生記飯店 (已搬遷) 新店位置

如果福臨門是灣仔區的富豪飯堂, 我想現在的生記則可算是灣仔區中產飯堂. 印象中的生記舊店, 人多, 「佬」多, 菜大碟, 很粗礦. 味道是好, 但欠缺幼細感. 樓面太嘈, 只比大排檔好一點. 但消費便宜, 每人約$60-70 已吃得飽.生記新店在修頓對面, 法國文化協會附近. 上次父母來灣仔探我, 我正在辦公室中OT , 突然想吃號稱全港最好味的生炒骨, 二話不說要到生記去. 新店是上樓舖, 清靜一點. 侍應很有禮, 但愛推銷貴價海鮮. 不吃貴也不要緊, 小菜、炒飯、泥粥動輒近百元一例, 平極有個譜. 上次吃了新鮮石斑做的粟米斑塊, 比灣仔好彩差一點, 不夠熱. 但生炒骨真的很好, 肥肉炸透哂, 吃後不覺膩. 今天與前輩級再去生記, 因為我又OT. 必吃生炒骨, 泥粥. 我平常時不吃粥的, 好味的才吃, 而這個我就幹掉了一大碗. 土魷蒸肉餅也好, 不愛豬肉的我也吃上癮. 鹽焗雞更精彩, 本來我已戒吃雞肉, 唯有這裡的雞背肉值得我「冒險」.甜品是少見的白糖糕(婆婆說另一名稱是倫教糕, 因為它源自「倫教」), 席上個個叫好, 總比生果拼盤有心思.

第一次來生記晚飯, 不知道他們這麼旺場, 差點沒有位子! 以後有機會還是預早訂檯好.三個人, 試了招牌鹽焗雞和泥鯭粥. 雞味道很好, 肉很香嫩, 皮還有點脆的感覺, 一流! 粥底相當不俗, 綿中尚見到米粒, 加入了一些小豬肉丸吊起味道, 魚肉碎和頭菜小粒混和, 加上十分清香的陳皮小絲, 展現了多層次的美味, 是很用心做的菜式, 絕對不容錯過.禮貌周周的伙記還推薦了涼瓜炆海班, 涼瓜炒得爽口又清甜, 魚肉份量十足, 很有魚味, 魚頭部分很香口, 可惜部分偏鹹, 偶然也有一點腥, 不是最新鮮的魚了. 飯後有白糖糕, 尚算清香, 不過糕底部分乾硬了一丁點, 可能不是自家製, 放久了, 送贈的就不好斤斤計較.其他食評說這裏少味精, 但我和家人吃完都有點口乾, 看來"師傅"還是少不了. 還好味道真的一流, 便隨他吧!I'll be back!

旅行歸來，同大食老友食晏，見早前食果幾餐都係沉船之作，就決定搵間安全D、有保證o既。生記o既野食向來保持一定水準，不過印象中舊舖D侍應都幾串標，心諗都係食餐晏仔o者，冇所謂啦！之前訂檯時，位阿叔已講明要食午市特價套餐﹝$48一味菜，附送例湯﹞，就一定要搭檯喎，咁都得‧‧‧不過是但啦！一點鬆D上到去，果然相當滿座。老友早過我黎位，早已檢視過個菜單，雙眼放光咁話要叫三味、唔要炒野、送白飯！兩個女仔，叫左咕嚕肉、豆腐炆班腩同梅菜蒸肉餅，啖啖肉 幾味菜o既碟頭都幾大份，以$48一份計，絕對係抵食！例湯係木瓜豬展湯，味道偏鹹，味精想必都落左唔少，不值一提。個咕嚕肉應該係生炒骨黎，外皮夠脆，味道都唔錯，老友嫌佢略為唔夠酸，我就咁o岩篤親手指要戒酸辣，剛好。豆腐炆班腩係平實o既一味，班腩份量唔多但算新鮮，豆腐大大件，煮得幾入味，上而鋪左好多蔥同兩片火腩，整體賣相都幾好。梅菜蒸肉餅好好味，梅菜食得出係好野，甜甜地又唔會太鹹，配肉餅絕對係送飯之寶。同老友傾傾講講，食得好滋味。本來只係叫左一碗白飯share，我1/3、佢2/3，結果梗係唔夠照啦！睇住老友叫多碗飯，送埋餘下1/4碟咕嚕肉同1/3碟梅菜蒸肉餅

