粵軒

营业中

休息中

選擇星期一光顧，是以為會人流較少，而且知道星期一至四消費超過一千元會有九折，而在訂位前亦問得清楚，怎料到結帳時被告知已經取消九折優惠，立即有中伏的感覺，現在疫情緩和，食肆晚上的人流明顯增加，但你們的行徑就像殺雞取卵，加上侍應又嚴重不足，眼見今晚差不多客滿，但只有兩、三位侍應忙碌地下單、上菜、執枱、結帳……一腳踢，吃完的碟放滿一卓子、蟹殼放滿一碟没有人主動更換、多次想添水也不好意思叫喚侍應，服務連大牌檔都不如，但你又要收我加一！真心希望管理層可以好好檢討及反省！！

Dinner. 粵軒 is famous of its 暗然銷魂飯, so must come to try the Char siu. Not bad: 半肥，thickly sliced, but can b a bit more燶邊. Other dishes we tried include:墨魚腸- I liked. Texture was chewy and bouncy, better than pork sausage.焗蟹蓋- since I’m not a fan of crab, I think 焗蟹蓋 tastes the same everywhere.蜜香龍影球, which consisted of 西蘭花炒川香蝦球+沙律炸明蝦球. Since I didn’t take spicy, I only tried the deep fried version. Prawn was meaty and crispy. 沙律煙鯧魚- this used to be a common fusion dish at wedding banquets, first u

今日相公專誠帶我去這間幾年前朋友請生日宴的飯店，坐下立刻回憶當年的熱鬧及美食，當年吃的釀焗蟹蓋仍保持水準，一堆堆的蟹肉很鮮味，料很足亦沒有馬虎，以價錢來說是合理，我心在想相公很有心思，知我愛吃釀焗蟹蓋，找對地方了。而相公所吃的釀焗響螺，我試了兩口，覺得比下去但亦算可以。另點了瑤柱滑雞蒸陳村粉，稍有失望，陳村粉較厚，沒有撕開一塊一塊，不夠細節，幸而雞比較滑亦有鮮味。再來一鍋鮮茄蘿蔔清湯腩，牛腩砌片很冧，易咬， 老嫩佳宜，沒想過蕃茄加蘿蔔的味道如此匹配，與別不同，又清又甜。最後侍應送上陳皮綠豆沙，綠豆冧而味不甜。

中午到達訂了檯的名店，已見有walk-in客在等位。太座因為預先上網看了菜單，一心要食她至愛而又是廚師推介的工夫菜釀焗蟹蓋及响螺兩味。蟹蓋先出場單是蟹形盛器已取滿分，再看餡料滿是蟹肉及美味配料海鲜味道至濃。响螺排場不及前者，但响螺肉混合香濃餡料中咬感又有蟹肉外另一種感覺。濃郁的頭盤後是醒胃的鮮茄蘿蔔清湯腩，蕃茄味道令牛腩入口更感清新，全覺牛腩的肥膩。再来一道瑤柱滑雞蒸陳村粉， 瑤柱蒸熟後手撕伴雞塊蒸，只要不懼雞油的邪惡，混和陳村粉入味至極。 餐後附送綠豆糖水陳皮味足。

宅渡假第三餐首先會送出第一輪指定食物，之後就可以點選其它款式點心第一輪點心灌湯餃，蝦餃，燒賣，义燒飽，上素餃，粉果點心會因應人頭數量送出😋😋😋食完第一輪就可以開始按自己想食份量填寫基本上每樣點心都唔hea, 完全足料，好有水準既點❤️比起很多點心放題更出色，點心夠晒熱，味道又很好，絕對值得一試枱上會有兩張點心紙，正常點完兩張點心紙都已經飽晒不過接近結束，差不多時間，服務員也會攞多張點心紙過嚟講聲last call，問需要再叫嗎？這個貼❤️服務👍👍👍

