潮薈館

营业中

休息中

今日黎到呢間超有風味啲潮州菜館，環境裝修好有特色，連餐具都好別緻，重點係坐得舒服又好好氣氛😍好彩朋友一早book左位，晚市時間全場滿🫣應該好有水準😋Menu上嘅菜式全部都好地道🤗見到啲美食已經二話不說叫枝blue girl先，一定要啤一啤🍻滷水雙拼，墨魚配紅腸👍🏻墨魚夠哂彈牙，紅腸又勁耐無食，越食越滋味，下面仲有買滷水豆腐，配埋嗰個酸酸甜甜嘅醬汁，勁開胃😛豉汁蒸白鱔👍🏻魚肉鮮甜多汁，果種鮮味令人食上癮❤️真係一塊接一塊！師傅蒸嘅火喉剛剛好，好好味呢！蠔仔砂鍋粥👍🏻米飯粒粒分明可口，啲蠔仔又係好鮮味，而且一啲腥味都無，隻隻都好好肉地🤩入面仲有好多肉碎，啖啖都超級滿足好食，一定會再黎！

本來居住在九龍城的日子，可以享受各式美食，不過最近傳來噩耗，九龍城區將大規模重建，未來號稱小曼谷的九龍城，是否會淹沒，實在未知之數，不過九龍城的美食實在太多，趁著未搬遷之前，記下每日吃在九龍城吃的美食。歡迎關注，以便獲得最新九龍城飲食資訊。豉汁蒸白鱔$168，豉汁味道香濃，白鱔爽滑彈牙，非常鮮甜，沒有泥腥味。招牌鹹菜煎豬肚湯$138例牌，鹹菜不會過醎，豬肚沖洗乾淨，非常鮮甜，湯頭胡椒味道濃郁，喝完一碗之後，胃部開始和暖。啫啫芥蘭煲$108，芥蘭爽甜，配合蝦醬、蝦米和肉碎，非常惹味，用來佐飯非常適合。潮州芋泥$35，菇類帶有豬油的香味，甜度骰盅，非常正宗的一度潮州甜品。😍清心丸綠豆爽$28，清心丸煙煙銀銀，綠豆蓉入口溶化，甜度適中。福果綠豆爽$28，福果好咁豐富，非常配合綠豆的味道，又是一道正宗的潮州出色甜品。餐前小食：潮州鹹酸菜，酸菜味道適中，作為餐前小食，最為合適不過。

潮薈館 (九龍城)九龍城福佬村道62-64號福聯大樓地下B號舖椒鹽九肚魚$128炸九肚魚真係潮洲菜必吃！佢炸到超級脆卜卜，又炸得好均勻❤️🥳 好愛，十分愛。一碟既份量十分多，我哋兩個人食都就食唔哂，一路食一路配啤酒！真係不得之了，呢個要反兜❤️❤️蠔仔砂鍋粥例牌$138蠔仔粥係好抵食，一個例牌入面有成30隻以上，啲蠔都洗得好乾淨！無沙，亦都好重蠔味👍🏻👍🏻 我哋嗌左例牌都食淨半兜，例牌都好大兜，如果4個人分就夠哂數，下次叫多兩個人去！🥳家鄉反沙芋$108首先外觀方面，芋頭嘅長度，厚度相約，疊放得整整齊齊，賣相唔錯！配合面頭一層雪白嘅糖粒，好有中式甜品嘅氣派。食材方面，芋頭本身好靚，起沙，夠粉，而且芋頭味道好香濃！個芋頭靚到個程度系：唔調味，就咁食都好好好食！所以再配合一層薄薄糖衣增加甜度，簡直係錦上添花。我非常中意哩款甜品！金銀蛋浸時蔬$98今次我哋揀咗小白菜。小白菜煮得夠淋，而且大部份都系完整一棵。（試過有餐廳嘅小白菜菜葉甩左好多，影響口感）湯底唔會過度調味，微鹹，唔會蓋過菜本身嘅清甜味。值得一讚嘅係金銀蛋嘅份量多，夾每啖菜都會連蛋一齊夾埋入口。