同事請吃晚飯，但因為當晚要趕另一場家庭飯局，故提早晚上六點半開始。到達時，巳經有另一組兩位的長者食客，心想：「early bird」！預訂了點招牌雞和蝦餅，另點三個小菜。足五位份量，埋單要$515。先來「木瓜豬骨湯」，味精下得好少，但個人覺得味道偏淡。再來「招牌鹽焗雞」，水準依然，但雞味較以前略淡。「香煎蝦餅」蝦膠裡的脆豆，好有口感。煎得唔算油膩，呢味OK 喎！（推介）「椒鹽鮮魷」裡的魷魚鬚瘦瘦短短，料唔靚，幸好師傅手功仍保存了得。「上湯杞菜豬肝」「翠塘豆腐」頗有份量，豆腐夠滑，內混有蛋豆腐，好香。加上海鮮料不少，吃得好滿足！（推介）還有點了八個白飯。因為蝦餅和豬肝好味，居然吃了一碗白飯。這兒上菜速度勁快，吃完還未到七點三！！結果，跟著在旺角利苑那頓飯，因為太飽而吃不下，被女友家人投以奇異眼光。

星期天在這裡吃晚飯,要預定的鹽焗雞果然皮脆肉滑,不太咸而又有香味。其他小菜如苦瓜炆班尾、生炒排骨、油鹽水菜心也不錯。泥鯭粥比較普通，沒甚驚喜。整體價錢不算平。

哈哈,睇到上一位食友咁勞氣,難怪,生記確係吾憂做,吾駛點討好客,大把客爭住上去食.昨日重九假期,我下午打去想book位,打極都無人聽,以為佢休息,後黎六點踩上去,先知佢地fully booked,所以索性電話都吾聽.好在我地得兩條友,佢地話比張我地,七點要交番比客.當然無問題啦,佢地上菜又快,我地叫左個滑蛋炒牛肉(好正,好多牛肉,旦又好滑!),加個金銀蛋浸菜,六點落order, 到6:30我地已食飽飽,哈,咁又突襲成功,吾駛booking.走時落樓,又見到一大班人湧入黎,真係願者上釣.

家中有人生日, 拿了蛋糕去, 個侍應揸住, 一o野跌了落地. 對唔住一聲都冇, 老闆娘仲鬧我地, 話我冇講低! (個生日蛋粒用透明蛋糕盒裝好). 我話番佢o地, 冇講低就老嗎掟我o的o野落地?!算, 大人不記小人過, 叫了5 樣餸 :泥鯭粥鹽焗雞梅菜蒸芥蘭梅子蟹苦瓜炒班球泥鯭粥- 算不錯, 此網頁介紹了.鹽焗雞- 冇特別, 冇雞味和好鞋, 仲話要預訂? 痴線梅菜蒸芥蘭(梅菜蒸老菜) - 出街食飯o甘耐, 終於食到最老o的芥蘭.梅子蟹- 隻蟹上枱時, 縮水一半. (自己知算了)苦瓜炒班球- 炒燶了的苦瓜加上暖(不熱) 的班球, 簡直不知所謂.走時見到阿叻陳百祥, 佢應該試下我張枱o的餸. 本來去上環桃花源食的, 唔駛一肚氣.

