火井火鍋海鮮飯店 (已搬遷) 新店位置

十二月底去過老坑，這個月又來火井，感覺是各有千秋︰環境- 一定選火井，店內光猛企理，有電視看，洗手間也很乾淨。雖則兩間鋪都位於後巷，但老坑的後巷較濕和污糟。客人- 老坑的客人較粗豪look和多煙民，火井則多斯文白領look且較少人吸煙爐具- 老坑用電磁爐金屬煱，火井用氣爐(大條gas喉由地下管道供氣)砂鍋。食物- 難分勝負。老坑的肥牛和手打蝦丸墨丸好味，但火井的牛頸脊(沒有雪花紋，但好有肉味又不會靭，感覺上且沒有肥牛般肥膩)和手打墨魚滑也是不可錯過的美食。墨魚滑自己動手批落鍋都幾得意。價錢- 剛好兩次都是每人$120總結可說是難分高下，兩間都值得再去，但係- 小頭還有很多其他火鍋店想試呢(百利、方榮記、鴻福、….)

前兩晚(17/1)一起來這間火井，嘗嘗那個番茄湯底，足料，有雞腳、豬腸、蕃茄等等，有配料的鮮味，濃而不渴。叫了食物如下：１．竹筒墨魚滑２．鱔片３．蘿蔔４．冰豆腐５．鮮雞６．鵝腸７．魚皮餃８．韮菜餃９．牛脊肉片１０．豬肉青１１．生菜（伴以青鳥啤酒）竹筒墨魚滑，晶瑩剔透，用了那竹筒盛載，一下子已將所有墨魚滑落窩，一下了便可以吃了，鮮味爽口，口感一流。鱔片，彈牙爽口，有鮮味，吃多一兩片都不會覺得生厭。冰豆腐，黃色的，切得四四方方，落窩後吸收湯汁，很有味，特別。鮮雞，有肉味，不會太老。鵝腸，我喜歡吃的，爽口，新鮮，不會有太多肥膏於中間，不錯。魚皮餃，不過不失。反而韮菜餃，很大隻，滿滿的，裡面有很多韮菜，喜歡吃餃的人不妨嘗試。豬肉青，不錯，雖然我不太喜歡吃豬肉，但他們切得薄薄的，吃下去都可以接受。最後介紹的牛脊肉片，切得薄薄，用筷子灼一陣子便吃了，有鮮牛肉味，不太肥，很適中，有人喜歡肥肥的，但我喜歡這種。若美國肥牛那種，佔有一半是肥膏，你吃下去幾件，都已經飽飽。食到尾聲時，再喝喝那窩湯底，已經比初開始時已有分別，湯濃濃很好喝。整體來說是不錯，若然能夠有通風系統，疏疏風那便好了。

Although their food is good and special, but the condition of this restaurant is totally bad, we sat into a very small dining room which is a dishwashing area, it made the whole area wet and messy, but this is not my main complain; the worse thing is their waitresses were all terrible. They hurry us to place our order while we walk up to the table. We had not even sit down yet, and the waitress asked me thousands of questions, we did not even have time to think about what we want! After a long

食物水準真係一般je叫做好食過附近明星酒樓o既任食食物冇咩特色個肥牛又厚又唔滑其他野都係一般水準好多地方(例如九龍城佛笑樓, 小肥羊...etc)都做得好過佢最激氣係個冇腦waiter節錄對答如下:"象拔蚝咩價?""時價""咁時價係幾多呀?""二百幾至三百幾啦""..."呢個價錢真係我寧願去稻香/有骨氣任食都冇咁嬲一定冇下次

