火鍋英雄 (已結業)

#水煮牛肉麵 $62原來#火鍋英雄 中午有是午市定食，價錢都相當親民架。今日好想食辣野，於是一個人去咗是水煮牛肉麵。成碗紅當當的🤤睇落好吸引呀。食落不算太辣又不會不夠味，調味剛剛好。牛肉片食落幾新鮮，而且份量頗多。另外套餐會有兩款涼菜，當中包括涼拌黑木耳和青瓜。另外背包一款飲品，我叫咗竹庶茅根，用來解辣剛剛好。而且環境優美，午市時間不算太多人。.🏠火鍋英雄 (銅鑼灣)銅鑼灣駱克道491-499號京都廣場三樓

友人出TRIP到香港，特意留返一晚可以飯聚，主動要求想食火鍋，問我食邊間，既然係咁，就呢間啦升降機門打開就係火鍋店，中間特設四人卡位，今晚我地就坐卡位，舒適無比; 而窗邊亦有圓枱，可以望住街景自行出去調味料區混醬; 仲有圍裙供應，咁就唔怕整污件衫，相當貼心!多款湯底選擇，今晚清清地就叫番個芫茜皮蛋拼養生野山菌湯，芫茜湯底有埋原粒馬蹄，有助清熱; 而個野山菌湯真係幾香菇菌味，兩款無油湯底夠健康!係等待湯滾起時，可以食下呢英雄八盞，有海帶，大荳芽，四季豆，木耳，豬耳片等，有辣有唔辣，作為前菜過下口癮都幾盞!火鍋點少得牛肉?  尤其係對於牛魔王黎講，呢客美國極品肥牛(小)肉色靚仔，排列成半圓型，油脂分佈平均烚十零秒就食得，肉味幾濃，肉質軟中帶少少嚼口，夾埋D芫茜蔥食仲正!西班牙黑豚肉 - 即叫即片成卷狀，整齊排列夠睇頭肉中帶少少肥肉邊位，口感算嫩滑，無豬燥肉味，唔錯!鮮黑毛肚 - 比起經過漂白處理後更多一份原味咪烚太耐，食起黎相當爽脆!呢度嘅洛神花茶味道酸中帶少甜，一支份量夠4杯又夠凍，有益過飲汽水!招牌四寶丸 (每款3粒) - 分別為蝦丸/鯪魚球/牛丸/墨魚丸，唔算係大粒，但烚完都無咩走樣

最近天氣又涼返，於是我同朋友喺銅鑼灣附近搵打邊爐嘅鋪頭，我哋去到B出口附近，記得有間火鍋英雄唔錯，於是就入去食。 入面坐得好寬敞，兩個人都可以坐四個人嘅卡位，店員首先送上八碟前菜。 之後我哋點咗個胡椒豬肚雞湯，另外我哋叫咗一啲火鍋嘅配料，美國極品肥牛，招牌四寶丸，西班牙黑豚肉，雜菜籃，酥炸響鈴，韭菜水餃，四川紹粉。 胡椒豬肚雞湯好快送上，入邊有好多豬肚同埋雞，豬肚好大塊，好爽口同厚切。啲雞亦都好嫩滑好新鮮。 之後係啲美國極品肥牛，同黑西班牙黑豚肉，肥牛同黑豚肉都好新鮮。 最後四川紹粉嘅味道都好特別，紹粉質地好爽口，同個胡椒豬肚雞湯好夾。

之前looloo下手機睇食評發現依間火鍋店係午市同下午茶有粉麵套餐食😍就上咗黎試下了午市同下午茶粉麵餐牌店內環境幾乾淨👍🏻先黎凍洛神花茶味道好濃酸菜魚片粉條😍 套餐$62粉條好味 就算浸得湯耐 都唔會淋到夾起就斷好煙韌個湯又唔會太辣 辣度啱啱好飲落又唔會話重味精味👍🏻👍🏻魚片有成8小塊🤤好滑 碗內仲有菜添！真係大讚附送嘅小菜 醃青瓜同雲耳好入味👍🏻平時好少食依d小菜嘅我 都清晒😂送上嘅茶 都好香同清新嘅茶香味雖然依個午市同下午茶餐都要收加一但由於我下午茶黎食嘅關係 有8折😍折咗後$55咋 成餐黎講 我覺得真係好高CP值!!

