胡爐 (已結業)

心血來潮想打邊爐，搵到厚福街呢間火鍋店，食材真係好新鮮，好少放題可以食到咁高質數，性價比極高。有不同鍋底選擇，我地揀咗「惹味雞煲」店員未放低個鍋，已經聞到好香濃雞煲味。仲有豬手同醉鴨鍋底都好吸引，下次可以試下。「至尊拼盤」真係不得了，海鮮勁新鮮，有海蝦．帶子．蟶子都係我最愛😍最意外連鮑魚．冬菇．鮑片都有得食🤗「和牛．牛舌心．黑毛豬豚肉」肉質鮮嫩，烚完都唔會靭。「手工丸」真心好食，啖啖都真材實料，尤其是「手打蝦丸」蝦味濃郁勁爽口🤤+$38仲有汽水啤酒任飲，想唔捧住個肚離開都幾難😋餐廳環境舒適，仲有VIP房間，絕對係同朋友聚會嘅好地方👍🏻

H8的食店真係多到不能再多，不過我次次都係食日本野、西餐，又或者係串燒多，我反而唔知呢度原來有打邊爐。正是上次來才看到有人來過，就試下個質素，原來呢間胡爐係集團，喺大陸都有分店，似乎幾勁，相信質素應該唔差。胡爐似是走精緻路線的火鍋，但地方都幾舒適，又有靚私人房，我今晚就同家人食飯。同阿爸阿媽去有咁嘅arrangment幾好。來到選鍋底，有雞、鴨、豬手選擇，我地分兩枱，要左兩個鍋，選了雞同鴨，豬手太多肉。我最愛雞煲，勁惹火，辣辣地，雞又大件。然後我有海鮮拼盤，好高質素，你知有時海鮮可以好普通，真心幾好，最好食係扇貝同鮑魚。牛有幾種，相對海鮮就無咁出色，但當然都幾好。最後任食有好多嘢食畀你選擇，我覺得最開心係有薯粉同丸類，以咁嘅水準每人都係$300多少少。值得同朋友食下，同家人更適合。

最近媽媽講起，覺得平時吃火鍋，散叫有點貴（媽媽的慳家本色）。我記得尖沙咀的火鍋店胡爐最近推出了火鍋任點任食，每位$238起，任食兩小時，我就book了跟媽媽去食！雖然是任食，但質素絕不遜色！除了火鍋，還有煲吃，有三款選擇：青麻辣豬手煲、惹味雞煲、胡爐醉鴨煲，平日其他店多數只有雞煲，我們今次選了鴨煲，味道沒有雞煲濃味，但相對多一點鮮味，酒味都好香，調味甜甜地，鴨肉嫩滑！豆腐卜和枝竹都好吸味！送了2份佛跳牆給我們，鮑魚溏心又彈牙，還有大大塊的花菇，值回票價！之後就可以加湯打邊爐！海鮮拼盤相當吸引，有大大隻的扇貝和鮑魚，還有蜆和刀貝！海鮮十分新鮮，鮑魚好爽口彈牙，扇貝好鮮甜！另外的牛拼盤都非常高質，有澳洲和牛和牛舌，牛肉好新鮮，肥瘦均勻，好軟稔！牛舌淥十幾秒就食得，好爽口，好正！份量一點都不少，質素相當好！另外還有自家製的丸和餃，雲吞、魚皮餃、水餃，全部都大大粒，餡料好豐富！任食的配料都好多種類，推薦蠔，超大隻新鮮！其他都不錯，菜都新鮮！整體來講任食質素很不錯，尤其是牛和海鮮，食得好飽，下次會再來！