肓中中係灣仔食,見到生記招牌,記得吾少人話好食,於是盲中中摸上去,無訂位,不過當時六點,無咩人,佢地比左張四人我地二人,話七點半前交就得. 兩個人,又吾係大食,只點左招牌鹽焗雞同豬潤浸莧菜.後者好快就上,豬潤真係好滑好軟,雖然高固醇,都吾理住要食左先,莧菜亦好嫩好靚,最欣賞佢地無咩味精,但依然好味,係材料新鮮先做到,那種味道令我想起家母以前做豬潤滾菜湯.但近年家裡己無整菜湯,怕農葯,好可惜. 鹽焗雞就食晒個豬潤,再等左一陣先黎.確係焗出黎,表皮微焦黃,肉嫩入味,不過我會比豬潤高分,因為真係清淡得黎好好味. 佢地送白糖羔做甜品,好得意,亦清甜得黎吾酸.本來想叫多個滑蛋炒牛肉試下,但已幾飽,留番下次再叫. 自己吾係好咀尖人,只係想食少味精而用料新鮮菜,睇黎生記係吾錯選擇.

之前看過蘇絲黃的專欄，說生記的鹽焗雞是必試的，因為皮脆肉嫩，遂前往一試。當晚差不多九時到達，但仍要等位。不過看來是家族生意，有位後老闆娘便很客氣的招呼我們坐下。先點鹽焗雞，老闆娘再介紹泥鯭粥；其他菜色則忘了。那鹽焗雞真的很神奇－－肉是嫩的，但皮帶脆－－那種脆並非如炸子雞那樣清脆而油膩，卻教人吃的開心又驚喜。那泥鯭粥呢，是媽媽的口味。須知泥鯭體小而骨多，必須非常細心有耐性才可以把骨剔得一乾二淨。而這裡的粥下了非常多的泥鯭肉，那副心思還真是媽媽才有。最喜歡她們加了葱菜粒入粥，跟泥鯭肉丸的甜調和得恰好，推介！

上兩個星期五黎過灣仔麻甩lunch，選擇了近地鐵站的生記，即在軒尼斯道修頓球場對面，上到來，大部份的人已經到達，果然係打風流工。首先係青紅蘿蔔湯打頭陣，請淡得來可以介開胃口。鹽焗雞連胸都比一般滑，但係冇咁大雞擺係咁鬼大隻碟；椒鹽鮮魷一的唔覺得有任何椒鹽，當係另一種食法；南乳齋除左個汁杰左的外，送飯一流；蘿蔔蚊鮮魚餅片，蘿蔔除了唔甜外，的汁偏杰；金汁木耳蒸排骨，味道不錯，送飯不錯；生炒骨偏酸，差唔多像炸肉片；豉油皇炒麵冇食，不評論；當日令我最不滿的便是薑炒飯，有薑粒冇薑味，咁我地食左乜落肚呢？冇驚冇喜的一餐，簡接可以攪埋即興麻甩甜品。要食的冇咁好既食品，先至乜叫好與壞。

七星係指七位大隻佬﹐約埋一起食lunch﹐我亦來湊熱鬧﹐只得我一個女子﹐我亦冇有怕﹐重第一個到﹐酒樓比左最埋邊一個大檯我地。預先訂了一隻鹽焗雞﹐亦是最味美的一個菜﹐雞肉嫩滑﹐點埋薑蓉非常美味。另外叫了蘿蔔魚鬆﹐我唔食蘿蔔的﹐淨係食魚鬆。其他小菜係溫公粗齋、椒鹽鮮魷、生炒排骨、金針雲耳蒸肉排、豉油皇炒麵﹐和後加的羌汁蛋炒飯。溫公粗齋過鹹﹐但用料十足。蛋炒飯過份乾身﹐蛋好少。生炒排骨不錯﹐但太細碟。豉油皇炒麵﹐麵身好幼﹐唔油膩。奉送的蕃笳湯就冇咪味﹐太淡了。服務不錯﹐侍應經常來換碟。叫的菜色好普通和家常﹐但我對它們的整體感覺好好﹐可能是菜色冇落好多油和味精﹐吃起來較為清淡﹐其他食家覺得麻麻﹐可能他們比較習慣較為濃味和油膩的菜色吧。

