燒皇燒烤專門店

营业中

休息中

荃灣有個士林食街，當中最受歡迎雞煲莫屬，每逢晚市店舖外永遠堆左一大堆人，呢度雞煲醬汁非常濃郁，所有湯汁係店家特別調製，湯底選擇如: 椰子雞煲、藥膳雞煲、麻辣雞煲、酸菜雞煲等。除左雞煲之外 , 呢度即叫即燒串燒，製作確實需時，但水準之上，值得等待!雞件值得盛讚，雞肉嫩滑，煮得剛剛好，醬汁濃淡適中，醬汁包住雞件，食落麻辣味十足。川燒特級茄子:採用厚身長型茄子，超大茄子原條上，加上蒜蓉和醬汁，簡單，但好吃，配上辣油，Wonderful！燒毛茄($20)，做得很香口，微微焦香加上調味，想不到地有味。貴妃蚌($90/2件)：新鮮、彈牙，蒜香濃郁，超級滑溜，超讚燒紐西蘭上級羊架($40).羊架完全無羶味，肉質鮮嫩，

我既工作每日地點不同，朋友多既我，今日知道自己係荃灣收工，所以下午就約荃灣友食個晚飯，佢話要帶我食好野～地點位置不錯，荃灣我不太熟，但以我所知這附近也算是食街～雞煲有四種，麻辣，酸菜，藥膳，椰子，朋友就係帶我來食椰子雞煲～配料我地點左美國頂級安格斯肥牛（大），日本黑豚豬腩片（小），什菜拼盤～我地兩個人所以點左半隻雞～湯底有紅棗加棷肉仲有雪耳～牛肉厚度適中，油脂分佈岩岩好～豚肉睇落好似好肥，但入囗爽口彈牙！串燒我揀左川燒特級茄子$45，燒到真係岩岩好，基本上可以夾起條條茄子絲～燒牛柳粒$16一串，入口有彈牙既囗感，亦重牛味～燒白鱔$88，這個厚肉，肉比較嫩滑，皮燒到脆囗，皮脆肉嫩一流蒜茸牛油燒生蠔$35一隻，$55兩隻，生蠔 新鮮又大隻 ，外面好多通常燒完都會縮到好細隻！所以呢個燒韮菜$30椰子雞煲湯底清甜，加埋嫩滑雞肉，滖好時試左一碗真正既椰子雞湯，真係好清甜～感覺好似食一個不熱氣既火煱～串燒全部都好好，不會等太耐，而燒得岩岩好～讚

呢排天氣勁凍，放假真係唔想離開張牀，但係典到夜晚點都要外出醫肚，但首要條件就係要食啲暖笠笠嘅嘢。聽個fd講荃灣有間口啤唔錯嘅雞煲同燒烤店,一於搵個fd帶路去試試究竟係堅定流先。店唔算難搵,個招牌都幾樣眼下，7:30已經座無虛席，好彩個fd醒目book左位,抵錫!一坐底睇睇個Menu都好多嘢揀，真係頭都痛埋。經老闆娘介紹下,先叫左個椰子雞煲！呢個雞煲,材料十足,個椰子湯超鮮甜，椰皇肉超爽口，雞又嫩滑,真正真材實料！天寒地凍食呢個招牌雞煲,正!值得推薦!燒鵝肝多士炸得超脆，燒鵝肝又係燒到剛剛好,好好嘅餐前小吃。蒜蓉燒蟶子皇，燒白鱔，燒貴妃蚌，燒元貝老闆娘又介紹左呢4款燒海鮮!講真!食材極鮮甜，有久違左嘅鮮甜味，比蒸更好味。果然係好嘢。尤其係燒白鱔，大大件又啖啖肉,抵食！燒大眼雞燒到啱啱好，魚又新鮮,一啲都唔乾。師傅燒功上乘，讚!原來口啤咁強真係有原因的,食材又新鮮,價錢又非常合理,服務態度又好!真係有啲驚喜,見到好多熟客,咁就証明真係有料到,又一間值得推薦俾大家嘅食肆。