由於上個星期老豆同細佬呢兩個牛魔皇有事冇黎到, 所以我決定要再同佢地黎多一次, 等佢地都試下牛頸脊. 今次我地叫左豬骨鍋$80, d湯奶白色, 有d胡椒味, 好飲, d豬骨超大條, 蘿蔔好甜.象蛂"螃"一隻, 好似四百二十幾蚊. 上枱都幾大盤, 而且幾新鮮, 都值呢個價既.牛頸脊(大) $90, 冇上次咁靚, 今次d肥膏份佈唔均衡, 令到d肉比較韌. 不過依然好有牛味.墨魚滑$58, 水準依然, 幾好.炸魚皮(唔記得幾錢), 同平時食d炸魚皮唔同, 呢度既炸魚皮有少少肉連埋少少骨, 好香口. 好脆.另外仲叫左冰豆腐, 唐蒿, 唐生菜同金菇(各$20). 普通料, 都算幾新鮮咁啦.埋單$900. (唔叫象蛂"螃" 會平好多.)

估唔到..咁多人. 我地3個人7點鐘黎到, 見佢仲有空枱, 諗住有位呱, 點知個亞姐一聽到我地話冇訂枱就話冇, 叫我地8點半再返黎. 唉, 一個半鐘, 好鬼難捱, 不過山長水遠黎到, 冇理由唔等既. 所以我地惠康, 屈臣氐, 萬寧, 通通都唔放過. 行到8點3左右就行番去等. 最後要等到9點先有位.坐低叫左個招牌鍋, 我覺得味道其實好普通, d粉腸勁難食. 不過好在有好多我至愛既蕃茄.我地叫左冰川冰豆腐, 牛頸脊(細), 本地蠔(細), 墨魚滑, 白鱔片, 同埋唐生菜. 樣樣都好新鮮, 我最鐘意個牛頸脊, 好有牛味, 肥膏唔多, 但係都唔韌. 埋單$351. 一人都係百鬆d, 好鬼抵食.等找錢既時候發現有隻巨型小強, 唔係, 應該話係強哥至岩, 係度行黎行去, 所以要扣乾淨分.

今晚同朋友慶祝生日, 因天氣凍凍地, 而朋友們都話好食, 有的又話末試過, 所以便來到火井打邊爐. 而我都係第一次黎咋!我們點了鴛鴦湯底, 一邊清湯一邊沙爹.而火鍋材料包括: 豬天梯, 肥牛X 2, 墨魚滑, 貢丸, 九肚魚, 脆肉鯇魚, 牛柏葉, 鴨舌, 炸魚皮, 豬潤, 豆腐, 金姑, 冬姑, 津白, 麵根, 四寶丸, 豬頸肉, 韮菜餃, 魚餃..etc..鴛鴦湯底, 無什特別, 沙爹味又不太濃.推介食物包括:-墨魚滑, 食落彈牙爽口，有墨魚味, 足證真材實料.蝦丸, 有蝦味亦彈牙, 又冇蝦惺味, 驚喜, 一定要試.貢丸, 真係好好味. 冇得彈!韮菜餃, 好好味, 韮菜好鮮甜, 可能落左味精, 但冇所謂, 份量落得剛好.豬天梯, 本身冇味, 但夠新鮮, 爽得黎又有點膠質.豆腐吸收左湯既精華, 好好味.其他食材一般, 肥牛唔得,“UN””UN”地(我只用了五秒去滾).加埋汽水, 啤酒, 酸梅湯合共一千二百多. 不太抵. 應不會有下次. 個人覺得打邊爐都係百利好.

唔講唔知,以為火井是食日本菜添!(個名幾似)天氣開始冷,與朋友即興打邊爐。此店特式是有供應刁鑽的火鍋材料,如烏魚子扣、豬天梯、駝鳥肉等。我們點了招牌湯底,有番茄、鷄腳、腐竹等。幾一輪研究,叫了墨魚滑、脆肉鯇魚片、鱔片、冰豆腐、蘿白及芋頭。招牌湯底幾清又多料,有淡淡的番茄湯味。墨魚滑是朋友極力推介的。將墨魚打成膠,食落好鮮味爽口，有質感,很是驚喜。魚片都幾新鮮，很爽脆。那管那孔雀石綠,照食可也!冰豆腐賣相正正方方,很的骰。吸收了湯的精華,咬落軟軟稔稔的，幾不錯。蘿白及芋頭不用講,當造吃是不會失準。食完其實末夠喉,不過下一站要食甜品,就忍下口啦!返到家先發現無點海鮮食添!唯有留待下一次了。

