潮盛館

营业中

休息中

這間是新開的潮洲餐廳，朋友有天經過附近發現了，見新開張有85折同免加一，就約了我一起來試一試，因為朋友是潮州人，陪陪她感受家鄉味道。 醉香鴨舌（$88）:擺盤非常美觀，鴨舌吸收了酒味，酒味不會過重，更能吃到酒清香味，很美味，鴨舌嫩滑，很容易吃。 柚子蜜蝦球（$158）:蝦球大大粒，外面包著炸粉，面頭淋上柚子肉和柚子汁，非常美觀。蝦肉有鮮味，爽口彈牙，酸甜適中，柚子很清香，很配搭，炸過的蝦球脆口亦很香。 姬茸菇螺頭燉花膠（$88）:非常喜歡喝中湯的我，這個真的很真材實料，又夠熱。姬茸菇、螺頭和花膠燉煮在一起，湯清徹得來非常濃郁，又鮮甜，裡邊的豬肉亦吸收了湯味，花膠亦很大塊，非常足料。 鵝片拼盆 三拼 元蹄 墨魚（$248）:來潮州餐廳必點滷水拼盆，份量都很多，鵝肉片又香又嫩、元蹄切成薄片又入味，墨魚鮮嫩彈牙，底部亦有豆腐吸收了滷水汁，亦配搭潮式醋點來吃很滋味。餐廳座位舒適，擺盤精緻美觀，食物種類多，是適合聚會的好地方。

Signature drunken platter 潮盛招牌醉香拼盤 $398餐廳招牌嘅潮盛招牌醉香拼盤確實非常高質，裏面有原隻嘅潮盛特色醉乳鴿🪿、两隻酒香鮑魚🦪同埋半份醉香鵝肝😍，醃製得好入味，而且充滿淡淡酒香🍶，值得推介Marinated egg 🍳 糖心皮蛋 $58呢一款糖心皮蛋小食性價比好高🥚，一碟大概有兩隻鴨蛋，面頭加上香噴噴嘅芫荽🌿，確實唔錯啊！Tofu, black fungus and green soybean in nature vinegar 陳醋素雞雲耳毛豆 $68簡簡單單嘅陳醋素雞雲耳毛豆係個素食者都啱嘅appetiser，裏面有大量毛豆、抗癌嘅雲耳同埋沈得好入味嘅素雞粒🍗，味道酸酸地夠晒開胃👍🏻Stewed fish maw with blaze mushroom and conch 姬茸茹螺頭燉花膠 $88即叫即燉嘅呢盅姬茸茹螺頭燉花膠燉湯真係好高質，裏面有足料嘅姬茸菇🍄‍🟫、一兩嚿滋補養顏嘅花膠同埋響螺頭🐚，夠晒滋潤，味道又天然同埋清甜😋Fish maw conch in melon broth 花膠螺頭爵士湯 $88裏面有南瓜🎃、花膠同埋螺頭嘅花膠螺頭

放工想找地方聚一聚就去這間由兒時開始吃到大的日式料理店,今日發現多了潮州菜。潮盛招牌醉香拼盤,鵝肝質地爽口嫩滑,酒味香濃;鮑魚色澤均勻,口感Q彈,味道有鹹鮮味;鴿肉帶點咬口,酒的味道很入味。鵝片拼盤墨魚拼大腸,大廚的刀工很好,鵝片切得薄身,入口有點點融化的口感,肉面積比較大很索汁;墨魚軟滑可口,味道很鮮;大腸肉質Q彈,味道濃郁。潮盛拔絲咕嚕肉,咕嚕肉炸皮薄,肉質軟嫩,真的做到有拔絲效果,味道甜美,菠蘿青甜沒有渣。潮盛酸菜原條桂花魚,酸菜魚湯頭清不會油膩,味道酸辣使人很開胃,桂花魚新鮮而且已經起肉沒有骨方便進食,萵筍切得薄很入味而且爽口。味道: 值得一試環境: 乾淨企理衛生: 整潔服務: 尚可價錢: 超值份量足

公司附近新開了一間潮州餐廳一直都好想試，今日終於有時間去試下，入到餐廳環境寬敞，餐牌上的菜式都好吸引。黑松露金沙蝦多士- 賣相吸引，金黃色的多士再配以秘製的黑松露醬,味道濃郁香口，口感不錯。椒絲腐乳炒通菜- 通菜嫩嫩綠綠，入口爽脆，加入椒絲腐乳，辣辣地好惹味，配白飯一流。潮盛滷水鵝片- 鵝肉經過滷製,有入口即化感覺而且帶有滷汁的香氣，肉質的都好鮮嫩。豉椒炒鵝腸- 鵝腸與豆豉和辣椒炒拌,既有鵝腸的彈牙口感,又融入了豆豉的鹹香和辣椒的辣味,味道十足又有鑊氣福果胡椒豬肚湯- 以豬肚為主材,加入胡椒和福果,有微辣嘅感覺，酸菜炆得好淋，酸酸辣辣飲完好暖胃，令人回味無窮。

