百味鮮辣蟹專門店 (已結業)

百味鮮呢間餐廳係我哋同學每年食生日飯都必定嚟嘅地方，加上平時一、兩個月都會同其他朋友嚟食一次，可以算係常客😆所以對佢哋餐牌同埋預訂嘅菜式都大概知道晒🤪但係食評就真係第一次寫🤣🤣，因為掛住食同傾計，所以有好幾樣餸菜都冇影到~但呢度真係好多嘢都好好食，特別係凍螺，蟹，水煮魚😋😋~仲有個叫黑松露蝦多士嘅特式菜，不過唔記得咗訂，所以食唔到😅服務方面比起其他餐廳已經算好好，而且仲要唔收加一，如果真係要講嘅話，我只能說收加一嘅地方都冇未必有呢度嘅服務質素，呢個真係純粹個人意見~

食物質素算ＯＫ，反而雞出名？但我覺得一般般，收這個價錢不值，至於其他食品介錢算合理（出街食就預左），而服務態度我是最高分。當晚叫了炒飯，菜、雞、豬手、桂花魚、倉魚及小食一碟，合共＄640。總括算是合格。

今晚一眾飯腳話想食蟹，早幾日我問另一識食老友近排鵝頸橋辣蟹店邊間最得，點知佢就介紹我黎呢間石塘咀德輔道西均益大廈一期近屈地街電車總站嘅「百味鮮」。果然冇令成班飯腳失望，避風塘炒蟹夠香夠乾身，芝麻雞所有人讚話正，其他例如濃湯桂魚片、炒蜆、炸豬手等等都好食，價錢仲要幾實際，唔怪得週一晚上位處人流不多馬路嘅小店，都一直有客人不斷出入，翻到枱做到多過一轉。

今日去左住係西環既朋友到，所以朋友就一早預訂左呢間餐廳比我地一盡地主之誼。芥香雲耳仔同蒜香凍螺 : 個醬汁調較得好出色，而凍螺個醬汁甜甜地之剩又有蒜香，而且螺肉好爽口 ; 椒鹽魷魚鬚都好食，呢三樣食物重點推介。冰鎮咕嚕骨 : 本店生招牌人氣菜式，上枱時已經好吸睛，咕嚕骨底下放了乾冰，而咕嚕骨表面則用上了麥芽糖，睇落晶凝通透。口感特別不過有點癡牙同稍為偏甜，不過都係一道特別既菜式，值得一試。海鮮賽螃蟹 : 雖然幾大碟但味道欠奉，加左餐廳既酷食後味道重奇怪。櫻花蝦醬四季豆炒牛肉 : 味道不錯，可惜牛肉太少。黑松露蛋白炒飯 : 睇落平平無奇，但食落口松露味都幾濃，而且啲米都炒得幾乾身粒粒分明，無出現好黏既感覺 ; 櫻花蝦炒飯就中規中。濃湯龍躉浸菜芯 : 龍躉食落幾爽口彈牙，不過味道偏淡普普通通。

西環處處都有平靚正的食物，百味鮮是其中一間有水凖的鋪頭。今天放假又去食比快餐店平及有水凖的百味鮮食午餐，點了一個黑醋金沙骨飯及豉椒牛河，主菜未到時，即上例湯，是冬瓜豬骨扁豆湯，熱辣辣，豬骨連肉，很入味，正👍主菜來了，黑醋金沙骨，肉炆得很入味及焾 ，碟中更配有菜及紅蘿蔔另一個䜴椒牛河很有獲氣，好多牛肉，青紅椒，很甜美的洋蔥及蛋絲混在一起炒，色香味👍😋最後飲了杯凍檸茶，很滿足。埋單是$102元