見天氣涼涼，昨晚便約了幾個朋友來食火鍋，大家開開心心又過一晚。我們叫了火井招牌火鍋湯底、竹筒墨魚滑、脆肉鯇魚片、爽脆白鱔片、台灣靚貢丸、潮洲靚芋頭、爽甜蘿白片、冰川冰豆腐。火井招牌火鍋湯底- 料多焰靚，如人少少，真係食湯底都夠食了。竹筒墨魚滑- 爽滑彈牙，大家食完都讚好。脆肉鯇魚片- 鯇魚片好新鮮，而且好爽脆，味道唔錯。爽脆白鱔片- 很久沒有食鱔片了，這裏的鱔片肥美好食又爽甜，真係幾好食。台灣靚貢丸- 味道很好，朋友話很好食，還問這是什麼丸。潮洲靚芋頭- 芋頭好新鮮，當煲得好稔時，是最好味的。爽甜蘿白片- 蘿白片係辣椒女最喜愛的，唔覺唔覺就叫了，味道都很好。冰川冰豆腐- 朋友話口感好特別，未試過這樣食，味道也不錯。本來打算再叫多些食物試試的，但大家都話好飽了，所以只叫了這麼少。他們也說這裏，又平又好味，真係沒有介紹錯！

有個朋友住西環,佢話呢度幾掂,一行5人就黎試下啦! 佢開係橫街巷內,唔係住呢頭都真係唔會識黎!見到佢2間鋪打對面咁開,都應該唔差! 第一次黎,更係朋友叫野啦!佢叫左個"火井招牌火鍋湯底",嘩!真係好多料,有:雞腳,蕃茄,豬腸,酸菜,豬皮..等!你諗下有幾正啦!1.生蠔--佢有2種蠔(美國,香港),佢話試下香港果d細隻d 不過都好肥喎,佢介紹更係試啦!真係好肥好白, 又唔會縮到好細(好多香港蠔都會),掂!2.生蝦--一定要試,大大隻,生食,正到痺!個蝦頭放一放 湯,勁多膏,諗起都想食呀!3.牛頸脊(朋友介紹)--無叫肥牛,嘩,呢個仲掂喎!出面好 少有得食,必試!4.大聖子x2--每碟有4隻,好大隻,勁新鮮,焯10幾秒即食!5.墨魚滑--可能其他野太正,呢個我反而覺得普通!6.魚下巴--唔係好記得咩名,只知係大魚下巴,d肉勁滑, 好食過魚片多多聲啦!必試!7.冰豆腐--麻麻,都係普通豆腐好味d!8.丸同唔知咩卷雙并--唔掂!9.沙蜢魚--成條起肉,果d鮮味唔知點形容!好掂!10.豬頸肉--超正!無諗過豬頸

星期天，約了三位openrice 食家到西環的火井四季火鍋飯店吃火鍋，這裡出名用新鮮的海鮮作火鍋材料。我們叫的湯底是這裡最出名的「火井招牌火鍋」，點了的火鍋材料包括聖子、蜆、墨魚滑、白鱔、韭菜餃、貢丸和什菜。這裡的用料很新鮮，品質很好，但價錢尚算便宜，四個人都只不過是$460，比起齡記還要便宜呢！我最喜歡的是墨魚滑，很彈牙，很新鮮！有機會一定要試試呢！

