漁品酸菜魚火鍋放題 (已結業)

禁晚市堂食之久，恢復堂食後，不禁要與朋友火鍋放題，慰勞一下自己寡而無味的味蕾。朋友沙田區上班，發現大圍有酸菜魚火鍋放題，狂呼抵食， 星期四晚帶我到這裏狂歡一下 ，一於齊齊大吃特吃。入內發現餐廳座位寬敞闊落，絕不逼夾 ，而且某些座位更富有特色。侍應招呼我們入座後立即介紹 火鍋放題美食，先上四款指定前菜小食， 再上六款刺身，之後可選擇魚鍋 -  酸菜魚或水煮魚，不吃魚者可另選雞煲，為厭魚者提供多一個選擇。 吃完魚鍋後，選擇火鍋湯底，隨即附上一客深海郵輪(海鮮拼盤)、牛肉豬肉及其他蔬菜丸類炸物配料，開始火鍋之旅牛肉豬肉及蔬菜丸類配料任食。四款小食包括麻香雞腳，話梅苦瓜，避風塘魚柳及黑松露蝦多士。當中不得不吃松露蝦多士香脆可口之餘，酥皮不會太厚太油膩，而且裏面蝦膠彈牙滋味。六品刺身份量及色澤可觀 有帶子、生蠔、北寄貝、油甘魚、生蝦還有大眾喜愛的的海膽。刺身大部分都很新鮮，特別是帶子及油甘魚 刺身 厚切， 帶子原粒飽滿，油金魚油香肥美， 厚身且爽口彈牙。生蝦新鮮，肉質鮮甜沒腥味， 重頭戲海膽鮮甜無比， creamy的口感加上 香甜之味， 震動口腔 每一寸神經。海膽萬歲。酸菜魚酸甜而不辣， 魚片分

呢間既放題真係物超所值一個價錢，可以食盡3樣嘢刺身+酸菜魚+火鍋價錢每位$275，仲可以+$10任飲draft beer唔飲啤酒既，可以飲梅酒、白酒，呢啲酒唔駛加錢添6款刺身啲刺身一啲都唔hea有海膽、生蠔、牡丹蝦、帶子、北寄貝、油甘魚全部有樣之餘，仲有內涵架味道夠鮮甜，真心好味4小碟蝦多士好有驚喜相信蝦膠係自家製的，口感夠爽彈酸菜魚至於酸菜魚，個人覺得酸&辣既味道唔太夠！不過值得欣賞嘅係魚塊夠滑而且啖啖肉，唔會有好多骨！其實食完個酸菜魚，我哋已經飽左70%了😂😂最後再黎埋個「胡椒豬肚」火鍋！一開始胡椒味唔太夠，味道偏淡，不過越滾越出味胡椒味夠香肥牛&豬肉片好靚，雪花分佈得岩岩好食落完全唔會好肥膩，而且肉質都好軟腍個海鮮拼盤都好新鮮，青口仲郁架仲有我最愛既沙白食落鮮甜味十足墨魚丸、蝦丸、韮菜餃都係自家製墨魚丸&蝦丸食落都超級爽彈，中間仲有墨魚粒，好有口感韮菜餃都唔錯，中間既韮菜好澎湃食完呢個放題，起碼重幾磅

$275真係超級抵勁多嘢食一去到就已經有四款小食。我覺得黑松露蝦多士好食，因為黑松露味好香，蝦多士即炸好脆；魚角都幾彈牙；麻香雞腳有麻辣香味，都幾辣；仲有筍。刺身拼盤相當豐富，有生蠔🦪、帶子、三文魚、蝦及油甘魚，味道都幾新鮮。食完之後可以揀雞煲或酸菜魚，我哋揀咗酸菜魚微辣。魚塊夠滑，酸酸辣辣。之後就揀火鍋湯底打邊爐。揀咗牛骨湯，有魚肚、杞子、蟲草花等，好足料。先來海鮮拼盤：啲蝦仲郁，非常新鮮。仲有扇貝、鮑魚、青口。其他火鍋配料任點任食，有牛有豬，丸餃、蔬菜🥬。自助區任飲、仲有甜品。超抵食！

