私家廚房 (已結業)

私家廚房唔係係我屋企, 而係旺角彌敦道譽發廣場, 距離油麻地港鐵站其實兩、三分鐘路程, 都幾易搵。今天和家中長輩外出食飯, 吃中菜就當然的了, 選了這間餐廳的原因,貪其小店格局, 卻有大排檔的菜色, 以滿足長輩的口腹。今晚叫了幾道菜色:1. 啫啫蒜子火腩大鱔煲一上枱已經令人食指大動, 上枱時是熱辣辣是必然的了, 蒜子火腩爆得香口, 鑊氣十足, 火腩爆得有點像吃豬油渣的味道, 長輩可樂透了!這裡大鱔份量多而不欺人, 大鱔肉質滑溜, 味美非常, 這個菜絕對是可以滿足一下口腹之慾2.  鹽燒大連鮑魚屋企可以蒸到陳皮鮑魚, 但鹽燒的話我還是交給經驗老到的師傅吧! 我其實還是第一次吃鹽燒的鮑魚, 鮑魚彈牙, 鹽燒椒鹽也夠香口, 從來無想過鮑魚也可以用這種方式去烹調, 3.  菠蘿咕嚕肉呢到菜式一向gam考功架, 我自己係屋企當然煮唔到, 而呢道菜式亦都係店主推介之作, 落單先至炸, 咕嚕肉舊肉爽, 甜酸醬也要適中，菠蘿更係新鮮菠蘿, 非常有誠意。Overall 黎講, 或許菜色與其他酒樓/中菜廳無異, 但因為餐廳是做私房菜, almost 一對一的去serve 客人, 所有的餸菜都是即點即整,

餐廳在譽發廣場8樓, 入到去驟眼望落去好似不算大, 其實係餐廳劃成一個個廂房, 確保每組食客也有一定程度的私隱, 非常貼心。而當我們一入到餐廳, 老闆熱情招待, 細心送上熱茶, 又送上少甜而清涼的意米水, 這是普通大排檔/酒樓無可匹敵的。今晚叫了幾道菜色:1.      薑蔥山根魚卜煲要在家中煮香口熱辣辣的煲仔菜色來說對我們家是很難的, 因為家裡沒有相應的爐具, 要煮得好吃必然是出外吃。這裡的魚卜份量充足, 足夠四五個人吃! 主角魚卜不單數量多, 而且肥美, 可口彈牙又富有骨膠原, 是相當不錯的一道菜色, 而薑蔥也是上等貨色, 切得厚身, 推薦!2.      菠蘿咕嚕肉這是我最最最欣賞的一道菜! 雖然只是一些豬肉和菠蘿, 但是這裡的豬肉是非!常!爽!口! 很久也沒有吃這肉質結實爽口的豬肉了!! 再者肉炸得又乾又脆, 加上菠蘿的香甜, 醬汁也酸酸甜醒胃!3.      小炒皇只不過試了一口，已令我對這間餐廳有加分再加分；小炒皇炒得勁有鑊氣，除了有九菜、蝦干和海鮮外, 底下更有大量魚干, 非常惹味! 而且炒得十分乾身，用來下飯簡直是絕配! 差唔多吃得飽飽之際, 發覺原來仲有飯後生果送! 

與一班相識差不多10年的中學朋友 定時聚餐在朋友的推介下，來到這間私房菜餐廳餐廳的位置位於油麻地地鐵站附近，行過去兩分鐘就已經搵到，地點相當方便餐廳的裝潢簡約有品味，更設有間隔房間，不受其他食客騷擾老闆相當好客，主動介紹今日菜單精選，推介我們吃 鮮魚魚兒相當大條，皮脆肉嫩，看得出師傅有先將魚用火煎封，鎖住肉汁。配菜香菇也很好吃其他小菜也相當出色，包括椒鹽豆腐、黃金炸魚皮，也是非常香口惹味。此外，我們也叫了一籠蒜香鮮蝦蒸荷葉飯賣相十分吸引，蒸籠一打開，香氣四溢，朋友也在哇哇聲飯中有荷葉的香氣、蝦的鮮味，配上惹味的蒜頭，真令人胃口大開