近排心思思好想食串燒同埋雞煲，好好彩畀我搵到呢間餐廳，可以同時滿足我兩個願望。先簡單講餐廳嘅優點同缺點佢嘅上菜速度快，食物質素不錯不過飲品種類較少，酒精飲品需自行購買我哋叫咗牛舌，黑松露醬燒生蠔，茄子，烏頭魚，金菇同埋其他串燒再加一個椰子雞煲。落單之後，一直冇停過上菜，甚至喺個雞煲滾之前，所有食物都已經上齊曬。味道不過不失，值得一提嘅係，雞好嫩滑同入味，海鮮都好新鮮惹味。店員嘅態度都好友善，有問必答，亦都冇做啲咩趕客行為，坐得好舒服。喺我哋食緊嘢時，仲畀咗啲食用貼士我哋。特別嘅係，個椰子雞煲同啲串燒好夾。同以往食開嘅雞煲唔同，佢比較清淡，夾埋串燒嘅效果異常地好。同朋友食得好開心，已經約好有機會再嚟食過。

荃灣區越來越多美食聚集，今晚我們找到一間抵食雞煲＋串燒的食店—燒皇燒烤專門店，真的大飽口福﹗位於士林食街的燒皇燒烤專門店原來不止BBQ，還有其他惹味菜式⋯燒烤款式選擇多多，由海鮮、肉類到蔬菜應有盡有，更有雞煲可及火鍋配料，絕對是好友聚腳好去處⋯我們點了麻辣雞煲，好保守地點了BB辣及不麻，如果不算認真怕辣不妨點小辣小麻，相信會加倍惹味﹗雖然是BB辣，但味道確實非常好，醬汁濃杰，入味非常，而且雞肉嫩滑得來更是啖啖肉，我們2個人點了1隻雞，好令人回味～這裡的海鮮都很新鮮，像這條燒烏頭，外面燒得黑黑乾乾似的，內裡肉質鮮嫩且肉汁豐富，加上特配醬汁，甜甜辣辣又酸酸的很醒胃⋯抄蜆也是必食批介，我們同樣選了BB辣，有鑊氣，火喉剛剛好，令蜆肉軟身又有咬口，不會乾軔，正﹗看食評來點菜時，我首先被這個燒皇炒米粉吸引，因為我本身是腸仔FANS，而且喜歡吃抄米粉，所以就點了這個燒皇炒米粉，米粉不算乾身，也不太油，有此小焦香味，材料也十足，非常飽肚⋯此外這裡的串燒味道偏燶及咸，但惹味無比，特別推介燒M7安格斯牛肉串、燒牛舌、燒牛柳粒、汁燒京蔥牛舌及燒雞中翼，牛肉外表黑黑實實，但咬落原來軟腍多肉汁的，牛舌更是牛味濃

近排天氣真係凍到一個點啊，所以出街食飯最好都係打邊爐，可以暖下個身又暖下個胃，相信個個人都係咁諗，所以餐廳都滿座，我地都要等一陣先有位，座位比較逼，不過我地4個人就被安排坐6人位，有空位可以擺厚褸同袋，都算坐得舒服由於人太多，唔夠人煮野食嘅關係，侍應好好人叫我地快快落咗雞煲，如果唔係可能要等好耐，所以我地就好快咁揀咗中辣麻辣雞煲(壹隻雞)，一打開蓋就可以見到好足料，另外仲有落重調味料，例如莞茜、花椒、八角、辣椒等等香料，令成個煲都充滿香，食落少辣帶微微麻，好惹味，而且主角雞肉都好嫩滑，仲啖啖肉，食完隻雞都飽咗4分1啊~雞肉都食得七七八八，淨番啲雞腳用黎熬湯打邊爐，打邊爐嘅配料一定唔少得有牛肉，我地就叫咗碟加拿大特級牛肩肉(大)，份量都唔少，不過最吸引嘅當然係佢油脂分佈有如雪花紋咁分明，而且嫩紅嘅肉色，目測就知質素好好。稍稍灼一灼就可以食，肉質嫩滑易咬開，吸收咗麻辣嘅湯香，所以味道帶麻，但係又唔會蓋過牛香，真係食指大動啊~呢度除咗主打邊爐，仲有得食串燒，等你唔洗二揀一，可以兩者兼得，首先黎嘅係燒牛舌，嗌咗小辣，但係唔太食到，牛香重而口感帶爽口，略厭有啲難咬開另外要咗個特級小食，燒法式鵝肝