之前透過YOUTUBE一些介紹香港傳統點心既短片. 其中有提及到這家享有逾80年歷史既粵菜酒家位於灣仔六國酒店其實地點都算近地鐵站A1出口過一條馬路再直行轉彎行大約4-5分鐘路程就到.六國酒店其實外觀比較懷舊.沒有現代酒店的裝潢,保留著80年代的感覺.扶手電梯上一樓就到粵軒. 餐廳內部應該有做翻新,所以感覺比較接近現在坐落的位置都很寬敞而且因為2人限聚令的關係,所以很舒服其實我個人覺得點心價錢都比其實較新較有名氣的酒店平.先上一碟前菜,我覺得幾醒胃.蟲草花什菌餃->很飽滿,可以一試我來這裡的目的就是要試呢度出名的13摺手工蝦餃,果然冇令我失望,真係好好食.而且食得出係新鮮蒸製,絕非翻蒸.而且每粒蝦餃都很足料.燒賣既話我個人認為都係比較普通,不過不失.沒有很驚艷. 正常原先這裡的暗然消魂飯係好出名.但因為想試其他野冇叫,就改叫叉燒包,因為估計都係用同樣的叉燒.但可能因為係包點,未必如飯既叉燒一致. 所以感覺上有點普通. 跟出面酒樓吃到的差不多這個春卷不錯, 足料之餘 外皮十分鬆脆, 我覺得大家可以一試.我個人覺得春卷雖然很多地方都有,但做到呢個口感唔係太多地方棉花雞基本上間間酒樓

多年前常常來，但因為工作轉變，很久很久沒有來了...今年新年午餐聚會，大家一齊來....點心 - 懷舊feel，種類頗多，味道好，實實在在的...最有驚喜，炸春卷，不肥膩，外層脆，餡料清爽，刀功幼細，不糊口，食落舒服...👍👍半肥瘦叉燒，肉質上乘，柔軟香滑，叉燒邊有小小焦，香脆可口，肥瘦適中，果然，名符其實，招牌名菜全餐最最最精彩 帶子蝦旦炒河粉 - 河粉滑溜溜的，帶子及蝦有鮮味。旦炒得幼滑...所以配合 - 好正呀！ 吃到一點也沒有剩....杏仁茶，香，濃，不甜

0.3好多男士都會聯想另一樣野，仲會好雀躍，但講到3.0，就未必個個知。如果講起「黯然銷魂飯」第一時間就會諗起「食神」。的而且確，成套戲將一道相當貼地，平民百姓甚至藍領都經常做午餐的菜色昇華，又是一個奇蹟。灣仔六國酒店「粵軒」不知光顧了多少次，當年攪三圍生日飯，都係係「粵軒」。上個月酒店的 Wine-cation，就反而去了食日式放題，因為要配合清酒嘛！近日「粵軒」又推出了「黯然銷魂飯3.0」版本，但基於「限聚令」下，晚餐是沒可能了，就跟朋友來個午間小敍。第一道菜已是較重口味的「陳皮椒絲蝦球伴野菌扒白鱈魚球」。建議先食味道較淡的白鱈魚球，外層炸得微脆，內裡質地嫩滑，不錯；而蝦球好大隻又爽口彈牙，辣辣地幾開胃。不過很奇怪，套餐並未有前菜，其實可以的話，簡單的加個陳醋木耳醒醒胃吧！湯品是「響螺燉雪雁」，畢竟是深秋時分，最啱滋補湯水，更何況是燉湯？一揭蓋已瀰漫陣陣幽香，湯色清澈，入口醇厚甘甜，正。主角當然係「黯然銷魂飯3.0」。其實由最初版食到家陣，真係看得出的進步，而今次更是精銳盡出叉燒是店方名物，用上脢頭叉燒，肥瘦相間，蜜味重，加上大大舊厚切，名符其實啖啖肉；而雞蛋煎至半熟，食之前用筷子