身為一個沙田人 得知大圍新開放題$275一位 任飲任食冇理由唔去試吓啦由火車站行過去都只係幾分鍾超方便🔸白酒、梅酒、啤酒、飲品好少地方連酒都係任飲架，飲住嚟食真係好爽！🔸航空刺身刺身絕對正！有肥美又creamy 嘅生蠔🦪、好厚好甜嘅帶子、好新鮮嘅海膽，仲帶大隻牡丹蝦、三文魚... 全部都好新鮮好好食！🔸肥仔小食有麻辣鳳爪、話梅鴛鴦苦瓜、黑松露蝦多士、泰式魚片頭。當中我最鍾意係蝦多士，炸得好脆又唔油，蝦嘅比例都好多，足料好食！麻辣鳳爪夠辣又入味！🔸酸菜魚/水煮魚/火焰醬爆鑊仔雞我哋試咗酸菜魚同水煮魚，魚好嫩滑冇骨，麻辣味好香，酸菜魚微辣，唔識得辣嘅人都會食到，水煮魚相對就濃味啲。湯底下仲有啲寬粉，吸哂啲湯汁，正！🔸深海郵輪有幾款肥美海鮮火鍋配料，包括：鮑魚、蝦、扇貝、青口、花甲，每一款都好新鮮彈牙，讚！🔸火鍋湯底可選胡椒豬肚/菌香牛骨湯我哋揀左胡椒豬肚湯底，味道都幾清甜，而且湯底內有唔少新鮮嘅豬肚同豬粉腸，內臟處理得好好，無腥味，豬粉腸好軟好好食😋。▪️靚牛肉/豬肉▪️炸響鈴、炸魚皮、炸芋頭▪手打️丸/餃子▪️蔬菜雖然係任食但係啲牛同豬都係靚肉，食落好鬆軟！另外炸響鈴係自家製，又厚又脆，超好食！

魚生刺身，酸菜魚，火鍋放題，三款一次過食到，真係超正😚。 首先未開始進食前先上一煱熱水供餐具清潔，非常衞生，食得安心。 四小碟出場，特別喜歡黑松露蝦多士，蝦膠彈牙多士夠鬆脆配埋松露沙醬，香味非常，麻辣雞腳，辣一辣味蕾，夠醒神。 再上六款刺生(生蠔，油甘魚，帶子，三文魚， 北寄貝，甜蝦)，非常吸睛，十分鮮味。 跟住大大窩酸菜魚，窩裡除了有嫩滑魚肉及辣味十足酸莱外，還有水晶粉及魚腐。 中場飲樽冰糖燕窩潤一潤先，到呢刻肚子已感覺有小小飽添😛。 最後上埋火鍋，以芫茜皮蛋做湯底，火鍋配料無限任點，有豬，牛，蔬菜拼盤，响鈴，芋頭， 韭菜餃，墨魚丸， 蝦丸及魚皮餃； 至於海鮮類，只限一次， 當中有大蝦，鮑魚，帶子，墨魚，扇貝和沙白，食材夠新鮮，真係無得輸，食到肚突突😋😋😋。 還有大量飲品款式任擇，甜品有杯裝雪糕，5款味道任揀，我擇至愛的沖繩海鹽雪糕。 今餐真係好食又抵食，侍應招呼又好，超讚!

