王子飯店京川滬廚房 (已結業)

平時上海菜，總不會太高要求，特別是這些連鎖式。更加會想說是否正宗，是否好味？！我覺得這兩個應該要分開，正宗未必啱自己口味，但是好味就一定適合自己。而王子飯店就是屬於後者。上海菜出名多油濃味醬多，但是昨天並沒有太重這些感覺。而且一間中菜總會有些做得失準的菜色，但是昨天叫了眾多餸菜，並沒有失準，而是全部好有水準！我們一行11大人3小童，我們選擇不叫套餐(8000幾蚊）因為燒豬這些東西不用在上海店食吧，最後我們決定散叫，總共消費＄4700其實算係好抵。口水雞，土豆絲應該有的辣味做得很平衡。片皮鴨及所有都涼菜都做得很出色，如果你問我有沒有什麼推介的菜式，我會話你放心點任何菜式吧。哈哈

朝中有人好辦事、今晚好友安排飯局@「王子飯店」、嚐到不少off Menu傳統手工菜！👍🏻😍「清蒸無花果」原來無花果清蒸再沾上胡麻醬係咁正！好適合不喜歡食水果的我！👍🏻😘「茘茸海中寶」以芋頭做嘅寶盤、芋頭成為了主角、男友食到停不了口！😜高湯海中蝦（麵條）、「黃鱔飯」夠香夠乾身！😍甜品雖然不是我杯茶、但還是受不了「即焗」兩字、淺嚐半隻「酥皮蛋撻」、半件「香滑芝麻糕」！大滿足！👍🏻😋😋😋*****十三道菜單：前菜特色鯪魚球清蒸無花果+胡麻醬京式席前片皮鴨湯品生磨杏汁銀肺花膠湯主菜茘茸海中寶（獨家失傳菜）高湯海中蝦焗釀蟹蓋砂窩干迫銀鱈魚古法炸釀糯米雞蒜蓉芥蘭葉 （凍食）主食古法果皮蒸黃鱔飯甜品即焗酥皮蛋撻仔自家製古法芝麻糕😋😋😋

尖沙嘴 1881Heritage 既王子飯店；可能同佢周邊環境同飯店裝俢設計較為優雅既關係...比人有一種鬧市中寧靜嘅感覺！而且又坐得舒服！呢次係我第三次到訪，同樣都係飲中午茶。這家飯店招待態度仍舊不錯，服務也很貼心周到。點心方面，雖然冇傳統茶樓咁多選擇，但食物質素仍能保持！有留意的話，會見到王子飯店都會經常做二人或四人午茶或晚飯套餐既團購。個人覺得其實都幾抵㗎！我都買過兩次二人午茶套餐，價錢大慨$288左右！

1881 Heritage 王子飯店位於尖沙咀繁華的購物大道—廣東道著名的歷史文物古蹟景點之內，裝修古典優雅，擁有舒適的户外用餐區，可以一邊欣賞優美的建築一邊享用美味佳餚。今次一夥朋友預訂了自選菜式,先有珍鴻運乳豬全體;杏汁白肺燉花膠湯;和味蝦扒;古法鮮淮山燉黑鬆鵝;花椒蒸海星斑; xo 醬通菜豬肚; 日本櫻花蝦炒飯;香滑芝麻糕!款款都令人回味!

周未係尖沙咀想搵個靜靜地嘅地方，1881王子一定冇死！價錢係中高檔，食物唔係太精彩，只係點心名特別D公主vs.王子！蝦餃不過不失金錢肚冇乜鹼水味！排骨，唔多肥肉，件件可以入口鴨舌，唔多，但件件大細一致，明顯用心揀過!炒蘿蔔糕，上枱以為煎完放一匙XO醬就算，但食落件件都有XO醬味道！雖然唔係炒，但好好食！失敗蛋撻仔，雖然新鮮即焗，但疑似撻皮放了太久，有D益益哋！整體：環境舒服，尖沙咀星期六人都唔多食物只係正常，但已好過“DS Library”好多服務有水準，唔會黑你面！

