翠亨邨 (新世界大廈)

营业中

休息中

晚上八時與老友去翠亨村晚飯談心，點了最愛的炒斑球及豬肺湯，點知兩樣都賣晒，唯有點頭抽白爐魚球，部長就推介一個咸豬骨大芥菜煲，另外我們再點了咕嚕肉。爐魚球比預計中好味，雖然唔想食太多炸物，但這個餸造得好好，外面的魚皮炸得脆脆的，爐魚肉則好嫩好 juicy ，咬了一口，還看到白雪雪的魚柳滲出晶瑩剔透的魚油油份，好吸引！咸豬骨大芥菜煲本身沒想過會叫的，因為對咸的豬骨放湯沒太大興趣，但既然部長推介，想叫的豬肺湯又賣清，唔想再諗就一於試下。部長也果然沒介紹錯，湯是喊喊地有豬肉味，想不到選取的芥菜非常嫩，好好食，好清甜，令人回味。咕嚕肉都幾好食，唔會炸到乾晒，亦唔會太多肥肉，也有水準。整體上都幾滿意，不過侍應有時太忙，啲餸菜擺左好耐先由侍應端到客人桌上，此點有待改善。

相約了兩位好友於中環翠亨邨午膳，酒家安排安座於一廳房內，用餐環境較靜，衛生情況令人滿意。美食方面，散點了以下點心小吃：金磚豆腐：外皮脆薄，不膩口，味道惹味帶辣。豆腐內層白滑，或許是炸品的緣固，豆香較難突出。蜜味桂花骨：蜜味桂花汁甜甜蜜蜜，暗泛花香，排骨配上醬汁食味OK的，只是口感稍實了一點。筍尖鮮蝦餃：蝦肉餡食感鮮度不足，亦不夠爽口。瑤柱菜苗餃：食材鮮度及味道勻比蝦餃佳，有點奇怪。流沙奶皇包：包身夠熱，奶皇餡流沙無欺場，香甜度合心。一口菠蘿包：皮脆，叉燒餡料不足。灌湯小籠包：皮薄而不易散，湯汁份量中規中矩，肉餡香滑。黑椒蒸鳳爪：黑椒汁味濃帶辣幾惹味，鳳爪腍身入味。闊佬炒飯：以蛋白、菜粒、乾瑤柱、肉鬆等配料炒成，成品乾身可口，味道不俗。結賬近七百元，實在有點貴，影響整體總評。

端午節小人吃的糭不算多, 除了X星之外, 家人亦從翠亨邨買了裹蒸糭+檢水糭。唔怕貨比貨…,翠亨邨的糭跟X星的的糭果然高下有別!! ╮_╭先說糭身, 翠亨邨的糯米及綠豆粒粒爽口、比起來先前吃的那舊比對之下甚糊。裹蒸糭內容精彩得不得了: 有金華火腿、江瑤柱、蝦米、咸蛋、蓮子、五香肥肉、燒鴨、冬菇及雞等, 難得的是各種佐料放在一起是甘香而不漏, 超班之作!! ￣∇￣作為甜糭的梘水糭更不容忽視! 蓮蓉餡甜得恰到好處, 配以附上的柑橘醬更是一絕, 直令人吃不停口!!一定安哥!! ≧∇≦

時近歲晚，又喺賀年糕點紛紛出籠嘅日子，小弟最近收到網上遊戲所贈嘅糕券 ，喺出自翠亨邨嘅XO醬芋頭糕，記憶所及，翠亨邨嘅賀年糕點應該未食過，所以，又有機會可以試試唔同餐廳嘅出品。現貨要憑糕券到指定門市領取，唔去過都唔知，真喺好多人會以糕券相贈，因為店方專燈開設一個廂房作為換糕之用，房內「糕」積如山 。為迎接甲午馬年，翠亨邨以「廣東真味」為題，特別推出五款賀歲糕點，取其五穀豐收之意，包括：「富貴年年」 燕窩桂花糕（$268）、「金玉滿堂」蘿蔔糕（$198）、「戶納千祥」XO醬芋頭糕（$198）、「福壽無彊」薑蜜年糕（$198）及「步步高陞」椰汁年糕（$138）。所有出品均標明本地製造，具品質保證 ！ XO醬芋頭糕 芋頭糕以鮮紅紙盒包裝，盒面橙紅暗花配熨金中文字，好有過年意頭，又顯得高貴，盒內芋頭糕和自家秘製極品XO醬分別以透明膠盒盛載。不愧喺店方嘅招牌之作，唔單糕面，糕內都有唔少餡料，火腿、蝦米、臘腸、冬菇……等等，而且，亦加入唔少芉頭粒，令綿密嘅芋頭糕更加粉香有咬口 。此外，芋頭糕本身亦帶有點點微辣，當然，再蘸些XO醬食，就絕對辛辣惹味非常  。中文嘅對聯，無論四言、五言、