今日到大圍探朋友，同朋友一齊來到一間食水煮魚及雞煲放題的酸菜魚火鍋放題，現在疫情穩定，已開放晚市，上到餐廳見到差不多滿座，非常多人。放題除海鮮船及刺身不可任食外，其他全部包括飲品可以放題任飲任食。坐下后，先上枱的是肥仔4小吃及航空六刺身。肥仔4小吃有麻香黑雞腳，話梅鴛鴦苦瓜 、避風塘魚柳、 黑鬆露蝦多士。 麻香黑雞腳醃得入味，麻香帶小辣又爽口。避風塘魚柳， 口感又軟又滑，啖啖肉。黑鬆露蝦多士，入口還帶暖， 很香黑鬆露味道 外脆內彈牙， 好味！航空六刺身(非任食)刺身有 海膽、北寄貝、生蠔、甜蝦 、帶子及油甘魚。剌身上枱見到還以為去了日本餐廳食刺身，各類海鮮顏色亮麗，新鮮又鮮味，正…！第1款任食 有:水煮魚、酸菜魚及火焰醬爆鑊仔雞。我要了個水煮魚，水煮魚上枱后，原來很大盤，面除了有魚片之外，還有娃娃菜、金菇、寬粉條……等，是真正的川菜味道，魚肉麻辣香滑。食完四小碟及水煮魚，開始食火鍋， 湯底有 胡椒豬肚湯底、回香牛骨湯、參鬚雞湯…等湯底。我揀了個參鬚湯底，裏面有很多參鬚、 紅棗杞子及雞，令湯底非常清甜好味，當真夠滋補的，我們各人都飲了一碗有多。火鍋配料非常豐富深海郵輪(非任食)有鮑魚、

平常經常吃日式放題😔到底有沒有一些新意？🤔早前小編發現在大圍有酸菜魚火鍋放題😍不僅有提供任食酸菜魚，小吃、飲品、火鍋配料一律任飲任食😚如果喜歡刺身的朋友也不用擔心，餐廳會附有刺身拼盤，滿足客人需要🙈#黑松露蝦多士四小吃中的其中一種，剛剛炸好的蝦多士😍外層炸粉不厚，蝦肉彈牙而且濃郁😋黑松露和沙律醬提升了整塊蝦多士的味道‼️小編無限添食了最少6塊蝦多士🤣🙈（小吃款式有機會改變，詳情請向店舖查詢）味道小評分：😋😋😋😋😋/5#航空六刺身包括了海膽、油甘魚、刺身蝦、帶子、生蠔和北寄貝😚但刺身並不設無限任食😢海膽和刺身蝦也十分新鮮～不過油甘魚和帶子退冰時間不較，所以吃下去冰感較重😟味道小評分：😋😋😋😋/5#酸菜魚店舖提供了三款選擇，包括水煮魚、酸菜魚和火焰醬爆鑊仔雞，不過來到主打酸菜魚的餐廳，當然要嚐嚐酸菜魚😋超大鍋的酸菜魚😱魚肉鮮嫩沒有太多骨，酸度適中～底部更有必備的寬粉🤩由於太大鍋的關係，小編並沒有再點另外兩款😢味道小評分：😋😋😋😋/5#胡椒豬肚湯底店舖提供了兩款不同湯底，包括胡椒豬肚湯底和菌香牛骨湯🤪不過豬肚湯底味道屬於「死鹹」🙁，鮮味欠奉，而胡椒味道也偏淡，對湯底頗失望🙍味道小評分：😋😋/5

真心超級抵，除了刺身和海鮮外，其他都係任飲食（雖然我哋無再加任何嘢）但已經好飽～有酸菜魚係亮點，個刺身係冇揸流攤👍🏻啤酒都係任飲～全程播放着我年代的真正流行曲💞

入左大圍揾朋友食飯黎左呢間漁品😎裝修睇落應該係比較新既餐廳，而佢既放題都好新穎，未試過有咁多主菜食既放題 😀刺身😀 刺身有六款既，居然有好少會送既海膽，生蠔食落都有海水味，最好食就係生蝦，好鮮甜 ☺️深海郵輪☺️ 平時任食邊爐好少會有既海鮮呢度都有提供，不過就係一次性既，有唔同既貝殼類同蝦，貝殼一定要滾到開殼先好食，蝦就變紅就食得  😆火燄醬爆鑊仔雞😆 放心份量唔會好多，醬汁好惹味，如果有得送飯食會更好 😋肉類😋 豬牛都係任食，但其實有咁多野上都食唔到好多碟，雖然係任食都唔會過份低質，都係肥瘦均勻，但佢上個陣係牛同豬放埋一碟，記得分清豬肉要淥耐d 😎肥仔四小食😎 四個小食入面最好食係蝦多士炸得好香脆，加埋黑松露好香口 😗菌香牛骨湯😗 個湯底好濃，仲有好多料係入面，唔會得個湯佢仲要有花膠係湯入面勁滋補丫 另外仲有丸餃類蔬菜類響鈴炸魚皮…. 當然唔少得任飲飲品同任食雪糕，朱古力雪糕好濃好食  埋單一人＄275係任飲任食到勁飽，仲要其實有水煮魚都冇叫到因為覺得食唔哂，環境都乾淨，唔係出面自己拎野食係自己一次過上哂都幾方便😊 

