翠華餐廳 (已結業)

本人在附近工作，昨晚到了翠華晚餐，昨晚諗住食個飯再番公司做野，結果食到一團火！ 約7:20 到翠華，叫了一個晚餐(1. 包 2. 湯 3. 板燒豬+蝦意粉 4.飲品)。幾分鐘後，包+湯+飲品都黎左，正常丫，現成食品。至於個板燒豬+蝦意粉就精彩啦，等左10個字先黎到。伙記A(15分鐘)我：「仲未黎，會唔會漏左？」伙記：「黎緊啦黎緊啦！」我：(...check 都唔check就先黎緊，hea我呀，搵第個)伙記B(17分鐘)       伙：「有單，我同你追一追」。  伙記C(30分鐘)       伙：「廚房話出左喎」。我：(關我咩事)「但個意粉仲未出，對面遲我幾個字叫飯都快食完啦！」伙：「我跟一跟」經理(40分鐘)再等，我已上曬火，到40分鐘，我怒丙個經理，再唔黎我真係會走人取消左個餐。一等再等，終於個板燒豬+蝦意粉響落單後50分鍾到。板燒豬好鹹，鹹到好似食緊M記的豬柳咁，我食一半已頂唔順。，蝦就得一隻！仲以為大集團、上市公司有系統，點知會混亂到咁，好失望。普通一個晚餐Set 都出唔到，伙記一係唔理，一係只識話追一追，都唔係做野。唔駛諗，永遠Blacklist。

快翠送是外賣專線, 價錢已比堂食貴(已MARK UP)有時同區但不在外送範圍,還要額外加$50 蚊, 食水好深!真的很討厭強迫員工午膳時間留在公司工作,不單遺反人權,也犯了勞工條例,不過人微言輕, 很多同事反映了意見不被接受,更在公司當滋事份子日後無運行...飯依然要吃, 不然那有力氣工作,黑松露醬已預先撈入白汁及飯中,見到一粒粒的黑點就是打碎了的黑松露醬,記憶中價錢要$70多元偏貴,白汁完全無味, 一丁鹽巴都沒有,又油又杰撻撻, 黏著米飯如糊仔的口感,菇有常見的雞脾菇,飯太軟,食餘一半, 難食到想死, 不可接受的水準。第二天又要叫外賣工作, 工廠區返工沒什麼好吃,白汁雞皇飯 ($52)飯汁分開了兩個容器上,唔怕送到來因時間令到飯變軟,白汁中有充足的雞肉片,再有青紅椒提高纖維、色彩及營養,濃味白汁因錯過了最佳時機, 其實已冷掉,面都凝固了一層油脂, 飯只稱得上微暖,外送食物只用膠袋包好, 沒有保溫袋,我叫PIZZA 漢堡包都有保溫啦,這樣的服務還能上市集資, 香港果然是個神奇地方。以往幫襯翠華, 是因為用料足,想當年發跡地就是我中學附近,就算價錢比普通茶餐廳貴一倍都甘心,但外賣飯盒甚至

其實有d燥底.. 我曾經都幾鐘意&成日食翠華架! 叫左個咖哩雞飯, 因為聞倒搭枱對面果碟好香, 根住就...賴野了 我都真系鐘意同埋食得辣,,　蝶咖哩雖然聞落系香,　但食落去一D都唔香!　除左over曬ge死辣,只辣層次系0..整咖哩系a　dance　of　spices,多種香料的配合同層次好重要..　唉,唯一可取之處系薯仔夠粉.. d雞系炸的,　我覺得唔系同咖哩一起煮,又多一層敗筆! 我覺得好失望.　講真我認為大家樂版本會好味D,價錢又平成半 都系咖哩雞姐,咁基本的食物估唔倒可以咁差.同樣價錢在附近茶記已經食倒兩味好食得多ge野啦 我應該唔會再幫櫬架啦,食d咁ge野,又唔好食又貴!

早上與兒子在餐廳食早餐，要求飲品走冰，伙計話無咁嘅嘢，咁我話冰另上，都唔得，我解釋因為已經嚟過好多次，每次要小冰，下場都係一大杯都係冰，小朋友咁早飲咁凍會肚痛，伙計食咗火藥咁，話無呢D嘢，最多咪幫我寫小小小小冰，但嚟到多冰係師傅問題，佢都無幫法，我話我唔介意比＄3變凍飲, 但點解想小D冰都唔得，係咪客人飲多2啖你哋真係覺得咁蝕底？？？？ 嗰個伙計晨早就好好火，態度極惡劣！ 我都唔明比錢食早餐都要咁受氣！自問自己好好禮貌！我以後都唔會再去了！ 