當天晚飯是星期四，人不是太多，由於早已訂庭，我們不用等候便可以直接入座。先點了一客蒜香凍螺及冰鎮鮑魚作為小吃，醬汁味道不錯，令到螺肉吃起來更為鮮甜。而且凍螺的份量也足夠，我們一行5人也足夠。冰鎮鮑魚的表現稍遜，鮑魚大小大約有二指闊，雖然鮑魚尚算新鮮，可是烹煮過程調味不足，即使上菜時更附上一小碟醬汁，可是卻不是帶出鮑魚的鮮味。其次點了冰鎮咕嚕肉，咕嚕骨是以乾冰作為冷卻媒介，即使乾冰溶化也不會影響咕嚕肉的味道。咕嚕肉外表脆口，吃下更有一絲絲的甜味，醬汁的調配也不錯。 此外，更點了一客啫啫通菜，味道不錯，用來佐飯吃也是一個不錯的選擇。最後，我們更點了一客辣蟹。雖說店面招牌有辣蟹二字，可是辣蟹的表現卻令人有點失望。雖說味道及調味均為不錯，可是蟹的大小稍小，肉質也不夠結實鮮甜。整體而言，餐廳小菜的表現平穩，冷盤表現也算不錯，唯獨辣蟹表現不是太出色。

7-1 回歸日，港島北一帶的交通比較混亂。為了避開車龍人潮，特意避走西區享用晚膳。「百味鮮辣蟹專門店」是一間以辣蟹作招牌美食的中菜館。即日午膳時間訂枱，準備晚上七時入座，獲告知要 90 分鐘內還枱，並鼓勵提早抵達。小編明白小店難處，也不介意接受這些條件。不過，當小編提早半小時到場後又未能安排入座，實在令人有點不滿！ 返回正題，小編一行六大兩小，共點選了七餸一湯。飯菜以海鮮為主，先來的「胡椒酸菜骨腩湯」，味溫辛辣，有點胡椒豬肚湯的影子。湯中投入了魚骨腩，雖不太適宜直接享用，但對湯汁添甜有一定功效。 「金銀蒜蒸蟶子皇」用上的蟶子都算大隻肉厚，口感爽彈，只可惜金銀蒜汁調味稍鹹，影響了最終評分。「砵酒酥炸蠔」是全晚最佳之作，蠔肉飽滿，經炸煮後食感外脆內軟，蠔味濃鮮。再加上點滴酒香，令人回味。到訪辣蟹專門店，小編當然對其招牌「避風塘炒蟹」有點期待。只可惜蟹肉肉質很「削」，不論鮮味及避風塘風味也力有不逮，評分不及格。 桂魚片本味清淡，所以不要寄望「濃湯泡桂魚片」有濃香的魚味，單論軟滑感都算對辦。「冰鎮咕嚕骨」聽聞是餐廳的招牌菜，以冰鎮配以乾冰煙霧方式呈上，富不俗的視覺效果。吃這道菜最緊要盡快享用

突然好想食蟹。同屋企人去左百味鮮辣蟹專門店食餐好既。小食點左蒜香凍螺。話就話小食，但一點都唔細碟凍螺超爽口超新鮮！最正係佢唔韌又入味！肉類點了麵醬滑雞煲，雞肉幾嫩幾入味。食D菜啦，點左臘味炒菜芯。算幾多臘味，D菜「索」晒D臘味既香味，送飯一流啦～「送飯」首選﹣﹣台式皮蛋豆腐。豆腐好嫩滑，上面舖上肉鬆、溏心皮蛋蓉好鬆香美味。戲玉點左【薑葱肉蟹】。隻肉蟹勁大隻好重秤。而且佢的肉質好鮮甜，一絲一絲咁，一D都唔霉。成碟炒得好夠鑊氣～海鮮再加碼點左【豉椒炒蜆】。D蜆無沙係最抵讚。次次食親炒蜆都例牌有DD沙><!!今次隻隻都肥嘟嘟漲卜卜～攞貨靚，廚師又處理得好～豉椒落得夠所以幾惹味～

人大左, 要約齊屋企人食生日飯真係唔容易, 原本想食晚飯小菜, 最後變左食中午, 最緊要係齊人食飯! 好彩, 百味鮮中午都有晚飯供應既小炒, 而且中午叫小菜仲有白飯同飯品送, 又幾抵WOR!今次一行9人一共叫左9個小菜。值得推介既食肉蟹粉絲煲 (HK 350) 同大蝦粉絲煲 (~HK 148)。兩個煲都整的好野味, 味道剛剛好, 肉蟹十分新鮮, 而大蝦就唔算新鮮彈牙, 但都可接受的,不過我覺得大蝦粉絲煲性價比略勝一籌。另外, 濃湯桂魚片 (HK168)都好好味, 桂花魚好新鮮, 份量好多, 重點係一D都唔腥, 里面既豆卜粉絲吸左魚湯, 好好味! 相反, 胡椒酸菜骨腩湯(HK88)就一般般, 胡椒味唔係好夠。總括黎講, 小炒好味, 食材新鮮, 但部份既菜式份量較細, 但都值得一去再去!