一向都鍾意捐窿捐罅搵好野食，今次比我搵到間超正私房菜環境好舒服，寧靜得黎有種家嘅感覺，檯邊有帳幕，如果想有啲私人空間仲可以拉埋去添，絕對適合一家人或三五知己舒舒服服食番餐。菜色種類包羅萬有，海鮮、火鍋、小菜、雞煲樣樣齊，想試嘅菜都好多款，老闆仲特別介紹左個焗魚腸，可惜要訂先有得食，下次一定要再黎過海鮮方面，有好抵食嘅鮑魚，一隻都係$48咋。如果唔想食清蒸鮑魚，不妨試下呢個避風塘椒鹽大連鮑魚。椒鹽味十足，非常入味。鮑魚又夠新鮮。燒汁脆米安格斯牛粒真係超有驚喜，除左安格斯牛粒之外，原來伴碟仲有我最怕食嘅嘢....茄子，無諗過一個完全抗拒茄子嘅我會因為呢碟餸而踏出第一步試食茄子。當我第一啖以為夾左牛肉粒嘅時候，我先發覺佢原來唔係牛肉粒，外脆內軟，口感好特別，酸酸甜甜嘅燒汁完全蓋過茄子嘅味道，令我一試再試。牛肉粒肉嫩多汁，一啖一口，非常美味，再加上上面嘅脆米粒，令口感更豐富，味道更上一層樓，絕對值得推介！自家製造撚手墨魚片頭炸得金黃香脆，墨魚爽口彈牙！食完濃味嘅嘢，食番個清清地嘅海皇翠塘滑豆腐，以三十年前造法製作，坊間已經好少機會食到呢味菜。豆腐好夠滑， 芡汁充滿住鮮蝦，斑塊嘅鮮甜味，再加上

同老死兄弟最佳食既野一定係鑊氣小炒,但依架天氣咁熱, 點坐係街邊既大排檔呀!老死就介紹既私家廚房話好味之餘又夠特色, 所以今晚就跟左佢去開餐了私家廚房係譽發廣場, 好近油麻地地鐵站佢卡位SET到好似獨立房間咁, 私隱度高, 同朋友吹水傾心事就岩晒啦!薏米水($68): 老死話我咁怕熱, 薏米水就岩晒我, 飲落微甜, 夠天然, 而且薏米係另上, 等我地飲果陣係食到原粒薏米, 夠口感! 小節位睇到咁細心已經加晒佢分啦!椒鹽一口豆腐($68): 份量都唔少, 炸到外脆內嫩, 椒鹽又唔會太多, 唔會太少, 岩岩好, 廚師好有高手FEEL呀!即叫即炸生炒骨($118): D個係店家極力推薦, 話D味餸係佢地既其中一樣鎮店之寶, 講到咁誇張, 真係要試下, 個生炒骨果然係即叫即炸, 好香口, 而且舊豬肉幾爽口, 好好味! 而且菠蘿係新鮮貨, 唔係罐頭野! 可見餐廳對食材之認真程度!廚房小炒王($138): 次次去食小菜, 我都好鐘意叫小炒王, 去試下廚師既功力, D個小炒王真係夠晒鑊氣, 超級香口, 而且有好多唔同既料, 例如有魷魚, 蝦乾, 銀魚仔, 超級送飯, 好正冰鎮菠蘿(送的)- 新鮮菠蘿

旺角既食肆好多，但高質既就真係要仔細去簡，經過出入旺角既我有時候都唔知應該點選擇好。今日咁岩又係旺角一帶，同友人就心血來潮，簡左一間就腳既私房菜黎食，由於係平日，人數唔多，搭lift上到8樓，好快就可以入座。餐廳內既位置好鬆動，唔會有擠逼既感覺，加上卡位會有布簾遮擋，私隱度提高左好多 ~首先送上一壺茶，茶錢$10，加上有一碟開胃既橋頭。打開menu，真有好多選擇，有選擇困難症既我地唔知點簡好。呢度既人好好，見我地一頭霧水、無從入手，於是主動問需唔需要佢地推介一d比較呢度出名既拿手好菜。諗諗下，又岩喎，私房菜當然要簡呢度出名既菜式啦，於是佢地就推介左四款菜式。首先，由於呢度有幾種用魚皮做既菜式，有一款係薑蔥麻香撈爽滑魚皮，其實都勁想試，但由於炸野、香口野我更加鐘意，所以簡左一款小食，叫做黃金炸魚皮。黃金係指咸！蛋！黃！！！！講起，呢期真係好興咸蛋黃既食物，近來好hit、出面賣一包包既咸蛋黃炸魚皮都有試過，但當試左呢個新鮮即炸既黃金炸魚皮，真係將之前試過既黃金消魚皮都比下去。先不講佢既魚皮係即炸，咬落去熱辣辣、又超脆，淋上去既咸蛋黃醬除左唔會影響到魚皮即炸既超脆口感，而更加係可以令到整體無