話說今日又興起想食雞煲，於是就搵到尖沙咀胡爐呢間雞煲火鍋店，提一提，佢哋唔止淨係雞煲，仲有豬手煲同埋鴨煲任君選擇！開頭每位都會先附送一份佛跳牆，炆得十分之味！以上煲物三選一，之後都會包時令海鮮拼盤，胡爐牛拼盤以及招牌手工丸拼盤，食完唔夠喉，佢都仲有30多款食任食打邊爐，絕對係物超所值！海鮮拼盤都好豐富有蟶子、蝦同三種貝類，啱啱拎上枱蝦仲係識郁嘅，可見啲海鮮真係好新解，貝類食落好甜口，蟶子十分之大隻，蝦都好爽口。跟住我哋就開始食佢嘅肥牛拼盤，牛肉入口即化， 牛香十足，牛脷就爽口得多！之後我哋就食丸，呢個手工原丸拼盤三款都係好有驚喜，墨魚丸加入左松露，食落多左陣香氣，牛肉丸裡面係有芝士的，食落爆醬，蟹籽丸都十分彈牙！食埋佢呢個餃子拼盤其實都已經去到有七成飽，餃子皮薄餡靚，細細隻好易熟，食落香氣十足！之後我哋就繼續打邊爐，種類都算多，由於前面都食到飽飽地，我哋淨係簡單點左幾樣總括嚟講，咁嘅價錢性價比實在十分之高，另外每位都會有雪糕送上，加38蚊就可以汽水任飲！同埋佢哋嘅服務都係好好，不斷幫你換碟添水！好值得嚟試下！

五月份，天文台錄得同期有史以來最高的氣溫，許多地區達到三十六、七度，熱到阿媽都唔認得。如果去到七、八月，閒閒地過四十度喇~然而，三十度又好，四十度也好，亦唔會阻止香港人打邊邊既決心。有冷氣丫嘛，使乜驚喎！呢晚，一行四人又去吃火鍋，仲要係雞煲，配料任點任食嗰隻。食咩煲都好，混醬是指定動作，生熟蒜、辣椒與蔥花，悉隨尊便。胡爐醉鴨煲，以及惹味雞煲，吃辣不吃辣的，自己對號入座。前者的酒香不太明顯，所以雞煲會比較岩重口味的筆者。食到咁上緊，可以加湯打邊爐了，大家還是主攻充滿花椒辣椒的雞煲煲底。由海鮮拼盤開始，蟶子淥一陣即可，爽嫩味道佳。蜆肉與帆立貝，也來得新鮮。還有海蝦，大家都讚肉質彈牙。漲卜卜的廣島蠔，是值得追加的項目。香港人打邊爐又點可以無牛肉呢?! 可是，今次的澳洲和牛，牛脷芯，也及不上軟腍而油花滿溢的豚肉，真心推介。餃子有三款，分別係魚皮餃、鮮蝦雲吞，以及XO醬帶子餃。當中最特別的是後者，查實是一小粒的珍珠帶子釀入豬肉餃之內，有趣。丸類都是手打，黑松露墨魚丸和蝦丸都好彈牙，前者有濃郁的松露醬香氣，好此品者不要錯過。食些少娃娃菜及粟米懶健康一下，飽到上心口。餐後仲有杯雪糕送，我選的蜜瓜口味

之前都來過呢間餐廳打邊爐, 上次來比我感覺除咗餐廳係高級單點之外, 仲覺得D食物好有質數, 今日再來係因為見到 openrice 有人介紹出咗半放題, 仲只係 $298, 所以當然要來試試 坐低後侍應介紹有3個煲選擇, 除咗常見雞煲之外, 仲有青麻辣豬手, 胡爐醉鴨煲, 而朋友話想試醉鴨煲!來了個小食 - 迷你佛跳牆, 用料都落重本, 有鮑片同鮑魚, 細細份, 為開餐前醒醒胃食物好快上枱, 鴨煲充滿鴨嘅羶香, 酒味唔算濃, 但我覺得好有新鮮感, 唔需要局限住只有雞煲佢地個鴨煲湯底帶點微甜, 入面除咗鴨件仲有豆卜&枝竹, 索咗湯底嘅味, 真係非常之好食!之後再有時令海鮮拼盤, 牛拼盤同手工丸拼盤, 鮑魚超大隻! 牛拼盤就有澳洲和牛, 牛舌心, 黑毛豬, 我就好喜歡食牛舌, 鍾意佢夠爽口, 但打邊爐食牛舌就較少, 估唔到都咁正! 至於和牛, 牛脂分怖好均勻, 食落好林身手工丸拼盤都有好多款式, 蝦丸非常彈牙, 芝心丸係用牛肉做, 好重牛肉味, 入面重芝士! 泰皇鮮蝦雲吞入面加了少少泰式醬料, 我最鍾意XO醬帶子餃, 蝦同樣彈牙又混咗好味嘅XO醬!我地仲叫咗手切肥牛, 原以為會係好普通嘅牛,

