祥興記上海生煎包 (已結業)

行街行到攰攰, 大約下午04:30去試下呢間生煎包 (因為聽人講幾好味下)一入到去搵位坐低, 舉左下手叫唔該, 個女店員就立即以勁無禮貌嘅態度話''落單行過黎落'' 大佬! 就算我真係誤會左可以喺位落單都唔洗咁無禮貌呀? 個女店員仲要做做下嘢企埋一邊傾電話。 上碟又粗暴, 一嘢掟落黎咁！好! 講服務講到一肚氣。 講番啲相對開心嘅嘢---食物我叫左一個下午茶餐$32 有4個生煎包以及一杯飲品由於所有都係預先整好 所以好快上枱生煎包個底 煎到金黃而且脆口, 第一啖咬落去真係會噴汁,唔係講笑! 所以之後3個我都小心啲咬 但都係漏左唔少湯汁出黎

去荃灣行街時見到呢間生煎包，門口貼滿報導，一於試下。落order後選擇戶外堂食。剛煎好的熱辣辣生煎包送上，仲有醋！一咬開，肉汁不斷流出，真的要小心燙呀！外面煎得幾脆，伴有芝麻及蔥粒，肉餡新鮮多汁，好好味！

呢間野已經唔係第一次黎，店舖小小但客似雲來，可算是川龍街最旺的食店。外觀無咩好影正常餐廳一間，我地直接入正題啦！間野半自助式咁，門口落單之後自己搵位坐低就會有人拎野比你食。服務一般，唔叫差但就一定唔係好好，似老麥咁。今次我地只叫左生煎包同兩杯柑桔汁，因為上次已經食過佢個粉絲，完全無驚喜所以無再叫，想食飽ｄ其實可以叫埋，但我建議你食多４個生煎包會更好。姐姐好快手9秒99就比左兩杯柑桔汁我地台灣柑桔汁 - 品道就一般，好個人口味差異，但唔係難飲。不過唔知點解飲完仲渴。。。。。生煎包 - 上碟無賣相可言，可想而之佢係全打實力派。咬開幾多湯，底皮脆口、肉汁濃，佢仲加左黑白芝麻多左陣香味，仲可以點豉油加豆瓣醬會唔同效果。因工作關系成日去上海，而上海的生煎包其實比香港好食好多陪，我指求其入一間都好食過香港。但呢間野係香港可以算整得最好食的頭幾間。咁岩我地坐位睇住廚房，可以見到姐姐點整生煎包。動作超快唔洗１５分鐘就煎好一底要食新鮮就要睇彩數，但我可以肯定話你知，新鮮好食好多倍。甲為我有一半是新鮮整起的最後呢餐只係食左$76蚊，唔算貴。整體而言，呢間係我覺得值得回頭食的餐廳。

荃灣祥興記生煎包應該無人不曉是次見有做團購$21/4隻(原價$28)便買下兩張煎包位用上大玻璃睇到即包即煎真係加分不少煎好了有得吃我選擇喺門外Bar位食店子係門外加一D Bar位方便外帶客人即食又唔佔舖內座位頗聰明,因為我試過買回家吃真係差幾皮不知是否太多人等了煎得未夠香脆便奉客有一隻更是不熱的這個要留意喇

買完滷水鵝，便馬上走到對面的「祥興記」。去荃灣的次數不算頻繁，可是每次經過川龍街，「祥興記」的門前總是人山人海，這次終有機會一試。以為「祥與記」只有設置在舖外的一排吧檯，靠近了才發現店內也設有座位，那便不用站在街上進食，但座位又如何編排，一下子湧現了很多問題！收銀員看到我們的惘然，更以耐心的態度逐一解答我們的「無聊」問題！購買好所需的食物，拿著票根，我們可內進並自行選擇座位。店內雖然不大，但設計還是不馬虎。喜歡這道紅色的仿磚牆，還掛上上海的照片，挺有懷舊的味道！台灣金柑蜜大抵是那種即沖的濃縮劑，帶有淡淡的金柑味道，帶點酸甜，要求不高的話，用來解渴消滯也不錯！似曾相識的粉絲，勾起多年前到上海旅行的回憶！同樣是咖喱湯底，粉絲配搭著豆腐卜和兩片薄薄的牛肉。咖喱味鮮明，還濃得有點嗆喉，整體帶著較重的口味，說不清是清真或是那種口味的咖喱，滿足感不大，但勝在熱燙的溫度，可立即制止肚子的咆哮，趕快把它吞下！最吸引我的招牌生煎包終於端來了，脹鼓鼓的外層帶有如雀斑的黑白芝麻，還有零星的蔥花，賣相討人歡心！相信剛煎出來的生煎包，熱度非淺，還是待稍稍放涼後才進食！首先小心奕奕地在生煎包的外層咬了一個小口，測

想去糖水街吃甜品宵夜時路經此店，又想試試。本來只想吃生煎包，友人又要飲野，那就叫了一個$40的套餐。套餐有2個生煎包，生煎包底夠脆口，湯汁溫度剛好不燙口，份量ok。不過肉較鹹，包子不夠外脆肉軟。湯粉絲的2舊豆腐都包了滿滿的豬肉餡，頗驚喜。粉絲湯底較清但也夠鹹味。 柚子茶普通。出門口時見到廣告，原來正在做團購。

下雨的日子又冷又餓，剛好經過沒有人排隊，進進去坐下。位置很迫，但幸好人不多。下午茶時間，$32有四只包，一杯飲品。吃下熱熱生煎包，很溫暖！還有一杯不太甜的熱豆漿。是一個簡單幸福的下午。

難得走進荃灣, 必要嚐嚐祥興記的爆汁生煎包新裝潢, 牆上掛滿老照片, 令人回味店外大玻璃, 讓路過的人都會駐足, 看的是一大鑊生煎包一碟四個, 每碟$28, 熱辣辣的, 連忙起筷一咬開薄薄的皮, 汁隨即爆出, 香口滿載肉餡味道鮮美, 帶一點鹹香, 吃得滿足!

