私家廚房 (已結業)

家的味道，從門口到內裡環境都好有家的感覺，舒服，乾淨，有私隱度，係傾計食飯的好地方！服務非常貼心呢！先有一壺薏米水去濕，細心的店主將薏米另上。自家製墨魚片頭的確好撚手！即叫即炸，超彈牙，仲有墨魚粒，必食之選！葱爆鮑魚雞煲鮑魚爽口厚肉，雞夠嫩滑，食到尾都唔會鞋口！潮式油浸鹹鮮黃花魚炸得好香，好脆，好乾身！正！店主推介的油鹽焗蟹一人半隻就唔夠喉，因為裡面的膏好甘香，緊係想食多D!最後敬，送嘅返飯後果，係冰震清甜多汁嘅鮮菠蘿！父親節可以帶埋屋企人黎食餐好嘅！

私房菜一般喺啲隱世啲嘅地方，今晚食呢間私房菜就喺正彌敦道，地點就腳。裝修簡潔，以木枱椅為主。茶錢每位$10，如果唔想飲茶，可以揀薏米水，一大壺$68，咁就唔駛開茶，慳返每位$10啦。薏米水低甜，有好多薏米夠足料。薏米可利尿、去水腫、排毒，夜晚飲總比飲茶好，唔會怕瞓唔著啦。即叫即炸菠蘿生炒骨$118店員大力推介。果然好得，新鮮菠蘿好香甜，非一般罐頭菠蘿能比。生炒骨出奇地冇骨，反而係啖啖都係肉，食得仲方便。脆漿夠薄，入面半肥瘦，咬落去特別滑，滿口油脂。大澳蝦膏通菜炒鮮魷$128一上枱就聞到好香蝦膏味，通菜夠嫩綠，爽脆有鑊氣。呢味餸用蝦膏煮，一定會偏咸，最啱配返個白飯。沙茶醬粉絲牛肉煲$118大大煲，牛肉竟然密鋪成個鍋面，好誇張。下面係粉絲金菇，吸收晒啲醬汁，好入味。因為坐近廚房，全晚都係起鑊、拋鑊聲，聽到已經知好鑊氣。私房菜價錢都係唔平架，因為叫一份做一份，唔會粗製濫造，但服務一般都係好好。呢度啲餸菜係超大份，我覺得比一般茶記多一倍份量，兩個人食三個餸，有一半係要打包。想食多幾款餸，最好多啲人一齊嚟食。

因為朋友推介上黎試下食呢間私房菜，上到黎見到細細地 真係好有私房菜feel 裏面有細房 想招呼朋友自私傾計可以上黎 我同朋友喺廳食飯 一樣傾得好開心天氣真係好炎熱 上黎就即刻要左一jar 薏米水 因為平時自己喺屋企都會煲下薏米水 見到呢度既薏米無炒過先煲 咁既生薏米會偏涼 但係唔怕既話 夏天飲就好好清熱去濕啦 薏米水顏色好靚 足料之後嗌左個黃金炸魚皮 真係幾好食 因為新鮮炸出黎 拎出黎仲係新鮮熱辣辣 真係好爽 覺得鹹左少少 但係如果送酒就一流啦 呢個魚皮真係 你七仔買嗰啲就算啦食完魚皮就上左個粟米羹清一清 粟米羹好清甜 唔會感覺好味精 而且落左魚肚粒 令到件事無咁無聊 口感豐富左 喜歡～雞 感覺都唔錯既 呢個雞都算滑 見到呢度既雞好似係本地農場揀過 見到都好新鮮 因為我係蔥既重度愛好者 所以稍嫌蔥味唔夠 但係同台既正常蔥人都話好好好好好食 所以應該對於正常蔥星人黎講 係啱啱好既 跟住係我既摯愛 生炒骨 超！級！好！送！飯！食一食即刻重左三十斤 但係真係好好食 入面係用新鮮菠蘿炒 所以酸酸甜甜既感覺剛剛好 而且好清新 肉質好好 所以好喜歡魚新鮮程度唔錯 而且我地坐喺魚缸前面 望住啲蝦蝦魚

