緬甸招牌湯米線 (已結業)

每次去買珍奶都會經過呢間舖，今日中午終於有機會去食。小店唔係好大，都要等下位。緬甸菜式幾特別。Mohinga 鮮魚濃湯米線 $46魚湯米線轉緬甸巴巴絲幼河粉 $7配料幾多，有魚片、豆卜、豌豆脆片和雞蛋，發現湯底有舊小魚骨，可見係用上真魚餚的，加上各種香料令到味道好豐富，緬甸巴巴絲幼河粉好滑都幾好味。緬甸特產茶葉沙律 $42呢個salad真係好有風味，有蕃茄、茶葉、椰菜、花生和豌豆，茶葉味淡淡的，配爽口的椰菜幾清新，蠻辣的。緬甸泡菜回鍋肉片配飯 $45回鍋肉塊，不是片，味道濃郁，酸味中帶微辣，幾開胃。緬甸多士配香滑奶茶或咖啡 $35多士甜甜地超脆的。奶茶茶葉與飲開的港式奶茶唔同，有D特別，茶味重D，奶味冇咁重。緬甸龍眼冰 $18有好多龍眼乾肉，甜度適中。

聽朋友講勝利道有間緬甸餐廳，於是專登入嚟食，店舒面積不大，人多時可能要等位，不過最重要係食好野。招牌既鮮魚濃湯米（$46）麵質彈牙，炸豆餅鬆香甘脆，最重要既濃湯就有魚鮮同雞味，仲有薑同香料味道，或者呢啲先係緬甸正宗，不過食物最重要係先啱自己口味。緬甸特產茶葉沙律($42)，味道比較淡薄，個人很喜歡茶，就試下茶葉沙律先。係椰菜為主，加了不少蕃茄粒，還有點炸蒜乾，花生，同剛才的脆片混成，茶葉則醃得酸酸的，帶少少辣，很惹味，感覺較像涼菜多於沙律，不過食完都幾開胃👍🏼曼德勒鮮茄滋味撈麵 ($45)好多番茄，真材實料。呢個撈麵味道帶甜，同樣加了XO醬及緬甸特有的香料和肉丁，麵條彈牙爽口。雖說是撈麵，但湯汁頗多，跟我們廣東人心目中的「撈麵」有點不同。至於我個friend 嘅曼德勒紅燒腩肉跟飯$52，佢又好鍾意，腩肉醬汁濃，有啲鹹, 香料的味道很重，配飯吃剛剛好。

緬甸菜在香港非常少見，在勝利道有一間賣緬甸食物的餐廳，前排我晚上來到，店員跟我説他們正才關門，因為食物賣光了，叫我下次早到。不甘心的我今天帶寶寶來吃午飯，餐廳面積很小，全店只能容納到12個位，但也是坐滿客人的。我點的 Mohinga 鮮魚濃湯米線 ($46) 湯底非常濃郁，原來餐廳加入了塘虱來熬湯底，另外還用了大量鮮魚、雞肉來加重湯味。魚肉和雞肉是預先灑上黃薑粉炒香，再連骨、豌豆粉、芭蕉葉等香料慢煮一晚，難怪湯底非常好喝。上面有魚片、豆卜和碗豆脆，很豐富。我還加了 (+7) 將米線轉做緬甸的巴巴絲，是一種幼河粉，麵質爽滑有彈性，把湯底的精華完全吸引，很入味。蔓得勒香茅雞配椰香飯 ($52) 的份量不小，雞肉煮得腍而入味，肉質多嫩鮮甜。用了香茅後更惹味。而椰香飯的味道濃郁，兩者味道很夾，伴醬汁吃更了一流。緬甸特產茶葉沙律 ($42) 名字很特别，是用了經過浸醃的茶葉，再夾雜爽口的椰菜、花生、蕃茄粒和脆粒，口感豐富，爽口得來又帶小辣的刺激感。緬甸特産清香薑沙律 ($42) 其實與上述的茶葉沙律有點相似，但加了很多薑絲，令整體更開胃清新。我的緬甸羅夢子特飲 ($15) 酸酸的很醒胃。而寶寶的

係呢間只係得10個位都冇既小店入面只得一位廚師負責哂整間店既食物相信黎得既人都係想食一份有質素既食物今次我叫既係緬甸風味咖哩雞飯緬甸風味咖哩雞飯咖哩雞就食得多, 緬甸風味真係第一次食單睇個外相就已經覺得好唔一樣比起一般既咖哩雞多好多既香料咖哩既味道亦非平時食開既而係帶有一點甘香既味道雞件肉質好嫩滑, 份量雖然唔多但係味道同口感都係一流!!!好入味同埋D緬甸咖哩真係好香滑撈埋個飯食真係無得頂呢度既飲品都幾特別好似我叫既呢個咁健康得黎又幾甘甜, 唔係D即沖即飲既飲料!!有誠意之作