喺觀塘開業多年嘅大リ日本料理同鋪位分拆出潮州私房菜潮盛館用左顏色皇室藍去作分野而且有面大窗可以睇到滷味令人更有食欲餐牌係大路潮州菜同時有啲更矜貴食材例如魚翅同新鮮海鮮需要提早預訂揀好食乜就用QR code落單姫茸菇螺頭燉花膠燉湯足料湯頭入口鮮甜滿滿膠質潮盛特色醉乳鴿醉乳鴿上枱時大家真係有被驚豔到！乳鴿本小但竟然可以片出咁多肉擺盤精美造型有心思睇得出係心機之作👍乳鴿肉嫩入味酒香酒味濃郁好食抵食！潮盛炸蠔餅蠔餅既酥且脆挺身不鬆散食得出鴨蛋鮮香蠔仔肥滋滋蘸魚露鹹鮮滋味共冶⼀爐方魚肉碎粥方魚好香😍粥面上係脆米所以同潮州粥係兩款口感特別又好味

今晚去觀塘潮盛館食潮州菜。鵝片拼盤（雙拼）同鵝腸 $228鵝片肉質鮮嫩，鵝腸滷得入味，爽脆彈牙，食落口感一流。 潮盛拔絲咕嚕肉 $138外層脆脆的，內裏嘅豬肉嫩滑，酸甜醬汁均勻包裹住每一件肉，唔會太膩，真係令人停唔到口，個菠蘿先係重點，酸甜適中爆晒汁，正。 方魚肉碎粥 $108本身想要蠔仔粥，可惜沽清，所以揀了另一款。粥唔係綿密個種，係潮式仲有粒粒米飯的一種，方魚嘅鮮味完全滲入粥度，再加上肉碎嘅香味，朋友都話呢個粥好有層次感，幾好食。 鹽香海蜇手撕雞(半隻) $118海蜇脆口，雞肉嫩滑，鹽香味道剛剛好，唔會太鹹，配埋啲芫茜，清新又開胃。下次會再嚟試下其他菜式！

雖然立咗秋，但天口仲係好熱等咗咁耐嘅打冷都等唔切，去觀塘呢間由日本料理老細開嘅潮州菜開返個秋天頭先嚟打冷當然要食滷水鵝，食唔晒可以嗌例牌雙拼，拼墨魚都好大份鵝件肉質好滑，入晒滷香。墨魚亦好白滑，底下仲有好幾塊大片豆腐除咗滷味，仲有醉香菜式必食，醉鵝肝釀得非常有酒香，入口即化至於醉鴨舌，啖啖肉好膠好彈，勁香酒味炸蠔餅都係潮州菜必食景點，呢間炸到好似pizza咁齊緝緝裡面嘅蠔肉極之大嚿，每啖都咬到蠔肉金沙鮮魷都幾抵嗌，成座山咁多，每嚿都炸得好大份，勁多魷魚肉而且外面真係好有鹹蛋黃香氣，脆脆地幾有鑊氣除咗滷水豆腐，金磚豆腐都不遑多讓，幾十蚊又有成座山咁多，粒粒都大嚿，外脆內嫩，七味粉都好均勻食咗咁多肉，當然要清清地食個菜煲，如果唔知食咩菜好，揀呢個雜菜煲都幾好，乜菜都有，仲有啲蝦乾等海味食個菜飲吓鐵觀音清清腸胃，茶水都幾消香消滯

朋友帶路去食一間主打潮州菜！原來呢間餐廳係由新蒲崗開到嚟觀塘，怪不得好似開左唔係好耐都有咁多人‼️呢個係精品潮州菜，啲擺盤好靚「潮盛招牌醉香拼盤」呢個拼盤有醉鮑魚、醉鴿、醉鵝肝~~醉鵝肝真係第一次食，入口好綿滑，並帶有微微花雕酒嘅甜味❤️ 好味道成日食乳鴿都係食炸嘅，醉鴿比較少食，兩種係唔同食法咁樣食更能食出肉質嘅嫩滑而且師傅將乳鴿起肉切片，再砌成翅膀，簡直係手工菜品‼️打卡一流～～「醉香鴨舌」見到有鴨舌，當然一定要叫因為我好鍾意食鴨舌‼️「鵝片拼盤」新鮮墨魚片+鵝片+豬大腸呢度嘅滷水味唔會太濃重霸道，岩我口味墨魚片好爽口彈牙，唔會被滷水味蓋過墨魚鮮。皮薄肉嫩嘅獅頭鵝胸，鵝味濃，切鵝片功夫一流，切得均勻薄片「拔絲咕嚕肉」一夾起，真係可以拔絲酸甜味道令我好開胃❤️ 咕嚕肉口感亦令我加分，咬第一啖係有脆口感，好好食，肥瘦係黃色比例，入口完全唔會有肥膩感「酸菜桂花魚」酸菜金湯好好飲，酸辣味好平衡，辣味唔會太嗆，入口好順口舒服～～桂花魚大大片好有口感‼️