💕潮薈館餐廳的中國山水風裝修有詩情畫意，牆身小橋流水壁畫、餐具印上嘅山水畫亦非常吸睛🏞假日6點嚟到已經陸續有客人入座，相當受歡迎🔸滷水鵝拼盤 $158拼盤入面有滷水鵝、五花肉、紅腸、滷豆腐同滷蛋，拼盤好處就係每樣都可以試少少🥢其中嘅五花肉幾有驚喜，肉質軟嫩肥肉入口即融，滷水鵝、豆腐同滷蛋亦滷得入味，另外擺盤花過心思，單憑賣相已加分不少🔸芋蓉香酥鴨 $118手工菜之一，呢味經典嘅菜式已經好少地方食得到，酥香嘅脆皮包住綿密芋蓉同鴨肉，做到外酥內軟，層次感豐富🙆🏻‍♀️🔸金銀蛋浸時蔬 $98好足料，咸蛋皮蛋肉碎鋪滿菜面，白菜仔份量亦唔少，性價比十足

假期前夕，約了位朋友去九龍城打冷，今次就去了這間潮薈館，裝修古色古香，壁畫透出中國風。酥炸蝦蟹棗炸至金黃香脆，蝦棗較彈牙結實，蟹棗中間比蝦棗鬆及腍，兩者裏面都有爽口馬蹄。基本上每枱都必點的滷水鵝，鵝肉滷至入味，略有咬口，肉質結實；滷豬腩肥瘦均勻；另外還有紅腸、滷蛋及嫩滑滷豆腐。蠔餅完全唔腥，鴨蛋炸至脹卜卜，鬆化之餘又有蠔肉鮮味。砂鍋戲棚粥用料豐富，有魷魚、蝦仁、滷鵝及方魚等，湯底鮮甜，海鮮新鮮，充滿潮州粥風味。

潮州妹今晚又去咗九龍城搵下潮州菜食。今次試下呢間新店，試試新派潮州菜館嘅潮州菜夠唔夠地道先。餐廳裝修佈置甚具心思，採用傳統中國風格，牆身是中國山水景色，掛上舊式中國燈籠、古式深色木製餐桌餐椅，配上傳統中國菜壼及餐具等等。令人如置身古代進餐，別具風味。雖然是新派潮州餐館，打開餐牌一睇，除了常見潮州食品、小炒、粥麵之外，較少見嘅例如生醃瑡蚶、生醃蟹、生醃賴尿蝦都有得食。仲有炒薄殼、普寜炸豆腐等等，呢啲直頭係我兒時家庭菜式。《汕頭蠔仔洛》（$108），特別推薦大家一定要試，呢個蠔仔洛是用薯粉開，加上蛋慢煎，入口已經食出不同一般蠔餅。口感較煙靭，蠔仔肥美鮮甜，而周邊嘅蛋香脆，配上魚露提鮮，絕對一試難忘。佢嘅製作方法，令我想起兒時食到媽媽嘅煎蠔餅，製法十分近似，一是用薯粉、二是非油炸而是煎，老實說不是很多地方有。《滷水鵝拼盤》（$158），有鵝片，腩肉片，紅腸，滷豆腐，滷蛋角。滷水夠香夠入味，鵝肉甘香，亦是水準之作。最後忍不住㸃埋個《反沙芋》，雖然呢個芋頭不夠粉香，但發現師傅係糖中混有炒香芝麻粒，大大提升食物香味，功夫之作，可以一試。老闆娘十分好人，知我是潮州妹，見我又鍾意食反沙芋，所以仲請我試

