祥興記上海生煎包 (已結業)

上幾次食都係堂食，當然熱辣辣，今次外賣，過左一個鐘先食，都依然微熱，上面黑白芝麻加埋葱好香，個底都仲香脆，咬落去依然爆湯，肉仲熱，當真皮薄餡靚，所以冇論幾點去買都要時間等待依D新鮮熱辣既生煎包。 $28 四隻

是日一丁人吃晚餐！心血來潮想吃這裡的生煎包。放工就直奔到這裡享用晚膳啦！這裡食物款式不多，可以散叫或以SET去叫。經過一返思量，決定叫$40特色餐。有兩隻生煎包，一碗粉及一杯飲品。粉我叫了咖哩牛肉粉絲湯，飲品叫了栗米汁。因為工作忙碌令我整個太沒力氣，所以我要些重口味刺激下味蕾，所以才點了咖哩牛肉粉絲湯啦！但如果你們想飲湯的話，建議不要叫這個啦！因為太重口味，也不太敢喝下這杯湯啦！大家可以改叫蘿白湯或上海雙檔，飲清清地可以放心盡情飲下。而栗米汁我不肯定是否用新鮮栗米磨的！但絕對不是罐頭來。粒粒栗米茸，汁不太甜，幾好飲。桌上放了醋及辣醬，食生煎包時可因應個人口味使用。不過個人認為生煎包不沾任何醬料都已經很好吃！確實如店主所說皮薄，多汁，脆底，餡鮮！一咬開，勁多汁標出來，小心燙到咀咀。肉很鮮甜，個包底脆，吃落也不會感覺太粉醬。呀！是的，這裡是在門外先點餐，才進入店內找位子坐下，再等店員為你送上食物的啊！記住要排隊啊！^^

上海生煎包 (4粒+飲品下午荼餐$32, 單買$28)名副其實的皮薄饀靚😄😄😄 包只有一張紙咁薄, 個底就煎到脆卜卜好香口😆 一咬開好多湯汁流哂出黎, 入面肉饀仲好夠鮮味😁另外飲品4款-酸梅汁, 柑桔汁, 豆漿, 玉米汁. 全部都好有特色, 唔係淨係普通咖啡茶或汽水.是日點左酸梅汁同柑桔汁. 酸梅汁好濃好足料, 入面仲有酸梅肉, 飲一啖好似食左粒話梅咁😛 柑桔汁都好夠味甜甜酸酸咁, 仲帶少少澀味. 兩款都係誠意推介, 有機會下次想試下玉米汁😆

生煎包，在上海已有上百年既歷史，亦係大眾市民喜愛既點心之一，相信愛吃生煎包既朋友對祥興記這個名字一點兒都不陌生。今天剛好來到荃灣上課，上課後當然要前往祥興記品嘗下那裡最出名既生煎包喇 ！可能因為下雨天既關係，外面等待既人們不算多，不用五分鐘便有位置坐了，然後就立即點了一個下午茶餐，包括四隻生煎包及一杯飲品，盛惠$32 。飲品方面，平時我會選擇豆漿，不過見有其他餐廳很少出現既粟米汁選擇，今次即管試一試，可惜就較為失望，因為以前飲過鮮搾粟米汁，所以一飲就飲得出分別。首先，感受不到粟米既香甜味，口感亦不足，飲了少少就再沒有飲了 。然後，主角生煎包就黎到喇 ！我立即迫不及待拿起筷子把它夾起來品嘗品嘗，生煎包煎得脆而不硬，皮亦很薄，可見師傅既功架。咬開了外皮一小口，已看見裡面滾燙的鮮湯，賣相非常吸引，然後慢慢吸出裡面既湯汁，非常鮮甜，餡份量十分足，充滿肉味，很有咬口。以這個價錢，食到如此質素既生煎包，確是高興，性價比咁高既生煎包，為了它，必定會再來 。

今日專程去荃灣楊屋道街市買餸，嘩，魚檔啲魚種類又多又平，朋友介紹去三昌買牛肉，啲牛肉確係得喎！買完餸, 駕車駛去川龍街的祥興記上海生煎包，舖面雖小，都算乾淨企淨，外賣拎走在車上吃，紙盒盛載，乾淨利落。7元大大個生煎包，紙盒一打開已被家人火速挾了三個，留下最後一個總算影到張相。($7x4=$28)又確係好juicy多汁，外皮亦煎得香脆，好味唷! 唯一有少少挑剔便是啲肉有點嚡，但都算很有水準，諗起都有啲想再食㖭！

