老闆火鍋冰室

营业中

休息中

住係元朗係幸福、去到老闆係食福😋呢到座位就算冇限聚都好寬敞，食物質素高，份量好足！今晚我哋撐枱腳，食咗個好傳統既小菜👉花菇花膠鴨掌蠔皇蝦子麵。佢味道用料非常出色，不得不黎openrice讚讚佢對做菜既認真同用心！👍花菇屬中size, 聞到菇香。花膠有厚度，質地黏實而軟。鴨掌不難整得好食，但佢實在太正，筷子夾起唔會甩頭甩尾，一入口就連皮帶肉滑嘟嘟咁啜哂出黎，正到冇朋友😋😋，太耐冇食過呢個質哋嘞！蝦子麵粗粗的，見到點點蝦子㗎👍總之成個菜式有大酒樓質素，但價錢就只係一百頭咋！我哋仲叫咗兩個小食，泡椒無骨鳳爪同鹽酥雞軟骨。前者清辣、爽脆，愛辣一定喜歡佢。後者酥皮薄，同雞軟骨離身，所以會有兩個口感，唔係得啲粉痴住軟骨果款，香口抵食👍其實仲想叫好多款小食，見到好特別㗎，唔係周圍都有，所以決定下次一定再黎，仲要叫多啲朋友齊齊黎食多啲款式！

今日收工突然間心血來潮，想去食個火鍋因為而家有返晚市咁就約女朋友去元朗搵好嘢食！今次就揀咗「老闆火鍋冰室 」！雖然喺元朗大家都記得喺豐年路輕鐵站行過去係最近㗎，去到大大個招牌好易搵到，雖然佢係火鍋冰室但係一啲都唔重油煙味，每個位置都好闊落同埋裝修都好有格調令你坐喺度食嘢一啲都唔覺得係打邊爐！反而好有懷舊嘅感覺！雖然佢呢度都有雞煲揀，但係食得太多都好悶，所以今次就揀咗胡椒豬肚湯加半隻雞再加火鍋配料！胡椒豬肚雞窩個湯底一上到真係香到不得了，落足材料之餘個湯底都十分入味，酸菜豬肚再加埋半隻雞已經令到入味嘅湯底十分濃郁，再配合埋火鍋真係一流！金菇木耳娃娃菜今次揀咗呢幾樣蔬菜類火鍋配料，冰室都好細心有得俾你揀一碟或者半碟，令到你可以睇清楚個份量再加其他嘢食有多啲選擇，然而搬碟嘅份量都夠兩個人食，材料都好新鮮娃娃菜都好鮮甜！蟹子魚滑仲有叫咗呢個蟹子魚滑，拎到上嚟望住個魚滑，真係好足料，每個魚肉都沾滿咗蟹子，食落彈牙爽口簡直口感一流！雪花肥牛重頭戲就係雪花肥牛啦，佢嘅選擇一樣有大碟同埋細碟，當然兩個人撐枱腳一定食大碟牛喇，不過估都估唔到佢係厚切嘅雪花肥牛，雖然佢係厚切但係一啲都唔韌，雪花均勻仲有啲爽

早餐:好好食午餐:好好食、好豐富晚餐火鍋：好好食、好豐富、超正😋😋非常滿足既一餐生日飯🎂👉我提意一齊黎老闆打邊邊😍。因為平時只有黎食佢早午餐，見佢晚餐menu好鬼吸引，又可以4人一枱，仲唔比我哋把握到呢個好時機？！Yeah! 食完大家都大讚！一黎就係set四式醬料，而其中一瓶仲係堅料XO醬，老闆真係老闆，豪！壽星揀咗“野紅茄極品牛尾窩”，呢個湯底出色到不得了，個個忍唔住口當湯飲🤣，佢好濃好甜，平時只愛辣湯底既我都比佢冧倒真心推介🥰。收爐前仲叫咗公仔麵同烏冬，吸到佢盡🤣（BTW, 真係要提，我哋加咗兩三次水去打，個湯底都仲好夠味）我哋叫咗座牛牛牛tower, 師傅set 到 high tea咁靚，一上枱大家係咁影、影同影🤩，唔只外表得，味道超好。三款分別係👉牛柳粒：味香濃；牛頸脊：味香質感厚；雪花肥牛：當然又腍又香啦。其實份量好足，堅大盤，但我哋K.O.得好快，實在太正啦！仲有白鱔片，肥美Yummy！其他特式丸我哋叫咗手打流心咸蛋豬肉丸n芝士手打墨丸。手打丸質地真係好好，鬆軟彈牙又有質量👍。飲得既一定要啤啤佢呀！🍻🍹

