影片
更多
2021-04-20
41 浏览
今晚OT收工，幾個同事一齊去食飯，揸車經過元朗，搵位泊車，泊車之後見到呢間老闆火鍋冰室門口企滿人等位，就埋去攞左張飛等位，佢地反枱速度好快，轉個頭就入左去啦。入到去之後，就揀食雞煲先定直接打邊爐，我同3個同事就揀左食醉雞煲先，雞煲一上台就已經好香，當然就要再煮多一陣。過多5分鐘左右，終於個湯滾左，可以開餐啦。我地叫既係一隻雞，為左快d有得食，我地先落左半隻，再等多5分鐘，終於有得食。我鐘意食肉多d，我即時夾左雞胸肉食，一食落口，內質好滑，好入味，一入口成口已經係花雕同紅棗味，超級好食。之後我地食埋另外果半隻雞，就開始叫火鍋材料。火鍋材料紙上面選擇超級多，有火鍋料，有即食料，都有好多好特別既野食同飲品。飲品方面，食火鍋係長期作戰，所以一杯又大又凍既飲品係小不了，估唔到呢度既飲品仲要好健康，我朋友叫左2杯凍柑桔檸檬，我叫左呢杯超大杯既水果茶，有超多水果係入面，酸酸甜甜咁，即刻唔覺得食滯左，隻杯又keep到凍，我食左3個鐘，杯茶都仲係凍既。係我哋等緊嘢食嘅同時，叫咗一份熟食，鹽香脆炸魷魚鬚，$4X既價錢，分量多到可以疊到一座山，炸份非常薄，魷魚鬚非常滑。食物方面，打邊爐最重要嘅牛肉，當然係美
今晚OT收工，幾個同事一齊去食飯，揸車經過元朗，搵位泊車，泊車之後見到呢間老闆火鍋冰室門口企滿人等位，就埋去攞左張飛等位，佢地反枱速度好快，轉個頭就入左去啦。
入到去之後，就揀食雞煲先定直接打邊爐，我同3個同事就揀左食醉雞煲先，雞煲一上台就已經好香，當然就要再煮多一陣。過多5分鐘左右，終於個湯滾左，可以開餐啦。我地叫既係一隻雞，為左快d有得食，我地先落左半隻，再等多5分鐘，終於有得食。我鐘意食肉多d，我即時夾左雞胸肉食，一食落口，內質好滑，好入味，一入口成口已經係花雕同紅棗味，超級好食。之後我地食埋另外果半隻雞，就開始叫火鍋材料。
火鍋材料紙上面選擇超級多，有火鍋料，有即食料，都有好多好特別既野食同飲品。
飲品方面，食火鍋係長期作戰，所以一杯又大又凍既飲品係小不了，估唔到呢度既飲品仲要好健康，我朋友叫左2杯凍柑桔檸檬，我叫左呢杯超大杯既水果茶，有超多水果係入面，酸酸甜甜咁，即刻唔覺得食滯左，隻杯又keep到凍，我食左3個鐘，杯茶都仲係凍既。
係我哋等緊嘢食嘅同時，叫咗一份熟食，鹽香脆炸魷魚鬚，$4X既價錢，分量多到可以疊到一座山，炸份非常薄，魷魚鬚非常滑。
食物方面，打邊爐最重要嘅牛肉，當然係美國雪花肥牛，我哋就叫咗一份大份嘅，大約有五十塊，上枱擺碟非常之靚，睇到肥瘦分佈好靚，入口即時溶化。之後再叫咗一碟爽嫩滑牛利托，入口非常爽口，牛肉香味非常濃郁。
海鮮方面，我就叫左美國靚桶蠔，一碟有7隻，每隻都同我隻手掌一樣咁長，非常大隻，味道非常鮮甜。
食完肉同海鮮，就叫咗一碟娃娃菜幫助消化，娃娃菜非常靚，每棵都非常新鮮，無黑無爛，娃娃菜放落湯來錄了大約10分鐘，完全吸入左花雕醉雞嘅湯味，非常好味爽口。
张贴
