粵軒

营业中

休息中

新工作上任一個月， 兵慌馬亂的， 今日終於有時間吃個Team Lunch。選點是六國飯店內的粵軒。這家中菜印象中很好吃， 以前也有一段時間在灣仔上班， 當時的老闆也很喜歡跟我們到這飯聚。我們今次點了：金巢雲彩盞，招牌蜜汁义燒，當紅炸子雞，金銀蛋浸時蔬，香煎琵琶豆腐，富貴牡丹酥。他們的招牌义燒一直都很好吃， 肥瘦適中，帶甜口，肉質軟熟。炸子雞亦是做得十分好，皮脆肉嫩，雞味濃郁。琵琶豆腐很清新，食落健康。最後的驚喜在於富貴牡丹酥，花朵的造型美英的，外皮酥脆， 餡料是豆莎，不會太甜，很好吃！

食物：讓人印象深刻的是香酥荔芋鴨，它是一道傳統的懷舊菜色，味道非常好，且不太容易在其他餐廳找到。另外，蜜汁叉燒也很不錯，香味四溢，令人垂涎欲滴。雖然其他菜色沒有太多亮點，但也都是不錯的選擇。服務：表現中上，員工態度友善並且有禮貌，但有時可能稍微有些匆忙。價錢：適中，價格在市場上算是公道。環境：偏向似茶樓格局，餐廳也設有包箱，方便需要的客人。整體而言，食物、環境、價錢和服務都表現得中規中矩。粵軒提供的食物、服務、價格和環境都表現得中上，是一家不錯的中菜餐廳，值得一試。如果您想品嚐傳統的懷舊菜色，荔芋鴨是一道必嚐的美食。

每次來粵軒都一定叫這個釀焗蟹蓋。吃過很多蟹蓋，大都是徒有蟹殼沒有蟹肉，這蟹殼釀滿了一絲絲的蟹肉，真材實料，配上酸酸的浙醋更錦上添花。另一受人歡迎的菜式是大漠風沙鴿，皮脆肉嫩，而這鴿比一般的大，啖啖肉，不會覺得無肉食這次也有吃它的名物 - 叉燒，不過覺得切得大塊點，沒小的嫩。原來叉燒要好吃也看刀功，但還是值得吃的，因為也比外面的叉燒嫩。很多人推黯然銷魂飯，但吃單點叉燒更多更抵食啊

聽講黯然銷魂飯呢個名都好多次，不過食一個好認真嘅黯然銷魂飯真係未試過。朋友講點好點好，自己未食過就一定唔可以作準，所以要試吓先至可以有評價。之前成日都錯過，因為每一年都係限定得幾個月可以食，本身今次都冇得去，但係有個朋友話原來extend左，唔使諗一定要去試。有人走堂都要去食，咁當要陪吓朋友，有Facial都要改。前菜醋珠沙律菜，相對正常，不過醋珠好得意。芹香梅菜蒸龍躉球就開正我個part，個魚肉大件得黎好有質感，而且芹香梅菜勁香甜。松茸螺頭燉雪雁個湯好足料，唯獨是唔好嘅係太少，而且個碗令到佢太快凍。黯然銷魂飯，平平無奇嘅叉燒飯，要做到咁多個人去食，真係唔容易，佢嘅叉燒燒到好靚，而且非常大件加後設，咁蜜糖拿捏得好好。加上佢個飯同豉油，再有一隻日本蛋，我估應該用蘭王，成碗飯都好似渾然天成咁一樣咁好。尾聲的大紅袍茶皇糕金腿玫瑰酥又係做得好，特別愛金腿玫瑰酥。如果你同樣聽講呢間餐廳係唔錯，快啲試，供應時間真係唔係好長，今次唔食要到下年先有得食。

