翠園 (星光行)

营业中

休息中

3個人去食飯，貪佢天星上岸就到，同埋細佬張信用卡有折。地方：如果坐天星小輪的確幾方便環境：入去坐底，光亮寛闊，都幾舒服自在，不過終於多年未裝修，天花上有花霉。另外窗口太反光了，原來應該有的維港夜景變成照鏡餸菜：都係信唔過現在酒樓的服務水準，自己分幾次叫，費事亂哂次序，又攞到成枱都係。頭轉3樣，落錯一個單。泡菜，講緊碟花生，唔知點解唔寫前菜？海蜇螺片，其實本來叫頭盤中的鴨胸，不過落完單有俾我睇，因自己又冇望，所以黎到都照食。海蜇ok，螺片似罐頭貨。白灼螺片，份量算足，不過過哂火三味蝦球，睇價錢就知一定雪蝦，1原味（即係冇味），1咖喱色，1糖醋汁之後再落其他單大閘蟹粉豆腐，比想像中差，蟹粉唔新鮮生炊芋裸炒素菜，95蚊的價格，在翠園真係比底咗，份量足，材料多，有6至7種蔬菜菌類。最後再加個甜品芝麻卷，鍾意芝麻的人會覺得好食，不過服務員就要提醒先記得攞碟攞义服務：服務員足夠多，每次抬頭叫人都會起碼3個服務員，總會有1，2個見到你，唔似其他地方，想搵個人都難

美心系嘅中菜一向都覺得唔錯，水準穩定，而服務始終有一定嘅水平，加上依間「翠園」晌地理位置好，最近又收到信用卡推廣，有啲抵食嘅套餐供應，所以，一班成年半無見嘅團友仔搞局聚一聚，第一時間就諗到嚟依度。大家確喺好耐無見，傾到雞啄唔斷咁，有朋友更啱啱去完東非肯亞，跟大家分享咗唔少趣聞逸事，讓大家渡過一個相映成趣嘅晚上。唔知喺咪好似啲人所講，零售、飲食都有啲寒冬，是晚星期三嚟到翠園，正值晚市時段，都喺約八乘滿，以尖咀黃金地段，都唔算高入座。相反，我哋就覺得更舒服，客少啲，環境就清靜啲，再者，安排咗張近窗口角落嘅大枱，可謂自成一角，更應自在。講到明信用卡嘅推廣套餐喺揀呢處嘅部份原因，所以，都無乜點睇個餐牌，但就知佢哋做緊個「食在老廣州」嘅經典巧手菜系列，但同朋友傾偈，都無點留意有乜巧手菜。至於我哋打算點嘅「冬瓜盅 ‧ 龍蝦尾 ‧原隻鮑魚宴」，都幾抵食架，我哋一行7人，女多男少，點半圍照樣好夠食。星期一至五，半圍只賣$1,060，包6位茶位費及加一服務費、橙汁1酌或啤酒大支裝1支，但須另收前菜費用，做到8月尾完。鹹脆花生雖然套餐話須另收前菜費用，但張單好似無收過，當佢私人醒啦，仲俾到一枱兩碗我哋。啲

相約好朋友飯聚，食什麼不太重要，最緊要係找個可以傾下偈的地方，這裡夠清靜，晚上七時三十分左右食客至陸陸續續到來，根本不需要預先book 位！這間翠園坐落尖沙咀星光行，地點位於遊客區，酒家的裝修雅致，牆壁嵌入層架，放了不少紫砂茶壺，個個款式不同，很有欣賞價值！今晚我們點了冬瓜盅龍蝦鮑魚宴，因為我們五人點了六人餐，所以份量是足夠有餘，菜式有濃有淡，堪稱盛宴！芝士上湯焗龍蝦尾（伊麵底）龍蝦尾肉質鮮美，配上芝士醬，甘香豐腴！古法桂花炒魚肚以蛋、芽菜和魚肚炒成的懷舊小菜，材料普通，但是考驗廚藝之作，這個菜一定要炒得乾身，今次廚師做到了！胡麻山葵脆炸蝦丸，炸蝦丸本來是普普通通，但咬落有wasabi 味道，很特別！錦繡冬瓜盅，夏天極品，清鮮足料，每人可以連盡兩碗！原隻鮑魚伴花菇，鮑魚個子小小，花菇淋滑，不過不失吧！清蒸沙巴花尾躉，本來對它不會期望太高，但吃來又嫩滑，有魚味，蒸魚的時間掌握得好，廚師應記一功！瑤柱杞子泡菜苗，清爽怡人，百吃不厭！葱花醬油雞，味道不錯單尾是鮮奶椰皇糕，椰味香濃，夾層加入了椰肉碎，不愧是一道美味的夏日甜點，為整個飯局留下美好的回憶！整體而言，這個套餐的性價比很高，惟一美中不