平時出街都會食西餐 好少可會食番本地菜有陣時聽到私房菜都好貴 年輕人食唔起呀～不過今次搵到既呢間就顛覆左我既認知！！呢間餐廳位於油麻地 一出地鐵站行幾分鐘就到啦樓下係好出名既梳乎厘 好易搵㗎咋！佢地餐牌非常多選擇 有平民小菜亦有山珍海味我就揀左一個4人套餐黎試試！係食物黎之前 老闆推薦我地飲自家煲既薏米水煮得勁濃郁 一大碗薏米比我任食 我真係狂隊㗎因為薏米去水腫幾有效先上既係鮮炸蛋黃魚皮我係十級推介呢個小食魚皮新鮮 加上用蛋黃酥炸 熱辣辣超香口比起啲包裝好既蛋黃魚皮高左十幾班呀！然後係粟米羹 冇粉漿味 煮得唔錯㗎 份量足夠！呢碟雞唔記得叫咩名堂不過肉質鮮嫩 口感滑溜溜 好有雞味甚至滑過海南雞 我真係想問廚師點做到！貴野上黎啦 龍躉斑！！蒸既時間火候剛剛好 平時街市買龍躉都幾貴呢餐食番夠本呀 哈哈哈小朋友至愛 菠蘿生炒骨所有材料都係即日買、準備落足功夫心機去煮 所以呢碟菜都需要少少時間！啲排骨好少肥肉 適合一家大細享用 呢兩碟菜配有鮮魷同帶子成日食肉既香港人就啱哂啦 兩款都少得好好味調味落得精準 係屋企好易炒過龍始終都係呢度夠鑊氣！唔鍾意炒菜既可以試下雜菜煲健康啲少油少鹽～我地食左好耐都

之前聽朋友講喺旺角見到有間好似食私房菜既餐廳，今日終於約到上去食了。有口碑黃金脆魚皮，好大塊無乜碎濕濕，超鬆脆又鬆化！自家製造撚手墨魚片頭，好少有得食，今次仲要新鮮整好出黎，熱辣辣好好味！燒汁脆米安格斯牛粒，牛粒唔韌，另外佢係用茄子切粒一齊煮，有新意得黎又幾好食。鄉下佬炒雜菜，其實只係好普通既菜，但就炒到好有獲氣。老輝造法砵仔焗魚腸，黎到嗰時仲係到咋咋聲，面鋪左啲油炸鬼，個面焗到脆卜卜好香口。主角魚腸一啲都唔腥，同蛋既比例差唔多係一半一半。最後送左碟菠蘿比我地清清口既油膩。

油麻地好少有私房菜，今晚同姊妹黎到譽發廣場8/F試試新開的這間私房菜。佢有幾間私人獨立房間，讓一大班客人有私人空間；也有3-4人的木枱坐位，光猛的環境又設計簡單清潔，讓客人可以慢慢品嚐美食。服務員好有禮貌又好好服務，主動換碟收碟又推介美食；老闆Dick好好人,佢講佢地理念係為客人提供美味優質的食物，對食材好嚴謹，也因為經驗豐富，所以中、西、日式料理都有提供，客人要早一點打電話訂好某些特別的佳餚，確保新鮮！我們叫了4個菜，每一個都好大碟好有份量。1. 冰鎮涼瓜片夏天一個好好的選擇！涼瓜清涼解毒、煮好的涼瓜雪好再放在碎冰上，好清新好爽甜2. 鮮淮山雲耳炒藕片這個全素好正！鮮淮山好爽脆好新鮮；藕片好薄、切功好好、入味有藕絲；雲耳細細片又爽口，用貓耳朵的雲耳更爽口香滑3.啫啫火腩大白鱔煲大白鱔好多又厚肉，吸收了汁的濃香；枝竹好入味又腍又香；冬菇好厚好香好腍，質感好好；火腩好入味又不會太咸，肥瘦剛好4. 木桶藥膳豬手豬手好多塊，每塊好有份量，好多膠質又香藥膳味；湯有紅棗、淮山、蟲草花、參，好保身好暖胃；味道好香，姊妹話如果有藥膳醉雞用這個汁又是不同口感及香味5. 冰鎮新鮮菠蘿免費送新鮮菠蘿，好甜