承上一篇食評，本身同朋友去東涌行街食咗個好難食嘅晏而唔開心，到晚餐時間朋友話帶我去荃灣食好嘢就搭巴士過去。其實之前都經過呢間舖好多次不過次次都好多人冇試到，今日剛好有兩個位，落完 order 坐定定等食! 係就係幾逼夾不過變相佢嘅翻桌率都高!我兩個叫咗一個套餐加一碟生煎飽，套餐包括一杯豆漿、兩個生煎飽同一碗油豆腐粉絲湯。豆漿豆味唔夠濃，不過唔太甜同埋好滑。生煎飽即叫即整，有少少油但都可以接受，面有芝麻幾香，入面好多肉汁，如果太心急好易淥熟個口! 至於個底就煎到好香脆又唔燶，熱食真係好正! 油豆腐粉絲湯都特別，佢入面有舊嘢，一舊係好似軟身嘅豆卜釀豬肉，另一舊係百頁卷，應該都係豬肉涵，好食!兩個女仔叫一個套餐加一碟生煎飽做晚餐真係好夠飽，$68 埋單好抵!!

紅極一時，人龍熱店，很多人慕名而來。心想冬天應該是旺季，應該會多人，這個下午店內卻未見滿座。退步了嗎？生煎包即買即食，卻只是暖暖的，不夠熱。求過於供，當然新鮮熱辣，供過於求，要吃到新鮮貨自然要碰碰運氣，今天算有點運滯。皮薄，湯汁夠，尚算保持到，可惜包底不夠鬆脆，少了一種層次感。若然連招牌貨都不保，只會留下失望二字。豆漿，普普通通。

情人節當日去了祥興記食下午茶，因為勁想去，成日行過都見到勁多人排隊的。店內的空間較少，屬快閃黨類別，但都有用心去佈置。這店的的餐牌好選擇，其實只要有皇牌就夠，太多就欠缺主題了。我強烈推介必試這個招牌生煎包，雖然個底我覺得不是脆，是硬，但是一咬開，肉汁多且鮮甜，有點像食小籠包的感覺。然後我再叫了碗蘿卜湯，它除了有蘿白，仲有豆卜和粉絲。個湯底清清地，但卻有說不出的甜味，在寒冷的天氣裡，飲啖熱湯感覺特別溫暖。

荃灣區平時經過此店門口，可以見到廚師煎制生煎包，覺得好吸引。行入店內，突然女店員橫手一攔，唔該買票叫嘢先，另外 規舉 至少幫襯 每人廿元，比完錢先可以坐低，生煎包即時上檯，咬落肉汁溢出，皮煎得脆，食時要細口咬，但個子好細，大過乒乓球無幾，小食可以，絕不飽肚，豆漿無味。價錢話唔貴又係，話貴又係。。。

<荃灣祥興記生煎包>久聞呢間生煎包極出名日日排長龍，今天終有機會來試試，$32下午茶四隻包連飲品，真估不到生煎包可做得外皮如此薄，香脆無敵，咬落湯汁是澎湃得如泉湧，心急必燙咀，餡料香甜豐腴，一百分無得彈，荃灣必試小吃。

家住荃灣，周不時都會經過此店，人流都唔算少，只係未有衝動想光顧此店，感覺總是興趣不大。直到見到團購網經常有此店既優惠，終於的起心肝，買左$18/4件生煎包x3張團購劵。今日見團購劵限期快到，決定同男友去試下佢既出品。落單時出示團購劵，店員提醒: 團購既食品係唔可以堂食！所以我倆只能響門外坐著高凳，望住開放式廚房，隔住玻璃同裡面既食客面對面咁食，真尷尬！講返“馳名生煎包”，小小一個既生煎包，面頭灑上蔥同芝麻，個底都算煎得香脆，配埋醋食都幾好味。不過，我倆食完生煎包後，都一致認為生煎包內既肉湯都令人好口渴，這足已證明 ”味精作怪”! 生煎包同小籠包一樣，都係靠內裡既肉汁湯底，如果肉汁只係以強勁既味精去加強食物味道，Sorry，如此 ”重口味”既食物真係唔岩我。只可一，不可再！

早前以團購超優惠價購$18 購得4隻招牌生煎包，見換購期限快到便相約火星一同前往換取。幸好開始秋涼，縱使須要在馬路邊等候，但也不是太痛苦。該團購只限外賣不設堂食，有點可惜。如果它設堂食，我想我們會再試試店內有售的粉絲湯和豆漿之類。等了約十五分鐘，我倆便開開心心拿著兩盒共8 隻生煎包，尋找吃包子的最佳位置。 火星提議到附近的賽馬會德華公園進食，該公園以中式建築為主題，配上柔和燈光和遠處傳來的中樂演奏。在這樣的環境下進食，實在是一件尚心悅目的樂事包子底部外皮煎至脆口，咬第一口的時候感覺就是: 果然是皮薄多湯惹味非常，加上包子表面的芝麻，可以說是錦上添花