聚賢樓 (已結業)

有理工生活了3年，早幾天才第一次到此酒樓飲茶，不知還有沒有人像我？十一時，店內還未有什麼人，被安排坐在窗邊位置，其實景觀也沒有我想像中的好。眼前直望的是樓王：天璽。沒有想看的，唯有專心看點心紙。點心選擇不算多，沒有一款是特別想試，於是叫了一些「行貨」。叉燒腸粉，感覺是「公仔腸粉」，粉皮很硬，叉燒少得可憐，但價錢一點也不便宜，要十八大元一碟。差！ＸＯ醬鳳眼餃，ＸＯ醬放在餃面，餡沒有特別，但餃皮卻很有特色，是我吃過以來數一數二的厚皮。價錢是特點，不值！蒸排骨，又是很不濟的點心。不見骨，肉卻很多，不如叫蒸肉排算了。最大問題不在這處，而且肥豬肉多得離譜！肥肉被我咬掉後，吃進肚的恐怕只有３０％。差！蒸鳳爪，只有一聲嘆氣，又是差差。鳳爪很淋，醬太多。不多說，只說差！午飯時段，看到幾位ＰＲＯＦ也來吃飯，也許他們是熟客，食物質素會好一點吧（？），相信在我的理工生涯裡，此店應該不會再見到我的蹤影，自己認為美心旗下的ＣＡＮ比此處更化算。

今日星期五，坐無虛席! 可能d教職員因為聽日唔駛返工，所以今晚好多人(反而我以前星期六、日來係冇乜人呢)由於今晚食客多，所以服務慢左少少 例如未能即時替我們加水，上菜速度略慢，送糖水要等一段時間，幸而食物質素仍保持水準，所以今晚我都好滿意。

我去過理大城軒好多次，一方面自己係畢業生，想返去懷念一下校園生活，但最重要的因素，就是城軒的食物及服務質素也不錯。我去過一次午餐(食點心)，另外去過好多次食晚飯。食點心果次，都係一般既蝦餃燒賣腸粉等「大路」食物，不過不失啦~至於晚飯，我覺得在「城軒」食有好多優點:1. 交通方便: 位於紅磡站及紅隧旁的巴士站，如果約朋友晚上食飯，無論在邊區放工既朋友前往理工食飯都好方便。2. 好易訂位: 通常星期六日，市民會出油尖旺食飯，而大學偏偏在星期六日最少人，所以星期六日在城軒食飯，一定有位呢!3. 服務優良: 由於冇乜食客，以致食店職員多過客人，咁服務一定好!4. 價錢相宜: 試過叫套餐、也試過散叫，發覺散叫既價錢抵好多。(散叫: $80 / 套餐: $120@ )5. 景觀一流: 以相宜的價錢，但飽覽維港，正啊!! 6. 泊車優惠: 埋單前同經理講話有揸車來，經理會攪掂了。

和老朋友在M樓的聚賢樓飲茶，水準真麻麻，最恐怖的是隔離枱就是Company law的professor，吃飯前剛剛上完他的Seminar，真汗顏…簡單介紹食物~海蜇拌青瓜：海蜇咬口又新鮮，還不錯；青瓜是酸甜口，沒有什么辣味，個汁實在不符合北方人的口味。瑤柱豆苗餃：餡無論是瑤柱還是豆苗還是蝦肉，都少得可憐；“壯觀”的是個皮，厚實得令人無奈…鳳梨叉燒酥：幾乎是每次必叫的點心，叉燒算是肥瘦始終，甜胃不重，夾點肉汁；酥皮趁熱食也ok。不過未嘗廚出鳳梨的角色如何體現的。香茜牛肉腸粉：本人不好此類點心。以腸粉來計，聚賢樓的出品并不失禮。腸粉較滑身，牛肉薄且嫩口，腌得也比較入味，朋友大讚美味，我食少少就好啦。古法蒸排骨：這款也是不錯，排骨肉嫩滲入豆豉的咸香，適度帶點肥膏則更有滋味。食物質素毫無驚喜可言，價錢卻不算平宜。不過此餐依然吃得很開心，與有些朋友未必朝夕相對，但久別再聚依然可以海闊天空。今次謝謝朋友的treat啦，希望下周的飯局也可以成行