咩係小店, 呢間就真係叫做小店未入門口已經一眼睇哂位就得幾個, 但係門口就排左一條小人龍多得雜誌既介紹, 店家做到冇停手等左15分鐘位, 終於可以入到去食我當然要點個招牌既米線食下啦Mohinga 鮮魚濃湯米線呢個就係好多人推薦既Mohinga 鮮魚濃湯米線由坐底到送餐, 又要等多15分鐘但呢15分鐘既等待係值得既!!一黎到就聞到香到無論既魚香味!!!米線既SIZE唔算大, 但係重質不重量, 有蛋, 魚片, 魚卜, 最最最最重要係個湯底米線同餸料既份量係成一比一咁既局面, 所以個湯底勁香甜!!由於店舖細, 可以睇住廚師整成個米線感受到佢對每人碗面既熱誠!!第一次食米線飲哂碗湯, 因為真係完全0味精!!下次定會再來試埋其他野食!!

同朋友買完寵物野，佢話帶我黎試下新奇野，來到一間只有十個坐位的家庭式小店，原來係緬甸菜，近期都有聽同事講過呢。店雖小，但很衛生，枱上用具挺乾淨的。曼德勒紅燒腩肉配飯（$52）腩肉炆得軟腍，調味頗甜的，跟中國的炆五花腩其實很像，驚喜度不大。Mohinga鮮魚濃湯米線（$46）再試試呢度的招牌貨，黃黃的賣相實在不太吸引，米線跟平常食的沒有分別，魚片也是，還有半隻熟蛋。魚湯倒是很鮮味，還喝到絲絲魚肉，很不錯呢。最特別係呢塊炸片，炸豆子的脆片，很香口呀！緬甸特產茶葉沙律（$42）個人很喜歡茶，就試下茶葉沙律先。係椰菜為主，加了不少蕃茄粒，還有點炸蒜乾，花生，同剛才的脆片混成，茶葉則醃得酸酸的，帶少少辣，很惹味，感覺較像涼菜多於沙律。緬甸香濃幼滑茶奶（$15）叫茶奶不是奶茶啊，雖然喝起黎都係奶茶，奶味較重，有點像煉奶。緬甸珍多冰（$20）是哈蜜瓜味！！加入椰漿，下層有椰果同啫喱，香甜好味，可惜細杯了點。味道中規中矩，份量偏少，緬甸人沒有香港般大魚大肉，這個份量也是合理的。雖說不上是大驚喜，但試一試這特別的菜式也無妨，多多支持一下小店啦。

係好耐~好耐之前澳門試食過魚湯粉念念不忘，將米粉放進碗裡，倒上滾燙的魚湯，撒一把芫荽、蔥花、半隻熟蛋，仲有炸豆餅同漲卜卜咖哩角返到香港就算係openrice進階搜尋亞洲菜都冇緬甸菜既選擇，直到早前見到推介主打魚湯米既舖頭，終於係2017年最後一個假期去到勝利道一試舖頭細細只有兩張4人枱同左邊4座位長bar枱，加點異國情調既擺設同餐具，六點鐘到達未有人幫襯，因為老公唔愛緬甸菜，兩個人只叫咗一碗招牌魚湯米同兩杯飲品緬甸咖啡（$15）老公話同普通茶記咖啡冇分別緬甸黃薑蜜（$18）黃薑夠晒養生，熱辣辣香噴噴，飲落順喉最期待亦最失望嘅招牌鮮魚濃湯米（$46）麵質彈牙，炸豆餅鬆香甘脆，但最重要既濃湯就同回憶有好大分別，冇魚鮮冇雞味，只有薑同香料味道，或者呢啲先係緬甸正宗，不過食物最重要係自己杯茶先啱口味，要尋回記憶中美味唯有再過大海覓食

朋友介紹去何文田食晏晝，朋友話性價比幾高，重係香港少有嘅緬甸菜，一於試一試。全店只有兩張四人枱，四個座位，真真正正的小店。 開放式廚房，廚房兩個人，樓面兩個人。 條路真係肥啲都過唔到， 我呢啲標準身型啱啱好。點了緬甸風味咖哩雞飯， 估唔到個飯咁大，個最得人鍾意係分開上，個賣相已經靚咗好多，唔會似碟頭飯。麵甸咖哩一向著重香料，一食就知龍與鳳，估唔到咁有驚喜， 用料十足， 重估唔到仲有咁多件雞，件件都咁大件，真係男士都夠曬飽。仲有兩個汁俾你加分別係檸檬汁同魚露， 咖哩配埋檸檬汁，就會更加開胃，我都有試咗啲。至於魚露， 咖哩已經夠曬味，如果再落我驚會太鹹。飲品點了緬甸青檸蜜瓜椰果特飲，個人覺得味道甜了點，但還可以接受。下次再嚟要搵埋朋友一齊， 因為聽到原來佢個椰香飯都好似幾好食。

