群記清湯腩 (已結業)

大埔群記清湯腩是我每次到大埔都必會光顧的食店。店舖面積不大，每次都要在門外等候大概二十至三十分鐘不等。爽腩河是我的至愛；湯頭非常有牛肉香，沒有味精並帶有點點的膠質。河粉質地不過不失，但配上濃湯，簡直是人間極品。主角爽腩非常軟身，卻不會散開，火喉剛好，吃得出是用新鮮牛腩，而且附帶著筋膜，滑溜無比。店主也非常慷慨，每碗也有至少六至八塊的爽腩。一碗六十六元的爽腩河帶出了這麼多的味道，可以感受到廚師的心機，可算是物有所值。

前幾日食完牛腩今日有經過另一間有名嘅食牛腩舖頭，其實群記我以前都食過兩三次，第一次食會覺得真係幾好食，之後食嗰兩三次都覺得有啲失望，不過俾多次機會佢啦！平時經過群記都會見到人排隊，可能自從新冠狀病毒就少咗人嚟，佢舖頭好細，加埋都係得嗰五張至六張枱,一張枱最多都係坐四個人我今次叫咗一碗爽腩河，佢嗰啲爽腩會夾雜左其他好韌嘅牛腩，佢唔會全部俾晒爽腩你，因為我每一次都會要叫爽腩河，但每一次佢都係2-3舊爽腩另外就會係一啲冇咁靚嘅牛腩，我經驗話俾我知！不過我好鍾意佢嘅湯底，味道好清甜，之前我都會飲晒，我鍾意佢湯底多個牛腩！不過好唔鍾意群記嘅服務，啲阿姐態度好差而今次本身張枱得我一個人坐，係一張圓枱，之後有個阿叔要搭枱，我見佢有咳，就問個呀姐你哋冇膠板隔住嘅咩，佢就好冇禮貌咁講‘冇’！其實而家咁嘅時勢，重要同一個陌生人面對着面咁樣食嘢，加塊膠板都唔係好難啫！不過如果未食過群記嘅人可以試吓，大家唔好諗住會有好嘅服務

🇭🇰#香港捐窿捐罅記 Instagram:foodkiller_dk大埔名物清湯腩🐮牛鞭初體驗，堂食先有既爽腩🚀人人去到大埔都話必食既清湯腩，又係提供罕有既新鮮牛腩😂 而且永遠都大排長龍，我果日冒住大雨去大埔都等咗20分鐘😂而且最出名既爽腩只有堂食先可以叫，而且唔可以打包帶走， 😌所以一定要堂食，而且佢賣晒就收工😭記得早去🤟🏻Btw 果次係我第一次食牛鞭，大家都知道我不嬲咩都敢食🤨 有咩奇怪食物都可以介紹比我😂一定敢去💪-🐮 #清湯爽牛腩淨食 🐮 （$160）刀功一流，每塊都有肉有筋膜😌食落肉淋荕膜爽流有口感🥰一啲都唔柴口💪而且肉味非常之濃👻湯底用咗大量牛骨煮🐮味道亦十分鮮甜🚀 我諗全香港淨係八寶個藥材湯係佢之上😯去到記得一定要叫😈.😏 #清湯牛鞭麵 😏 （$60）人生初體驗😂 牛鞭食落好似牛筋，骨膠原😂完全唔難咬，因為已經煮得夠時間😌牛波子食落好似魚春，粉粉地咁🤪有少少腥，不過係可以接受既程度🤟🏻大家都可以試下，人一世物一世😂總結來說 真係好食 去大埔就食啦😛-🎈 大埔大埔墟大明里26號地下平均傷害：$66好味值：7.5/10...

由於呢間店只係營業到晚上7點，同埋係賣完就關門，加上星期日休息，所以唔係附近住ge話即係一個星期最多只係星期六可以食到一次咁多坊間好似都好多間叫群記爽腩定清湯腩，雖然唔知邊個抄邊個名，但好食ge爽腩就只此一間一直都想試下牛面珠(都幾多人叫)，但每次都忍唔住要叫爽腩好鐘意佢ge質感!!唔好以為佢定價唔平就大碗，識食一定要嗌加底，雖然加左底都唔係大碗好多，但明顯地料都會比多少少，絕對超值！不過最最欣賞都係佢ge牛骨湯底，每次食都一定會清哂成碗湯見碗底先停手雖然每次都係等位仲耐過食，等到身水身汗熱辣辣，但係我都會繼續幫襯

位於大埔的群記才是正宗的群記, 她並沒有任何分店, 市面上其他的群記我會視之為贗品. 群記主打爽腩, 除了它就只有普通牛坑腩, 並不如其他清湯腩店般有不同部位的牛腩選擇, 集中做好最殺食的一項. 爽腩七至八件, 件頭Size適中而且完整, 肉質爽再加上上面彈牙的筋膜, 口感一流, 肉香味濃, 配上由牛骨煲成的清湯, 鮮味滿載, 熱湯的黏度十足, 證明膠原豐富, 是火候充是的表現. 單純爽腩和湯的質素, 絕對可以和我心中的最愛八寶媲美, 最可惜的是河粉煮得有點糊化, 不夠完整, 在這裏的分數就要打一點折扣了!