趁天氣還未熱,昨晚便和二個朋友(一行四人)到這裡打邊爐.叫了火井招牌火鍋- 因為又大又多料,味道又好.聖子- 都幾新鮮,但唔夠大隻,所以感覺一般d.沙白- 今次比較差,有幾隻唔新鮮(已死),但其它的就很好.竹筒墨魚滑- 墨魚滑好香墨魚味,很彈牙,不可不試.爽脆白鱔片- 白鱔很新鮮,很有咬口,很有白鱔味,唔錯唔錯.爽甜蘿蔔片- 很爽,但唔多甜,但都幾好.台灣靚貢丸- 很彈牙,很爽,很香,好味.潮洲靚芋頭加清甜冬瓜片- 芋頭和冬瓜片比想象中好,值得一試.自製韭菜餃- 韭菜味唔錯,幾好;但要小心d,因比較容易散.這裡的冷氣只是一般,相信如再熱一點,可能唔可以來這裡食了.這裡的價錢都唔算貴,朋友還以為要每位200 元.

去火井對我來講真係算得山長水遠, 好在佢都不付我所望, 叫了一個招牌湯底$68, 有好多料, 雞腳,蕃茄, 酸菜,豬腸等, 湯味清中有甜酸, 好正食物好新鮮, 生蠔好大隻又新鮮, 見到好多特別食物,所以即刻放棄叫次次必食的肥牛, 改叫牛肋肉, 不過無咩特別, 但係一個手打魚肉(唔記得個名堂)係比你自己逐少逐少放落去, 有d gimmick, 都幾好食, 佢又可以比你叫雙併(一樣價錢), 唔錯, 最後由於酸菜太正, 要encore再叫多一碟, 不過唯獨係伙記唔夠, 叫極都無人應.........

星期日和朋友四人來這裡打邊爐,叫了火井招牌火鍋- 內已有很多材料,只食這些材料已半飽了,正!生蠔- 沒有火水味,好.沙白- 大大隻,很新鮮.(如是燒,可能更好味.)桂花蚌- 鮮而不韌,好.竹筒墨魚滑- 墨魚好味,正如介紹,必食.爽脆白鱔片- 白鱔很新鮮,今晚早好味的食物.黑草羊卷肉- 比較少肥肉,所以麻麻,但也不差.爽甜蘿蔔片- 蘿蔔真的很爽,但甜就一般啦!還是車品品甜d.(雖然沉過糖水)冰川冰豆腐- 第一次食,都唔錯,幾好.唐蒿菜- 唔多喜歡它的味道,所以覺得麻麻.生粗麵- 鹼水味比較重,唔多喜歡.今晚的食物在中上,值得推介;但如比起鴻福,我就喜歡鴻福多一點,可能另外有得燒野食吧!價錢就這裡貴少少.地方就這裡好得多了.但服務也是麻麻地,除了老闆娘外.

昨晚同朋友到此打邊爐, 四個人都叫了不少火鍋料. 計有: 生蠔, 沙白, 桂花蚌, 墨魚滑, 白鱔片, 羊肉片, 蘿蔔, 唐蒿及生麵等. 而鍋底則照舊點了摰愛的招牌湯底, 單是這鍋底的料亦很豐富呢- 有豬皮, 粉腸, 唐芹, 蕃茄, 酸菜及雞腳等(可想而知湯底是何等鮮美). 所有火鍋材料都很新鮮; 生蠔是筒裝的進口貨, 很鮮很肥美, 上桌時已聞到一陣陣很香的蠔味, 而且入口並沒有本地蠔所帶有的一股火水味. 沙白大隻又無沙, 非常甜美, 但始終是海產類, 要注意如肉質仍然呈透明的話則表示還未熟透, 要耐心啲等候呀. 如果貪一時之快而令肚皮受罪就唔抵啦! 桂花蚌鮮而不韌(曾試過某些食店的桂花蚌又腥又韌). 墨魚滑是其中一味必點的鍋料, 真係好足料, 好香墨魚味呀. 鱔片爽脆而不失魚香. 羊肉片雖然並不羶但羊味欠奉, 較為失色. 蘿蔔清甜而有蘿蔔味(有些蘿蔔是空有外表而沒有蘿蔔味的), 總的來說, 這是間值得推薦的菜館!