陪朋友去買寵物用品同寵物糧，然後因為見是午餐時間，便跟朋友在附近吃點東西。我之前從未品嚐過緬甸菜，所以覺得值得一試。整體來說，這家的緬甸菜給我的感覺是香料味單一，但香料味十分重。我吃的是緬甸咖哩雞飯，飯量十分多，可以用咖哩汁用來撈飯！咖哩並不是很辣，或很甜的，香料的味道很重。朋友吃的鮮魚湯米線，湯很濃稠、很香。配菜炸黃豆，沾滿湯汁，很美味！特色飲品真材實料，甜度適中，而且感覺上都是知滋補養生的飲品！

朋友隻寶貝狗狗要過聖誕，我哋就去咗何文田幫佢美容，放低咗寶貝狗狗要等一個鐘，所以我哋要搵個地方食個午飯，再去接佢。經過見到食緬甸嘢，都未食過緬甸菜，所以入去試下。我就叫咗個Mohinga鮮魚濃湯米線，材料十足。有豆卜、雞蛋、魚片，仲有炸到脆卜卜嘅黃豆片同炸蒜片加埋勁多嘅芫茜，香味十足。朋友就叫咗個曼德勤香茅雞配椰香飯，雖然飯就冇椰香味，但好彩啲雞夠入味，而且有好多香茅。個汁夠曬特別，又有少少㗎哩味 又有少少椰香味，但又唔似係咖哩汁，可能係緬甸嘅特色。不過要讚下佢嘅飲品，緬甸生薑檸檬蜜同緬甸清香桂圓蜜都好好飲，真材實料。生薑檸檬蜜 : 薑味濃郁配上清新嘅檸檬同蜜糖，特別好飲。清香桂圓蜜 : 有龍眼、紅棗，仲有陣陣嘅薑味配埋蜜糖，啱曬冬天依個季節，飲完成身都暖曬。

要在香港開一家異國料理店比開一家流心芝士抹茶更需決心Mohinga是緬甸魚湯米線也是我曾在仰光街頭嚐過的美味湯底用雞和魚熬煮而成再用黃薑上色上味吃麵時可吃到絲絲雞肉魚肉上面的黃豆餅可在湯中浸軟食用緬甸米線口感比一般的軟腍吸湯是一碗豪華變奏版的Mohinga再點了曼德勒紅燒腩肉配飯這個中國風味甚濃的菜式很美味半肥五花肉甜甜的帶脂香用來送白飯就最好了緬甸另一代表作是吃得到的茶葉沙律發酵過的茶葉用來提味味道復雜配料有椰菜花生辣椒蒜頭等甜酸苦辣像人生的五味雜陳眼淚水湧出只因是味道太過辛辣吧黃薑冰滿載了濃濃的東南亞味道謝謝你們把緬甸菜式帶給香港人

其實我一直很想吃緬甸菜，不過每次去澳門時，緬甸菜店不是關門或是休息，所以都未曾嚐過緬甸菜。直到朋友在何文田學車的時候發現緬甸招牌魚湯米線這店，終於有機會試試真正的緬甸菜。緬甸招牌魚湯米線店鋪位置不大，座位很少，應該是主要做街坊的外賣為主，十五分鐘內已有六，七個外賣食客。緬甸咖哩雞撈麵常常在電視中介紹，我都在猜它的味道跟東南亞那國的咖哩味道相似，經我一嚐金黃色的緬甸風味咖哩雞撈麵，感覺與印尼的差不多。麵上淋上香料十足的咖哩汁，溫熱嫩滑的雞肉，爽口彈牙的麵條，辛香微辣的咖哩均勻滲透裡裡外外，惹味極致。至於mohinga鮮魚湯米線的湯頭以鮮魚熬煮，魚湯鮮味很好喝，喜歡喝魚湯的朋友讚賞不絕，很想多喝一碗。一口滑溜的米線，一口魚湯，非常滿足。魚片具彈性，豆卜盡吸湯精華，還有香脆碗豆脆片，超級味美。緬甸特產茶葉沙律有別於一般的沙律，以椰菜絲，蕃茄粒，脆片，花生粒，茶葉作配料，增加口感同時也倍添飽足感，酸酸甜甜，爽脆開胃，超特別呢。緬甸清香桂圓蜜色澤很美，茶褐色還隱約帶著透明之感，喝一口已深深感受桂圓蜜的香甜，芳醇渾圓的龍眼肉，餘韻悠揚。緬甸生薑檸檬蜜溫暖驅寒又窩心，檸檬可以補充維他命，生薑可以令血