今年復活節難得有六日長連假，雖然沒有外遊，但亦可趁機會帶屋企人試吓新餐廳。我們第一次來到六國酒店的粵軒，據聞這裏的廣東小菜非常出色，不過我們這次想先試試點心，為咗試多幾款，叫咗12件點心拼盤，共有六款點心(兩款炸點，四款蒸點），以酒店中菜廳來說，價錢超值，炸春卷和蘿蔔造型鹹水角都炸得非常鬆脆，蒸點方面我比較欣賞燒賣，其他味道算是ok，蝦餃新鮮但皮一般。楊州炒飯：份量非常慷慨，炒飯好乾身，粒粒分明，叉燒和蛋都好香，蝦和蔬菜的份量都很多，我們三個人每人都分到最少兩碗釀焗蟹蓋：這道菜式實在教人驚艷和滿足，餐廳用了螃蟹造型的容器承載，已經非常有心思，上菜時陣陣芝士香氣飄逸，但吃起來並不會覺得很油膩，整個蟹蓋釀滿了一梳梳新鮮的蟹肉(還有蟹膏！)，有少少creamy，但整體主要是充滿蟹肉的鮮甜味 吃完充滿幸福感 桂圓紅棗茶：埋單時，侍應貼心地送上三碗甜茶，為這次午餐畫上圓滿的句號我們三個人計埋茶錢、小食和加一，埋單 $720，可以吃到高質的酒店中菜，實在是超值

一碗原本在電影中出現的黯然銷魂飯只是一個戲內的名稱，本體其實就是在香港的茶餐廳、大牌檔都有機會吃到的叉燒煎蛋飯。要說到還原度最正高的黯然銷魂飯卻是在六國酒店的粵軒而且不是一年365日都可以吃得到，除了是期間限定外，還要提早最少一天預定。今年本來也沒機會，但因為推廣延遲到4月16日，所以終於有幸吃到！黯然銷魂飯套餐 ($388) 除了主角黯然銷魂飯外，還有前菜、甜品等。套餐非常豐富，亦已包括菜芥和小食，不過就要注意需要兩位或以上才可以享用喔前菜是 醋珠沙律菜 用酸醋弄成的珠粒很少見，吃落清新開胃。之後就是用蒸籠上桌的 芹香梅菜蒸龍躉球切成粒狀的梅菜很幼嫩，帶甜的味道伴以爽滑的魚肉更為美味。套餐的燉湯是 松茸螺頭燉雪雁 能喝到用料充足，還可以吃到螺頭，滿清潤喲主角的 黯然銷魂飯 是經過無數改良才有現在的版本。叉燒非常大舊，以為會很難咬開？實際質感軟腍度適中得來很鬆化，肥瘦也適中。特地燒過兩次的叉燒仍然保留了肉汁和恰到好處的焦香，很難讓人不愛！再加上燶邊太陽蛋和本地產的豉油，濃郁的蛋黃與豉油拌勻令飯粒充滿醬油香。不過一定要加上畫龍點睛的紫洋蔥才算是正宗的黯然銷魂飯喔！最後甜品還有 大紅袍茶皇

上次同朋友食完六國酒店自助晚餐，離開時見到對面粵軒有個好吸睛的黯然銷魂飯套餐，都係$388，大家當時已經約定搵日一齊去食。原先諗住無機會食到，因為依個套餐只做到3月31日，但早兩日打去問下，原本餐廳延長到4月16日，機會難得，立即夾埋一齊gogogo 。醋珠沙律菜沙律菜新鮮，一粒粒黑色醋珠，入口偏酸，開胃一流。芹香梅菜蒸龍躉球每一份都用上蒸籠去蒸，裡面重有好有營養嘅黃茸，除保持肉汁，令龍躉球更易吸盡精華，入口更香更滑嫰。松茸螺頭燉雪雁燉湯真材實料夠火喉，濃郁暖胃，裡面每件豬肉粒肉質都勁嫰。黯然銷魂飯主角上枱已經俾大大件嘅叉燒吸引，叉燒燒得好靚，件件厚切。唔好淨係諗住得叉燒有水準，佢地嘅燶邊蛋和飯同樣不得了，佢地將紫洋蔥碎混到飯裡面，加埋佢地嘅秘製豉油，又飽又滿足。最後黎個甜品大紅袍茶皇糕和金腿玫瑰酥。想去食嘅就盡快喇，因為做到4月16日，記住去食黯然銷魂飯套餐之前，要提前一日打去預約，因此製作需時，無預約隨時食唔到，到時你個心情就真係好黯然。