今日實在太凍啦, 同兩個buddies 一個又話雞煲一個又話要串燒, 見到呢間兩樣都都滿足到我地就去試一試. 見到呢塊餐牌, 雖然冇價錢我已經有幾樣野好想試啦. 坐低大家已經極速點野野食,餐單全部自助畫單非常清晰. 串燒部既食物先到 牛舌燒得好好, 唔會變左柴皮又唔會穌呢個羊肉串令到我覺得好impressive! 燒得好味唔在講, 佢既肉係一大粒一大粒而唔係碎碎個Ｄ肉咬完出黎痴左一半在竹籤上個隻. 生蚝好大隻呀! 燒到半生熟鮮味仍然保留得好好. 我全晚最好奇同最想食試既野出埸啦, 燒魔鬼魚呀!! 食落去同其他魚的肉質好唔一樣,係一排一排的魚肉. 爽滑有口感, 絕對係可以連骨都食埋, 裡面全部都係軟骨. 魔鬼魚層魚皮係彈牙好似有小小脆肉鯇既口感, 成件事既口感都令到我覺得好爽呀. 因為都係第一次食好有心癮想食完再食既感覺.終於到左我至愛的雞煲啦,呢度好好可以唔洗加錢點多紫洋蔥. 我地點左一隻雞,佢既份量都真係好足,我地一度懷疑係多過一隻雞既. 上枱滾左5-10分鐘後店員好好黎到幫我地炒左一炒叫我地熄火, 熄左焗５分鐘後就食得. 叫道好好雞好滑唔會老. 店員解釋係因為如果我地不停滾既話會浪

喺荃灣食嘢，有好多選擇，例如去鱟地坊，可以食打拎、串燒、茶記、麵館、唦嗲、西餐、甜品專門店……不過，我多數係嚟食雞煲。今晚好凍! 得7度! 最好係對住個熱騰騰嘅火鍋，食住個椰子雞煲，夠滋補養生，瞓覺都會發個好夢。同個friend 嚟到，好彩唔使等位，否則要企喺條街捱凍等位實俾佢鬧死。雞煲有4款: 麻辣、酸菜、藥膳和椰子。唔多諗，都係照舊啦，食椰子雞煲，要半隻雞就夠喇，因為要預個肚食下其他串燒、燒烤嘢。鍋底好多料，雪耳、紅棗、杞子和椰子，識嘢嘅，都知道夠滋陰養生。半隻雞，size 唔細，多肉，無肥油，唔怕搞到個火鍋油冧冧。雞煲要等15分鐘先有得食，好彩碟熱辣辣嘅炒米粉轉個頭就到，可以食住等。【炒米粉】味道辣辣地，又夠鑊氣，好食!【燒蕃薯葉】味道都OK，不過略嫌油咗啲。如果，加少少紅椒絲會唔更好啲呢?【川燒京蔥牛舌】、【川燒蒙古羊肉】真係無得頂。唔羶，肉質好，燒得香噴噴，上面撒咗啲秘製辣粉，真係好好味，會食到上癮。我見隔離檯三仔乸嘆住紅酒，食完兩串，又叫多兩串，跟住又叫多兩串，果然識貨。【燒羊架】個樣好得，食落仲得。唔羶，醃得入味，烤得火喉啱啱好，唔韌，羊肉味豐富。當然又唔少得嗰啲秘製辣味

荃灣成日都有好野食，今日朋友又帶我去食雞煲，平時雞煲都係辣咁先惹味，我又唔食得辣今次食依個就岩晒喇！椰子雞煲，一開蓋陣陣既椰子香味~~入面仲有紅棗紀子雪耳，真係好養生haha半隻都夠晒2個人食d椰子好似係新鮮刨出尼，咬到軟身，而個湯底煲耐咗係愈尼愈清甜，一開始仲筆咗碗湯尼飲，不過到最後d紅棗味出晒尼甜咗少少d雞配清甜味好夾，另外仲嗌咗生根，吸晒d湯底味仲嗌咗碟腩肉，肥膏偏多，肉質唔錯，不過依個腩肉同清甜既湯底味道唔夾，好似襯返麻辣鍋果仲嗌咗碟蕃薯葉，蕃薯葉始終係台灣食真係好味d，不過依間都整得爽口，但真係油咗d嗌果兩串串燒，依間雞皮燒得偏脆口，其實都睇個人口味，有d人中意脆口，有d中意保留返d雞皮本身質地加d醬汁鵪春蛋次正正常常既不過始終入鋪食，所以串燒尼講，價錢次偏貴ge