今日中午往何文田學校出席講座, 之後見到有間緬甸菜很有特色, 於是便與太太去食lunch, 我們點了緬甸風味咖喱雞飯,Mohinga鮮魚濃湯米線、緬甸羅望子特飲和緬甸香濃幼滑茶奶。緬甸風味咖喱雞飯咖喱辣度適中, 緬甸咖喱比一般咖喱食落椰香味香和比較甜,雞肉肉質鮮嫩, 食落惹味, 飯食落香綿, 好足料美味十足的緬甸風味咖喱雞飯；太太點的Mohinga鮮魚濃湯米線上桌時好香的椰香味, 米線好足料, 有魚肉, 魚片、豆腐卜、脆米和花生, 魚肉食落鮮甜, 魚片爽口彈牙、豆腐卜食落醒胃、脆米和花生食落少少辣, 好惹味；米線食落爽滑, 湯底清甜有椰香味；緬甸羅望子特飲飲落好似酸梅湯, 酸酸甜甜飲落好開胃,原來羅望子有消化和消暑功能,健康飲品；最後緬甸香濃幼滑茶奶飲落似茶餐廳的茶走, 飲落茶味香濃, 煉奶味香滑, 餐廳食物美味, 價錢合理,很有特色的緬甸菜。

緬甸菜係香港真係比較少見，經過見到呢間招牌寫明係緬甸餐廳，好奇心驅使之下就入左去餐廳細細間，位子唔算得舒適，但就夠整潔，相信有唔少人會捨棄堂食而買外賣食物方面有幾款幾有緬甸特色，入得黎就梗係要點最特別的幾款緬甸菜好常用黃薑，近年亦愈來愈多人講呢種食材係對身體好有益的，餐廳直頭將好處貼出黎，等客人知道自己係食緊D咩有檸檬汁供客人加入食物，呢種調味比較少見緬甸羅望子特飲 ($15)、緬甸香濃幼滑茶奶 ($15)羅望子特飲十分之濃，酸酸地，上網一睇原來羅望子有抗壞血病的功效，茶奶奶味較茶味濃，味道不太甜緬甸特產茶葉沙律 ($42)用茶葉作為其中一種食材整沙律真係好特別，除左茶葉，醬汁味道比平常食到的沙律特別，值得一試MOHINGA鮮魚濃湯米線 ($46)上網查下先知，原來MONHINGA即係解魚湯米粉，用新鮮鯰魚燉煮，再搭配多種食材，黃黃的湯底相信係因為加左黃薑，我覺得食落有少少似喇沙，但就多左一份魚湯鮮味，配料有魚片、蛋、豆卜，材料簡單，主角其實係個湯底緬甸香滑椰汁雞麵 ($45)呢個其實係撈麵，醬汁非常濃椰汁味，而且醬汁份量俾得好足，雞件尚算滑，用上左油麵，個人口味係幾喜歡食油麵的，正合

講起東南亞菜，好多時都只係諗起星馬泰，好少會諗起緬甸。因為香港既緬甸餐廳應該唔多。突然發現到何文田有一間緬甸湯米線，當然要去試下啦！飲品同食物選擇睇落好地道～Mohinga 鮮魚濃湯米線　$46湯底真係好有特色，好鮮甜，原來除左魚之外仲加左雞去煲！加上金不換、黃薑等香料，真係唔又香又甜都難！而且米線彈牙，仲加左塊脆脆，口感好好！曼德勒鮮茄滋味撈麵$45想濃味Ｄ仲可以揀呢個蕃茄撈麵～酸酸甜甜咁，加埋Ｄ肉碎，真心正！緬甸特產清香薑沙律$42因為我地去的時候已經好晏，出名的茶葉沙律已經賣哂，唯有下次早Ｄ作為代替我地選擇左薑沙律，蔬菜當中加左好多黃薑，清新得來帶點香辣，係好有特色既！緬甸多士配香滑奶茶$35多士已經切到一粒粒，好方便SHARE食。香香脆脆咁，而且帶點甜，係唔錯的小食！奶茶都好香濃幼滑！羅望子特飲　$15唔好睇佢黑漆漆咁，飲落酸酸甜甜好解渴架！有時候真係可以多Ｄ發掘小店，會有特別的驚喜呢～