與家人一起買了團購，必定以兩位為一單位，可選擇2人，4人，8人，及12人。服務態度很好，並不會因為團購而有怠慢或任何不好的面色。可能因為現在是淡季才有這些團購吧。侍應會問我們想碟上定自己分，我地一家人當然我地自己分，不過其實就算碟上都唔係好多樣菜需要侍應分。先來燒賣，焗叉燒餐包(又名天下第一包)及酥炸蝦角，每樣都熱騰騰拎出黎，新鮮又好味，跟著侍應幫我地分猴頭菇燉雞湯〝超好飲呢再黎中山王子鴿，出面好多整到肉過火，呢間整到好嫩，下一味係蛋白花雕蒸北海道帶子，我先食左帶子先，蛋白入面有蟹子同菜粒，所以食落好香，下一味墁個高湯杞子浸菜，菜吸左湯同杞子香味，無得頂呢 下味黎個王子擔擔麵飽肚，佢原來唔辣，重好重花生香味，有花生敏感千祈唔好食呢味最後一味陳皮紅豆沙作總結，一放低碗紅豆沙好香，平時我絕對唔會食紅豆沙呢類甜品，但呢度我聞到果皮的清香，忍唔住食左半碗，因為太飽啦食唔哂比埋老公食。總括黎講我都會推薦比人食

我究竟係咪地獄黑仔王？幾年前，外地朋友嚟旅遊，想食中菜。見到出面環境幾靚就試下啦。我記得個乳鴿幾好食，其他都幾好。上年朋友再嚟我地就去食午餐。嗰日唔算好熱，但一路食大家都一身汗，其實得幾圍枱客。終於頂唔順，問可唔可以開大d冷氣？佢話開咗㗎啦，可能有天窗所以熱。後來越坐越焗都無心機食，點心其實唔差，但真係無乜空氣咁。食得好辛苦，熱過食大排擋，但收費又唔平。咁就埋單走，好聲好氣同佢講好熱又焗。佢話 :"你應該調枱吖，坐近門口無天窗就無咁熱，仲有啊，下午少客係無乜冷氣㗎！"好啦，今晚又去，因為老人家想食乳鴿。一入到去就話我地無book位，四個人要等。過一陣就話有枱，但張枱俾隔離枱放咗輪椅同BB車，我地根本無辦法坐到四個人。攪一輪話俾我地坐入面，咁入到去，原來根本得三枱客，當時係六點幾。我地坐低，想要BB櫈，無。無menu 又無水無茶。等。十分鐘都無人。終於見到有人，俾個wine list我。問佢有無menu ，有，又等。嚟到又無俾另一個menu....攪攪攪都係無人理你......個個企响門口吹水。勁！

一年一度的生日飯局, 家人請我去尖沙咀1881 Heritage 內的 王子飯店 , 真是令我開心 !那燈光招牌打於那圓塔牆上, 極吸引.......客人可以沿迴旋樓梯, 又可以乘搭飯店專用电梯直達二樓飯店, 感覺很有氣派!   飯店間格是弧形,  沒有大主堂, 只有兩行位, 所以枱與枱之間位置很寬,  方便一家人或三五知己晚餐,  室內環境典雅憩靜, 燈光柔和, 有格調.我們三天前已电話訂座,  侍應很快便安排座位給我們, 梳化座椅坐得很舒服.店主打京川滬菜, 食品款式不少. 家人点了菜,  侍應有效率的開了茶,  茶壺下還放了保暖蠟燭座, 很窩心.  名茶每位 @$25- 前菜小食, 是蕃石榴及薄脆,  簡單好吃 @$ 54,   並有王子 XO 醬 @$36,很快便送來第一道食品:西班牙黑毛豬叉燒   @$268-食材選用黑毛豬肉, 肉質鬆軟, 只是畧肥.  叉燒調味不錯, 醬汁十分惹味.  燒得夠香口.杏汁白肺花膠湯  @$138/位 -湯料不算多, 銀杏同豬肺都燉到好稔, 每人只有一碗及一塊花膠, 湯入口杏汁味美,  但不算濃.   好在夠熱.法國鵝肝百花煎醸鳳翼 @$128