又是一年一度的團拜開年飯！ 今年雞年，依然由姨姨選擇酒樓，她選了位於尖沙咀星光行 4 樓的 <翠園>；為了遷就舅父，最終擇日2月9日 (農曆正月十三) 食開年飯！ 可是，遷就不到去了北海道的表弟及表弟婦，連10個月大很可愛的表姨甥也見不到！<翠園> 屬於美心集團，是晚晚餐的菜色全由姨丈及二姨發辦！除了散叫之外，亦有套餐可供選擇！指定信用卡享有 85 折優惠！(由於餐牌頁數多，我只有影低小部份餐牌，因此未能打上所有食物價錢，請見諒！)等待廿分鐘後，食物陸陸續續送上桌，半小時內已到齊，算是上得快！  美心集團有一貫的服務水準！略為人手不足！平日晚上食客不多，大致上食客被安排到近落地玻璃那邊！我們一行 8人被安排大廳位置，相對比較冷清！打食評看到相片才發覺，原來我們8人點了7道菜色呢！本菇炒翡翠苗本菇清新爽口！綠悠悠的溫室豆苗芽清脆帶點嚼勁！泡湯更美味！   清清淡淡！整碟不消一會兒也喝光了！ 海斑西蘭花這道較前者濃味一點，讓我們打開味蕾！清爽的西蘭花與肉厚鮮美的海斑是不錯的配搭！蒜香帶子西蘭花雪藏帶子鮮美度一般，而且略為淡味！全靠蒜頭提味添香，配有清爽的彩椒

新年同屋企人去翠園做節，當日全場爆滿，氣氛熱鬧！鮮蝦三味（芒果蝦、玻璃蝦、咕嚕蝦），最驚喜係芒果蝦，芒果鮮甜，居然和蝦肉異常的配搭！南瓜芋頭粒煮菜苗，所有配料都很'林'，方便老人家進食斑球卷帶子蟹膏蒸蛋白，蟹膏好香！送飯一流炸子雞，又係皮脆肉嫩！

星期日在長洲欣賞完日落乘船回中環再轉船返尖咀天星碼頭, 有點轉折但現在已經無離島船在尖咀上落好耐了, 舊時(又講以前)雖說班次唔密但有總比無的方便! 其實小輪公司點解唔諗下某些班次來回程時經一經尖咀方便下乘客呢?反正搭得船嘅趕極時間都有限啦!言歸正傳, 貪方便一落船直入星光行, 此地乃美心大本營, 三層皆是美心食肆, 看了一轉後, 始終選了來”翠園”! 套餐雖然抵食但梗有些食物不是自己杯茶, 一於散叫, 前菜是涼菜- 鹽水浸去骨鵝掌$48, 鵝掌骨頭已經去了但在掌內一片小軟骨始終去不了亦很難咬碎, 除了那小骨頭之外這鵝掌的咬口是幾好食的, 而鹽水浸醃這手法似乎這裡做了起碼半年, 只是醃製的食材因應時令稍為不同而已, 但個人感覺味覺上有點寡始終是只有鹽嘅咸味, 雖說我們廣東人(客家人)一般都食得咸魚…熱食前菜威士忌燴牛尾$48, 威士忌汁做得較原味沒有加什麼味粉之類的東西所以是有色但味道平和一點, 牛尾部份也是剛剛夠身, 吃肉是有少少咬口但關節位的膠質部份則須要用上刀了, 難免會製造一點聲響了, 這晚的牛尾是比較近上面位置的部份所以相當好肉!原隻葡汁焗釀響螺$48, 呢個係好多高級中菜食

