翠園 (MOKO新世紀廣場)

营业中

休息中

外國回來的鄰居世伯約飲茶啊。現在住在太子道的他，永遠都是喜歡到新世紀廣場的酒樓，飲茶食點心。所以，這一次的聚會，也約了在該商場食肆層的《翠園》，飲茶，食午飯。那天，是星期日，先攞位的我們發現原來不用排太耐隊。咁我們兩家人，一行七人，開心地聚舊，開比地飲茶。當然，睇住我大的伯伯見我帶著兩個小朋友來，更是高興。那天，朋友仍在教會趕來，先到而且帶有小朋友的我們就先行點餐。然而，最啱小朋友食的，就是蝦餃燒賣。而《翠園》，是大集團的酒樓，而且是該集團的一個比較商端既品牌。所以，他們做出來的點心，質素上應該有保證。筍尖鮮蝦餃，皮算是夠晶瑩，但不夠剔透。不過，不會黏著彼此已經是質素好的表現。吃入口，是香筍同鮮蝦共同帶出的香味，絕對是鮮甜香口。蟹籽滑燒賣。電子餐牌把這燒賣形容為滑。吃入口的一刻，就立即感覺到，這燒賣用上了半肥瘦的豬肉，再加上鮮蝦碎粒來製作，入口軟軟的，口感也果然是滑滑的。朋友來到了，我們開始正式落單叫點心。其中的一個北菇棉花雞，是老少咸宜之選。魚肚是份外的 "棉" ，而且汁晒所有的雞味同湯汁。腍腍的，香香的，老人家的牙不好，也很容易食。說真，這美妙的東西，是內外都充滿味道的啊。香麻叉燒

於推廣期內, 憑滙豐信用卡簽賬可專享以下特選套餐低至6折優惠（星期一至五）我們點了片皮鴨·鮑魚·龍蝦尾秋冬回饋宴 套餐𝟔位用, 包括橙汁乙酌或大啤酒乙支金陵片皮鴨🦆鴨皮酥脆、肉質鮮美多汁, 肥瘦均勻, 佐料配蔥絲、青瓜絲及海鮮醬, 但略嫌京式手工烤餅比較厚身咖喱巴西龍蝦尾拌蒸饅頭🦞龍蝦尾肉質結實彈牙啖啖肉, 味道好鮮甜, 配上小饅頭沾上咖喱汁很惹味濃湯小龍膠魚皮角雞煲🍲湯菜味道鮮甜、娃娃菜吸收了雞肉的精華, 湯濃而不鹹, 雞肉嫩滑可口, 內有足料花膠, 味道像砂鍋雲吞雞蠔皇原隻鮑魚伴花菇          份量十足, 鮑魚口感嫩滑、花菇厚身, 下面鋪滿了生菜, 瑤柱汁再配上爽口的生菜更加美味清蒸沙巴花尾躉🐟蟲草花鮮枝竹浸翡翠合時凍糕其他菜式是正常水準套餐豐富、多款精緻美饌, 晚飯有矜貴菜式、包括龍蝦、花尾躉及鮑魚, 另外還有湯羹和甜品整體份量有點多, 新鮮熱辣即製作, 由入座至用餐都招呼周到, 上菜有效率, 主動收碟及更換骨碟, 整體不錯

七點入坐等到八點半，一個鐘上一道菜。而且係有預定而唔係walk-in，飲品亦一早上左，肯肯定唔係漏單。唔夠人手就執左佢算啦。隻碗一摸落手有野凸起嘅，有幾乾淨衛生心照啦。想像唔到咁差，冇下次。

上星期五一行七人都翠園吃晚飯 感覺是我多年來餐飲體驗最差的一間酒樓 七人坐四人枱，位置很迫全程冇人執枱，人手嚴重不足冷氣嚴重不足，吃飯也吃到好熱是但一間屋村酒樓 座位舒適度服務也好過它不會再來

難得與老朋友聚會，朋友說翠園最近有一個 $728片皮鴨海斑套餐幾吸引，所以就來這裡開餐，我們除了點咗那個片皮鴨套餐外還加咗一份是日例湯，佢哋啲例湯係分一份、半份咁叫的，因為有一位朋友未到，所以我們就先落單，然後跟服務員說待朋友到齊後才通知叫起菜，但服務員當時的態度表演出十分不滿意，還說等齊人才落單，我們說不用等，請幫忙先落單，因為怕朋友到咗嘅時候是日例湯就售完了，因為佢每日都有限定是日例湯的數目，所以就叫服務員先落單預留，待朋友到齊後便通知服務員可以上菜，第一道菜……..片皮鴨，超級唔掂，隻鴨不但凍冰冰，啲肥油完全凝固在鴨上，然之後鴨肉又乾，皮又唔脆，好似放咗成日先至拿出來，跟住等咗差唔多半小時之後才再出第二道菜 …… 涼瓜炆鴨件，又係凍冰冰，一啲都唔熱，我們就即時找了一位服務員處理，不但沒有處理還一個推一個，最後都沒有解決，在此期間有一個服務員走來跟我們說是日例湯已售罄，我們就更加火起，為什麼我在一個多小時前已落單預留的例湯，到現在才跟我說沒有，服務員還說最後一份被隔迫枱叫埋，我們當場就叫那位服務員找一個能話事的主管過嚟理論，在激烈的爭論後，那位主管唔知道從何調咗半份嘅湯來完場，老實