黎到老闆火鍋冰室，唔一定打邊爐既，中午黎食lunch都好高質！入面裝修得好有心機，有好懷舊冰室feel，好懷念以前啲高質冰室，唔似而家周街都叫自己冰室但完全唔好食。呢到就唔同啦，野食應有盡有，講得出名既大部都份有，仲要份份都勁大碟，包野飲，抵呀！呢個係xo醬雞絲鮑絲炒新竹米，賣相極靚，包例湯包野飲。先唔講好唔好食，上碟比客人第一樣野就係賣相，唔似一般茶餐廳求其炒雞絲炒個米炒就上台，呢到整到份餐好多色彩，睇見都食指大動。食落口xo醬好出，夠晒咸，而且雞絲都好足，絕對無偷工減料，一下就食晒！酥炸雞排肉燥飯，炸雞半隻碟咁大件，粉唔厚，入面啲雞亦鮮嫩多汁。肉燥咸度適中，唔會太濕，餸飯一流！最後要提呢個招牌咖啡，係用左手磨咖啡黎整，飲落真係有少少果酸味，唔似一般咖啡咁得個苦字，真係有另一種體驗！正呀！

今日下午同朋友路經元朗去了一間冰室，入到這間冰室給我第一感覺好有懷舊80年代感，環境寬躺好舒服，服務態度良好。餐牌食物種類很多價錢清晰可見，我選擇了一碟XO醬叉燒炒河，叉燒肥瘦適中，XO醬很野味，河粉炒得好好唔油膩，好好味極力推介。另外朋友選擇了一碗花膠雞湯米，花膠大片厚身鷄肉好滑，湯底全沒味精感覺一樣好好味。正👍🏻👍🏻👍🏻留意到晚市火煱食物種類很多很吸引，價錢合理不貴，必食😋😋😋

想食個下午茶，經過見到呢間餐廳裝修都幾特別就入去試下。煎雞扒脆脆朱 $32賣相整體都唔錯，不過食落就普通咗啲，脆豬唔脆，有啲失望。雞扒就嫩滑夠味嘅。而咖啡就普通粉沖咖啡+奶。

元朗出名周圍都好多好野食，不過有時放lunch自一個，都會想搵間又坐得舒服，又唔怕食食下又比人趕走既，可以慢慢坐低食下傾下禁下手機既電話。呢間老闆火鍋冰室完全乎合到我要求。lunch時間，人頭湧湧，不過呢間餐廳入面座位好多，所以好快會有位。而且入面環境光明，個設計都幾有特式，有好多古舊既設計，幾特別。食得又開心，坐得又舒服。而且食物種類又多，想食咩都有咁。有基本既湯粉麵、常餐、焗飯等等。怕煩唔知自想食咩又可以睇睇每日精選既午餐，咁就縮細左範圍可以易點選擇。今日我就決定試下新野，食返個新系列。鮮蝦推介。入面有4款唔同選擇。而我就選了鮮蝦蜆肉培根忌廉意粉。聽個名都知入面有好多唔同配料。而且份量都唔細架，大大碟，都食到好飽。鮮蝦原隻上，仲有幾隻架。鮮蝦啖啖肉，唔錯唔錯。入面仲有超多蜆肉、煙肉，所以每啖意粉都夾雜著唔少配料，超豐盛同滋味。忌廉夠曬creamy好惹味。冬天仲有得點返杯菊米蜂蜜潤返潤。正

天氣咁凍最啱打邊爐暖下身，元朗勁多雞煲揀，但我都係揀返朋友介紹嘅老闆火鍋冰室。成間餐廳仿照香港懷舊冰室設計，好有格調。胡椒豬肚雞窩 半隻有得揀半隻，2人食啱啱好。湯底濃郁，胡椒味好重，辣度適中，入邊啲雞都好足料，食落好嫩，配料有枝竹豬肚唐芹芫荽。安格斯牛頸脊 小份叫咗小份，但其實份量都好多，雪花均勻，厚薄適中，食落好有牛味。四寶丸小拼盤四寶丸有蝦墨魚丸牛丸豬肉丸，所有丸類都係自家新鮮製，手打肉丸食落好爽口彈牙，完全冇雪味。我最推薦係蝦丸食落好彈牙，入面仲有一粒粒蝦肉。半分豬潤豬潤處理得好乾淨，完全冇異味！全份唐蒿菜類真係要讚下佢$28一份，份量十足比一般酒樓打邊爐仲要大啲好抵食！老闆水果茶水果茶入邊有好多新鮮水果有百香果青檸蘋果入口清爽唔會太甜食完咁重口味嘅火鍋就要飲佢嚟平衡下啦。