朋友想食私房菜，上網搵到間喺旺角有間，大家出入又方便所以去左食。去到坐低無耐，侍應見天氣熱，就推介我地飲佢地自家製的凍薏米水。一支的分量唔少，分到7-8杯。薏米水味道唔係好甜，又清涼，係夏天降温的佳品。油泡崧子蝦球的蝦幾大隻又爽口彈牙。西芹唔會有草青味。不過始終係油泡，整體油左少少。好搞野啫啫通菜煲炒得非常香口，應該係落左少許馬拉盞，辣辣地好惹味。其實我唔多食魚腸，不過我試左啖老輝砵仔焗魚腸。表面煎到少少燶好香口，夠晒特別，魚腸完全無腥味。鹹蔥油雞，第一次食咁樣用蔥油去蒸雞，味道更香，有別於一般霸王雞既味，值得一試。最後，餐廳送左碟新鮮菠蘿比我地，用冰鎮住，夠凍又夠Fresh，一D都唔酸。==============================鍾意我分享的，我邀請你訂閲我的食評，我會繼續與大家繼續發掘有咩CP高的冰糧！(敬禮)

<旺角私房菜好選擇 藥膳豬手必試😍🐷>🙂喺油麻地a2 出口側邊。新開既譽發大廈 上面都開左好多新開既食肆 呢間私房菜 私家廚房就係其中一間😀 食店以私房菜為止 有唔同既小菜 海鮮等 若一d特別食物 都要預訂 建議book位時一早問定😀🍴薑葱麻香撈爽滑魚皮 68 蚊 🐟好適合做餐前小食既爽滑凍食魚皮 魚皮好爽 充滿住薑葱 辣椒大葱等調味🌶 麻油香令到爽滑魚皮更正 仲有d花生 增加口感 十分唔錯🍴撚手木桶藥膳豬手 128 蚊🐷 大大兜豬手 個底層湯底 好香濃 有蓮子 松草菇 准山 等等 藥材味香 豬手 成十件有多 盡吸藥材甜香味 爽滑彈牙 呢個真係推介🤣 記得一定要飲佢底d湯 😍🍴鮮准山雲耳炒藕片 98 蚊🔥🌿好健康既菜式 有爽口厚切 准山 木耳 青椒 蘿白絲🥕 仲有薄切蓮藕片 只係落左少少薑蒜炒 好清新開胃😀🍴鹹蛋黃冰鮮中蝦 128 蚊🦐🥚雖然係冰鮮蝦， 但都唔算細隻 同埋落足料 咸蛋皇炒得好香 🥚 蝦肉都ok, 若果落多d咸蛋皇 多d鑊氣令到成隻蝦殼可以食埋更好🙂🦐Score 平均分 <7.5/10>Taste 味道：👍🏻👍🏻👍🏻Present 外觀

位於旺角彌敦道558-560號譽發廣場8樓，有一間隱世而又名不經傳的餐廳，食過就知原來高手在民間。餐廳內光猛乾淨，座位以木製家俱為主。客人可選坐在兩邊有簾的座位，私密度高。如果一大班人來就可以選坐大房，內有大枱，可容納一大班人。餐廳內的海鮮都是新鮮選材，絕對有保證。黃金脆魚皮$68即叫即炸，好香脆可口！蛋黃香氣四溢。魚皮入口卜卜脆！椒鹽大連鮑魚$118$45／隻。第一次食椒鹽鮑魚，惹味之餘又不會蓋過鮑魚鮮香。啫啫通菜煲$118比起平時食到的通菜，這個十分特別，用上年糕一拼炒。加上年糕的通菜還是頭一回食。通菜青脆，跟年糕的口感迂迴，挺有新意。炸生炒骨$118廚師每日用上新鮮的排骨製作，肉質鮮美。酸酸甜甜的好開胃，菠蘿新鮮，配這個可以吃上兩碗飯。油鹽焗奄仔蟹$168油鹽焗，所以好香。本身隻蟹質量水平高，點製作都好食。蟹膏多到不得之了，看了都垂涎慾滴。油香滿瀉，實在令人一食上癮。食完曬所有菜，還有水果盤送，太窩心了！餐版上還有其多菜式，全部都好有大排檔風味。下次都必定會來試。