先排看雜誌, 介紹全城秘密飯堂, 呢間中菜在紅磡理工入面,位置方便, 咪試吓啦, 上星期試咗個二人套餐,d 燒腩仔和叉燒好好食, 個金桔石斑都不俗. 侍應服務亦很周到, 斟茶, 分湯,换碟樣様做齊, 所以 今日再去,試吓雜誌推介嘅食物.今日海景果邊有function, 去咗另一邊, 樓底矮d, 所以嘈d.两個人去食晚餐,叫咗西洋菜瘦肉例湯，煎蝦燴伊麵, 金湯燴荷塘. 例湯 - 有d酸味，似係隔夜仲要雪櫃唔夠凍果隻，同部長投訴，佢say 哂sorry, 立即換咗冬瓜海皇羮俾我地.煎蝦燴伊麵 –係好大碟 , 不過d蝦都係唔多新鮮, 本人有皮膚敏感, 食乾淨海鮮就冇問題, 但如果d 海鲜受污染 或唔多乾淨, 第日即刻復發,隻手會紅癢, 呢個實驗萬試萬靈, 結果24小時睇倒. 金湯燴荷塘　-係佢嘅創意推介小菜, 係小棠菜上面加d 海鮮粒炒蛋白, 淋上南瓜汁上湯, 無錯係橙色, 但無乜南瓜味, 賣相和味道都同雜誌有d 距離. 雜誌仲話集團副總經理係個“愛吃懂吃之人, 曾在雜誌上撰寫飲食文章, 對食材認識極深”,但今次食物質數完全唔掂, 係個別事件?定係雜誌吹水? 請大家再次運用獨立思考.

情人節去睇克勤,預左好難搵食,度度都要等,唯有響紅館附近搵,又唔想去都會,相信都好多人,細妹提議黎哩度食飯,可以坐得舒服d先至入場,訂左位,7點唔算好多客,菜亦上得好快,一行4人:-上湯雜菌浸翠玉瓜,普通,但唔足夠熱-西芹醬爆鱔條-幾好,唔會太濃味,鱔條都有幾多-燒味拼盤-雞,海哲,叉燒,燒鵝,無特別-燒汁牛仔骨-哩碟最得,不用碟隨附的醬,已好夠味,唔會好乾-連2白飯,$333此店的菜式多是$50幾以上,一般酒樓價!

聽一位理工校友friend話呢間酒樓不錯, 打算去尖東行行時便約了父母到這裡試一試.上到14樓, 有個無敵海景, 服務態度非常好, 完全一個高級茶樓Feel.午飯時段, $168 3/4人套餐, 三個點心(大, 中, 小各一), 一粥, 一炒粉麵飯.三個點心, 大點小籠包, 三件...內涵一流, 如果有汁仲正; 中點腐皮卷...乾了一點點; 小點鳳爪...佢話係XO醬..但同普通鳳爪差不多.粥, 選了皮蛋瘦肉粥...來的竟然是一大窩..好服務在呢窩粥感受到, Waitress端出三碗靚粥, 我飢添粥時, 沒有把蓋放回, 小姐見到, 即刻幫我們蓋好, 話不蓋好窩粥會凍.味菜牛肉炒面, 份量好, 味道也好. 選料不俗.

友人愛選此為聚腳點,因其位置方便,加上容易訂位.食物大碟夾抵食.此次聚會後要把最後一點刪去.這此點的菜非常精美.香煎金蠔(HKD78)只有五隻,晚飯孖寶(鹽焗雞加白灼蝦)HKD150,蝦約有半斤,但雞只是例牌蟹肉豆苗(忘了價錢)..也只是小小的一碟.五人共餐,最後因為餸菜不夠,要再加點鮮菓牛柳,每人一湯匙已分完...但整體食物味道不錯,服務亦佳,飯後送免費糖水.但回家仍有點餓,下次可能要點八個餸才夠....

這天為了方便，我倆在這酒樓食個下午茶。二時便有下午茶供應，我倆點了奶皇包、春卷、鳳爪、叉燒腸粉和餃。奶皇包︰包皮也是黃色的，不過不好吃。餡都只是一般而已。春卷︰皮脆，餡料是蒜和蝦，不過都被蒜搶去了大部分的味道。鳳爪︰份量多，汁也濃郁，不錯。叉燒腸粉︰想不到是蠻好吃的。叉燒的份量多，而且味道尚可。腸粉夠滑而又不會太粘。餃︰忘了名字了，有些西芹、蝦，我覺得蠻好吃的，又很清新。下午茶大、中、小點都是$9.8，不收茶芥，學生有九折，蠻抵吃的。雖然味道不算太突出，但在理大來說都算不錯了。是日不少畢業生在拍照，原來這樣就過了一年了。有點感慨，不過下年就到我了，嘻嘻。

第一次來食，看到餐牌有白切雞湯賴粉一窩只系$68，兩個人點呢個都已經好飽，但系來飲茶就更系想食D點心，所以雖然抵食，但都無叫到。馬拉糕: 難食，質素好似microwave果D雞紮: 普通XO醬炒蘿蔔糕:唔掂，得個辣字滋味通菜煲:頂呱呱！好好食。令到出來食，仲熱辣辣，燙口的服務:各服務員既態度都好好！我地仲可以走出去看看海底隧道同覽觀間學校總結：小菜OK，點心唔掂泊車：星期六/日$15/hr消費：dinning $135 + parking $45 = $180