😊我們吃了淨根腩、牛脷河及淨河粉，今次在現場吃，味道一流。先說主菜，根腩炆得哈到好處，牛脷及淨河粉亦是適中！不論外賣或現場光顧，毫不破壞味道。排隊輪候值得一試！

今天天氣很好去了大埔玩wakesurf, 衡量了一會到底吃群記清湯腩還是陳漢記腸粉呢？這個neighborhood 有很多美食，除了群記清湯腩、陳漢記，還有大埔街市的熟食檔。最後決定一次過滿足晒兩個願望今天只有幾個人排隊，我們都打算戒澱粉質，進入店內就挑選了 一份清湯爽腩（好肥），一份牛面珠燈（軟林林好有牛肉香），再來一份牛孖筋（骨膠原多到😻😻😻）牛骨湯真係好入味，如果不是要在連續吃多餐我相信我會多點兩碗牛骨湯🥣

住左大埔咁耐 群記清湯腩 聽就聽得多 平時行過見到咁多人 但都真係咁多年都未試過🤔 佢既人龍永遠都係咁長 同埋佢賣晒就收工 反而平時d朋友會山長水遠入黎試 今日就同朋友試下～ 鋪面唔大 大約可以容納20-30人左右 仲要坐到好逼 大約等左20-30分鐘左右 可以入去 餐牌上全部都係牛既不同部位既粉麵🤔 咁難得排隊入到黎 叫碗最貴既爽腩河🤣🤣 一碗粉可以賣到咁貴 又咁多人排隊一定要試試佢😆一黎到 的確有陣好香既牛味 先試左湯 好有牛味睇落好油但又飲落唔係好油膩🤤🤤 再試佢既牛腩 的確好唔錯 唔會好硬咬唔開 平時我食咩粉麵都要落辣椒油 但我為左食佢既原汁原味 我唔落辣椒油都好好味！ 不過佢爽腩唔可以外賣 要食既朋友仔就要黎排下隊啦🙈

個人喜愛食湯麵都會揀有牛腩，因為腩汁味夠濃，溝埋湯底，食粉麵掛湯會更好食。通常普遍粉麵店牛腩麵/河都係三十幾至四十幾蚊已經有一碗，當然整牛腩的功力並非間間好食，有時會食到好腍、好韌、唔入味，所以都寧願叫筋腩河。不過，食過大埔群記爽腩河（清湯腩）之後，好似覺得外面食唔返咁高水準。的確，有時落去想食，都可能已經排好長隊、賣哂或者係無開⋯所以留意佢開店的pattern 價值$66爽腩河👍🏻👍🏻👍🏻👍🏻👍🏻怕韌、怕痴牙就一定食爽腩啦！其實「爽腩」即牛白腩，也叫繃紗腩，係有塊筋膜夾着一層瘦肉的腩邊。筋膜爽滑，腩肉唔粗鞋！雖然部位係較多脂肪，但煮得咁入味，肥膩感已經煮走哂！份量肉係多過河/麵！亦有唔少食客真係叫一碗淨爽腩（$160）個人覺得配粉麵的爽腩份量都好多！女仔一定食唔哂。只叫淨爽腩的通常都係識食、好捨得食之人🤭爽腩冇得外賣拎走，食唔哂都唔畀打包走！

入內冇乜客人，打算點清湯爽腩粉，一口拒絕，竟然講只有淨食清湯爽腩，賣晒爽腩粉，完全不理解！！xxxxxxxxxxxxxxxxxxxxxxxxxxxxxx問為什麼有爽腩不賣爽腩粉，只係同其他亞姐傾計笑騎騎，毫不理會我，呢位亞姐不多解釋，呢間舖職員講野有問題，消售仲有問題，留d爽腩等變做垃圾啦xxxxxxxxxxxxxxxxxxxxxxxxxxxxxx朋友講是旦食碗嘢，否則我立即走人，成碗河粉同牛根煮到糊晒，非常差