今晚上跟客戶吃飯，一行六人，維港景色不錯，但食品味道一般，可惜冬瓜盅沒拍，最好吃是西蘭花，芋頭炆鵝有味，只吃了幾塊咕嚕肉還不錯，冬瓜盅材料很足，叉燒也不錯，魚蠻新鮮，服務員少，總帳很慢⋯

好耐無黎食飯，裝修都係舊舊地，menu仲轉埋vintage設計，但正正係呢個原因，星光行嘅翠園同北京樓比起其他新分店好似多左一份味道😂 大部分菜式賣相都好精緻，重點係幾大份，方便share，個人覺得食中菜都係大大份一大家一齊夾開心點😋 叫左1) 鐵板叉燒，有點瘦，但仍然好"冧"，2)手搣豆腐，好香！3)鮑魚粉絲煲，原來用蒜容炒，個人不太喜歡，用鮑魚汁或蠔油應該會更好。

六月~正是小妹的生日月~家人問生日想食咩~一番討論之後~決定了食片皮鴨~時間地點由家人決定~最後決定左黎到翠園試下~(因為某信用卡有優惠) lol~冰豆腐魚頭鍋~個湯底係沙嗲味~冰豆腐完成吸哂個湯底，好食~但個魚就有D 腥，食左幾啖就放棄了~軟殼蟹~唔太油~大大件~好脆~如果唔落沙律醬會好食D~牛仔肉~好有鑊氣~牛肉唔會煮到好老~配埋一個好似餅既野食~岩岩好~片皮鴨~~隻鴨都幾大隻~仲好肥美~食左幾件已經有飽飽地的感覺~除左皮之外，仲會俾埋肉我地食~唔記得左+幾多$, 可以有2食~但就無+到，就咁叫切開上檯~D 肉唔會好"鞋"，好夠味~唔錯唔錯~但刀工有待改善~~

每年一到四月，就到好朋友的生日，今年就選定了這間食店。這裡是一般老酒樓的裝修，樓底比較矮，柱位又比較多，對我們這些老餅來說，就增加了一份親切感。看過餐牌，原來用某信用咭會有些優惠，而食物都幾吸引，大家討論後決定一試。泉州菠蘿海蜇球 ～ 外貌非常吸引，貌似迷你菠蘿，配以鹽水葱花一起食用。它的質地非常爽脆，可惜爽得來帶硬，少了柔韌度；且亦不吸味，雖然不是雞脾，但也足以令人牙骹軟了。瑤柱響螺燉海中寶 ～ 味道濃郁，因加入很多雞腳，很重膠質，雖然每人可分到兩碗，但仍覺唔多夠喉😋油浸紐西蘭藍鱈魚 ～ 泡油的時間控制得宜，魚肉經反覆㓎泡顯得外脆內軟，加上甜甜的醬油及青嫩幼細的葱絲、薑絲同吃；是非常下飯的一道菜。鮑汁扣原隻花膠皇 ～ 大而厚身的花膠扣得很入味，切起來仲有些少「啜」刀㖭，入口軟糯，加上了鮑汁提鮮；認真大滿足啊！鮑魚銀絲煲 ～ 鮑魚有六件之多，size也不會太小，煮得又淋又入味，但想不到，放在㡳下的粉絲才是主角，粉絲完全吸收了鮑魚的鮮味；你一口我一口，很快便把它吃光光了。福建海帶魚丸肉燕餃 ～ 大大粒的魚丸倒是沒有什麼特別，魚肉味也不是太濃，倒是肉燕餃卻頗不錯；餃皮煙韌，內裡的絞肉也鮮。

參加老公表弟孖 B 百日宴，海景晚飯，加上歡樂氣氛，如果 srrvice 加出品配合，就 very good la. 百日宴必備的紅雞蛋，酸首先出埸，親友一致大讚红雞蛋染色好靚，可惜酸羌完全不酸。上菜 la, 乳🐷皮翠肉嫩，調味不太咸，也不算太肥，加埋双閃下閃下 👀, 食得大家 happy. 上湯焗龍蝦伊麵，龍蝦肉質 ok, 份量也 ok, 不過不失。條魚蒸得岩岩好，肉滑. 炸子雞皮翠，肉嫩。個人喜歡個遥柱花膠扒菜苗，花膠雖然碎，調味麻麻，勝在 多菜苗，滿足到個人喜歡吃菜。鮑魚不银夠林。糯米飯好好味，軟硬適中。炖湯好濃，足料，份量夠，碗踠有翅有花膠，可惜 d 花膠好硬，明顯未發夠和煮好，真的笑左，失敗之作，浪費食材。夏果炒花姿蚌，蚌肉银左 d. 甜品完全失敗上作，笑口棗明顯炸左好耐，完全不翠。椰汁糕無味。椰汁糖水，得個甜字。價錢和出品不成正比。酒樓食材本身不错，可惜廚藝，浪費食材。service 無勿，好似不夠人咁。