一早約好既4人飯局 好彩二人限聚令生效之前 唔係就要分開枱坐 🥴我自己好少pick 酒店餐廳 今次係朋友識人係個到做 推介 話佢地有個黯然銷魂飯套餐 朋友都想試下 去到既然係識當然會寒喧一下 講起個餐係蝕住做 🤔 個下我未食 心諗生意難做 個套餐 388 講到尾係叉燒飯 你要我話抵 尼食好多次 係難 Anyway 講返野食 真心勁讚 頭同尾 一開始既白鱈魚球（我覺得係塊）係極之出色 食材質素靚 廚又能做到外脆內鮮 脆係好薄既脆 一咬就已經feel到入面既魚肉 好彈口既新鮮 講真如果尼個係一個4人份既主菜 300 我都唔會覺貴 最後既金腿玫瑰酥 又係一絶嘞 個種恰到好處既香酥軟熟 甜而不膩 作為主打既 叉燒飯 反而就有點失色首先前菜甘精緻 突然尼碗甘大既飯 有點格格不入 叉燒 我成日食 你話係靚叉 係既 不過冇特別出色 而且我覺得肥左D 其實如果係細舊D 肥就可以分淡D 甘大舊唔鍾意肥叉既人 食落去就有點難受 總體尼講 高質素食材 煮得又有水準你話蝕住做 明既 但係叫我尼多次又難D

話說今日大叔我趕時間返工，匆匆忙忙都不忘食好西下戾氣先去返工。即刻入正題有圖有真相。To start with，有個海鮮仿魚翅羹。雖則係用gelatin 做仿翅，口感一樣爽滑，湯羹依然做到黏口膠質，環保得黎依然氣派十足。海鮮粒十分足料，咸度適中。建議加幾滴醋，更開胃。跟住上左份海鮮小炒，好好好好很咸。我無補充。多手點左一下蝦醬試一試，有驚喜，唔太咸，堅香。帶子王原來係一粒相信係混入左蝦膠既彈牙丸子一大粒，惹味但都係略嫌咸。之後有鮑魚，好嫩滑，個汁既配搭簡直係完美，另外非常欣賞廚師刻意安排每一味菜都一定有條菜菜子，我即刻覺得自己好Green。怕你唔飽，整多碗金華火腿面，平平。百合蓮子豆沙，西瓜菠蘿收尾。無憾。

或許在記憶中最值得懷念的日子，大概是70至80年代吧！當時我們一家8口，生活雖然艱苦，每餐都是粗茶淡飯，但母親總是能「粗料精做」，令大家甘之如飴，開餐成了樂事。時代愈進步，大家逐漸追求更好的享受是無可厚非，但以往好多充滿特色的酒樓卻是慢慢湮沒在時間的洪流，就連菜色都只存留在記憶中。所以每當有餐廳推出懷舊菜時，總會有班人好似在下一樣食左先算。近日六國酒店粵軒中菜廳就推出懷舊菜單，不單是晚飯，就連午餐都可以享用到。餐前先喝碗足火的「節瓜鱆魚瘦肉湯」（$60），很醇香的感覺，鱆魚味都融化入湯裡，尤其是熱辣辣就最啱我。在懷舊的菜牌中，率先挑選了「釀焗蟹蓋」（$120/隻），其實$120隻在今天看來已是合理，單是拆肉已花了不少功夫；蟹蓋是大約五兩重體形，表面烘得金黃帶微焦，火喉恰到好處，揭開芝士面，內裡是熱燙的蟹肉、蘑菇及洋蔥絲，質地細滑濃香，好味。再來是邪惡到極的金錢蟹盒（$248/6件），看似平平無奇，但外層是由肥豬肉擀成再炸，所以非常香口，最難得是毫不覺得油膩，咬一口，內裡有蟹肉、梅頭肉鬆、芫荽及芹菜，份量少少，如果人多，每人一件其實啱啱好。至於桂花炒魚肚（$188），就是一道極考火喉控制