每次經過，見到外面條人龍都怕怕， 難得唔洗排隊先會食。 呢度嘅生煎包，個底煎到卜卜脆， 但絕對唔會燶， 仍然記得第一次食既時候奶曬野， 一啖咬落去， 裏面既熱湯淥親條脷， 啲湯汁爆到成枱都係， 好尷尬。 經一事，長一智， 學識係個頂部咬一個好細既窿， 再將啲醋倒入去， 咁就唔會浪費左d湯汁。 但以我食上海菜既經驗， 應該要跟薑絲， 咁就可以將生煎包嘅美味提升到另一個層次!! 最後，都係果句， 第一次食既朋友，小心淥親條脷!!

我去過上海食過生煎包，番到香港呢幾年都冇食過啦。今次特登去到荃灣食佢既生煎包，環境就麻麻啦，每個人都坐得好埋，膊頭貼膊頭，座位又窄，佢應該想我地食完快快走。好彩個日冇咩人，我地堂食都仲可以接受。我買左40蚊既套餐，一杯野飲，2隻生煎包，仲有一碗粉絲。杯野飲我就揀左柑桔汁，酸酸地幾開胃，仲有豆漿同其他可以揀，但我都揀左柑桔，大熱天時飲番杯凍柑桔都咪話唔正。粉絲就普普通通，Size都唔算大，但夠食，為左填肚先揀左佢。最後入正題講生煎包，佢既生煎包同我係上海食既真係好好好似，餡同層皮都好食同夠薄，但一定唔好可一啖食哂，因為入面有好多肉汁，一啖就好大可能整到全身都係，包既溫度都KEEP得好好，夠熱但唔會辣親個咀。生煎包各樣野都做得唔錯，但整體包埋其他野就要扣D分，份量其實岩岩好，食完唔會話餓，但大食D就會唔夠食，同埋地方好窄。

祥興記剛開店的時候很出名，每次經過都有很多人在排隊。現在熱潮漸漸退了下來，可能為了吸引顧客，便舉辦了團購。平時$28/4隻的生煎包，網上團購價$21/4隻。生煎包外形比乒乓球大一點，面上灑了芝麻和䓤花，還有附上一小瓶醋。雖然外形比較小巧，但名符其實的包薄多汁，底面也煎得金黃香脆，內餡的調味偏淡。皮跟肉分開來說都很好，可是整體味道和口感卻有點融合不來的感覺。

看到這間很多人排隊而我又喜歡吃生煎包，便買了一試。由於我一個人吃所以不想買太多，但原來最少要買四粒，也勉強接受，可惜味道令我失望，包皮尚算香脆，但覺得肉味怪怪的，所以未必會再試。

清明節拜山後，老爸看過雜誌介紹，說這裡的生煎包不錯，於是過來試試。這裡是先買食物, 後找位子, 而且店內設有最低消費.從店外也可以看到一大盤的生煎包已經賣了大半, 其中也有不少是外賣客人, 可見生意不錯. 到達時，店員着我們先點食物。那時正是下午茶時段，於是點了下午茶餐。平時四隻生煎包要28元， 飲品10元.店子頗細, 只有大約二十個位, 座位間也比較擠迫, 不過冷氣夠涼, 所以不會很焗促. 紅色的仿磚牆上掛了不少舊相片, 有人像的, 也有風景的, 頗為特別.  下午茶餐 (32元)包括生煎包4隻和飲品, 我們點了粟米汁和豆漿“皮薄，多汁，饀鮮，底脆”是店家對自家生煎包的評價， 以上的店家都做到了。包面上灑上了蔥花和黑白芝麻，賣相不錯。生煎包不算大隻，但夠熱，像吃小籠包一樣，先咬一小口，散散熱氣，才品嚐其湯汁。餡料裝得滿滿的, 每一口都有肉餡. 湯汁既濃且甜, 餡料肉汁鮮甜，底部煎得香脆，但面層卻很薄身, 外脆內軟, 很美味!粟米汁頗濃味甜，應該是外面買來; 豆漿的味道也偏甜, 欠缺豆味.店內的侍應雖多是大媽級人馬, 但她們落力招呼, 值得一讚!