雖然天氣越嚟越熱，不過作為火鍋愛好者都會繼續去搵不同嘅火鍋食下。呢間位置喺厚福街嘅樓上火鍋鋪，食法係做中上價位嘅單點火鍋店，不過見佢最近搞緊個半放題優惠就去試試。半放題套餐包一個煲底同埋一個拼盤，煲底有三款揀(雞煲/麻辣豬手煲/醉鴨煲)，見雞煲好似較常見，自己又唔太食得辣，就揀左較少食到嘅醉鴨煲。煲底都算幾足料，醉鴨都幾多肉而唔算柴，配埋醬汁都惹味，但就食唔到酒味，只得豉油醬汁味。跟餐嘅拼盤都好豐富，有澳洲和牛、牛舌心同黑豚肉，再加埋時令海鮮拼盤同丸餃拼盤，每樣都夠精。另外其他食材方面，雖然話呢度係半放題形式嘅任點，但係食物質素都算幾新鮮，肉同丸類都唔會出現溶雪唔夠嘅情況。職員態度好親切，做得好落力，不過美中不足嘅係可惜全餐廳嘅員工唔太夠，令到有部分點菜有漏單。同埋原來任飲汽水要另外加$38就相較其他火鍋店有點貴。

飽到一個點😝今晚同老公黎li間火鍋店食左個好正好抵食嘅雞煲+火鍋🍲. 記得li度本身其實係做啲走高檔路線嘅單點火鍋, 而家有半放題即刻抵哂(識食一定係weekday $298最抵)! 最讚嘅係啲野食依然咁高質lorrr👍🏻 •個menu頭3 part都係半放題包左, 睇下個單點火鍋料都非常之吸引又唔貴, 下次多啲人一齊食真係可以點下.•雖然$38就有任飲, 但我估應該飲唔到咁多, 一人一罐檸檬紅茶都夠.•由於唔想辣親個仔所以揀唔辣嘅雞煲, 好多件雞!! 雞肉夠哂嫩夠哂入味, 推介!!•食哂啲雞肉叫店員加湯先😋. 海鮮拼盤好新鮮呀, 蝦, 蟶子, 蜆....正. 然後落哂d丸同餃等佢慢慢滾起, 最想食嘅涮涮和牛, 牛舌, 黑毛豬瘋狂淥ing, 估唔到li個長方形嘅盒啲肉嘅portion咁大份, 牛脷, 和牛片濃濃嘅牛香真係可以無限食!! •食食下俾粒爆漿芝士牛丸淥親🤣好正呀d芝士勁流心! 食得出D丸全部都係手打真材實材.•任點火鍋料有成32款揀呢, 當中有雞柳, 廣島蠔, 豬頸肉... 可惜我地已被個盤和牛拼盤KO左, 只係追加左響鈴, 唐生菜, 紅薯粉, 豆腐... 飽^^•

今晚行經厚福街避雨時，與其乾等，我們索性上「胡爐」醫肚！搭升降機直上16樓，開門即見大大個招牌！食肆裝潢典雅，據聞以為是單點放題，近來才改為更抵食的半放題。雖然任食，但食品質素感覺不變！半放題每人$298，可自選煲底和任點火鍋料，加$38則飲品任飲！由於我們不好辣，所以就揀了惹味雞煲！雞肉嫩滑，跟其他火鍋店相比，它更沒有碎骨的麻煩，食得放心！半放題包時令海鮮拼盤，五款海鮮，當中有我至愛的蟶子！除了海鮮，還有胡爐牛拼盤；當中有牛舌心和黑毛豬豚肉外，最估唔到半放題竟然可食到澳洲和牛，一碟更有成5-6塊呢！手工丸餃拼盤有墨魚丸、芝心丸、雲吞等，每款一粒，畀我試勻六種口味！指定拼盤外，由於個胃還有空位，我們再點了幾碟火鍋料，廣島蠔我們更encore又encore呢！埋單每人$369.6，最後嘆埋海鹽雪糕，就滿足地離開！