响團購見到有王子飯店既午餐，8人餐只係$888，價錢好低! 咁耐無黎過，一於搵埋成班親朋戚友黎試下先! 唔好好以為咁平冇咩野食，個set其實好豐富架!1. 點心三款︰蟹籽燒賣、天下第一包、酥炸蝦角2. 鮮人參燉雞湯3. 招牌王子鴿（每位半隻）4. 蛋白花雕蒸北海道帶子5. 杞子浸時蔬6. 王子擔擔麵7. 綠豆海帶糖水樣樣都好好味!完全唔會因為團購而將貨就價，抵讚!特別要讚一讚王子鴿，果然係招牌菜!好香!好淋! 雖然個set有好多野食，但係一場黎到，睇到餐牌又想叫其他野食，好貪心啊! 特別要講，纓花蝦炒飯、芝麻糕和鮑汁雞腳都好好味! 總括黎講，呢餐有團購優惠就緊係好抵啦！值得讚既係高級既食府都肯做團購，又貨真價實，唔會因為團購而細碟D或者質素差D,keep住原有水準! 👍其實，咁先至係宣傳，食過好味就自然會再黎幫襯啦！

王子飯店，在香港是老字號，也在國內甚有名氣；不過讓我奇怪的是，我來過兩次，兩次都沒有看到香港人，全部都是國內人光顧。這間飯店，可以說是鬧市中被忽略了的珍珠。他們食物水準之高，讓我折服。不過同一時間也要留意，他們的價錢甚貴，但有物值。可以留意著他們的 Groupon。當有 Groupon 推出時，就是我的出動時候。文章的相片調轉了，請大家將就一下，但也無損大家了解這間餐廳的雅慶。由於掉轉了，先說飯後甜品，不過嚴格來說也不甜，是棵品。內裏有甚麼配料我忘記了，但我記得有花生，有肉碎，整體配搭一流，是全晚其中一道值得我 highlight 的菜式。即使是湯菜，也甚好味。這晚我們吃的是黃油蟹宴，吃過蟹之後，來一個菜，真是恰當。炒飯也是絕妙之品，飯乾身，很惹味，讓人吃完一口又一口。釀雞翼，來到還是熱呼呼的，裏要有大量蝦膠，光是看到已經流口水了，這些都是心機之作，值得讚賞；味道一流。主角是黃油蟹，不算大隻，但也夠吃，中等 size：叉燒絕對好吃過利園。利園有米芝蓮一星，拿手小菜正是叉燒；而這裏的叉燒，比起利園不知高出多少倍。叉燒是用黑毛豬做的，吃法絕對有分別。湯羹也是妙絕，味道一流。這個套餐還有日本

自從王子搬咗去1881就未再食過，所以今日同媽媽去飲茶～蝦春卷，蝦都幾多，爽口，脆卜卜，ok!煎菜肉包，料多，好味！鮑汁雞腳，雞腳炸過先燘，唔易爛，鮑汁ok!天下第一包，皮薄，不過d料好小，一般～麻辣木耳，辣得過咗火，一般～整體都0k嘅，價錢唔貴，不過環境一般，好窄，以前係北京道一號比較好d～

