生記滷味

营业中

休息中

I shall be brief, because I typed this review initially fully in Chinese, then somehow OR logged me off and I had lost everything. Anyway, this shop has 2 outlets, one is in Hung Hom and one in Sai Wan, which is quite famous within this area. We were about to meet up with some Overseas Bloggers, and I was hoping to show them some Lo Sui food from Sai Wan, which is very famous for it along this little known local area.Unfortunately:- The 鹵味 was not very fragrant at all, and it carried very li

想多年係上環返工,間中都有機會去生記買鹵水鵝返屋企食...但轉工後已經3年無食過啦。是日放假,就一早走去生記買左1/4隻鹵水鵝($78),再加4件鹵水豆腐($10)...鵝片雖然比連埋骨既鵝肉有點兒"鞋",但係仍然係好味道...鹵水豆腐~就出奇地怪...無左豆腐應有既味道,只有鹵水汁既味道經過3個人既努力,最終都係食唔晒...下次都係買少啲先得~

收工後屋企冇飯開,唯有自己有自己一路沿住皇后大道西行下行下行到生記門口,得知生記十分之出名鹵水的,便闖入開飯啦~餐牌花多眼亂,我十分之三心兩意,樣樣都想試下,最終有選擇困難症既我選左鹵大腸拼鹵水鴨飯先送上例湯,是夜是合掌瓜煲豬骨,湯不是太燙口,非常清淡沒有下味精再來鹵大腸拼鹵水鴨飯,份量幾多,除了大腸同鴨外,師傅仲搭多件鹵豆腐呢!豆腐比較實,鹵得不夠但豆味重~大腸同鴨鹵得好夠味,鴨肉夠厚,啖啖肉而且唔會太肥膩,最重要入口唔鞋,好好味!以$25呢個價食好野~抵!

24/1(日) 3pm為當晚的晚餐加料,特意到此響噹噹的老牌滷水店,購下滷蛋$5兩隻,豆腐$10五件及鴨腎$10.先評滷水,味道偏鹹,遮蓋了不少五香味.而各滷物皆入味非常.亦俱備應有的質感.

自從畢咗業之後都無再去過西營盤。咁啱嗰日番去攞野，又點可以放過食滷水嘅機會呢！於是買咗好多，多到食咗三餐！我買嗰時完全唔知係咁多同咁貴，好在有足夠cash 啫！買咗成$250！一大盒加一小盒。送咗件豆腐同一隻蛋。水準依舊，滷水味濃，夠味，配埋蒜茸醋一齊食好正。鵝腎超爽口，又入味；鵝掌$18隻，好大隻，又好肉地，外皮還帶點爽口。鴨舌好正又抵食, $35 有成三十隻左右。鴨舌肥美！鵝片由半隻鵝切出起片，都好多肉。片得好靚，擺得好整齊。鵝片比鵝肉來得鞋，但就啖啖肉，唔洗luen 骨。鵝肉雖然有骨，但肉就比較嫩，無咁鞋，尤其脾位好正！

24.9.2009 炎熱燻魚就吃得多,燻鴨($180/隻)還是頭一回吃! 還要是潮州鹵味-生記出品。很期待…吃一口,很香的煙燻味,內混了庶糖的甜味,不算太醎,肉嫩骨脆,很特別又好吃!從同事口中得知此燻鴨需要早一天預訂。他們用蔗渣燻鴨;怪不得我吃到有蔗糖味啦…唔,我的味蕾都「好勁」呀! 哈哈哈!溫馨提示各位為食之者:鴨比較大隻,6人吃半邊燻鴨也可以了(假設還有其他餸同吃),故最好與人對分為上策!