朋友送來盒裝蜜汁叉燒，原來是六國酒店粵軒的新出品，中秋送禮又多一選擇。剛剛買了高郵鹹蛋，出名流油起沙，忽發奇想，何不來個變奏，除配脆濃邊太陽蛋的黯然銷魂飯外，加多一碗鹹蛋叉燒飯，小時候的味道，回憶返晒嚟，當然，那些年哪有這麼靚的叉燒呢。叉燒用新鮮梅頭，加入秘製頭抽及麥芽糖燒至少許燶邊，食落口感腍滑。本來設計，叉燒是放入耐熱袋，可直接放滾水中翻熱，但早利亞再放焗爐中烘熱數分鐘，增加燒烤香氣，足不出戶也吃到有水準的叉燒。

時近過節，週末很多食肆也爆棚，訂定枱是必然的動作。到灣仔六國粵軒，坐近落地玻璃窗圓枱，望著街外，很清澈，光而明亮，大概是近月一片渴求的寧靜。還是喜歡飲茶，或許就是傳統龍的傳人習慣。這裡的點心平均約五十塊一款，尚算美味。雖然藏在川辣金錢肚底部是一大塊豆卜，但份量仍然比其他他酒店酒樓多，味道也很夠味。鮮蝦腸粉、XO醬炒蘿蔔糕、北菇滑雞、鮮竹卷⋯⋯很不錯。一客煙鴨胸肉崧炒飯，飯不算硬，但如有老人家，就可能未必適合，鴨胸碎肉，也不欺場，但有很重美極鮮醬油味。再來一個豉椒海鮮炒烏冬，料很足，起碼有兩隻大帶子、蝦、班塊，但茨汁較多，烏冬較稠糊，不是彈牙之類，二百五十塊未必物有所值。甜品是送的，有椰汁西米露或紅豆沙。紅豆沙有果皮味，也不差。

#audreyeats_wanchai -$338 Ain’t your ordinary barbecue pork rice! THIS IS THE LEGENDARY 黯然銷魂叉燒飯 featured in Stephen Chow’s movie, The God of Cookery 食神😍 What’s special about this rice besides of it’s super juicy and fatty BBQ pork, is that onions bits and lard are added into the rice!😋 not to mention the BBQ pork is super duper thicc 💦I also love the crispy the fried egg on top🍳 LOVED IT❤️終於食到期間限定嘅《食神》黯然銷魂叉燒飯🐽同普通叉燒飯唔同，呢個叉燒飯入面加咗洋蔥碎🧅同燒豬油！食落去啲米粒粒分明，亦更加香！同樣個叉燒係激厚切，超肥超多汁😈煎蛋又有脆邊，撈飯一流！成個飯食落去又好味又感人😝😢...

不得了的黯然銷魂飯3.0版* 很用心製作的一碗暗然銷魂飯，叉燒燒得夠半肥瘦，帶少少甜味，超級大件，叉燒用咗每隻豬只有兩條的梅頭，要用刀叉嚟食超爽，用咗日本廣島蛋，食時記住要篤穿蛋黃，令蛋黃融入飯中，然後攪蛋汁和豬油平均分配在飯中，泰國青檸香米，最特別就係飯中加了一些切碎了的澳洲紫洋蔥，令成碗飯生色不少，成碗飯加咗啲豬油所以可以做到粒粒嘅效果，而醬油是採取香港頤和園御品，食過真係會返噚味！* 除咗呢個黯然銷魂飯呢個套餐仲有其他菜式都非常之出色，就係嗰個虎爪金龍（金沙蝦頭半陳皮椒思大蝦）,其實就係鴛鴦大蝦，一隻係陳皮味另外一隻係鹹蛋黃，蝦頭部份更引入蝦膏再用鹹蛋黃炒香，* 鹹蛋黃就食得多但係用陳皮你整就係第一次，陳皮勁入味好好食，另外半點右角沙律菜仲有啲細細粒嘅珍珠嗰啲珍珠原來係醋嚟嘅，好似分子料理咁好有趣！這道菜式更榮獲2019年香港國際美食大獎嘅銀獎！* 其實食大蝦前仲有一個羊肚菌螺頭燉雞湯，最後更有美點雙輝(金腿玫瑰酥和大紅袍茶皇糕）糖水。