朋友係西環人，所以就算離開咗香港，返親嚟都一定要食百味鮮。佢一直都係whatsapp 叫菜，今次都係。。。。跟佢嚟過兩次， 醉花螺又好食又鮮味，頭盤之選。朋友係美國，可以煲嘅湯水唔多。所以嚟到會叫猴頭菇湯。 一個飲兩人分量，我地唔會同佢爭啦。。。我其實真係無係度食過辣蟹，不過次次都會叫蟹。竹籠蒸，又大隻又多羔。。。連啲肉都變咗黃色😳(努力擦蟹嘅人係無手影相嘅😅）直到。。。蒸鱔出現。。。。我literally 放低手上嘅蟹，抺手，攞筷子。夾，夾，夾。。咁食咗幾件。新鮮，肥美，蒸得啱啱好。朋友本身唔食鱔嘅，一食佢就呆一呆，話同之前食過嘅唔同， 佢話以前以為鱔係泥味重嘅嘢，好似食泥咁喎。。。😓都要叫返個菜嘅。。。👆👆Sorry 無調返轉，食蟹中嘅人隨便影嘅。。。呢個係鱔嘅兩食嘅第二part.將啲炸咗之後落醬汁，個口感同蒸鱔完全唔同。鍾意口味重啲嘅會鍾意食呢一味多啲。嗰個汁甜甜地辣辣地，味道比較平衡。朋友嘅最愛——冰鎮排骨。我唔識太甜嘅中菜，呢一道菜唔係好啱我。但係每次朋友都一定會叫，開頭我以為下面啲冰只係裝飾，之後先發現係真架！🤣因為之前睇住餐牌預先落菜嘅關係，見到呢一個火焰菠蘿芝麻雞覺得好

早前去開果頭探親戚，一行四人落去親戚家附近的百味鮮辣蟹專門店晚膳。點了以下：蒜香凍螺先來個前菜：蒜香凍螺。凍螺超新鮮的，餐廳的攞貨好靚，之前食過好多次都成口泥沙的死螺。螺肉爽口彈牙，個醬味味道特別又入味，正。薑葱肉蟹四人點了一碟大薑葱肉蟹。隻肉蟹好足秤，超大隻！最緊要蟹的肉質好夠新鮮，白雪雪一絲絲的蟹肉好鮮甜。鑊氣好夠好惹味，我媽連葱都食晒XD台式皮蛋豆腐想「送飯」點佢岩晒。啖啖嫩滑既豆腐，仲有超多既肉鬆同溏心皮蛋。臘味炒菜芯想點碟菜食下，又唔想味道太寡，就點了臘味炒菜芯。幾多臘味舖晒上菜面，令唔中意食白飯既我都扒多半碗：P麵醬滑雞煲豉椒炒蜆呢碟都好正。D蜆大隻肉厚又新鮮，個豉椒底都好夠濃味，火喉又夠，超正！最緊要係堅係無咩死蜆，又無沙～～海鮮好新鮮，鑊氣又足，味道好好又唔算貴，呢間會再幫襯～～

西環區有地鐵已經不是什麼新鮮事。說真，要發掘什麼食肆都七七八八，幾多從前好難去的地方，如今也像用指尖彈一下一樣，容易到極，多得它，幾多西環美食更容易發掘。 今次來到這裡，全因公司的電車派對，在屈城廠街落車，然後朋友說吃飯，有人推薦去附近一間不錯的私房菜食飯。 我不是呢頭的專家，朋友說吃什麼便什麼。 於是便來到了這間私房菜，百味鮮。 星期五的晚上，人非常多，好不容易等了一會再有位，朋友A吃過一次，所有東西和菜式都等他發辦。 在香港，辣酒煮東風螺你吃得多，前菜係蒜香凍螺你可能未試過，蒜味不是很濃，但就叫人覺得冇平時的辣酒煮東風螺咁油，有異曲同工之妙的好。 另外的台式皮蛋豆腐，豆腐滑得很，那皮蛋輕輕的撫摸舌尖，如果有飲杯靚的紅酒多好，那刻我掛著Penfold的301，同樣醇又滑。 濃味的九層塔胡椒蟹一上枱已經全間餐廳都嗅到香到不行的美味，胡椒蟹好大隻，肉厚得來又嫩，配合九層塔的香，吃到個個都舔舔自己的大姆指。 我特別喜歡濃湯龍躉浸菜芯，非常大件的龍躉肉沒有什麼手法，都是最真誠的原味，龍躉肉質彈牙有勁，菜芯又甜，整體而言，就像住家飯的感覺。 如果說龍躉浸菜芯係住家菜，那麼水煮桂花片就係