唔係大埔人 泊低架車 就見到群記清湯腩 仲標明只此一家 別無分店 上openrice一睇 大埔物名? 咁就入左去 長話短說食物: 肥腩都韌 (好多年冇遇過要趙咁耐)，湯油，河粉有舊(係有一舊)未熟晒 ，食完好口渴服務: 態度不太好，新黎唔知冇邊腩，呀姐話牛鞭就有，自己睇餐牌啦價錢: 貴! 又細碗又貴! 我係元朗食開，好味過佢，大碗過佢，雙併都平過佢!最後: 呃人! 寫住有個餐，64蚊連可樂，佢話我地依到冇，下? 姐係貼出黎等人叫左，冇睇bill既人咪會比你呃左錢囉?唔會再去 個口好乾呀依家!

大埔人一定聽過呢間鋪❣️老闆每朝用大量牛骨熬湯底 清得黎好鮮甜😚雖然睇落好濃但飲落估唔到佢咁清甜！爽腩系一舊牛腩黏附塊好爽既膜😁牛腩炆到好淋👍其實聽Waffle個地膽阿媽講 比起以前已經退步左 但仲系好好味😃

今天到大埔買餸，聽聞有一間群記清湯腩非常出色，雖然剛吃過飯，但也慕名去一試。店面不算大，但就大排長龍！我們一行數人排在約十幾位，但人數多，而空枱大多都是給１－２位，前面３位的都沒能進要繼續等，所以我們決定‧叫‧外‧賣，反正也只是想一試味道。門口張貼了爽腩不設外賣的告示（其實當天也已經賣完，才下午一點多！），我們唯有要了牛筋牛腩麵外賣。價錢也不便宜，索價６３大元一碗。一吃下去，牛腩果然嫰滑，但重點是梘水麵也非常不錯！麵質煙韌，有嚼勁，湯也不油膩，難怪門庭若市，讚！

日期：10月6日人數：3人數到大埔名物，不可不提呢間群記清湯腩。呢間野我真係由細食到大，應該都有十幾年。爽腩河粉價錢由20幾蚊食到而家$63 ，都仍然繼續幫襯，可想而知佢係有幾吸引幾好食。以前餐廳係1:00開門，我哋一家人係會大概12:45去到排隊，爭取食第一輪。依家係開12點，假日係唔開門嘅。小店出品，味道絕對比相片好。一上嚟必須趁熱先飲幾啖湯，之後食爽腩。清湯底的確係冇以前咁濃郁咁有牛味，但依然係好好飲，亦都真係冇味精，飲完唔口渴。爽腩好有嚼勁，亦極富牛肉味。雖然有人話辣椒油好食，但我從來未落過，因為好夠味。河粉係正常河粉，冇乜特別。小店環境就唔好要求咁多，但好乾淨衛生。服務都幾好，好有人情味。因為都好多人排隊，所以食完一般就會走人，不會再坐一會。

地獄黑仔皇，沒有最黑只有更黑 ﹗早前放假專程搭的士到大埔希望一嘆高質清湯腩，居然休息 ﹗耐到忘記有幾耐無幫襯群記咯，我真係真係堅想食 ﹗某次星期六兩點幾到訪人山人海，依家同樣兩點幾，面前仲三十幾位食客家在排隊，只好照等吧﹗群哥好久不見了，如果不是射波請假，都極難有機會探探您。多年群記都是下午 1 點正才開檔，現提早到 12 點喎。沒有了油渣麵？沒有了鹼水麵 ？發現有牛鞭牛波子供應喎。多多規矩的清湯腩老字號 ﹗爽腩只限堂食，️食剩爽腩絕不準帶走，️最低銷費 $45 蚊，️不準攜帶外來食物，不設雙併，️不設加湯。我都想加規矩喎 ﹗食客不準喧嘩大聲說話、不準講電話、不準開電話鈴聲、不準開喇叭睇片打機聽歌、不準食剩食物﹗記得以前餐牌係中英對照喎，何解轉成只有中文版呢？還有何解豉油樽上貼住醬油字樣呢？反對大陸化，反對赤化香港，捍衞廣東話，捍衛繁體字，捍衛香港文化﹗餐牌只有伊麵河粉米粉，已經無賣麵？查詢下原來仍然有幼麵粗麵供應，太好喇﹗清湯腩售價比潮州腩貴多兩三倍，應該因為質素、供應、工序、時間呢。輕鬆獨食臉珠河、淨伊麵、淨爽腩，已經索價兩百蚊多，真係非常高銷費啊。獨獨午餐盡嘆淨牛骨湯、淨河粉、牛筋麵、淨