XO仔同表妹兒時與大姨媽大姨丈同住，感情非常深厚，佢地可以話係「睇住我地大，睇住我地乖」 ！姨媽姨丈早年移居美國，大家見面機會少咗，難得近日訪港，我地兩老表就特意請佢地飲茶，一盡地主之誼之餘，亦希望值此機會答謝一吓佢地多年來o既關愛及照顧 。為表誠意，飲茶地點當然係長輩話事啦，結果姨媽揀咗一間小肥都冇去咗成十幾年o既翠亨邨，等大家一邊聚舊，一邊懷舊！多年來屹立不倒o既翠亨邨位於中環核心地段，公共交通工具無一不到，方便得很。咁多年冇黎，感覺翠亨邨o既裝修及格調冇乜話好大改變，地方依舊光猛企理，高雅衛生舒適。服務方面，姐姐仔都算做得唔錯，不過經理Raymond哥哥就更加周到，不但講解母公司美麗華所提供o既不同餐飲優惠，亦有迎合食客不同口味而推介精選美食，又親自換茶上菜，招呼做到足 。大姨媽係家中o既大家姐，亦係當日午餐之主賓，所以叫餸啲咁重要o既任務我地就交托咗比佢。佢同三姨媽商討過後，結果叫咗幾款點心、燒味、小食大家分黎食： 脆皮燒腩仔（$128）：半肥瘦o既燒腩仔外表層次分明，外皮香脆，肉質鬆化，我地六個人，五分鐘都唔洗就清哂成碟餸 ，真係唔講得笑！ 黑松露素粉果（$39）

我們偶然會到位於中環及美麗華翠亨邨晩飯，一向水準不錯。今次與家人嘗試他們的午飯點心，可惜証實是不智選擇!首先，他們的點心及粉麵飯款式選擇很有限，無特色。其二，水準一般。我們品嘗點心款式有: 腐皮素鵝，叉燒包，蟠龍燒賣，紫菜百花賣，柚皮蒸排骨，生煎包，斑粒魚肚雜菜餃，蒸點碟碟都差唔多味，平平無奇。銀芽肉絲兩面黃炒麵，炒麵唔夠鬆脆，銀芽肉絲獻汁太厚。之後，我們點了燕窩蛋撻仔, 近$50一碟三件，其實我們對燕窩興趣不,但他們又沒有正常蛋撻。我們一吃便發覺蛋撻酥皮有異味，很羶，而且酥皮不是完全焗熟透。我們向經理反映，他一邊速速收回，一邊又解說酥皮是'外面交來'，'酥皮係用牛油造的'，。我們提議他自己試一口，親自驗證，他不但沒有回應我們，更枉說致歉。一所都算老字號的食肆這麼不認真其所出食品，這麼不認真對客人，太失望了!

It is a huge restaurant and you decided to put me at the end of a hall way with no air condition, how wonderful. After the request of changing table, the staff offered a folding table, great start to the lunch. I can already tell the service is exceptional. This is the way you treat members, great!Cuisine: ChineseFood rating: 4/10*Service: 5/10 Ambiance: 6/10Price: HK$150 pax* Food Rating: 6/10 is equivalent to 1 Michelin star, 8/10 to two Michelin stars, and 9/10 or 10/10 to three M

冇影相。 由細嚟到大。不是因感情分，但中環翠亨邨真的keep到。佢冇"Wow"一聲的菜色，但水準極度穩定。陳經理及員工＋分親切有禮。我們的飯堂。係經濟麻麻，人人減價搶客。翠亨邨收費以中環地段，出品水平及服務素質。我十分滿意。前幾日家人平常飯聚。片皮鴨餐一圍，正！開了幾支紅酒，雖不是上品，但一個想法 - LIKE!