這間真的是很多人心中的愛店黯然銷魂飯，吃過會想念一直都好爆場，今年只去到4月16日，有幸趕係尾班車前食到皇牌黯然銷魂飯就跟食神裡周星馳碗黯然銷魂飯一樣的擺盤用上特色公雞碗盛裝，更加有香港味叉燒好淋同肥瘦分明，肉質夠軟腍，完全唔韌咬落鬆化，部份更入口即溶加埋隻完美燶邊日本蛋，更用上本地出名嘅豉油飯上有迷人的鹹甜醬汁，飯粒分明不會過腍 重有撈埋紫洋蔥就算吃到最後只剩白飯也不會覺得無聊吃完很有飽足感套餐除左叉燒飯外，仲有前菜醋珠沙律菜，芹香梅菜蒸龍躉球，松茸螺頭燉雪雁，大紅袍茶皇糕金腿玫瑰酥甜品有興趣記得要早一日訂位，walk in無得食啊

好多年無食過粵軒嘅黯然銷魂飯，因為好受歡迎好易爆，之前幾年都錯過左deadline，無食左兩次，幸好今年extend左去到4月16日，尋晚有機會食到。無記錯黯然銷魂飯來到第四個version，經過左好多次對叉燒，飯，蛋甚至豉油嘅改良，呢個係餐廳最滿意嘅形式，事實上都係好精彩嘅一個版本。個叉燒勁厚身又燒得好靚，好食過好多米芝蓮餐廳嘅叉燒，甜甜嘅外層加上左勁靚嘅燶邊日本蛋，仲有香港本地出名嘅豉油，又有好新鮮嘅紫洋蔥撈係個飯入面，一啖飯包哂叉燒同蛋，真係好大滿足感。除左個飯之外，個餐仲有前菜醋珠沙律菜，中段有個甜甜的芹香梅菜蒸龍躉球，松茸螺頭燉雪雁，再加大紅袍茶皇糕金腿玫瑰酥甜品都係$388，記得之前都係$430以上，價錢平左，但野食多左，咁係唔係應該襯最後機會試下，酒店話今年一定唔會再出番，想食要快啦。

朋友每次提及粵軒都大讚。疫情過後終於有機會一嘗。平日晚上，入座時環境比較清靜。見Menu上都係家用小菜配有檔次食材。行政主廚係設計菜單上都花咗不少心思。前菜係醃青瓜，配上芫茜🌿。 本人係芫荽及蔥厭者。見朋友大讚，淺嘗一次。竟然無濃烈芫荽味。酸味適可而止，一讚👍🏻厚切叉燒係粵菜其中最常見嘅菜式。上菜時擺盤無花臣，心想咁簡約嘅？ 夾上手已感覺到肉質鬆軟，放入口就完全感到醃肉味道剛好，味濃但不咸。厚度剛好。簡簡單單但花盡心思。另外馬友煎肉餅，有馬友咸香，肉餅煎得乾身而脆口，但入口卻非常juicy芝士焗蟹蓋成個蟹蓋裡面舖上舖天蓋地嘅新鮮蟹肉，只加入極少量洋蔥碎增加咬口。同坊間最唔同嘅係，只得極微薄嘅白汁同芝士碎舖面，一來唔會掩蓋蟹肉嘅鮮味，二來絕對真材實料貴得有價值👍🏻隨後嘅上湯莧菜，西湖牛肉羹，正常質量無大驚喜反而煎雪魚有啲奇怪，唔知點解我係食到鯇魚味

情人節去邊度慶祝， 食西餐人多兼貴價， 食中餐又好似唔係好應節，見到六國酒店中餐廳推出暗然銷魂餐，又好似 幾應景喎 ，於是就決定過一個暗然銷魂嘅情人節。🤗😘😊 個幾星期前就訂好位 ，情人節就同honey拍拖嚟銷魂，🤤🤪 黯然銷魂餐＄ 388一位加一服務費， 有沙律 ，梅菜蒸班腩 ，螺頭松茸燉雪雁， 亮點當然係黯然銷魂叉燒飯 ，個賣相又真係幾特別， 有兩嚿光鮮亮麗， 肥瘦參半， 油光甜蜜嘅厚叉燒 ，一隻鮮橙色嘅荷包蛋， 兩條翠綠嘅菜心 ，加上 豬油豉油撈飯， 真係好重份量。 見到都銷魂 ，😇食唔曬嗰陣時就有少少黯然 銷魂餐整體都唔錯 ，一開始就有碟酸青瓜， 爽脆好味兼開胃。 跟住就上沙律 ，新鮮沙律菜加魚籽撈意大利黑醋， 健康清新嘅頭盤。 第二個係梅菜蒸班塊， 用個籠仔上， 份量好少， 不過好好食。 第三個係螺頭松茸雪雁燉湯， 清潤好味 ，螺頭同松茸都好好食， 瘦肉同鴨肉就柴啲。😬 跟住主菜上場， 一大碗黯然銷魂叉燒飯閃亮登場， 仲有一張卡紙教你點食 ，好有儀式感。🤣🤣 叉燒香蜜鬆軟， 肥瘦兼備， 分量超大， 橙色荷包蛋鮮艷奪目， 蛋漿溝埋啲飯 ，一流配搭， 米飯煮得偏硬， 唔係好夠熱