今晚和好耐冇見的朋友聚會，我們相約在工廈內的一間餐廳食晚飯。餐廳環境寬闊，侍應招呼不錯。🌱潮盛招牌醉香拼盤拼盤有潮盛特色醉乳鴿，肉質軟腍、酒香鮑魚有嚼勁、醉香鵝肝滑口，全部的酒味都很香醇。🌱醉香鴨舌鴨舌軟骨頗脆，有淡淡酒香。🌱鵝片拼盤鵝片口感唔會乾柴；墨魚腍身；大腸味濃，脂肪都幾多，口感較韌。🌱陳醋素雞雲耳毛豆呢款涼拌菜適合炎夏食用，毛豆雲耳爽口，素雞的醋味很濃。🌱黑松露金沙蝦多士個碟好似一把彎彎的刀，很架勢！黑松露味濃，蛋黃味道少鹹，蝦多士脆口。🌱黃金炸魚皮炸魚皮大件得黎脆卜卜。🌱潮盛拔絲咕嚕肉夾起咕嚕肉的時候可以拉絲，咕嚕肉的肉質軟滑，醬汁頗甜，菠蘿甜美冇渣。🌱潮盛酸菜原條桂花魚桂花魚的魚肉很嫩，酸辣比例恰到好處，而且唔會太油膩。豆腐卜、芽菜、雲耳和萵筍都入味。🌱翡翠炒帶子西蘭花帶脆腍質感，帶子微鹹。

今日陪老闆去見客，搵左間新開的潮州菜吃飯，地方很大又光猛，餐廳用上全藍色系列。午市有幾款套餐選擇，有滷水大碗飯套餐，商務套餐等。「午市商務2人套餐🫖」花膠魚翅老雞燉湯2盅🐔潮盛滷水鵝件拼元蹄（二位）🦆海味雜菜煲（例）🥦白飯兩碗🍚花膠魚翅老雞燉湯2盅🐔這盅燉湯非常之足料，有花膠、魚翅、雞件、響螺、金華火腿、瑤柱、桂圓和杞子。湯頭超濃厚，集合所有材料的精華，鮮甜又潤喉。潮盛滷水鵝件拼元蹄（二位）🦆鵝肉嫩腍滷水夠入味，元蹄外皮爽脆肉質嫩。海味雜菜煲（例）🥦一大煲雜菜煲有很多不同的蔬菜，西蘭花菜心白菜仔小棠菜唐生菜，而海味有大蝦米鮮魷魚金菇草菇等，疏菜新鮮夠翠綠爽脆，一次過吃好幾種菜疏特別醒胃。套餐還跟兩杯飲品～～～凍奶茶🧋可口可樂🥤另外散叫兩個餸有韭菜豬紅和滷水拼盤，韭菜豬紅🥣豬紅很結實不會一夾就散，醬汁非常之濃郁豬紅和韭菜也很入味。滷水拼盤（三拼）🥣金錢肚、墨魚、鵝腎金錢肚很腍身吸滿滷水的香味，墨魚鮮甜爽口而鵝腎很厚肉又爽脆。

     觀塘工作的表弟約放工一齊晚飯。今次約左去一間最近新張的潮式食店「潮盛館」，主打特色滷水鵝及滷水小食，還有各式小菜，涼菜，粉麵飯.......等。表弟提議不錯！很久沒吃潮菜了，而且地點合適在觀塘道地舖門口就有巴士站，地鐵也可到達交通非常方便！來到餐館見到新張期內晚市堂食85折，全日免收加一服務。全日斬料外賣還有88折等。抵食！内進整潔光亮，座位舒適寬敞。翻開餐牌有不少精美家常小菜，下酒小食和名貴菜式魚翅，鮑魚，海鮮等等選擇。非常吸引！定價亦合理。我們也急不及待用QRcode點上幾道小菜。潮盛特色醉乳鴿  $ 128賣相精美！原隻擺設得很優雅。兩旁純鴿肉（無骨)肉質嫩滑，酒香撲鼻很入味而翼位是爽脆的。炸蠔餅  $ 128這個招牌菜份量十足！表層非常鬆化香口，蠔肉也很多！沾沾魚露味道鮮美！萵筍淮山炒雲耳仔 $ 108顏色配搭鮮豔，蔬菜新鮮整碟菜口感清爽！鵝片拼盤( 三拼 ) 鵝腸。鵝翼  $ 208非常重份量！滷水顏色好靚！好吸引！即時食指大動！鵝件肉香細嫩，一絲絲鵝肉好滑，入味除了肉香還有滷水香料的香，連骨也充滿滋味。鵝翼~軟硬度適中，皮滑骨軟肉香真是啜指回味！下層滷豆腐相當嫩滑