上星期五，又搞次麻甩Lunch。今次選擇港島區，輪都輪到我地呢d九龍區番工的人趕番次。聽聞生記搬到這裡來，經常爆滿，都好想試下有幾好味。今餐Lunch 共有八個人，點了的菜包括：(1) 鹽焗雞—雞肉嫩滑，色澤新鮮，用的是中等size的雞，但配上大大隻碟，有一半空位剩下來，就顯得隻雞特別細，這味算是最好的一味。(2)蘿蔔魚鬆—蘿蔔不太鮮甜，略苦有少許渣，魚蛋的鮮味不夠，芡汁稍濃，整體一般。(3)椒鹽鮮魷—外皮炸得不夠脆，但魷魚鬚就幾煙韌，唯嫌份量不夠，以六十多元一碟，覺得稍貴。(4)羌汁蛋炒飯—沒有羌汁味，只覺是一般炒飯而已。難為阿侍應哥哥還說這個是特色食物。(5)生炒骨—頗酸，外皮亦炸得不夠，但卻有咬口，排骨不韌。(6)豉油皇炒麵—麵炒得剛好火喉，鹹味調配得唔錯。作為其中一味主食算幾好。(7)溫公齋—其實就是南乳煮齋，清清地，用來送炒飯都唔錯。今次呢餐開得早，散得早。食完還有時間走去食囍資宴甜藝。

中午約同朋友來一個午餐短聚, 朋友們點了好幾個小菜, 印象深刻的有鹽焗雞, 肉質香滑但不太入味; 椒鹽鮮魷新鮮討好但不太野味; 京都骨偏酸了一點, 肉質口感不錯; 豉油皇炒麵, 味道口感討好; 侍應介紹了一味薑炒飯, 炒飯的配料主要是薑和蛋白, 可惜吃不出半點薑味. 整體感覺一般不過不失.

前言：「生記」搬到這兒（前身為「醉湖」）快一個月！今天終於有機會來這兒吃！食物和評語：兩男兩女來這兒吃小菜午餐，埋單$320 。 1. 鹽焗雞（預訂菜式），比以前略失色，但仍然比大部分食肆作得好。濕度剛好、鹹度適中，肉質偏嫩！唯雞胸肉偏少，令在坐只食雞胸肉的兩位男士，有點失望。（要硬著皮頭吃雞腿肉。） 2. 椒鹽鮮魷，熱賣菜式，水準以上。唔健康都要食！減緊肥都要食！難以抗拒的誘惑！ 3. 豬潤菠菜，差不多每桌都會點的食品。豬膶口感一流，唯菠菜量偏少。（食過就知好。） 4. 京都骨，豬肉半肥瘦，汁料酸甜，相當下飯。（自己不是「甜酸咕嚕擁護者」，故入得口便算，不太會評論。）倒是同伴們相當欣賞那汁料，認為肉質肥瘦適中，甘香甜美。可一試！ 5. 另點白飯兩碗。 6. 奉送是日例湯「西洋菜豬骨湯」一中鍋，少味精，不俗！ 7. 奉送甜品「白糖糕」，有些攪笑！味道不酸，OK 啦！註： 1. 每位平均八十塊，吃到撐兼相當滿足。同樣價錢，在「辣椒x」或者「大手x」未必飽肚和滿足。 2. 老闆娘風趣幽默，大部份侍應都眼明手快，態度隨和輕鬆。

Although the service were so bad and the lady (I guess she is the owner) sometimes yelling at the waiters, the food were great! No matter the lunch special or dinner, the quality is always constantly high.I passed by yesterday and found that it is closed. Is anyone have information whether it is moved or not? There is no moving notes on the door.