有個午市套餐幾抵食,我地四個人,要左個餐, 包括有個粥粉面飯任選其一,又有個燒味拼盤,再加四個點心任選,然後又有甜品,.好似係168,我地再額外加兩個點心,已經食唔晒!生菜鯪魚球粥:好大鍋,又足料,鯪魚球好大個,又多,起碼有十個,而且粥清得黎有唔稀,幾好!燒味拼盤:叉燒最好味,而且唔肥呢!蘿蔔糕:味道唔錯,但係略嫌多油…炸九肚魚:好香又多,而且唔油,正!牛肉腸粉,蝦餃, 燒賣:一般貨色.甜品香芋西米露k,唔會太甜, 但唔係特別出色.整體上以呢個價錢,算係唔錯喇!

位於理工大學李嘉誠樓14 樓中菜廳的"聚賢樓" ，居高臨下，維港景色盡入眼簾。下午茶點心最平$3.8, 2:00pm 開始。酒樓不會太吵耳，環境都算舒服! 食物方面尚可，不過我覺得D 菜的菜頭部份就洗得唔係好乾淨。我鍾意飲鐵觀音，呢度都有~ 飲完茶後會送上蓮子糖水滋潤下食客，呢種只有在晚市時才會有的服務，現在連下午茶都可以享受，實在太好了! 聚賢樓係屬於"城軒" 的，佢地現在正提供優惠，係在二個月內到其下餐館食5 次就可得永久會員卡，可享九折及其他優惠我都要去多幾次先得!

兩個一齊講冇乜特別用處既....只不過今日去過哂2間only城軒酒樓(紅磡香港理工大學李嘉誠樓14-15樓)本來想去ymca食...不過因為太遲出門口所以來左呢度飲茶,完全唔知大學入面都有茶樓....3個人嗌左8樣溫公齋煲($38):抵食,好大煲,不過冇豆卜.....屋企人話似雜菜煲蝦餃(特)皮透明ga@@wa~一夾就....穿^^燒賣(大?):幾好食既....不過面頭既唔知係蝦子定紅蘿蔔....燒腩仔($28):幾好食,唔差流沙奶皇包(中):推介.好多餡~雖然我每次食完呢D都會肚痛...(腸胃不佳既人要注意)叉腸(大?):唔掂,皮太厚,叉燒唔係叉燒....有陣烚豬肉味山竹牛肉(中):細粒左D....排骨(中?):冇食,不過夾個陣好似一堆咁夾唔起servicek.衛生:唔知係咪未有人拖地....toilet既地下好濕,不過整體上環境好,都睇到小小view....樓既view.最後食左200幾蚊,同美心差唔多價錢....可能叫左D唔抵食既野掛...不過食得都幾飽

我是理大職員，今天(4月13日) 我在群英閣用膳，真係一肚氣。當時我與朋友到達午膳，我們坐好後，職員前來斟水。當時我和朋友表示要熱水，該名男職員轉身時竟說：「又唔早d 講」。我們難以置信這樣小的要求也會受到如此對待，只好當自己聽錯。之後，又是同一名職員來落單，他問我們「要紅湯還是白湯，要甚麼餐﹖」我和朋友選了午餐後，他便走開，然後拿了一紅一白的餐湯來。但，當時我們根本還未點湯﹗當時和朋友一起，不想掃興，所以選擇忍了這口氣。但我認為這種服務態度完全是不可思議。之後，和另一位理大職員談起，他也提及有一次在群英閣用膳，餐飲要求好立克，侍應的反應是：tea or coffee﹖如果餐廳沒有好立克，為甚麼不直接向顧客說明，而是用這種詐作聽不見的態度﹖坦白說，理大附近食肆林立，也沒必要花錢來受氣。唔使旨意我以後再光顧。

同班大學朋友仔lunch去,嗌左好多籠點心,樣樣都好好味呀! 蝦餃外皮煙un, 蝦肉彈牙爽口; 燒賣豬肉質感佳; 春卷香脆; 海鮮燒餅煙un有面粉香; 椰汁紫米糕連出名的糖水鋪甜品鋪都冇呢度造得咁好; xo鳳爪入味; (免費的)紅豆沙煲到出沙, 勁多紅豆.... 今次係第二次食, 水準keep住不特止, 仲好味過上一次黎( 都幾耐吓啦)而且好抵食, 5女一男賣單$250, 每人給返$42蚊就可以嗌好多碟食得好飽飽!! 畢左業都絶對會返黎食~~!