媽咪至愛食潮州菜，見到觀塘新開咗一間《潮盛館》地點就腳之餘，店內空間感亦好大，坐得夠哂舒服，決定去試試！黑松露金沙蝦多士 $98一碟四件，即製即上熱辣辣又脆卜卜，咸香味再帶黑松露嘅香氣，無論口感和味道都好有層次👍🏻！豉椒炒鵝腸 $138鵝腸清洗得好乾淨，最緊要晤肥膩，夠爽口又易咀嚼，好惹味🥰！潮盛滷水鵝片 $228薄切大大片，肥瘦適中，滷水汁被底層的潮式豆腐吸收哂，特別好食😋！福果胡椒豬肚湯 $128材料多過湯，的確誇張😅滿滿豬肚和咸菜，超豐富！酒香鮑魚 $108雖然價錢有D貴🙂‍↕️但鮮味十足，入口彈牙，酒嘅濃度控制得剛剛好，好好味👍🏻！

📍潮盛館 (觀塘)之前喺新蒲崗食過潮盛館覺得好正，最近見到佢哋喺觀塘開分店又去試吓。行入去時運工業大廈就會發現餐廳入口喺lift大堂旁邊。🌟鵝片拼盤（雙拼）拼墨魚 $228鵝片係好靚嘅半肥瘦，鵝皮底下嘅脂肪唔會好厚。一咬落去又有滷水汁嘅甜味，又有鵝油香。我鍾意佢哋嘅墨魚切得比較厚，有口感亦都突出到鮮味。🌟酒香鮑魚 $108🌟醉香鴨舌 $88佢哋嘅招牌醉香系列好出色！酒香係滲出嚟咁樣唔會太烈。冰冰涼涼，清爽嘅酒香美食特別啱喺夏天做前菜。兩者嚟講鮑魚嘅酒味比較濃。🌟潮盛拔絲咕嚕肉 $138肥瘦有緻，而且炸得香脆。咕嚕汁嘅調味啱啱好，用嘅係新鮮菠蘿🍍，酸酸甜甜好開胃，亦都做到好靚嘅拔絲效果。🌟花膠魚翅燉老雞 $98味道好鮮甜！花膠魚翅都好大片。🌟艇皇浸勝瓜 $98勝瓜煮得好腍又索晒上湯嘅甜味。魚肚嘅份量好多！🌟蠔仔粥 $68冇諗過一碗有咁大，同其他地方嘅一煲差唔多。蠔肉勁大隻，粥底鮮甜，加埋脆米嘅香味令人食到停唔到口。🌟韭菜豬紅 $68同其他地方唔同，呢度豬紅多過韭菜好多！濃濃嘅醬汁係由細食到大嘅味道。但我覺得佢冇其他地方咁油。

觀塘APM附近工業大廈地舖有間新開嘅潮州食館地方都幾大, 空間感足夠主打滷水潮菜, 午市和下午茶更有優惠套餐。潮盛三寶飯大碗飯份量十足, 內有鵝肉、鵝肝 和鵝腸, 鵝腸十分爽脆, 鵝肝經過滷水處理, 口感柔軟爽滑, 細膩濕潤。 鵝肉肉質軟嫩, 肉汁豐富。鹹魚肉餅煲仔飯 煲仔飯在煲底會形成一層焦脆的米飯, 這種微焦飯香加上鹹魚的香氣和肉餅的軟嫩, 整體口感滑順綿密。潮式蠔仔泡飯 米飯吸收了蠔仔和湯汁的香味, 口感非常滑順, 蠔肉肥美, 鮮味濃郁, 整體口感豐富有層次 。潮盛滷水鵝片 滷水鵝片肉質非常柔軟, 鮮嫩多汁。 鵝肉爽口彈牙, 滑嫩順口, 滷汁中的香料融入到鵝肉中, 散發出濃郁的香氣, 滷水鵝片香醇可口。爽脆海蜇 海蜇清脆透亮, 口感爽脆彈牙, 辣度啱啱好, 相當惹味, 海蜇經過醃製會產生一種自然的鮮甜味道, 口感清新爽口,令人回味無窮。砂礓豬手 豬手肉質軟嫩適中, 口感爽脆彈牙, 豬手本身肉質細膩, 肉味濃郁醇厚, 膠質豐富, 鮮嫩多汁。滷水雞腎香嫩多汁, 爽口有彈性。元蹄和腩肉好爽脆, 滷水豆腐軟滑可口。