新年依始, 是和家人及友人聚餐的好時間, 灣仔是一個熱門聚餐地點, 而粵軒是我其中一個在這區的Hot Pick, 除了因為六國這經典香港酒店品牌的加乘因素外, 地點就腳亦是重要因素. 說到這粵菜餐館, 最多討論的當然是其高價的黯然銷魂飯, 就是很簡單的叉燒煎蛋飯, 但二三百元的定價令食客卻步, 其實它的點心和小菜並不如此昂貴, 相反是比同類定位的茶樓抵食.午市點心必點的𧎚餃和燒賣, 處理得很不錯, 皮夠薄也不會黏成一塊, 摺紋處理得好令兩者看起來更飽滿, 特別是蝦餃, 　燒賣的蟹籽是原始風味, 肉厚汁多, 豬和蝦肉比例平均, 沒有任何Luxurious的用料, 經典傳統風味也值得珍惜. 叉燒酥用上半肥瘦叉燒, 酥皮酥香夠脆, 烤得褐紅色就是傳統的中式烘焙, 咬起來口感層次分明, 同樣不是什麼伊比利亞豬肉, 但吃起來相當滋味.Canton Room is one of my favorite Cantonese restuarant for family and friend gathering as it provides good traditional dim sum. Altho

每次入住六國都有不同的原因，如入住可享用「自助晚餐」、或「吃懷舊菜」、或「任點任食指定點心」、或「半自助午餐」⋯的選擇，今次就是為了吃「黯然銷魂飯」套餐，因上年吃過，很好味可惜今次的叉燒令人失望😮‍💨、令人黯然😔，皆因叉燒某些位置咀嚼不開，實在令人不快😕叉燒是標榜用梅頭肉，但個人覺得並不是🙅🏼‍♂️，難道因入住酒店送的套餐，就不是梅頭位置🤔。但有一點我相信，若是付錢吃的黯然銷魂飯套餐(每位約$430)，吃到的一定是梅頭叉燒位置

冇想過去一間酒店內的餐廳會食到比街邊燒臘舖還差的食物，本來滿懷期待，可惜大失望收場，叉燒除了夠熱外，搵不到一點美味的感覺。更重要的是服務嚇死你，坐了30分鐘後才有一碟菜食，催促20分鐘後才有湯飲，再等多10分鐘左右飯先到，我以為自己食緊法國菜．來到見到碗飯個樣已冇胃口，吃了一半己叫埋單，最後甜品等極催極都唔嚟，沒話說了，走吧！

曾經有聽過灣仔六國酒店既叉燒，可能係全港最好味既叉燒，有好多名人、食家都推薦過👩🏻‍🍳👨🏻‍🍳，早前剛推出黯然銷魂飯套餐🍚，價錢上仲要好抵食，$388 (兩位起)一於即刻黎試下先。先來多吃一點蔬菜，富微酸既醋珠沙律菜，席間大家也嘗試左加入琥珀合桃吃既方式，大推！🥗以原位蒸籠上菜既芹香梅菜蒸龍躉球🐟，魚肉嫰滑，滿滿骨膠原。難得係價錢相宜既套餐內亦有滋補湯水— 松茸螺頭燉雪雁🍲，盡收湯料精華。重中之重既黯然銷魂飯，據指係經過多年既加以改量🆙，厚身既叉燒，夠腍身而近邊位脆身，又有燶邊蛋🍳錦上添花，係驚豔既，的確美味。食埋大紅袍茶皇糕金腿玫瑰酥🌹就圓幕落幕，真心好值的推薦既❤️