今日係一班中同難得見面，但係旺角實在比較少餐廳可以俾我地一大班人坐，而且仲要可以傾到計。之後我地係openrice搵到哩間旺角私房菜，諗住樓上舖應該安靜而且舒服啲～於是就揀jor哩間做gathering。一上到去我地有獨立房間做，仲有電視bar台，環境幾舒服，最重要係唔逼而且仲可以同一班好耐無見既中同敘舊！♥️其實佢啲菜都幾多款，酒樓常見既哩到都有，仲有啲菜式係偏大排檔啲款式～我地主食嗌jor一條雜菌炆魚、一隻蔥油雞、粉絲牛肉煲、炒通菜（得意既係佢有年糕相伴）、荷葉蒸飯（佢啲🦐都係highlight黎），小食就嗌jor 涼拌4款、一口炸豆腐（哩個正）、炸魚皮（哩個不得了，有鹹蛋味😍好好食）我最欣賞係個炸豆腐，狂食好多件；除此之外，荷葉飯好香口。我地總共8個菜，都幾完滿。不過佢份量大得驚人！亦好彩我地有男同學可以食多啲～隨餐我地都有嗌薏米水去下濕。一班老同學見面難得搵到一間環境舒適既餐廳，最緊要係可以有獨立環境傾到計，哩個真係係旺角鬧市中最難能可貴亦係最難搵。下次再有多人聚會都一定會黎，因為味道比酒樓好，環境比酒樓好，而且都比酒樓乾淨😂

通常開得私房菜，都係有返咁上下質素，今晚都試左一間高質嘅我地一黎就叫左薏米水，大熱天時真係好爽之後我地叫左一口炸豆腐、四式小菜、黃金炸魚皮做前菜，最印象深刻係炸魚皮，好香口、好好食我地叫左一客炆魚，原佢係成條咁炆，加埋香菇、豆腐一齊炆，條魚好入味，而且難得d肉唔鞋叫左一客蒜蓉蝦竹籠飯，d飯吸收哂蒜蓉蝦嘅鮮味，好正最後叫左一隻䓤油雞，雞肉好滑但估唔到一隻雞嘅份量係咁多，我地都要打包半隻雞走鍾意佢有private room，唔使同人迫，啱哂一班朋友仔去吹水

今曰係旺角做完facial就同媽咪黎食私房菜，呢到環境舒適，地方亦夠曬寛倘！俾到人有1⃣️種置身在家的感覺我地1⃣️入座店員就問我地飲茶定薏米水，我緊係話飲後者啦，佢呢到d薏米水1⃣️d都唔甜，店員話我地知係低糖的，唔錯唔錯👍🏻👍🏻岩曬我地飲，唔怕肥仲可以去下水腫，值得推介食物方面我地兩個人點左4個小菜，食到我地超飽，臨尾仲送左碟冰菠蘿我地食，消滯真係1⃣️流甜甜地又凍冰冰岩曬e+咁熱既天氣，食完成個人即刻感覺涼快🤭🤭大大支薏米水 自己鍾意加幾多薏米落去都得👍🏻👍🏻好搞野啫啫通菜煲$118個菜名夠曬特別，整得好有獲氣，通菜好鮮嫩美味即叫即炸生炒骨$118炸到好香脆，味道酸酸甜甜送飯1⃣️流😃撚手墨魚片頭$98又係炸到金黃色，睇賣相都知好食，咬落去超彈牙！鮑魚雞煲$198非常足料，鮑魚咬落去唔韌，好彈牙雞肉肉質鮮嫩，又入曬味 最後冰鎮冰菠蘿 🍍 呢餐我同媽咪都十分滿意，店員服務態度亦很好下次諗住帶埋爸爸黎食