以下是本人對呢一間茶餐廳的評價：1. 剩雲吞：一碗五六粒珍珠剩雲吞三十幾大元, 食落口感同味道同普通雲吞麵店雲吞一樣, 無大分別~ 但喺五六粒雲吞要三十幾大元???～超貴!!!2. 凍檸茶：一杯凍檸檬茶同一般茶餐廳味度無大分別~不外如是也～3. 伙記態度：唔知點解~ 覺得樓上班伙記好過樓下小小, 點解咁講呢？ 因為樓上啲伙記--你叫佢,佢起碼會行埋嚟招乎你(多數...)...至於樓下班人（特別喺嗰幾個三十幾歲中年阿姐）,佢行過你嗌佢寫單,十鑊有五/六鑊當你喺透明睇你唔到, 行過睬你都生積... 你要搵另外一個伙記話要叫野呀, 嗰個伙記先拍拍阿姐膊頭話有人要嗌野, 佢跟住先肯死死氣行埋嚟寫單... 另外有幾個(阿哥哥阿姐阿叔)做又十六 ,唔做又十六, 你要嗌佢幾次先會睬吓你.....都唔知呢間咩茶餐廳嚟嘅, 又貴又唔抵食,又唔喺話咩特別好食, 服務又不知所謂,但喺日日都有成村人去呢間野食飯.. =.=

As my bf and I have never tried anything from Tsui Wah in the middle of the night, so we decided to give it a go. We didn’t want to try something too heavy since it was pretty late. However, we couldn’t resist ordering something heavy as many customers in the restaurants were ordering steak, rice dishes, etc. Finally, we made an order of pork cartilage and spinach & shrimp dumpling noodles soup and club sandwich. What a fatty time lol!Pork cartilage and spinach & shrimp dumpling noodles soup – T

午餐想吃米線時就會想起這裡或南記...今天到了這裡買外賣 菠菜餃豬軟骨米線- 已外買了數次，水準依然穩定。湯和米線是分開兩個盒裝的。飽滿翠綠的菠菜餃，咬下去仍然爽脆，入味的豬軟骨，配合軟硬度剛好的米線，like!  蛋白杏仁茶- 杏仁茶夠滑，但略嫌蛋白太大舊滿足了個胃，又要開始工作了...

最近，又做回中環上班族。初初一星期，為怕塞車遲到，都是在家吃淡而無味的粟米片早餐，然後坐地鐵上班。今天試試早點出門，改搭巴士，比預期早了到達，於是找間餐廳嘆醒神早餐。中環區食肆，消費偏高。為免誤中地雷，有質素保證的翠華就成了不二之選。　　翠華特色，就是永遠旺場，即使走過像時光隧道的五彩樓梯前往地牢層，還是很難找到位。坐低後 Order 了一份沙嗲牛麵早餐，然後環顧四周環境。高級茶餐廳就是有它的格調，連裝修都甚有氣派，尤喜歡那些燈飾。　　　先上場的是熱奶茶。每次來到翠華，不是想喝熱奶茶便是凍奶茶。呷一口，嗯，茶味重略澀，奶香欠奉，順滑程度只是合格。跟預期的水準，似乎有些距離。　 　然後，沙嗲牛煮得夠腍，沙嗲醬也不吝惜，不過醬汁不夠香濃，吃起來就欠缺一種惹味。公仔麵中規中矩，不多提了。　　然後的然後，炒蛋嘛，軟滑度一般，蛋汁少，感覺有些像麥記早晨全餐的炒蛋，不過沒那麼乾身。而奶油豬仔包明顯不新鮮，已經變韌，沒有軟熟的質感。奶油也好像失去魔法似的，感覺奇怪。　　怎麼說呢？有時候要從笑、OK、喊之間選擇，不是一件容易的事。純粹就質素而言，普普通通 OK。但以優質茶餐廳的水準來說，卻又令人失望。

上環中環下午的食飯人多得很，是我一直以來長期害怕的問題。 這天八個人開飯，又不想飲茶，結果選擇了我平時很少去的翠華。 這個地方第一個印象就是多人到不得之了。好似今日咁樣，十二點三未到餐廳已經無論樓上樓下都咁多人，非常恐怖。很久沒有來了，也不知道加價加得這麼厲害。老實說，以好食的程度，我真的沒有興趣三十幾蚊食個魚蛋粉，真係不太抵。那個豬軟骨撈麵算好吃，但午飯來說一定唔飽。所以懶人如我一定會選擇吃午餐。今天選了這個紐西蘭牛扒配香草汁，配餐湯及餐渴。 坦白說，牛扒份量還可以，但是其質素實在普通，前得過火，肉質有點韌，很難想低這是上市翠華的作品。配菜只是幾條的豆角，而其牛扒的汁實在少得可憐，五十七蚊也過份了點吧，所以也不想拍照了。那杯奶茶才令人害怕，凍奶茶不太冰凍，而且奶太多，所以實在很難想像這是奶茶有名翠華的出品。朋友叫了雜扒餐，有牛，豬，腸，煙肉，大大份也只售九十大元，更有鐵板上，而且落汁時候還會沙沙作響，味道還不錯，挽回不少分數。 實在不明白，曾經這麼有名的連鎖餐廳為何午餐的出品會有這個下場，上了巿就不需保持質素了嗎？ 我有點害怕下次再去吃的魚蛋粉同鹿兒島豬軟骨撈公仔面，不知質素能否保持