今日同班女人約上黎食飯 餐廳既佈置好值得讚 每張枱都有一段距離同間隔 好有私人空間 啱哂朋友傾計吹水 唔使同隔離枱你眼望我眼食物方面亦相當有水準 我地叫左個四人餐當中既黄金炸魚皮真係好有驚喜 火熱酥脆既魚皮食得出咸蛋黄既甘香 朋友話好食過前排好紅 賣成50幾蚊一袋既咸蛋魚皮另一道大家都鍾意既係佢既秘製雞嫩滑有雞味 食完無黏牙 佢將啲雞既內臟都一齊上 食落無異味 幾好食鍾意重口味既話 個人推薦蝦膏通菜炒鮮魷蝦膏漿附係每條菜同鮮魷上 蝦膏既咸香同鮮味十足 配飯食一流飲品方面 力推薏米水 真材實料 食完重味既菜 飲返杯解渴

旺角多好野食係人都知架喇，我地幾個人就黎體驗下。由油麻地站行去餐廳講緊都只不過係幾分鐘時間，店內嘅環境尚算大，當我們入座後，職員好細心對我地，仲為我地介紹一啲餐廳特別嘅野食，等我地唔洗諗太多黃金炸魚皮呢個前菜都幾特別，魚皮上有適量嘅咸蛋。入口一啲都唔會覺得好淋身又唁會太咸，夠爽脆,十分惹味又唔會太油膩。半煎炸子母鳳尾蝦餅鳳尾蝦餅係師傅自己手打，而帶子唔會太細。成隻鳳尾蝦餅入口夠脆身，味道比一般炸蝦餅更豐富，就真係絕對唔可以錯過。薑蔥山根鮮魚卜煲廚師真係好用心去做呢個菜，餐廳一早處理好新鮮嘅魚卜，令其腥味去除。而且上枱時香味非常誘人，入口帶有小小甜味，多樣食材一齊入口味道更有層次。避風塘炒辣蟹肉蟹好大隻，每人分到的份量不算小。師傅用鮮甜嘅蟹肉再加上配料去炒，入口唔會太辣仲夠惹味，真係令我地成班都回味無窮。原個籠仔海生蝦蒸飯呢個原個籠仔海生蝦蒸飯賣相雖然好有驚喜，但食起落就一啲都唔簡單，口感十分十足，另外廚師加入左蒜蓉等多種配料去蒸，入口惹味十足之餘更顯功架。總括黎講，食物味道相當唔錯，份量亦好足，我地個個都食到飽。就我個人黎講，係旺角食中式嘅私房菜真係好小，呢度俾左一個好好嘅體驗俾我地，

早就想同幾個朋友一齊食私房菜，聽同事講過話旺角多左間私房菜，今晚我地一班人決定黎試下水。由港鐵站行過去同事介紹嘅餐館比想像中近。店內嘅環境尚算寛敞，當我們入座後，負責人細心招呼我地喝餐廳自家製嘅薏米水，之後等我地人齊之後廚房就開始起菜。自家製墨魚片頭現在已經很小餐廳會自家製墨魚片頭，因涉及的功夫十分多，而餐廳這裡比一般的入口更彈牙，墨魚味更重，而且即叫即整夠晒熱辣辣老輝造法砵仔焗魚腸食完冷盤一條大大條嘅砵仔焗魚腸就送上枱喇，師博好細幫食客每日把魚腸洗好，砵仔焗魚腸入口夠晒好香濃又嫩滑，鮮美嘅焗魚腸入面有陳皮等配料，味道更有層次，仲夠濕嫩唔會太乾。即叫即整新鮮菠蘿生炒骨我都係第一次食到即叫即整菠蘿生炒骨，因為一般餐廳都係真先炸好備用，好少會即叫即整俾客人，而呢個即叫即整新鮮菠蘿生炒骨一上枱就聞到陣陣嘅香味，另外菜式鮮艷顏色同樣非常鮮艷，醬汁入口甜美，肉質亦十分香脆，菠蘿又夠晒甜。 總括黎講，食物相當唔錯，口味方面亦有符合我地嘅口味去煮；另一方面食物嘅份量亦好足，呢度絕對係值得一試架