到荃灣街市街一人食晚飯，便一試這間餐廳，想不到有很大驚喜。那天店舖人不算多，所以還算坐得舒適。點餐後等了五分鐘左右，食物就全上齊了。先說粉絲湯「上海雙檔」，味道不會太咸，頗鮮但覺得「師傅」落得不多，不覺口渴。那雙檔吃不去是什麼，不熟悉上海菜。 至於柑桔檸檬汁就近似劉華代言的某品牌的柑桔檸檬汁，只是再酸一點，也不太特別。重頭戲--生煎包來了。看樣子沒什麼特別，但一咬開它就「當堂嚇一跳」！裡面滾燙的肉汁源源不絶湧出來，肉汁很燙很鮮，配着整個包子十分甘香味美，只可惜食第一個不知就裡浪費了不少寶貴的肉汁。吃第二個包的時候就機智了，少少的咬開包子，淺嚐它味美的肉汁，待肉汁稍涼才一口吃掉，十分滿足。個人認為特色套餐是很抵食的，因為包子吃得多可能會飽濟，比如下午茶餐連吃四個包的話，我就可能吃不消了。一個人最好還是吃特色套餐，也可多試不同美食嘛！

這次是無意中經過這家店,於是在門口看了一下介紹.見到有推介,所以就選了一份上海生煎包,堂食28元,外賣23元.我就選擇外賣.一份上海生煎包有4件.我大約45分鐘回到家.拿出來還有點微熱.當我咬了一口之後,在包裡面的汁都噴了出來,這是真的,不是開玩笑.!對我來說,是一個驚喜.而裡面的豬肉也不錯,煮得挺好.不會硬或者有軟骨.果然是名不虛傳.我下次再去元朗的時候,一定再買回家吃.

I chanced upon this place while wandering, hungry, through Tsuen Wan.  I am so pleased that I did.I saw the sign and was suddenly filled with nostalgia for the awesome Yang's Fried Dumplings in Shanghai.  I went in and ordered their plate of four for $28.  I sat down and within a couple of minutes, my shengjianbao were plonked down in front of me.  The skin was thin - a step up from most in HK.  Shanghai style should be thin as opposed to the breadier north Chinese version.  The meat tasted good

祥興記生煎包由初初開店到依家都係人流不斷，不過未有機會一試。今次難得經過係有口痕嘅衝動，作為一小份下午茶剛剛好！ 由於人均消費$20以上先可以堂食，所以外賣生煎包係店門外企位食。幾欣賞佢嘅外賣盒，好似漢堡包盒咁，幾新潮。$28四隻小小嘅生煎包定價係同區小店嚟講都算高，但真係要食過先知值唔值。平時食開嘅生煎包係煎個包底，哩到係煎個包頂。 細細咬一口，千祈唔好放開口，因為包住嘅肉汁會一湧而出，要慢慢吸哂d汁先。肉汁好鮮甜。跟住先加入醋食。小小嘅生煎包裝住嘅肉汁比我預期嘅多。個包頂因為煎過所以十分香脆，而且個皮真係幾薄，比小籠包厚少少而己。没有厚嘅外皮，就更加能夠品嚐到内餡嘅鮮味。黑白芝麻同葱更有畫龍點睛之效，令生煎包更香口。生煎包水準真係不錯，係街頭小食中嘅心水之選。

一早已經聽過朋友講起這間「祥興記上海生煎包」，今次搵晚餐食中途經過，終於有機會試試~祥興記堂食設最低消費每人$20，一份4個的生煎包$28，也有配湯粉絲和飲品的$40套餐。不過其實「外賣」到舖頭外面的bar檯位也沒什麼分別，我地因為是晚飯前的小食，吃不了那麼多，就「外賣」一份試試算了。坐在外面，看著玻璃窗內的店內環境，你眼望我眼，有點搞笑。生煎包雖不及上海小楊生煎那種一食難忘，但外皮很脆，一啖咬落去，肉汁多到隨時辣親個咀。之前有朋友因不知道肉汁如此多，曾經一咬就被噴得一身肉汁，所以這次我便小心地試，結果也只是把肉汁濺到碟子上。生煎包還有醋汁可沾，但個人認為不沾也已經夠味道。若大家經過荃灣，想搵掃街小食，這絕對是一個值得推介的選擇!!