翠園比較容易穩到，出咗地鐵口無幾遠就到了，覺得呢度比較靜，無其他飲茶嘅地方咁吵生曬，個個都睇報嘅睇報，食嘢嘅食嘢，真係難得嘅一份寧靜之處，我八點幾都等位等咗十幾分鐘喇，都算正常。豉汁鳳爪不錯，豉汁濃郁很軟很入味，骨頭都差D就比我吞曬落去，就係骨都無得剩吖。流沙包真係正，奶味蛋味十足，軟軟滑滑嘅，好香好香啊、不過好熱吖，要小心D食！蝦餃皮薄餡大，晶瑩剔透，蝦仁都係成隻嘅，蝦餃一啖一隻，皮嘅Q彈，蝦仁嘅爽脆，口感一流吖，口水～仲有腸粉都好正，好薄好透明好有韌性的皮，可惜我只食咗一塊就比搶光了、果真是手快有手慢無吖～

週末約朋友來喝茶，中午十點左右來的，餐廳比較老舊的裝修，點了幾樣點心，準備跟朋友飲茶，還算比較清靜，但系服務非常慢叫買單就花了十分鐘。點的流沙包、鳳爪和牛肉腸粉。流沙包還好，表皮鬆軟，蛋黃香甜的味道也非常濃郁。鳳爪和腸粉就真的很失望了，鳳爪雖然入味但是不夠酥爛，沒有那種軟儒的口感，只不過勝在量比較足。牛肉腸粉就幾乎要浪費掉了，吃起來沒有Q的感覺，餡料也沒有什麼味道。

相約在附近工作的朋友見面，順道飲茶。只有二人，叫了好些點心已然足夠。蘿蔔糕粉多較挺身，入面只吃到細細粒臘腸，都是犯了太甜的禁忌，需蘸點豉油同吃。愛香口的話一定選擇芋頭糕，糕內除了找到臘味還有粒粒芋頭，較之蘿蔔糕更有口感。蝦餃、燒賣、牛肉、义燒包等「大路」點心無甚感覺，不過同時也無甚可取。蛋散黏乎乎是意料中事; 可是痴牙痴得黏得實在太利害，每咬一口都要跟它角力一番，甜漏漏欠蛋香，小人很快便放棄。印象最深的還是蛋散如何痴牙，若然以此作為標準，這兒的點心便算不合格了。

小妹已有好幾年冇寫食評。今次因為同日同飲食集團之逆向服務水平而需要反影一下是日下午去左海洋中心八月居，個侍應亞姐串爆到無朋友! 我同事正在台上夾送，佢要取茶壺去加水，我同事同佢講叫佢等埋佢夾送先Link....佢居然答:吾得WOR, 我要JUMP水...我同事問:遲D吾得咩...佢串爆答:吾得個WOR....請問, 邊個係客呢? 又邊個有份出糧忽你既呢?! 咩世界...是晚與家人到星光行翠園食 做節飯。點解要黎呢度呢？咪因為大時大節 容易book位囉 呢道既服務, 簡直差天共地首先講訂台服務：一個星期內先決定訂呢間。因平日飲茶d 食品質素👌。我星期二早上打電話訂台都有位（雖然接聽既亞姐語氣麻麻）尋日下午又冇收過reconfirm booking來電。為免冇台，自己打電話去reconfirm!食品質素：由於母親大人極不接受咸既食品，所以每次落單，例要求小咸小油。因大時大節，只供應節日餐牌，所以冇太多選擇。前菜：煎墨魚餅(餐牌正確名不明)，落單亞姐寸我「佢係煎過wor! 點小油？」我答：盡量啦！出來外觀好白淨，煎得好靚。味道吾錯，好彈牙。不過做吾到小咸(可能係預製左，冇得減咸)蒜片牛柳粒