呢日黎到超多野食嘅元朗玩晏晝掃街食完小食，夜晚見到門面大大間嘅老闆火鍋冰室揭下餐牌，見佢食火鍋又得，小菜又得，價錢又唔太貴咁侍應姐姐好熱心介紹，就一於試試啦我地用咗幾秒時間就決定打邊爐，因為天氣凍!!同埋得兩個人，小菜都食唔多(其實邊爐都係sosad極濃椰香沙嗲鍋初初見佢寫咩極濃，仲以為係望落個名好聽啲點知一食落，係真係香濃到唔洗點豉油尤其沙嗲同椰香味都好出，係我食過最好食嘅沙嗲湯底!!!極品安格斯牛頸脊(小)唔係講笑，叫小都好大份!兩個人食肉食到好滿足牛頸脊呢個部位牛味特別香，好嫩食得出係真正嘅安格斯爽嫩滑牛脷托(小)口感味濃，肉質細膩，食落唔會UN到咬唔爛配沙嗲湯底尤其好食!菜類叫咗溫室菜苗同娃娃菜有時好唔明，同係娃娃菜，點解自己買嘅好似無街食咁好食菜苗又爽又新鮮，絕對可以食多碟松露醬墨魚釀鮮冬菇呢個勁，要重點推介雖然樣樣野係出面都易搵到但俾老細諗到拼埋一齊然後定位係邊爐配料呢下正松露味超濃!然後墨魚嘅煙UN加埋冬菇(入味)嘅菌味每人兩舊真係嫌少真係必點! 黎呢到一定一定要試!然後都係忍唔住叫咗一味小炒椒鹽鮮魷當你以為有蓋遮頭是是正正嘅邊爐店感覺上無出面大排檔咁有鑊氣時一食呢味真係

今次呢間比較特別啲午飯時段係茶餐廳模式晚飯時段主打火鍋但係亦有小菜晚飯所以啱晒有唔同喜好嘅人👍🏻✨另一特色，就係舖頭環境佈置係好懷舊花咗唔少心思喺元朗都係少有嘅打卡熱點😆窩底及配料都好多選擇價錢大眾化最緊要座位夠闊落舒服,同埋冇限時👍🏻✨真係超正😆沙爆魚肚豬骨窩勁多魚肚，勁讚！👍🏻湯底亦都好甜，好多配料👍🏻冬天食啱晒😆同埋服務好好，加湯、收碟都好貼身😆好欣賞大部份配料都有「半份」揀！所以都可以叫多啲唔同嘅款式食材都好新鮮，就算半份其實都幾多😆特別推薦鮮蝦丸-真材實料白鱔片- 夠新鮮，夠薄片雪花肥牛 - 就算係小份都勁多，夠新鮮夠肉味👍🏻蟹子墨魚滑- 真材實料，夠鮮味夠彈牙😆

下午去了元朗老闆火鍋冰室，冰室外已排了幾個人，等了20 分鐘才有位( 限聚令), 冰室内部用六七十年代香港的舊街道和生活相片，還有當時年代用的電話，押字當鋪的掛光管裝飾，牆身是圖案花磚，好似回到舊香港冰室。我地叫了两個午餐，一個是海鮮西炒飯配柚子蜜茶。另一個鮮蝦野菌勁濃芝士意粉配菊花蜜茶。西炒飯配料很多，有蝦丶魷魚丶蜆丶蟹柳，蛋花葱花，番茄粒跟粒粒飯炒起，熱騰騰送來，獲氣和份量十足，材料充足，吃得溫暖。😁意粉餐用了兩隻中蝦，配上切片洋葱，青椒，野菌，清香的野菌味和少許辛辣的洋葱和清爽青椒，加上鮮甜的中蝦，配上濃香芝士味的意粉，色香味俱全。👍在寒冷的冬天，吃完飲杯菊花蜜或柚子蜜都不錯。其實睇餐牌上面嘅菜式 ， 可以睇得出呢間餐廳其實係主打晚市， 個款式吸引好多。 晚上火鍋有推介招牌魚鰾湯和至尊牛三拼，看來不錯， 希望疫情快啲過可以夜晚過嚟試下 ，有機會一定來試。😋