鐘意食辛辣既我一星期點都有一兩日食麻辣火鍋所以要不斷揾城中有質素既火鍋今日黎到銅鑼灣既火鍋英雄一入到去已好舒服從鬧市中入到黎一個寧靜既地方裝修好古色古香用左好多竹既元素我兩個人食。但個卡位大到可以坐六個人佢未上火鍋前已有前茶非常貼心而且一點都唔馬虎有八碟咁多多數都係蔬菜類叫左個跳水田雞煲佢即叫即割 所以要等一陣但都係值得佢勁多田雞好足料隻隻都極肥美 啖啖肉！！另美國極品肥牛真係雪花分鋪好平均勁靚品質放湯滾幾下就食得其他好多必食招牌四寶丸手打既特別彈牙粒粒大小都均衡好出色依到真係要再番黎試埋其他湯底！

星期日悶悶地過銅鑼灣行下，口淡淡想食麻辣火鍋，搜一搜發現原來銅鑼灣開咗唔少重慶火鍋。一直都是渝味曉宇的常客，今天就一於試試其他！火鍋英雄是一套內地電影的名字，是巧合還是受電影啟發而改這個名呢？送上八小碟小食，每一碟都好惹味！今日點了鴛鴦鍋，麻辣（中辣）拼雜菌。菌湯材料十足！吃重慶火鍋必點毛肚！好爽口！正！仲有就係豬爽喉，好新鮮～牛肉388元大份，但其實也不算大份了...肉味不夠。但真的十分讚呢到嘅苕粉！好彈牙！

又嚟食依度嘅酸菜魚，依度酸菜魚嘅湯最好一點就係飲得，而且唔鹹，加上一個隔渣嘅貼心湯勺就啱啱好。前菜款式眾多，辛辣味重嘅麻辣豬耳薄薄一片，入口爽脆；脆藕酸爽，開胃惹味；木耳都非常入味，其他小菜都清爽可口。魚肉嫩滑冇骨，入味之餘又自身帶有魚嘅鮮味，加上調味用嘅花生酸菜，香味更加有層次。牛肉肥瘦相宜，入口溶化，牛味鮮濃。寬粉索哂酸湯嘅香氣，口感煙韌。餃子皮略厚，但係勝在餡料豐富。手打丸新鮮彈牙，特別係鯪魚球相當鮮甜。毛肚爽口，清理乾淨冇腥氣。雜菜籃都好豐富，最好味就係娃娃菜，甘甜可口。甘蔗水清甜解渴。

呢間火鍋英雄夜晚好多人食今次特登lunch去試下🤗🤗🐠🍜酸菜魚片粉絲 🍹洛神花茶 $62個湯底酸酸辣辣咁幾開胃😋 魚片份量好多🐟 全部都大大舊仲要冇骨㗎 粉絲係紅薯粉 Lunch嚟講好大碗🆙另外仲有兩款涼菜同嘢飲😎 餐飲揀咗洛神花茶🍸 酸酸甜甜咁幾特別朋友食咗香酥排骨麵都覺得唔錯呀🙆🏻餐廳裝潢好有四川風味 職員服務都好好好闊落坐得好舒服🤗10% Service Charge💰

相約很久沒見的朋友吃飯，想談談天，吃火鍋絕對是一個好選擇！我比較著重火鍋的湯底，我記得火鍋英雄有多款養生湯，所以就跟朋友到那裡吃！有十多款湯底，我們選了很滋補的25年陳年花雕烏雞鍋，真的是原隻烏雞，雞下面浸住的是珍貴的25年花雕酒，湯還有藥材如淮山、杞子、紅棗等，超級足料！侍應在我們點材料期間送上英雄八盞，即是前菜小碟，有雲耳、耳瓜、豬耳等等，微辣，好開胃！點了一壺竹蔗茅根，可以清熱下火！一大壼，好清甜！鴨血口感夠實在，煮幾耐都不會鬆散！我覺得我近期吃過最好吃的響鈴一定是這裡，放在湯2秒拿起，還吃得出很酥脆，而且不油，鬆化口感極佳！喜歡爽口的朋友也一定要吃鮮黑毛肚，好新鮮好爽口，大約碌半分鐘就可以！這個招募四寶丸是自己師傅新鮮打的，有牛丸、蝦丸、墨魚丸和鯪魚丸！我很喜歡蝦丸和墨魚丸，好彈牙！點了一份小的美國極品肥牛，真的好嫩滑，油脂分佈平均，有點牛油在口腔徘徊，很美味！我覺得招牌魚腐也是必點的，有魚肉的鮮味，用料新鮮！吸湯力很好，口感滑滑的！四川紹粉口感有點煙韌，吸收了湯的精華，吃完真的飽飽了！這一頓火鍋真的大滿足！

食物材料唔錯，環境好舒適，唔會好像那些放題式火鍋咁，食得快，食得趕。因為係散叫，價錢中上，但材料係ok,湯底揀麻辣，起初無咩味，愈滾愈有味，調味料就不算太多種類，無炸蒜，牛頸脊肉一定要食，夠瘦。手打丸拼盤招牌四寶丸就最扺，有齊四種肉丸，九菜餃子都幾好味。記得要試四川紹粉，好滑滑，又唔係周圍有得食。原來下午有套餐食，一個人都可以嚟試吓。唯獨個厠所有啲濕濕哋，係我最怕，幾個知己食吓傾吓係幾好choice.