突然間想食豬仔包，於是來到翠華食早餐。今天是星期日，餐廳內也坐滿了人，好不容易找到一個卡座位。 因為我好肚餓，而又想吃食豬仔包，要點一個早餐要有蛋，湯麵和豬仔包先可以滿足到我。最後就決定了沙嗲牛肉麵，雙蛋 (要求大陽蛋)，配豬仔包，餐飲凍華田。凍華田大大杯，味道香濃，沒有因為加了冰而味道變淡。沙嗲牛肉麵沙嗲味香，牛肉也很軟腍。沙嗲汁，牛肉和公仔湯麵一同吃，非常惹味。簡單就是美，還是這樣烹調才可以原汁原味。而且公仔麵沒有煮得過火，軟硬度適中，只是份量不算多，我可以食多一點的。哈哈。兩個大陽蛋連起來，蛋白的部份少了，不過蛋白很滑，蛋黃味也濃郁，一個蛋黃用來沾豬仔包吃，一個就用來伴沙嗲牛肉麵食。反而豬仔包其中一半因為放了在蛋白面，令包身變腍了，乏色了。

與朋友在約定的時間來到翠華餐廳，雖然很多人說在翠華消費高，不過這裡的早餐已經是比我想像中便宜了。因為喜愛這裡的奶油豬仔包，所以選擇早餐時也要以有奶油豬仔包為先，嘻嘻！細看餐牌，發現轉了新早餐，我和朋友不約而同的叫了這個奶油豬仔包，蕃茄薯仔尖通粉的套餐。跟餐的奶油豬仔包是比正常的細，不過仍然好滿足，香脆金黃的外面，未食已經好吸引，加上我至愛的牛油。嘩！真係好好食架！呢個早餐不超過 $30 ，還可以啦！跟住店員就奉上好大碟蕃茄薯仔尖通粉，大家唔好以為蕃茄薯仔尖通粉就一定係用普通罐頭湯。當我一飲呢個湯底就知道係非一般的蕃茄薯仔排骨湯，係自己煲出來的，點解我會知？因為我自己都有煲過呢類湯，知道自己煲出來的味道是怎樣的！蕃茄薯仔足料鮮甜，用來煲湯的排骨又好腍，尖通粉大大條，我將所有料同湯底食晒呀，個湯真係好好好味！餐飲我叫了一杯熱華田，如果你叫一杯熱奶茶，個杯係平時的 '茶杯' 一樣，但係這裡用來載熱華田的卻是一隻透明的高身杯，最有趣的是，通常杯身底部的支撐位是不通的，這個杯卻是可以通的，即係由舉杯的位子到杯身也有華田！雖然好像可以飲多一點，不過總是擔心那個位置比較窄，不是那麼容易清潔到！

周末要回公司加班清理手頭工作, 在回去之前, 路經平日午飯時間大排長龍的翠華, 看見有空位, 就跑入去先吃早餐補充能量.點選了沙嗲牛肉麵+炒蛋+牛油豬仔, 餐飲點了熱檸檬茶.沙嗲牛肉麵只是普通茶餐廳的質素, 若與長沙灣新華茶餐廳比較, 還是人家的更勝一籌.雖然牛肉麵普通, 但是炒蛋十分嫰滑, 牛油豬仔更好味.一份早餐索價$30, 以其他區域來說是昂貴, 但以處於CBD, 而且連周末早上也有自由行遊客慕名而至, 算了.

今日約左幾個朋友飲野吹水，飲野之前去左中環的翠華食啲野。叫左一個招牌魚旦河 加一個豬軟骨飯同埋上湯浸娃娃菜，魚旦都幾彈呀! 算係幾好~^^上湯浸娃娃菜用魚湯底，幾清同有魚鮮味，豬軟骨飯朋友就話一般啦~! 普通咁 law! 講真係翠華食真係唔平，講野食質數的話…..只係一般，不過座位上坐得舒服過好多茶餐廳，同埋係中環收得夜，有一間開24小時tam，所以係其中之一的選擇。

十月六日 (星期六)週六本是好日子，不過架架仔卻要加班!不能行街街，更要留守公司，真的是雙重打擊趕呀趕，下午兩點幾才完成部份工作，肚子奇怪的又不覺餓與同事忽發奇想，不如到附近的翠華買一打蛋撻作午餐可否?坐而起行，就出發了可幸還有足夠存貨一打賣五十元，不算貴，原來假日更平，只賣四十!酥皮不是架架仔那杯茶蛋香算是有的，不過就有點涼酥皮不夠鬆化，還頗油膩的，質素只是一般蛋撻，還是以超群為最愛!如是者吃了半打，還是不覺飽，看來熬不到晚餐了~

早上返工經過翠華，見到門口排了長長的人龍，原來是在買麵包店舖賣的麵包款式唔多，只有傳統的雞尾、菠蘿、提子等幾款，應是主力賣茶餐的緣故於是我亦趁熱鬧買了一個提子包吃 ($6)拿上手只是微暖，提子份量少，包細，唔明點解賣$6 咁貴?睇來翠華還是專注賣茶餐好過