一直都想去吃吃😋見到口碑都幾唔錯👍🏼之前一向係以單點形式，最近居然推出咗半放題，而食物仲好高質 🥳最平嗰個時段只係＄238 ～抵食喎～如果經社交平台訂位，一坐低每人會有一細碗仔佛跳牆💗入面仲有小鮑魚添～正👍🏼然後就係「先煲後鍋 」，有3款煲底揀 ，包括惹味滑雞煲、風味醉鴨煲、青麻辣豬手煲～我哋揀咗醉鴨煲一煲熱就已經香噴噴，鴨件份量好多👍🏼酒味就唔算太出，入口非常嫩滑又惹味😝咁大一鍋食下食下居然俾我哋食晒然後加湯準備火鍋了💗呢個半放題包咗幾款拼盤：「新鮮海鮮拼盤」丶「手切胡爐牛拼盤」同埋「自家製手工丸餃拼盤🥟」，雖然1 round only，但係份量都唔少，食晒依啲基本上都超飽～而且質素仲好好👍🏼海鮮拼盤有5款海鮮，全部都好新鮮！鍾意食肉嘅朋友，碟「手切胡爐牛拼盤🐮」都好夠看頭，裏面有澳洲和牛丶牛舌心丶黑毛豬豚肉🥳我最鍾意澳洲和牛 ，肉質好細嫩～口感好唔錯另外仲有30+款任點火鍋料，當中居然有廣島蠔任點，肥嘟嘟又好鮮甜，好正🥳 牛控仲可以可以再點美國肥牛片，肉汁豐富都好嫩。而飲品方面，啤酒汽水任飲嘅話+＄38，咁多嘢食我哋應該飲唔到幾多，所以就單點 +每罐/每枝＄18，罐裝有冬瓜茶，最啱

《胡爐》火鍋店，一向都是走👍🏻高級單點火鍋路線，食開評價都是高質見稱，今次推出半放題，當然要試試！火鍋三部曲😅😅 1⃣️～先自選個煲底(惹味雞煲)，香味撲鼻 雞件沾滿醬汁，滑而多肉，辣度剛剛好，加埋多種配料，所以雞件特別惹味和入味🔥🔥! 2⃣️～至尊拼盤(時令海鮮5款)肉質鮮甜又爽口，夠哂新鮮，可惜有少許沙，有點美中不足😅！(胡爐牛拼盤)澳洲和牛、牛舌蕊和黑毛豬豚肉，薄切易熟，肉味濃😋！(手工丸餃拼盤)手打丸特別爽口👍🏻，黑松露墨魚丸，味道濃厚突出！而餃類味道都很特別，配搭新穎，值得一試！3⃣️～三十多款火鍋配料，QR code 任點落單，夠哂方便👍🏻👍🏻！特別加送💁🏻‍♀️蠔皇鮑魚佛跳牆和大阪牛乳雪糕👏👏👏！