近排出元朗多，所以就搵下元朗有咩好食，見到呢間懷舊冰室，佢本身夜市係有火鍋，但疫情關係只有午市。咁我就簡左2款飯同2款下午茶小食。泰皇咖哩牛坑腩$56見到佢呢碟飯大大碟好有份量，就咁睇都知我自己就食唔哂，佢既牛坑腩係好大舊，成個匙羹咁大舊，份量亦唔少有成6舊，平時食開其他餐廳都係3至4舊，食落好腍，入哂味，絕對冇un既位，少少牛酥味。薯仔口感好好半腍，亦都入哂咖哩味，咖哩唔太辣，椰味唔算重。唔係專泰國菜餐廳黎講水準唔錯。馬來巴東牛肉配飯$68呢個飯既牛肉部位唔同，食落都係好腍身，呢款比較野味，個人鍾意食呢款多d,佢既薯仔都一樣做得好入味，因為個汁夠哂野味所以牛肉同配料都變相野味左，飯既份量都唔少，所以一個人夠食有餘。奶花生多士$28佢既花生醬都好足料，唔會係薄薄擦一下，滿滿粒粒花生，亦有牛油底，夾埋好香花生同牛油味，包都軟熟新鮮。板煎雞排脆脆朱$32呢個包出面脆入面軟，唔係平時脆朱咁成個都脆口，比較特別，雞排大大塊，食落肉質嫩滑，夠肉汁。凍啡 跟餐送佢呢個凍啡係招牌飲品，佢係精選多款咖啡豆製成，有巴西豆，哥倫比亞豆，另外仲有幾款咖啡豆，感覺咖啡味濃厚，亦有回甘香味，甜度適中，微酸，唔會

今日陪朋友嚟整車 擺低架車就喺附近見到呢間冰室都幾好裝修 夠寬落就決定坐低食啲嘢等 入到黎見到好多懷舊人物海報叫左嗰鹽酥雞魯肉飯 嵾巴哈哈飯巴東牛肉配飯 試埋佢杯店舖推介嘅凍咖啡最快嚟到就係佢杯凍咖啡 確實唔錯 味道夠濃夠香之後就嚟咗個嵾巴哈哈飯 其實就係海蝦飯 佢個醬汁幾特別 用薯仔青椒洋蔥烹煮 幾好味同開胃至於個鹽酥雞滷肉飯 係鹽酥雞扒都幾大塊 調味都唔錯唔會太鹹 炸粉又唔會太厚 滷肉嘅份量亦都非常多 配白飯食真係好餸飯 如果佢有埋滷蛋或者嗰啲台式拌菜就更加台式啦最後仲叫咗個巴東牛肉 牛肉炆得非常之淋亦都入味 分量又唔少食開柱候或者咖哩牛腩多 呢種巴東牛肉嘅味道又幾特別 值得一試

今日同朋友專程去元朗大棠睇紅葉，我哋先去老闆火鍋冰室食午餐。因為餐牌上實在有太多選擇，我哋兩個人都好肚餓，於是叫咗三個餐😆第一個係薑絲牛肉通粉：呢個通粉有好多薑絲，好有健康養生feel😬第二樣係邪惡嘅芝士撈丁配炸雞扒：麵上有一塊芝士之餘仲有成碗嘅芝士可以俾我哋撈，非常好味！炸雞扒亦都非常酥脆！😝呢兩個餐都配奄列火腿，多士加錢轉煉奶豬仔包，我哋尤其喜歡煉奶豬仔包因為甜得來又脆！第三樣嘢我哋嗌左獅城炒粿條：雖然係最後一樣食，但一翻開去到中間都仲有煙出！熱辣辣！味道既有乾炒河嘅味道，但係冇河粉咁油膩，我幾鍾意！三個餐都配嘢飲，我哋都各自叫咗一杯招牌咖啡：咖啡嘅面頭有啲咖啡粉，咖啡嘅顏色亦都有漸變，好靚！果然係招牌咖啡！👍🏻好好飲！👍🏻最後我地share埋杯熱柚蜜就出發去睇紅葉了！

友人知我鐘意烚下烚下，佢盡地主之誼介紹我黎呢間冰室，話呢度食物高質得黎價錢又合理。黎到俾門口大大嘅招牌吸引住，由好多發光嘅燈膽圍住，唔知點解諗起以前戲院嘅霓虹燈牌。冰室嘅環境都幾有老香港味道，高樓底、鐵閘等等，別有一番風味。呢度安排都有好多款選擇我哋揀咗個海鮮鍋，另外加咗個炸芋頭、珊瑚蚌、松葉蟹柳、冬瓜片、南瓜片、生根，樣樣可以點半份真係好，可以試多啲唔同嘢食。海鮮鍋上枱啦！分量超多、好足料，可能淨係食鍋底嘅料已經夠飽，早知唔好買咁多嘢住😅炸芋頭：必食，依家好少食到，好香口，裡面好綿鍋底材料：蟹：成半個煲咁大隻，鮮甜、啖啖肉蝦：爽口、彈牙又新鮮鮑魚：煙韌、幾厚身蠔：蠔味重、推介蜆：鮮甜無沙魚頭：煎過好香口，裡面肉質嫩滑珊瑚蚌：好爽口，唔可以烚太耐松葉蟹柳：鮮甜、啖啖肉飲品點左檸檬八香果，好清新、香甜，啱打邊爐時飲今晚可以同朋友烚下、傾下、笑下，愉快嘅一晚！