今次約左一班母親朋友，上去試試圍菜。我地上黎幫襯左好幾次，多數都係打邊爐🔥🔥主廚Dee哥已經認得我地所以今次就直接搵Dee哥訂位，仲可以順便介紹一下有咩好嘢食。我們訂左母親節限定的圍菜，另外加左一條象拔蚌刺身。趁朋友未到，先吃為快黎一碟鹹蛋炸魚皮。。。脆！食完炸魚皮，朋友啱啱黎到。🍺🍺🍺Yeah，開飯lu頭盤係燒乳豬，嘩！乳豬超juicy~係即燒的呢！大家食到無停手。呢圍菜，碟碟都好足料。食到好飽，有d食唔晒，要打包，店員都好細心，將食物分了好幾盒仲建議我地先將菜式內的青菜吃掉，不要留過夜。雖然已經好飽，不過甜品到又好想食甜品係香芒糯米糍糯米皮都係由芒果造成，真係好好味。最後梗係唔少得，菠蘿生果船⛵️是次圍菜初體驗很滿意，所以上黎介紹一下！

約齊7 個同事，在朋友介紹下第一次去｡電話預約職員都細心解釋餸菜款式，當晚到訪，交通方便就在港鐵站出口附近，地方整潔，房間好大又有電視和Wi Fi 。每次上菜職員細講解食物，離開時又細心關上趟門，私隱度高｡食物中豬肚包鷄湯清甜好味，石燒牛舌爽吾Un。蒸石班好滑，煎蝦和蟹鮮味十足，仲有蒸滑鷄真係無得彈，連皮食都吾覺肥。要挑剔可能就係菠蘿船，原個菠蘿切片放冰床上，如果加入其他鲜果更加色彩鮮艷美麗。每位消費只係$400左右非常抵食，一定再約朋友和家人去享受－番｡

活魚刺身很新鮮，有送三文魚和甜蝦，湯底亦鮮甜。蟹同本地牛肉都好好食。徐咗火煱亦都有叫小菜，選擇算多，值得推介！招呼都很好，環境乾淨舒服。價錢不算平不過物有所值！

又一次來....今次外國親戚來香港渡假，當然要設宴款待一番。今次一行十多人，有兩個BB,兩架BB車，又在VIP房，空間不成問題，私人度充足。首先要叫些小食，椒鹽九肚魚好香口，大大件仲有薑䓤撈爽滑魚皮，爽口香麻油味黃金脆魚皮，香蛋黃味，金脆可口整番個燉湯，補補佢，南北杏金銀菜豬肺湯，超清甜，老人家最喜歡，話無添加，一飲落就知這個只是湯渣，湯已經在另一邊分緊😅整左隻乳豬，D皮好脆，肉好鮮嫩，唔會太咸魚一定唔少得，成日蒸魚有點悶，搞下新意思，大廚推介生炆海龍斑翅，哇！條翅咁大！條魚都應該好好大！！！有肉食又有得倫骨，加埋飯食啱晒仲有驚喜，另一味係雞，唔係普通嘅雞，今次有輝哥烤新鮮雞，無雪味，新鮮入味成餐飯食得好開心，侍應們熱情招待，上菜又快，環境舒適，還會再來

Came with a group of friends for a “super-pass” dinner. It definitely did not fail to disappoint egg yolk fried fish skin, deep fried gigantic and fresh oysters seemed to be most popular. We were given a private room which was cozy and had a TV. The staff came in so many times to check on us and making sure we were happy and comfortable and offered to adjust the temperature to our liking. Would definitely come again without hesitation and definitely recommend it to my friends and family!

今晚同朋友慶祝生日，揀左去食火鍋，訂左枱！去到好驚喜，有獨立房，可以令我地暢所欲言！服務人員態度亦非常好！食物超正又新鮮！尤其要推介深海泥鯭，一向只食班魚嘅我，今次試過深海泥鯭，真係一試難忘，超正!其他丸、冰菜、牛肉⋯⋯等都超好味，湯底亦做得好有誠意，當然一分價錢，一分貨，但都好值得推介！