銅鑼灣區要是打邊爐選擇真是多到不得了。但我比較鐘情火鍋英雄，坐位舒服，服務殷勤，食物水準當然好。湯底選擇25年陳年花雕醉雞鍋，採用了烏雞補而不燥，味道清甜，隱隱有酒香，還有藥材香氣。牛頸脊肉紋理勻稱，肉質軟腍，牛香充塞著口腔內。平常不喜愛食魚，但這個桂花魚片即叫即割，啖啖肉，鮮美，好正！招牌四寶丸是人氣之選，有牛丸，鯪魚丸，蝦丸和墨魚丸，全部自家手打，有口感，彈牙。自家製響鈴亦是人氣之選。不太油腻吸盡湯汁精華，滋味無窮。黑毛肚夠爽口。要讚的是洛神花茶，材料足，夠濃郁，透心涼。

今日又發掘到一間食lunch嘅好去處，火鍋英雄🍲🍲佢夜晚就做麻辣火鍋🍲嘅，不過晏晝就有川菜set lunch，佢有小菜跟飯🍚，或者湯麵🍜，仲有啲小食，都算幾多選擇架👍🏻今次我就揀咗水煮魚🌶🐟同埋麻婆豆腐，兩樣嘢都夠晒麻，又唔會太辣，啱晒我呢啲鍾意食大麻小辣嘅人，正呀🤤🤤🤤佢跟餐個set除咗有飯🍚之外，仲有野生菌湯🍲，同埋生菜🥬，都係大概$70左右，抵食呀👍🏻👍🏻

Lunchtime 又係cwb附近覓食超抵食又好食我好鍾意食辣的 叫左個水煮牛肉薯粉 $62薯粉煮得岩岩好 好煙un 份量真心超大份洛神花茶酸酸甜甜真心好飲 #refreshing有7 8塊牛肉 加好多薯粉 仲送2份涼菜我一個女仔食唔曬😂如果細食可以叫少薯粉 不做浪費寶寶可以翻黎食多次 62$真心抵仲要環境好舒服 難得lunchtIme 唔嘈到傻我好怕食野嘈到7彩呢間係京都位置就位之外仲要價錢唔算特別貴一班同事黎食最岩喇

All by myself !好喜歡一個人的午餐 正好就係食辣野份量完全足夠令我飽,口水雞辣味每一啖刺激我喉嚨同味覺之間既沖擊 最底仲有d蘿蔔,芽菜木薯粉索哂d辣汁,完完全全將我由半睡既狀態叫醒左我仲有碗野菌湯都好濃好甜! 忍唔住食埋粒茹 好香!午市如果過左14:30 同埋打邊爐仲有8折TIM下次可以撩埋班食得辣既FD1齊試 一定好過癮我都算係咁咖啦 最多都係係咁飲茶 無嗌到汽水總結: 環境ok 地方夠大 坐得舒服 因為有梳化位 我諗可以坐到6個人tim係服務方面有進步空間!

銅鑼灣返工人士注意⚠️有一間重慶打邊爐既餐廳 晏晝係食重慶小菜👅 地方好大 坐得好舒服😌鍾意食辣嘅人一定啱👹.#酸菜魚片 $72呢個小菜有一粒🌶加咗酸菜中和返 唔算太辣酸辣真係好開胃😋魚片好多好滑 有成廿塊左右 而且全部冇骨👍🏻 相信係晚市打邊爐嘅配料另外底下有好多粉絲😏 粉絲索哂酸菜嘅味 撈飯食好正🥰.#麻婆豆腐 $66呢個小菜同樣有一粒🌶但呢個真係超級辣🌶⚠️ 豆腐索晒啲辣椒味 食落係麻辣嘅感覺👄 底下仲撈左啲秘製嘅麻辣重慶醬🌶🌶🌶同超辣嘅肉碎鍾意食辣嘅人一定要試吓👍🏻.每款小菜都會配 #養生野生菌湯 1客🥰用料豐富 同埋生菜🥬 都算係辣得健康.午市同下午茶係要加一 不過下午茶由兩點半開始有8折🤑.#火鍋英雄銅鑼灣駱克道491-499號京都廣場三樓