幾位家住西環的同事,都不約而同謂生記滷鵝好味道;心思思非要吃牠不可!星期六午後放工,自己一人先來這裡偷閑一下,我叫了一碟滷鵝飯跟例湯($25),以她的名氣,此價錢絕對不貴!一碟滷鵝飯約有7-8件鵝肉(鵝胸連骨),第一口已嚐到滷水的香味、不太鹹;鵝肉頗嫩,有點鵝油香味;反而臊味不多,但吃多幾件鵝,就覺得沒有滷水味…可能我的嗅、味覺感官已被同化,分不清楚,還心裡暗罵「不過如此」!如他們可於堂食時奉上一小碟滷永,豈不更好!最驚喜是白飯,粒粒爽身又煙韌,超正!但潮州食品,尤其滷水及醬汁一般通病,就是嚐後口渴非常…不知有何良策改善…有得有失啦!總體出品幾好,價錢合理…讚!待下次試多幾款嗒真啲!

外賣了兩個滷水飯盒。要了鵝腎拼豬大腸 & 鵝件拼豬腩肉，每個都只係$25，仲有例湯。例湯係苦瓜咸菜大豆湯，好味。吃不到苦瓜，但就飲得出苦瓜的苦味。咸菜切成細粒，咸味已進湯內。兩個飯盒大大的。每個盒飯都會附送豆腐一件(切成2件)同咸酸菜。鵝腎好爽口，又入味，很good~豬大腸係肥腸，入味，不過就較韌，要用點牙力。鵝件都幾好，肉質嫩，不會梅，有鵝味。豬腩肉，一打開盒時嚇了一跳，咁肥嘅！望落好似無肉咁，點食呀！不過拿起一塊看看，其實係有肉的，係五花腩。炆得夠時間，好淋，一層瘦一層肥。肥膏爽脆，豬皮炆得軟淋，又幾好味喎！我覺得食滷水，蒜茸醋都係一個精華。能將滷水的味道帶出來，亦能令味道喺口腔內留耐點，就是有點齒頰留香的感覺！

喺附近番學番三年幾，而家先至原來呢間鹵水店咁得。買了半隻鹵水鴨同$22鴨舌。佢仲搭咗幾件豆腐添。盛惠$60，好平！鹵水鴨半隻，切起上黎又幾多喎。而且隻鴨本身幾肥美多肉。鹵得入味，鴨皮油脂豐富，好甘香。鴨質鹵完都仲幾實淨，但不會實得得，肉又唔會梅。仲有一隻翼同一隻掌。兩者皆鹵得入味，皮爽口。鴨舌入味，無雪味。份量不少。爽口。豆腐就反而咸咗少少。整體好好食又抵食。一定會再幫襯。

八月初九‧晴忽然想起吃鹵水食物，坐巴士來到西環，幫襯生記。 可能真的是天氣熱，平日這裡是坐滿人的，是日只小貓三幾隻。只見老闆同老闆娘悠閒的在嘆功夫茶，幾咁優哉您哉。不要看這裡只小舖一間，但供應的食物可多，連鵝紅、豬咀、原隻鵝肝也有得賣的。看著餐牌，是日不想吃鵝，就來個「豬雙併」，要了豬頸肉併豬頭肉飯，扣底。 先來例湯，是非常簡單的豬骨湯。非常清淡，連鹽也不覺有下的。好處是應該沒有味精，壞處是近乎無味，如喝開水。 要了扣底，但飯也是相當之大碟，上面舖滿切片的豬頸肉及豬頭肉，份量十足；豬頭肉是多帶肥肉的部份，軟骨部份較少，口感豐腴美味，卻缺少了爽脆；豬頸肉薄切，口感自然略遜。還好是軟熟美味也不錯。這裡的鹵水是偏鹹了一點，可幸都幾有香味。 老闆娘健談，大家說起近日的股市，時間就這樣子飛快的過。 埋單25蚊，經濟抵食。