食物質素不錯, 點心選擇多,味道也好. 尤其叉燒非常好吃, 可憎服務太差,侍應只對熟客親切友善,服務周到,若是生客則愛理不理, 侍應人數雖然多, 態度懶散, 簡單如加水服務也要等候很久, 最不能接受的是連續兩次灟單, 浪費我們時間,

自翠亨村翻新以來,和同事們第二次來飲茶。以前點心種類不多,現在鹹甜點都有很多選擇。大家都非常喜歡上次侍應推介的必試三寶蜜汁义燒、水勾鹹水角及翠亨村靚一雞,食過番尋味,再來一次。蜜汁义燒 – 色澤油亮,肥廋軟硬適中,有蜜糖香兼有炭燒熏香。好好味。水勾鹹水角 – 賣相像串燒三兄弟,我不愛吃鹹水角,同事們吃一口就讚不絶口。翠亨村靚一雞 – 剝了皮去了骨,是一味手工菜。本人膽小怕膽固醇,不敢食皮, 雞胸肉亦十分滑,連薑絲一起吃,好夾。但是水準不穩,第二次已 走樣,令人失望。蒜片牛柳粒 – 雖不至於入口即熔,但肉質柔嫩,香蒜味道濃郁,令人一粒接一粒 地吃過不停。甜品波波爽 – 新版西瓜盅,波波是西瓜,爽是蘆薈,加上桂花糖,夏日之選。其他點心有賽螃蟹餃、义燒包、流沙包、杞子魚湯浸時蔬則一般高檔酒樓水準。下次不會點滷水豆腐及香麻海蜇太鹹。埋單一人百多元,中環飲茶價。

老闆係一個好著重門面既人, 所以每次有請客人食飯都會選擇去中環區或者沙田馬會會所, 今次去咗我公司既Auditor介紹既翠亨邨!中環區泊車係最麻煩, 老闆唯有泊喺最近新世界既長實, 好彩一早book咗位, 行上去就由部長帶入房, 由於之前未同老闆嚟食過, 所以就點咗由auditor &部長推介既菜式, 以下幾款係特別推介：~~冰鎮露筍---平時好少機會食露筍, 呢個冰鎮式既露筍好鮮甜, 但就唔係太凍, 如果再凍d會更加好食!!~~滑豆腐東星斑---超正既菜式, d魚起晒骨不突止, 仲有滑滑既豆腐, 老闆鐘意食魚, 佢都話呢款好食!!!!~~宮廷富貴雞---用荷葉包住蒸, 好入味, 好香!! 雞入面包咗d冬菇及竹筍之類既配料, 將隻雞切散撈埋d配料一齊食, 好香口! 但我本身唔食雞皮, 如果可 以去埋皮就好啦^^~~ 西瓜波波爽---個名好盞鬼 呢款糖水真係好啱最近咁熱既天氣, 夠晒消暑, 好清甜! 唔錯唔錯!!~~桂花糕--- 呢個桂花糕都唔錯, 一樣好清甜, 但都係波波爽正, 再凍d! 份量多d更加好!好滑滑!正正正!!好香口, 夠入味^^ 夠晒爽呀