諗左好耐去邊度同阿爸慶祝生日🎂，要食中菜，唔想去大酒樓迫，又要坐得舒服，近地鐵站🚇，最後決定試一試這間。在餐廳樓下抬頭一望就見到個招牌，肯定無去錯地方......我們一共有7個大人2個小朋友，加一架大BB車；訂了VIP房，坐下來環境不錯，有足夠私隱度，地方寬敞（放得落我架巨型BB車，唔洗摺埋！），有位放手袋掛褸，小朋友還有足夠空間走動。最驚喜的是房內有個小水吧，唔洗驚無水飲，BB開奶🍼都方便d! 仲有電視📺睇！小朋友就最開心！首先黎個小食，椒鹽一口豆腐，一定係即叫即炸，外皮脆卜卜，個心軟淋淋熱辣辣，超正！！😍😍三文魚腩刺身，好新鮮👍🏻👍🏻🎏跟住上個湯，真的要”哇”一聲！這個是湯渣嗎？似一碟餸多d喎！個湯超夠火喉，好似所有精華都在裡面一樣，好補！🥣主菜有龍蝦伊麵，龍蝦大小適中，有膏架！伊麵唔會淋batbat。🦐🦐🦐🦐蒸左條魚，大大的，唔會過火唔會”鞋”🐟屋企人鐘意食雞，但出面來來去去都是菜膽雞炸子雞......難得有個新口味，咸蔥油雞，雞肉有點彈口，可能是走地雞，雖然說是咸蔥油，但咸味恰到好處，不會太咸。🐔🐔蔬菜方面叫了芥蘭和生菜，新鮮唔老。最後要爸媽的最愛，壽包！🍑🍑老闆仲送左生果俾我

朋友推介之下，今日決定去試一試。剛踏入店鋪，侍應已經很熱情招呼我地。👍🏻👍🏻鋪頭唔算大，不過privacy十足估唔到四人枱都可以有獨立房，仲有電視睇。不過電視裝得高左少少。朋友話火鍋，刺身同熟食都好好味。不過我地得四個人，決定今日試下火鍋。🔥先來個撈魚皮做前菜🐳，好爽口！😋😋😋本來想食花竹蝦刺身，不過今日冇。。。另外選了章紅魚刺身。原條刺身，仲有鮮磨芥辣。條魚唻到仲識郁㗎！食完刺身，魚骨仲可以椒鹽炸/下湯。終於到火鍋了。火鍋選了鴛鴦鍋，因為我本人很愛四川麻辣😅😅😅。店長說本來很推介的本地牛，今天缺貨。所以我們叫了M5和牛兩食（刺身/火鍋）。店長說，刺身要即時食，火鍋開了爐就不建議了。很貼心！店長果然冇介紹錯，真的很鮮、很好味。呢度嘅食物，原來即叫即製。連響鈴同餃子都係。響鈴有紫菜，I like it! 韮菜餃好新鮮。因為剛才有一枱客説餃子🥟略咸，所以落單前，店長特意再試一下，確保調味ok才讓我們下單。超讚！我們四個人仲叫左花枝丸。我本人不好，不過是很鮮甜，很彈牙。最後仲有黑毛豬，是西班牙的。好有肉味，分量不算多，食埋啱啱好。是次體驗非常滿意。多謝朋友仔介紹。下次要來試試其他菜式。

一向都好少出街食野，一般餐廳一系太難訂位，一系交通唔方便，再唔係就太貴。今次lee間新開的餐廳就ok, 問左可以free泊車所以試試看。我們兩個人上到去就有熱情招待，坐系大廳都有平風分隔，有足夠私穩程度，坐得幾舒服，我地都好怕見到其他人食相，同好唔鐘意同其他人背脊篤背脊😏。先食個黃金炸魚片，食落口除左脆呢個基本要求之外，仲係熱辣辣，以前未試過，抵讚👍。跟住食刺身，食左聖子皇同食條活魚刺身，超新鮮，D肉勁彈牙，食完肉，D骨拿去椒鹽，勁野未，搞到要嗌多兩杯啤酒來送D食物！（佢地重送左隻刺身🚢，好驚喜！）最後，吃埋串燒白善，牛，賣點都系新鮮，即叫即整。最後，我地食完慢慢坐都無趕客，抵讚，事關好多地方D侍應都我唔敢先修嘅好似趕住收工咁，咩都俾你慢慢坐一啲都唔急👍👍，系好正的食堂😊