個名霸氣，分量真係好足！老闆介紹俾我地聽，哩杯飲品係真果肉打既，難怪果味真係好濃，推薦！健康檸檬茶然後我問老闆，點解哩杯既名堂係健康檸檬茶。佢笑答因為佢地既茶底比較特別，係用茶葉自己拉既。我認真品下哩杯茶，