今天我們為兩位同事慶祝生日，來到了王子飯店京川滬廚房聚餐。我們之前都沒在這間餐廳吃過飯，之所以選擇這裡，是因為它地點接近我們公司，而且看網上的照片，環境好像很不錯。餐廳位於1881，從地面搭電梯或升降機上一層就到了，位置很便利。室內環境典雅憩靜，牆壁是紅磚牆，保留了其法定古蹟的維多利亞時代建築特色。照明以天窗和落地玻璃門透入來的自然光為主，所以光線十分柔和。點菜紙足足有一張A3紙大小，菜色豐富得令人花多眼亂，最後我們總共選了十多個點心和飯麵等等。茶我們選擇了香片和菊花。菊花很清香，但香片我略嫌過於清淡了點。值得一提的是，侍應會在茶壺下放了暖爐，爐中央有一個小蠟燭，以保持茶的溫度，這實在是很貼心的服務呢！由於餐點眾多，以下我就只選幾項較為突出的菜色作評論。子薑糖心皮蛋 ($48)可惜蛋黃不是糖心的，比起在亞士厘道某著名的酒樓遜色了。幸好皮蛋的蛋白又滑又彈牙，蛋黃味入口也夠綿密濃郁。鮑魚汁炆鳳爪 ($58)我和同事都讚不絕口的一道菜！鳳爪很入味，充分的吸收了鮑魚汁的鮮甜。而且炆得夠久，軟稔得用筷子輕輕一夾也能把它夾開。鳳爪皮已變成呈半凝膠狀態，入口時幾乎溶化了。XO醬帶子煎腸粉 ($48)

公司大地震後, 同事們各散東西, 難得友情依舊。今晚再次聚首一堂, 訴説各人的惨況, 但願大地震從沒有發生, 大家能一起再次工作。飯局地點是由舊同事發板, 選定位於Heritage 1881 的「王子飯店京川滬廚房」。由舊水警總部變身至集商場、酒店、食肆一身的Heritage 1881。在燈飾的配襯下, 晚上特別漂亮。原來「王子飯店」不是在Heritage 1881的主建築物內, 而是在旁邊的圓塔內。可以走迴旋樓梯, 又可以乘搭飯店專用直達位於二樓的飯店, 有些上高級飯店的氣氛。甫入飯店, 有别一般中式酒樓, 餐枱一字排開。水晶吊燈、掛牆畫藝，配上寬敞舒適的大沙發，環境優雅。飯店位在小圓塔内, 因此所有擺設都要弧形地放, 真係好睇唔好用。今晚飯局有2圍, 店方安排我們坐於廂房內, 環境清靜。服務員殷勤的服務, 令筆者有如置身於高級會所般。舊同事有熟人介紹, 跟飯店擬定價值 $4800/12位的全包宴。由於熟人介紹, 因此免去不少雜費, 如開瓶費、切餅費...等。出外靠朋友, 認識多些不同背景的朋友, 真是沒有錯!筆者不太理解為何婚宴喜酒必定由打頭陣，而豬頭總有兩顆閃燈裝飾。記得食家唯

試過陶源和小南國的大閘蟹餐，覺得意猶未盡，一於試試王子飯店的大閘蟹餐。頭盤有海鮮羹，冬瓜蓉中爽雜爽口的蝦肉，讚！接着而來的蟹粉醸蟹蓋，本來満有期望，但卻十分失望，一點蟹的味道也沒有，只有許多許多的洋蔥和白色醬，不吃也罷！主角大閘蟹來也！雖然只有五両，但蟹膏算多也算肥美，蟹醋的甜味調得剛剛好。但食蟹需時，還是食大隻一點會開心一D。食咗個半鐘都有D攰，但滷鴿果然有回魂之妙，乳鴿嬌小肉質相當嫩滑。而五十頭鮑魚麵則不過不失，鮑魚有味不太un。最後的薑茶湯圓，湯圓皮太厚，雖有芝麻味且糊在一起，薑茶薑味濃和甜味的平衡很好。一試無妨。

1881 這地方經過次數很多但就絕少會在這邊吃貨除了上年Xmas在這吃過法國菜外都沒有特別會想到這裡好吧友人說不如來這那就一試吧先是心點餃味道普通..不算特別小籠包皮不夠薄叉燒都可以燒鵝都不錯鮑魚也不錯但這釀焗鮮嚮螺味道就太一般整體味道2.5/5服務4/5這裡可以吧但不會是道選希望下次會有進行