真係未試過寫 OpenRice 食評，但今日去完，午市唔夠人執枱，等左45分鐘冇叫過飛，坐低左，啲茶具好污糟 痴立立，隻隻要換，講真翠園一向覺得比其他好，又唔平，但做到好差，好失望

8/8/2024（星期四）難得與老朋友聚會，來這食店開餐。六個人點了一個4位恒生套餐，有以下食物：叉燒併油雞，唔錯，上枱時只有微溫，個人覺得叉燒較油雞好味。XO醬蝦仁象拔蚌，夠味。竹笙海皇燕窩羮，四人餐，足夠六人食。清蒸沙巴花尾斑，蒸得剛好，好滑。花膠北菇炆鵝掌，整個餸都好入味，鵝掌好軟綿，一咬即離骨，北菇厚身好咬口，花膠炆得都好嫩口。合時清潤甜品~陳皮紅豆沙，唔甜，啱口味。另加多二個餸花菇紅燒豆腐，唔錯。露筍山藥炒藕片，清清哋。

我最近與親友一起到翠園餐廳聚餐,本以為能享受到一頓溫馨美滿的團聚時光,誰知卻遇上了令人失望的用餐體驗。我們事先預訂了一個大桌子,以方便大家輕鬆聚會。不過,在點好套餐後,我們最初還是陸陸續續收到一些菜餚。然而，在只上了一半菜的情況下，等待下一道菜上桌時, 時間一分一秒地過去,我們始終等不到服務生送上任何其他菜品。即使我們多次主動詢問進度,也沒有得到任何有效的回應。整個用餐過程中,我們不得不完全靠自己服務,上菜速度緩慢到令人感到困擾。 等了一個半小時都還沒有上齊！！！更加令人憤怒的是，等了一個鐘才上的麵條，甚至還未煮熟！！！我們不得不耐心等待,但實在是修煉了太多耐性。服務態度冷淡,根本沒有顧及我們的需求,讓人感到被冷落和忽視。這實在是大大影響了我們本應歡愉的聚會氣氛。我真誠地希望翠園餐廳能夠重視這一情況,檢討並改善服務質素,以提供更好的用餐體驗。作為顧客,我們理應得到貼心周到的服務, 差評 差評 差評

今次爸爸生日飯要諗食咩本身係因為想食烤鴨餐，所以就搵好多地方，然之後發現原來呢度有一個比家庭嘅烤鴨餐有五樣餸，所以就試吓啦。北京烤鴨同埋薄餅嗰份量都好足夠四個大人食，啲鴨嘅油香味都好足，同埋唔會韌；至於自選餸菜嗰度我比較鍾意食佢個小炒王，因為入邊真係有蝦肉，而唔係蝦乾或者蝦米🦐。除此之外，我個人認為佢個蛋白杏仁茶都非常之好食，因為唔會太甜，同埋嚟到嘅時候仲係熱辣辣嘅，十分滑。另外清蒸沙巴龍躉仔都唔錯，佢唔會蒸得過火，四個大人食呢個份量，我覺得係合理嘅。

話說抱住開心心情同屋企人去飲茶。去到就話只有房可以坐，收費一樣，只係點心車唔會推入嚟。 咁冇問題照坐。 一行人三大一小， 入到去呢個服務員擺低兩set 餐具， 問飲咩茶， 「鐵觀音」到洗完杯發現係「普洱」。 其間一直冇再拎餐具入嚟， 之後就一直係家人親自出去拎。我就出去同佢講， 「靚女， 呢壺係普洱， 我想要鐵觀音。」果刻佢都仲有講唔好意思。 之後拎過一壺新嘅入嚟，就話「係咪要香片呀？」， 唔係呀，我係話鐵觀音呀。問左幾次再拎嚟都唔岩嘅。 仲有坐咁耐你都只係俾兩套餐具， 一直都係我哋自己去拎。 佢出番去果時講左句，「又冇叫你去拎！」 當刻真係扯火！ 我問番佢， 咁係咪我要問完你先去拎呀？ 洗唔洗我做埋你果份呀？ 坐低擺好位基本啦係咪呀？ 自此佢冇再入嚟服務過， 仲要係特登！ 水都一直冇人斟， 到我行出去拎水佢對眼就一直望都唔做。 我唔會歧視你嘅工種， 只不過你選擇得呢份工作，就係本身你要做好嘅嘢！ 吃得鹹魚抵得渴！食完正當行出去賣單， 佢望轉頭「秒」我！ Ok! 咁唯有同你部長投訴！ 我要俾錢消費， 點解我要俾錢貼難受？ 聽部長嘅語氣，我一定唔係第一個投訴佢！ 俾5舊水食餐又唔好食嘅嘢