原來店鋪很細，只有三張枱。牆上有手寫餐單，鵝飯和雙倂要25元，其他都是22元，一律奉送例湯。滷鵝腩肉飯不出一分鐘就上枱，飯到，當然先來件滷水鵝。滷鵝切得很細，差不多呈條狀，鵝肉乾瘦，那層皮韌得似橡膠，咬也咬不開，嚼也嚼不爛。腩肉相對較好，肥肉不膩，瘦肉夠腍，有點入口即化的感覺。餸裏還有豆腐數件，不過滷水味道入不到豆腐裏頭，只是外皮有味。那滷水汁是另一敗筆，調較得又稀又薄，撈進飯裏，味道很寡很削。例湯是鹹菜豬骨湯，同樣是稀‘登登’的，是名副其實的‘例水’，喝到尾，還有苦味，大打折扣。想不到這餐如此令人失望，幸好不算貴，否則真真肉痛。後記：進餐期間，來堂食或外賣的，多數不是叫滷水鵝，而是豬頸肉飯，看來這也不無原因。

跟幾位食友相約來個夏日煲仔熱辣辣飯局，深知此店製作需時所以便拉一眾食友過來先買一點"小吃"來作間場之用。簡單地點了幾種食物，也順帶要了半隻鵝來吃。<<鵝肝>>甘香鬆化入味，口感幼滑沒有苦味，不過可見有一些肝的中央部份仍是紅色，如果都全是醃至完全入味，這就將近完美了。<<鴨舌>>柔韌性仍在，口感彈牙似嫩亦醃得入味，又是可以拿來佐酒的小食~ <<滷水鵝>>肉質出奇的嫩，肉都被那濃厚甘香的滷水汁滲透了，連帶一鵝皮的一點點肥肉一起吃下去，甘香豐腴就是這個意思了，實在美味得很~ 這裡的外賣除附送一小包酸菜之外，滷水汁、酸甜汁等都一包包公整的分開了，不像一般店都把滷汁淋在鵝上便算，製作確實認真。在跟店員傾談之下，發現他們在灣仔街市那邊開了分店，不知分店味道又如何呢﹖

說起生記，在西環可算是一間老字號，在那區已有逾十年的歷史，其陳年滷水的「年鹷」，相信已經歷一段漫長的歲月。其滷出來的出品，成色既深，吃入口中，入味之餘，也不會太過死鹹，還吃出一點清香。大伙人最後切了幾件鵝肝、並包了一堆鴨舌，再斬了近半隻鵝，作外賣之用，總共約是二百元樓下的價錢。帶點粉的鵝肝，將「甘香鬆化」這四個字表現出來，其鴨舌也嫩，至於帶骨的滷鵝，肥瘦適中之餘，肉質也不會過柴。雖然不是試過最好的，整體上已很過得去。店家也很體貼地將滷水汁、蒜蓉醋分開獨立包裝，好多滷味店其求淋一些上滷味便算了，回到家時已漏了七七八八，單是那包鹹菜，對好此道者來說，足以令你回味。

在前文坤記食評上提及的"自攜食物"是什麼?就是生記鹵味的鹵鵝同鵝肝.無獨有偶,兩年前老銅吃辣蟹的一局,又是同場加映鹵味.因為煲仔飯要等,所以有備而來,主人家在附近的生記,打包一些鹵味,邊吃邊等.紅墈蕪湖街分店吃過好幾次,而這間總店的水準,又好像比分店好.店中的靈魂鹵水沉厚濃甜,將鵝片鹵得極為軟熟,肉質一點也不粗糙.而且皮同肉之間的少少肥位,入口即化.而鵝肝也有水準,鹵得入味,入口甘香不苦.鴨舌的少少肉帶點爽,送酒絕佳.吃著鹵味送啤酒,既然有人也可以為大陸舉行奧運而去慶祝,我們也一樣借題來拿住杯藍杯乾杯.{為9'69乾杯!}我不是Bob Marley,一樣為牙買加的飛人保特乾杯,這個理由,夠型喇卦?

我諗生記係我D幾年食得最多既一間鹵味店...屋企斬料都會係度買..佢D鵝真係不錯...鵝肉味夠鹵人汁香...D豬耳都幾好味..我覺得比陳勤記..老泗果D好食..但一D都唔平..買一買都百幾蚊..但真係好食..我覺得值...反而堂食OK平..一個鵝片飯有埋湯都係$24-5...仲有佢D酸菜都好好食...總括..不錯