呢一日放假，陪男朋友嚟還神。還完神就去揾嘢食。.個日去到大圍先4點左右，本身要食另一間但時間又好似有啲晏，驚會收舖所以決定轉場。咁啱經過呢間，男友話有youtuber 介紹過就決定試下佢。.老實講由上樓梯到餐廳門口，都有一種好似番左大陸嘅感覺。不論係環境，味道，擺設，都係滿滿的大陸味😂.一坐低工作人員會放一個煲，係用嚟煮餐具既，然後就會問你係咪7點半前走。因為7點半前走，一個人只係199。我地去果日仲要係平日唔洗加一。.Menu入面有1-7,除咗個刺身同海鮮其他都冇限叫，冇時間限制，總之你7點半前走就199/人，7點半後就原價279一個人。.之後會問你水煮魚酸菜魚同鑊仔雞要邊個，我哋要左酸菜魚同個雞，老老實實酸菜魚個湯超好飲👍🏻👍🏻我哋直接用個湯嚟打邊爐，正👍🏻.嗌完就直接上左個刺身同小食。刺身普通平價任食貨，小食最好食係個黑松露多士，其他都係街市貨既朋友。湯底嗌左胡椒豬肚湯，但嚟到既時候，個湯底係2個湯底既料都有😂😂都唔知有冇嗌錯😂😂不過個湯底麻麻，後來用就酸菜魚個湯嚟邊爐😅😅.總結嚟講d野都算可以接受嘅，但真係唔好太高要求。199食到咁多嘢真心冇得輸架啦！而我覺得最需要改善嘅地方，

最近愛上左食辣野，突然俾我地發現呢間好特別既火鍋。行大圍，去到積信街見到呢個大大既招牌，俾佢吸引左，望多兩望發現原來係任食火鍋！唔只咁簡單，仲有任食酸菜魚/水煮魚，非常之吸引，即刻入去食啦。上面地方超大，位置又夠闊，坐得好舒服，人流超多，我地上去個時已經坐到滿曬，好彩我地兩個，比較容易等位。坐低就開始煲水洗野，枱上都會放滿消毒既野，非常安心！跟住就開始一步一步既食物上菜啦！！我地選擇左酸菜魚，辣道岩岩好，唔會太過辣，魚肉超厚超滑，夠曬兩個人食。食完酸菜魚就可以叫店員換個煲湯開始打邊爐啦！首先打邊爐之前會有刺身船，款式超多，仲有生蠔呢Ｄ貴價既刺身，三文魚又厚又大片，大紅蝦超大隻又鮮甜，仲有新鮮海膽，個下回甘既甜味真係好正！好快火鍋湯底就黎到啦，跟住就可以開始叫佢任食既食材，肥牛夠薄，肥瘦均勻！豬肉片唔會老，雜菜盤款式多，仲有皇帝菜，超好味。另外仲有好多小食，炸野真係唔差，金黃色，外脆內熱，值得推介！

掛住食 😅 啲相影衰左都冇留意添想講199包加一嘅放題包任飲本身已經好抵佢仲要可以由十二點半食到七點半 好瘋狂//首先一去到就送個刺身拼盤 刺身得一輪但佢質素唔錯尤其是係原隻帶子好厚好甜生蠔亦都有海水味 都幾有肉 😍//之後就係一輪熟食小吃黑松露醬蝦多士特別好食 雖然唔係話食到好多蝦肉但都炸得好好我都食左兩次 🤗🤗//之後食完水煮魚仲可以食埋酸菜魚先打邊爐魚片較薄 魚味少 但係滑 魚腐就最好食邊爐都係配料任叫 除左海鮮 淨係叫得一輪果到都有一隻鮑魚可以食 😚//Overall黎講 我覺得我會再去 🤣🤣