常常經過門囗都人頭湧湧，一群群人等位！於是今晚終於去睇吓有咩可以吸引咁多人等候！好彩二人枱剛有，唔駛在熱烘烘的晚上在街上等！👍坐低後叫左話梅豬手，好味、酸甜好滋味！👍跟著叫左蟹肉西蘭花及好好味的黃金蝦西蘭花好入味又唔係硬！蟹肉就少左點！啲蝦好大隻，有六隻蛋王炒得好乾，送飯好好味！仲有好多食物都想叫，但得二個人，肚皮已漲都不得了，唯有下次同多啲朋友再嚟過！仲要訂位先！

今次到西環探朋友時，朋友帶我們到依間百味先辣蟹專門店食晚飯。其實我覺得個格局比較似私房菜多點。鋪頭雖然不大但就算平日都非常旺場。相信是有保證的。門外還貼有不同媒體的報道推介。餐牌還有廚師推介，並寫着不時不煮不鮮不適。相信是店主對食物的執着，我欣賞。朋友推介話梅醉豬手做前菜，非常入味喎！非常入味！辣蟹可能食得多今次我就點了芝士牛油炒蟹，醬汁夠濃郁夠creamy，材料十足，用咗一隻非常大的肉蟹，啖啖肉，好味都要用手食，仲要多碗白飯撈汁食，咁大隻蟹價錢$380，算抵食！朋友高度推介的冰鎮咕嚕肉，說真的都是第一次食，第一講賣相非常吸引！第二一試難忘！因為冰鎮咕嚕肉外層是冰凍甜脆口感，其實是因為需要包着醬汁，內裏是嫩滑的肉質。絕對必食推介！濃湯桂魚片，魚湯配上嫩滑的桂魚肉，鮮味十足。雖然店少少，但是菜式非常之精，真的令我有意外驚喜。

今日做嘢。搭叮叮既時候見到有間辣蟹專門店。咁我梗係即刻打電話約齊班fd。一齊黎試下啦😁。佢既位置都算就腳。地鐵站。山道出口。行大約5分鐘。又或者搭叮叮都見到☺️ 咁鋪頭既裝修好光猛。大約可以容納60人左右坐得比較寬敞😚當日係星期三晚但都爆場。可想而知食物質素一定好好呢☺️ 一坐低見到餐牌入面有水蟹粥。同避風塘炒蟹。為食既我。即刻叫黎試下不過可能我果日太晏去到(8點)。去到已經冇晒避風塘炒蟹啦。。😭所以叫左避風塘炒蝦二食同埋其他小食。 咁首先黎個蒜香凍螺。佢用左好多蒜頭黎浸。但蒜味又冇過重。淡淡既蒜香加上佢啲螺肉浸得好彈牙。食到真係想連手指都食埋 跟住黎既就係水蟹粥上枱時見到窩足黃黃的而且佢仲放左成隻水蟹係入面非常足料。食落好重蟹味而且啲粥啱啱好。唔會太"杰"。我地個個都爭住食左幾碗 最後黎既係避風塘蝦二食。佢係有個避風塘蝦同炒米粉。佢啲蝦肉質飽滿非常彈牙😍同埋個避風塘(醬？)調味小小辣。又唔係太辣。啱晒我呢啲唔食得辣既人😚。仲有就係個炒米粉。佢加埋呢個避風塘醬去炒。真係非常好味。。食到停唔到口。差啲想叫多個😂😂 呢度啲小菜價格好實惠。。3個人食埋單都係750