九龍城又唔止淨係食泰國菜嘅，位置於九龍城福佬村道一間新開嘅潮州菜餐廳店面好有潮州小菜館嘅氣氛，側邊會有塊大玻璃見到滷味師傅斬料店內裝修設計有中國古風，茶具特別，有一種置身於係潮州泄頭食飯嘅感覺，好舒服餐廳嘅茶選用類似香片嘅茶葉，飲落清香順滑，有解膩嘅感覺，味道偏清唔濃餐廳菜式都算多款，而且都有唔少傳統菜款同價錢都唔算貴專員今次同朋友叫左4餸1湯，飽到上心口滷水掌翼 $118掌翼好入滷水味，味道唔會特別太鹹，滷水包嘅香料味滲晒出黎入晒掌翼到掌翼份量唔少，店家將掌翼再斬件夠方便食用皮肉肉質嫩滑有彈性口感，食落有脆軟骨唔會過硬附上白醋，沾少少食增加酸味可以更開胃同埋解到油膩感招牌豉油王鮮鵝腸 $188鮮鵝腸好大一碟，鮮嘅鵝腸唔似急凍鵝腸咁煮完就縮起一舊鵝腸嫩口，唔會太煙韌咬唔落嘅感覺長長一條嘅鵝腸每一條都有少量嘅脂肪，對於唔肥嘅人食埋肥膏係福音黎肥油膏超級香鵝油油味，每咬一啖油香就會跟住跑出黎豉油王嘅醬汁唔會太過鹹，油香連埋豉油鹹香嘅味道絕對係要配一杯啤酒汕頭蠔仔洛 $108唔似坊間嘅蠔仔餅，呢到嘅蠔仔洛應該係用雞蛋溝木薯粉一齊煎而唔係油炸餅身挺身唔會太軟，因為煎嘅關係油份比較少，入口亦唔會

黎九龍城梗係去揼骨，每次都借啲意搵嘢食，今日比我發現到呢間新開嘅潮州店，終於唔使再食泰國嘢啦😘一黎就嗌左家鄉鹹雞，有分背脊同一隻，我哋兩個人嗌咗半隻，原來半隻都已經大大碟呀，家鄉鹹雞顧名思義係鹹鹹地嘅，好考廚師工藝，雞肉脂肪不多卻十分嫩滑，而且味道方面鹹鹹地但又唔會太over，果然係店家主打既項目之一，吃落啖啖肉，充滿雞嘅香味，配上自家調製既醬汁😚真係好好食♥️汕頭蠔仔洛，炸至金黃色的蠔烙，賣相已相當吸引，吃起來香脆又有蠔鮮味，真材實料🥰淮山雲耳炒西芹腰果，滿嘴咯吱咯吱脆口，色香味俱全無敵好吃的，爽口呀😘滷水豆腐，豆腐質地滑溜，淡淡滷水味剛好 ❤份量大大碟，真係好抵食咯😝潮陽梅膏骨，炸豬肋排的油温要控制得宜，選用來自潮陽的梅膏，酸中帶甜的味道，提升食欲喔♥️

夜媽媽突然今晚想食打冷，知道九龍城有間新開既潮州野叫潮薈館，就去試下，好方便門口已經有Parking Meter入到去個裝修都幾雅緻，有種古色古香既感覺凍馬友 - 肉質鮮甜，而且冇乜骨，適合我地呢啲懶人食用咸菜胡椒豬肚湯 - 好多好多豬肚，其實我哋只係叫咗一份例牌，大份量都多到兩個人都飲唔曬，唔算係太辣，感覺上亦都冇乜味精鵝拼盤 - 拼盤有鵝肝，鵝腸，鵝肉同滷豆腐。西式鵝肝食得多，潮式既就比較少機會食，都幾特別，有少少似豬潤既感覺，但冇咁乾身，同埋有陣鵝肝既香味

好正九龍城潮洲菜館九龍城真係好多泰國菜同潮洲菜館，新開呢間試過真係好正！同朋友兩斤人埋單每人大約三百蚊已經食到好飽。叫左個蒸鱔，好正，鱔魚肉好彈.牙，用豉椒蒸，好入味，送飯一流！另外一道芋蓉香酥鴨，好好食呢道菜，芋蓉好軟熟，入口表面炸到酥化，最底層又冇鴨肉，好配合！金銀蛋浸時蔬，上湯好入味，清清地嘅一道菜！另外又叫左潮洲地道嘅滷水野，有滷水豆腐，又叫左滷水墨魚片，墨魚片真係好爽口，豆腐用利送飯！實在食得太飽，下次再試下拒甜品先！