以前同朋友經常去大圍打邊爐，自從執咗之後就無再去過了，最近聽朋友話同一個位置開咗間超抵食嘅火煱夜題，見今晚涼涼地就同男朋友去試下。入座安排十分好，一開始就會介紹清楚放題嘅流程、任食項目等等，之後先來一盤熱水清洗食具，係依家咁注重衛生嘅前題下，呢個真係加分，保證食得安心先。呢度個放題好特別，由頭食到尾有八個items，就好似玩過關遊戲咁順住落，當中有啲items只可以食一次，其餘就任叫。1. 肥仔四小吃首先有小食，麻香黑雞腳、話梅鴛鴦苦瓜、避風塘魚柳、黑松露蝦多士，每碟都係少少份量先開胃，最鍾意係黑松露蝦多士，食到入面係真材實料有蝦肉，唔似出面買嘅冷藏貨。2. 航空六刺食一開始以為食火煱放題，刺身只係搭單，估唔到都係高質素，每一樣都好新鮮，特別係三文魚厚切肥美，帶子鮮甜，不過只可以叫一次不可以任食。3. 酸菜魚 / 水煮魚 / 火焰醬爆鑊仔雞任食items，但係第一次嚟嘅份量已經好大份，我地叫咗酸菜魚。魚肉嫩滑，湯底清甜，豆卜同菜完全入味，好開胃，加上湯底仲有水晶粉，絕對不馬虎，食完都已經有啲飽。之後我地仲試咗鑊仔雞，又係足料份量，醬汁惹味，雞件嫩滑，好有鑊氣!!4. 胡椒豬肚湯之後就到

係大圍見新開睇啲廣告好似ok又想試下酸菜魚就上去試下喇..坐低左覺得成間野個氛圍好奇怪（可能好少人既關係）正常時段入加埋一 一個人收你三百除左一開頭個刺身唔錯之外後尾叫左酸菜魚同牛骨湯邊爐都係淡到爆無味湯底完全唔得啲邊爐料都幾不滯，牛無牛味啲餃煮兩煮又爛唒，丸又頹正常一間百幾既火鍋放題已經好食過佢好多..啲服務又差一開始上小菜倒瀉左一碟又無換返俾我地隔離枱食到一半走埋唔食點解咁無誠意可以收人三百蚊一位呢？完全理解唔到覺得係俾人呃錢利申；好少嬲到要打食評

走上兩條樓梯便到餐廳，樓梯轉角位置有梳化，方便等位。門口有消毒酒精提供，枱與枱之間有板隔住，雖然打邊爐時會有蒸氣，但感覺抽風正常，不會覺得整間餐廳煙霧彌漫。先來的前菜有泰式鳳爪、話梅鴛鴦苦瓜、黑松露蝦多士及炸豆腐。鳳爪比較辣及爽身，苦瓜酸中帶苦甜。蝦多士及炸豆腐都炸得香脆，加上沙律醬、泰式辣醬，十分惹味。航空六刺身本來疫情期間都比較少吃刺身，但刺身放得好吸引，我們也忍不住口。帶子刺身是原隻帆立貝，好大隻厚身，放在冰粒上夠冰凍，味道鮮甜。生蠔超冰凍，新鮮大隻，口感較薄。海膽用紫菜包住吃，海膽都有兩三片，好抵食。食刺身時記得要跟店員落下一道菜，這樣便可一道菜緊接一道菜。酸菜魚酸菜魚上枱時，店員以細火加熱，可讓肉質不會煮得太老，魚肉質嫩滑，有些細骨，湯底有水晶粉，兩個人食已經快食飽了。菌香牛骨湯牛骨湯有好香的菇菌味道，湯底好清又多料。配料有牛肉、豬肉、魚滑、響鈴、蔬菜籃等。響鈴好脆，牛肉味濃郁油脂少。深海遊輪海鮮拼盤有鮑魚、蜆、青口、帶子及蝦。所有海鮮都好新鮮，像市場直送般，鮑魚煮得耐都不會過老，蜆肉鮮甜，帶子的腸部都洗乾淨了，青口好巨型，可惜不能再添食。最後還有雪糕杯，有咖啡味、芒果、雲呢