好久沒來翠園飲早茶 星期日心情大好準備飲茶 大概十點到 不用排位 沒有對面餐廳人多 記得以前有推車點心 現在已經沒有了 落單大概等了十五分鐘左右都一次性到齊 共8樣點心 後來我對單發現上錯了一個 原本點咖喱土魷 上成了咖哩金錢肚 叫來服務員想換 一個穿黑衣服的服務員說你吃了一口 所以不能換不能退 並沒有任何道歉 理直氣壯 請問好像是你們餐廳先上錯了🤣 🆗那就只有繼續食咯😮‍💨最後買單等了超長時間 點餐紙收走20多分鐘都沒人來買單 中間問了2-3個服務員 都說已經在買啦 等陣啦 🤷‍♀️最後實在坐不住了 耽誤我下一個行程 就跟著收單的服務員走 最後才買完單 共465.3 性價比不高 服務堪憂 來這裏飲茶不容易 隨時做好自給自足的準備🤣下次不會考慮來了😅還有好多優質餐廳可以選擇

今日星期日到此飲茶，門口有少部分客等候，知客叫飛，冇客回應，她就算數，沒有繼續再叫客進入，我等了很久，自行入內看看環境，不下有10張中枱是吉係度，我出去問知客，她強詞奪理話沒收到通知，所以唔會叫客入座，咁嘅服務態度 香港再咁落去，食肆一定冇運行，唯有迫我哋想繼續留港消費的也改北上了！

翠園中菜出品一向都有點水準，做得比較好嘅系菠蘿咕嚕肉，外皮口感酥脆，酸甜適中，粉唔厚，好食。賣相一般嘅蠔汁炆花膠，花膠質地軟嫩，但有少少腥味。脆炸妙齡鴿真系好細隻，肉質鮮嫩，不會過於油膩，味道唔錯。椒盐豆腐粒火喉剛好，外脆包裹住嫩滑嘅豆腐，椒鹽也很均勻。脆皮燒腩仔，肥瘦相間，咬落聽得到嘅皮脆，聞得到嘅香口。新鮮彈牙嘅蝦仁混合蛋液一齊炒，色香味俱全。Moko系1個好地段，翠園不失為一個品嚐中菜嘅好地方。

我地今次敍會選擇飲茶，因為食物種類多，梗有啱吃的東西，又可以慢慢傾，敘舊一下。我地點了很多點心，有牛肉，煎腸粉，鮑汁鳳爪，水餃，牛柏頁，鴨舌，馬豆糕，金菇柚皮和白灼生菜牛肉魷魚等等。牛肉，煎腸粉等點心水準不錯，而柚皮及灼生菜牛肉魷魚，牛柏頁是一般酒樓少有的，所以今日一定要試試，柚皮味道較淡，配金菇有些怪。最欣賞的是生菜水餃，生菜爽甜，水餃飽滿，肉質嫩滑，好味。整體食物OK，保持一定水準，價錢中上，枱與枱之間不會太迫，可以一試。

今次去咗旺角MOKO嘅翠園，食咗一頓澎湃嘅飯。先講講個燒鵝拼油鷄，燒鵝皮脆嘅，肉質鮮美，油鷄就滑嫩鮮甜，但份量我覺得真係咁咁地。生拆魚蓉羮味道就正！湯底香濃，而且魚蓉彈牙，當中嘅黑木耳、甘荀粒仔又脆口，真係好開胃嘅一道菜。貴妃脆蝦球呢，外皮金黃酥脆，啖啖蝦肉彈牙🦐，配上嘅芒果汁同腰果諗起都流口水，清新得嚟又唔膩口。至於鷄樅菌油雙椒炒班球，班球肉質真係滑嫩得好戇居，椒香味十足，又有個清香嘅鷄樅菌油，食落真係過癮！荷葉飯荷香四溢，但就係覺得饀料嗰邊可以再豐富少少。整體嚟講，呢一餐飯俾我嘅感覺係質素同價錢揸得上，只係服務又快手快腳嘅，咁多人都搞得頭頭係道👍。下次再嚟，都會考慮再回味，試吓其他菜式！