今日行經九龍城，見到呢間新開潮汁小館人頭湧湧，八卦走去睇下有咩食🤭價錢唔貴又有靚裝修，難怪咁多人啦🙈等左一陣位就入座，叫咗幾款潮州特色菜。.🍴滷水鵝件 $148鵝肉掛汁，夠入味，焦糖色外皮富有光澤，性價比高。有豆腐墊底，份量唔惹少。另加$10/隻 滷水蛋，滷得入味。.🍴酥炸蝦蟹棗 $118考功夫既菜式，蝦蟹棗炸成大棗形，咬落蝦肉彈牙爽口，蟹肉鮮甜有口感。.🍴椒鹽白鱔片 $138大大碟鱔片炸脆後鋪滿炸蒜，不見太多辣椒，但椒鹽味道十足。鱔片新鮮可口，佐酒必點。.🍴清心丸綠豆爽 $28潮式甜品，清熱利濕，不太甜。.大大枝啤酒Asahi 只是 $30/支。碗具好精緻，又好坐，同一般打冷小店完全唔同，但價錢就無相差太遠👍🏼好正。

Family day 岀街食飯唔洗啊媽煮😛依間餐廳新開睇OpenRice都冇comment，不如就食下潮洲野滿足下兩老口味😂🐷蠔仔砂鍋粥 $138雖然蠔仔粥，但係啲蠔仔一啲都唔仔😂全部都脹卜卜好飽滿，蠔仔洗唔乾淨好容易有沙，但係呢個粥完全冇呢個問題！仲有！最怕出去食粥食咗個空虛好似飲咗水，但係依度好足料，除咗蠔仔仲有柴魚肉碎冬菇芫荽🐷招牌鹹菜鮮豬肚湯 $138上枱勁大煲嚇親，可以分到最少六碗🙈鹹菜豬肚好多，豬肚大大塊真係啖啖肉，重胡椒味，如果冬天食一定暖笠笠好正🐷潮湯梅膏骨 $118一碟有12舊，淨係睇埋相都覺得好惹味，一定要叫個飯撈飯！梅膏帶出酸酸甜甜嘅味，如果平日鍾意食菠蘿咕嚕肉，好推薦你食依個！🐷椒鹽白鱔片 $138炸粉好薄唔會淨係食炸粉，炸得啱啱好，白鱔保持住個口感新鮮彈牙，食開椒鹽豆腐可以轉下口味試試椒鹽白鱔！🐷清心丸綠豆爽 $28發現而家啲後生00後係唔知咩係清心丸🤣清心丸煙煙韌韌綠豆糖水清甜，食完個人都滋潤咗靚咗😜環境 🐖🐖🐖🐖🐽 4.5/5 食物質素🐖🐖🐖🐖🐽 4.5/5店員態度🐖🐖🐖🐖🐽 4.5/5✨人均消費 ～$150潮薈館📍九龍城福佬村道62-64號福聯大樓地下B

九龍城一向多美食 除咗泰國菜 最近見到呢間新開嘅潮州菜😍 作為家己人嘅我 當然要試吓 潮州嘢真係好正🤓 呢間餐廳新開張 裝修富有中國山水風 啲餐具都好有心思 全部印有山水畫佢有好多款式嘅潮州菜 有必有蠔餅、凍烏頭、滷水等 仲有生醃👏🏻滷水墨魚 $108潮式滷水海鮮嘅滷水墨魚 份量多🦑 佢有獨特滷水香味加埋爽口彈牙嘅口感😋而且仲有滷水豆腐配搭 加埋酸汁 永遠都係最受歡迎嘅傳統滷味之一☺️芋蓉香酥鴨 $118食潮州要嗌香酥鴨😛 外層酥皮做得好好 好鬆脆 芋蓉唔會太甜太鹹 有綿綿嘅感覺😚 底下就有腐皮包鴨片 鴨片帶皮 格外香口 又唔會太肥膩😎 香酥鴨香脆嘅外皮 加埋軟綿綿嘅芋泥 層次感豐富 好味🙆🏻‍♀️潮州糖醋麵 $118糖醋麵都係我喺潮州嘢必叫😆 糖醋麵當然係即叫即整 配合陳醋同埋白糖 真係好正🥰 覺得醋汁除咗帶酸 亦都帶有啲甜味 同平時食大閘蟹嘅醋差唔多☺️ 糖醋麵整得薄身 炸得好香脆 配合糖同醋 酸酸甜甜 幾開胃😙汕頭蠔仔洛 $108蠔餅熱辣辣 蠔餅係多蛋漿個隻 每一啖都有蠔仔🦪 滿滿嘅蠔仔 好足料😘 蠔仔唔算好大隻 但係飽滿又多 整體嚟講 成個蠔餅炸至酥脆 特別係邊位 點埋魚露提鮮更佳