今日係荃灣行完街就係附近搵野食, 凍凍地又想打邊爐黎左呢度食雞煲呢度雞煲除左麻辣/ 酸菜/藥膳, 仲有椰子雞煲我地叫左麻辣雞煲,小辣,BB 麻 雞煲首先要煮一陣先再炒, 當要炒既時候, 侍應都主動幫我地之後等大滾再熄火焗5分鐘就食得雞煲味道濃郁, 辣度適中, 雞件嫩滑我地叫左多洋蔥, 好爽甜食曬D雞就加湯, 我地叫左少少火鍋料繼續食睇左其他人介紹, 見到加拿大特級牛肩肉好似幾正, 但美國頂級安格斯肥牛仲正, 最後要左安格斯油脂分佈平均, 但未完全解凍, 要滾多陣先食得牛味濃郁, 貴D既安格斯果然無令我地失望什菇拼盤, 起初我地誤會左只得金菇既? 原來其他菇係盤底除左食雞煲, 見到串燒都唔錯, 最平只係十幾蚊串我地口痕叫多D 串燒其實叫串燒時, 侍應會問要唔要辣, 之後想加辣既話, 枱面都有辣粉可以自己加燒菠蘿, 菠蘿本身已夠甜, 燒完都仲有好多汁，好juicy雞中翼, 一串兩隻, 雞皮香脆帶濃, 雞肉滑嫩juicy燒原條厚肉魷魚亦相當吸引, 食到魷魚原汁原味，口感煙靭夠咬口，係我推介之一燒茄子係原條上, 好大條, 表面放左好多蒜蓉, 未食已經覺得好香茄子燒得好好, 味道好夠味, 唔使再

第一次去依間餐廳食，三個人食都食左幾多野續樣續樣講拉- 黑松露醬燒生蠔黑松露味重，鍾意黑松露嘅一定鍾意 - 川燒特級茄子夠大份同埋香料好入味，正！- 紐西蘭羊架 唔算膻，唔會太韌。- 燒安格斯牛肉串肉質夠腍，咬落去多汁。- 鹽燒烏頭肉質滑，多汁，燒得啱啱好。- 芝士牛油金菇夠邪惡，雖然冇拉絲，但係芝士牛油味夠重。- 燒雞中翼佢有落香料喺面，所以味道唔會太寡。- 椰子雞煲依個真係好好食，椰子味夠重，有椰子肉，同埋有紅棗，雪耳，夠滋潤，食完燒烤，再食依個可以中和下。好食啊佢d野，下次會再食

今晚約左朋友係荃灣食飯,見天氣轉涼就食雞煲啦! 本身諗住食麻辣雞煲,但哩到竟然有埋養生椰子雞煲,決定一試 話明養生,真係好足料 我地二人份叫左半隻雞 嘩~一打開蓋,即刻試雞湯,雖然有D油,但係好甜~~~忍唔住飲多兩啖 食完雞就幾款火鍋料,有什菜,嚮鈴,粟米,芝心丸都新鮮, 芝士腸就一般 哩間除左食雞煲,我地仲叫左串燒同燒海鮮 燒海鮮值得一讚,大元貝真係好大隻,剛燒好熱辣辣上台,仲要鋪滿蒜泥,勁惹味,鮑魚燒到剛剛好,唔會覺得太老燒菠蘿又甜又多汁，大大件冇欺場另外串燒都有好多選擇,但我地人少少就點左一口蕃薯同冬菇,不過不失, 兩人埋單$568，價錢OK! 下次再叫多人可以試埋其他串燒 