媽媽生日 ; 想找一間好些的中菜酒樓食飯 , 經朋友介紹話中環間翠亨村裝修過可以試一試 .所以我們一家人決定一試 , 雖然離地鐵站遠左些 , 但都好容易找到 , 一家人去到唔使等位就可以入坐 , 環境都好舒適 , 部長問我們想叫什麼菜式 , 我便請他介紹一下 : 深刻菜式有 :蜜汁义燒 - 聽聞翠亨村的蜜汁义燒好好食 , 今日終於可以試到啦 ! 义燒是採用半肥瘦 ; 肉質鬆軟 ; 調味很香 ; 入口有即容的感覺 , 而且食幾多都不覺漏 , 絕對係鎮店 之寶 , 下次一定要再試 ! 宮廷富貴雞-用荷葉包住雞 ; 再加上用人手撕開雞肉配上其他材料食用 ; 十分特別 , 不過雞肉與其他材料夾在一起 , 入口感覺咸左少少 , 有待改善 堂弄杞子什菌魚湯翡翠苗-此菜式選用番薯苗 , 好味! 什菌, 杞子配魚湯香濃 ; 係新口味的選擇好姐素粉果-皮薄, Good ! 桂花糕-不太甜 , 但如果桂花多些 ; 再凍些更好味以香港區來說

在中環上班多時，也沒有去過新世界大廈的翠亨邨飲茶，這一趟Lunch真有點驚喜，全新的高雅裝修、殷勤的服務，加上頗有水準的食物，就值得再去光顧。推介菜式：蜜汁叉燒 – 肥瘦適中，肉嫩味美翠亨邨靚一雞 – 要預先訂，肉質嫩滑，好入味，皮都好好食菠蘿咕嚕肉 – 不會太「粉」，味道質感恰到好處上素蒸粉果 – 皮薄餡靚，good!金勾咸水角 – 外脆內軟的波波，餡料足有口感桂花波波爽 – 部長推介的甜點，很有趣的配搭：桂花啫喱與西瓜波，食完心都甜埋

在中環工作多年, 很久已沒有到過翠亨邨用膳，多謝友人的邀請, 在22/7/2011再次有機會到這兒午膳。室內的設計改變了不少, 很時尚!是次午膳令我最深刻的有幾樣的美食/點心。1)手撕雞 (不是以往你見到的手撕雞, 是撕完後, 還是完整的。)2)义燒 (肉質很嫩, 中間是有肉汁的, 而最外面的蜜糖又不會太甜, 外脆內軟。)3)鹹水角 (賣相蠻有趣, 是串燒三兄弟, 形狀是圓的, 用竹子串著的，皮薄餡料很鮮, 內裡是豬肉加了些蘿蔔粒、香茜等等。)4)波波爽 (這個甜品是由西瓜波波、小小正方型的桂花糕和西瓜汁。夏天吃它既喝又消暑，真的很讚！)希望大家有機會到翠亨邨會試試以上的幾樣美食。謝謝！

今天跟同事去中環新世界大廈的翠亨邨吃午飯。上茶樓最怕味精多，菜式沒有誠意，上班的午飯時間雖然不多，但也想找些好吃的，抖抖氣。部長建議點了幾款小菜和點心，都挺有水準。原來這裡的招牌菜是「翠亨邨靚一雞」，用了手撕雞的做法，先原隻雞起皮，手撕雞肉，再將塊皮重蓋雞肉並砌回原隻雞的模樣，單是吃手工都已經很有價值。味道方面，雞肉香嫩，有「冒險精神」的同事試了雞皮，很滑，不肥膩。蜜汁义燒：肥瘦適中，但好像欠了一點炭燒香味。蒜片牛柳粒：牛柳幾嫩滑，但對我來說味道重了一點。菠蘿咕嚕肉：喜歡吃這道菜的同事說，脆粉很薄，瘦肉的部分較多，多吃幾件也不會滯；我就只喜歡吃它的配菜菠蘿。賽螃蟹餃：較少有的點心，用料真的有蟹粉，如果蛋白部分多點汁液會更好吃。金勾咸水角：串燒三兄弟的造型，好趣緻。已經久違了的一款點心，皮薄，外脆心軟。奶皇流沙包：做到流沙的質感，奶皇不算甜，熱食甜品首選。夏日波波爽：侍應說這個是最新推出的夏日冰凍甜品，西瓜搾汁，加入西瓜波波粒，再加蘆薈桂花糕，勁消暑，桂花糕香甜，不過西瓜汁底偏甜，有點懷疑混了糖水…點心還吃了上素粉果、蜆介鯪魚球。這類較傳統的款式不會在新式酒樓找到，可以一試，回味一下。滷