星期二晚同男朋友突然想食串燒,上openrice搵下荃灣有咩串燒好食,見到燒皇有唔少好評,又有負評,都心大心細諗緊試唔試下好。最後見個價錢都相對地比較抵,所以就去左食啦。入到去發現燒皇唔止有串燒,仲有唔同款雞煲,於是唔想太熱氣既我地就叫左一個藥膳雞煲,同幾款串燒。首先黎左我同男朋友都超喜歡食既燒九菜，燒菜最緊要係個水份同調味料，呢個九菜出乎預料既好食同香口，而且唔會燒到好乾！之後到每次食串燒都必食既燒雞泡魚，都係超級好食，好驚喜，首先唔會燒到好乾，魚身帶少少甜，同魚乾既香味，夾埋沙律醬，超perfect!然後黎埋燒牛舌同燒雞腎，牛舌同日本食既有得揮，完全無失望，有口感同牛味！雞腎同調味料好夾，燒到好香脆爽口！食左咁多熱氣野，男朋友叫左個生蝦刺生，個肉質都爽口同新鮮，不過始終唔係專食泰式野，個汁少左份泰式風格，但都好食既！之後到我地最期特既燒鱔！肉質同預期一樣好爽口，唔會燒到好乾！正！最後係必食推薦既燒茄子，如果鐘意食蒜既話有口福啦，佢係爆爆爆多蒜！好惹味！最後黎左個藥膳雞煲，好足料既湯底，待應姐姐仲會教埋點煮先係最滑，煮完焗左陣先食，果然好滑！藥膳湯底男朋友超滿意，下一下熱氣！仲叫多左

挨年近晚做到冇停手，晚晚都要ot，今晚收工仲凍冰冰，又餓又攰，今晚和同事一於要慰勞下自己，食一餐好嘅。呢間燒皇燒烤專門店，就啱曬我哋，佢有齊邊爐鍋，又有串燒，今晚寒風刺骨晚上，夠曬熱辣辣。藥膳雞煲＄198@1隻 原隻鮮雞上枱，先把雞件分段放下，不一會，整鍋雞煲沸騰起來，濃郁藥膳味道香氣四溢，每件鮮雞吸盡藥膳精華，雞肉鮮甜無比，跟藥膳匹配得無械可擊，滋陰補氣血，即刻暖笠笠。美國頂級安格斯肥牛＄128呢個肥牛真係冇得輸，雪花點點 嘅肉質，只要輕輕在鍋裏燙一燙，你便立刻品嘗到頂級肥牛滋味，肥牛軟綿綿，肉汁豐富，安格斯名不虛傳。燒一口甜薯$16 x 2 一顆顆飽滿圓潤甜薯，燒得香噴噴之餘蜜甜味更出眾，潤澤喉嚨。 燒M7安格斯牛肉串＄38另一款牛肉串同樣出色，火路控制得宜，汁液仍然豐盛，非常滋味。燒紐西蘭上級羊架＄40 優質羊架食材，肉質軟滑幼嫩，羊肉嘅幽香撲面，不溫不火，味道調較恰到好處。蒜香網燒鮑魚＄80兩隻老闆對食材絕不吝嗇，大大隻嘅鮑魚，燒製得巧手非常，鮑魚香氣逼人，肉質鮮甜潤澤豐富，汁液全沒有一丁點流失。芝士牛油焗金菇＄40 一打開賣相已經好吸引，芳香撲鼻，金菇滑溜非常，滑捋捋軟綿綿，

又與荃灣區的朋友飯敍，想打邊爐，但朋友想特別一點，最後就選了這間有雞煲和串燒的餐廳，在我心目中，雞煲其實就是打邊爐啦!雞煲有藥膳、麻辣、椰子可供選擇，點了椰子雞煲，我們只得兩個人，就點了半隻雞。煲內椰子肉非常足料，食到最後兩個人都食不完!叫了碟安格斯牛(小)，好大碟!肉質夠惗，脂肪比例一流，抵食!燒物上場，羊架夠香夠肥，超好味！芝士牛油焗什菌，溶了的芝士配合菇菌，很有口感。蒜蓉燒貴妃蚌和蒜蓉燒蠔。兩款都大大隻有鮮味!最後加份鵝肝多士，十分滿足!餐廳選用的即棄餐具比較多，比較不環保，但勝在較衛生。看來請清潔工人真的好渴市。