胡爐之前都間唔中會食 因為真係好鐘意佢d黑松露配料同湯底 今日經開H8發現做緊優惠 $298任食 平日湯底都要幾百蚊，所以都係多人食先去 出左放題 我地2個人決左上去食😆😆坐低就送左個前菜 係佛跳牆喔🤤🤤先自選一個煲 有雞 鴨 同豬手 ～最後我地要左豬手 佢叫青麻辣豬手煲，食落係似胡椒味又有點麻 啖啖肉勁多collagen🤤🤤而套餐包左海鮮拼盤 胡爐牛拼盤 丸餃拼盤 海鮮有聖子 蝦 扇貝同蜆 樣樣都好新鮮而胡爐牛拼盤係有和牛 牛舌心同黑毛豬豚肉 平時嗌e d都係幾百蚊 任食價錢有得食真心幾抵 雖然冇得任點 但都夠食最後係手工丸餃拼盤 有黑松露墨魚丸/蝦丸/芝心丸/雲吞/帶子餃/魚皮餃 我最最最最鐘意食黑松露黑魚丸 真係勁彈牙 黑松露味又濃 諗起都想食😋😋食完e d 已經好飽 所以任點食物 我只點左廣島蠔同海帶 係電子下單 我重remark左只要1隻蠔 結果真係只黎一隻 咁就唔會浪費食物嗌👍🏻👍🏻胡爐不嬲都好有質素 今次放題完全係平價食高級野 性價比高👍🏻

香港人真的跟火鍋割不開無論任何天氣也不離不棄的在烚！為食如我當然亦逃不過火鍋的誘惑魔掌啦！坦白説吃場有質素的火鍋絕不便宜，但我介紹得一定是性價比Very Good的。從來供應高質火鍋的胡爐以全新高質放題型式益食家，我這個火鍋粉絲當然要約齊腳去潮聖吧！餐廳內的裝潢走古色古香的中國風好骨子，而我們這夜安座於廂房之內吃得十分舒適。火鍋放題收費為＄298/位、星期五、六及公假前夕加多＄30/位，於120分鐘內任點任食超過30多款的火鍋生料，但如果您是早飯人便更加優惠了！只要於19:30前還檯即可以優惠價＄238/位、星期五、六及公假前夕19:30前還檯＄268/位享用火鍋放題(另醬料費＄18/位)打邊爐當然要有冰凍飲品只需＄38/位，便可無限暢飲啤酒、汽水、及樽裝茶飲。於FB訂上檯每位額外可獲贈佛跳牆和雪糕各一客，先來品嚐送贈的精緻佛跳牆，打開小盅蓋內裡有雲腿絲、鮑魚、螺片、花菇及菜膽，確是麻雀雖小五臟俱全很吸引。然後可在惹味滑雞煲、風味醉鴨煲、青麻辣豬手煲中三選一，如果像我們人多可以加＄98額外享用多一鍋，一於先吃煲後吃鍋雙重享受爽啊！另外除了30多款的任食火鍋生料外，每位客人更可得到至尊拼

朋友成日帶我去食好野，今次去嘅係一間食火鍋半放題嘅餐廳-胡爐🤤聽聞佢呢個半放題係最近新出嘅餐，每人$298，包左一個煲(雞、鴨、豬手，3選1)，由於我地兩個都未食過鴨煲，就決定一於試下落完單等緊野食嘅時候，店員送左兩碗佛跳墻比我地，第一次食感覺發現左新世界😹🥘一上台，個鴨煲好明顯好足料，除左鴨之外可以見到香芹、芫荽同香葉，鴨肉好嫩，就算食到最尾煮咁耐都唔會好鞋🐚時令海鮮拼盤：有5款海鮮，包括帶子、蝦、花甲、蟶子、大蜆(應該係?)，每款都食得出幾新鮮🐂牛拼盤：有和牛、牛舌心、黑毛豬豚肉，三款都好好食🥟手工丸餃拼盤：最好食係個芝心丸，牛丸外層包住芝士漿，熱食真係好jeng🤤至於任點火鍋料，因為上面果d加埋都唔少，所以只係點左少量野食，包括廣島蠔，肥牛，響鈴，紅薯粉，豬紅，全部質素都幾好食完曬所有野，店員仲送上左飯後甜品-雪糕🍦！我要左豆腐味，豆腐味濃而唔會好甜，perfect~店入面嘅裝飾好靚，而且座位好闊，無論係想打卡影相定同朋友聚餐都一流~

火鍋控的我知道胡爐做火鍋放題一定要去試啦，因為之前食過湯底同材料都非常正，首先三選一款煲底~惹味雞煲,青麻辣豬手煲,醉鴨煲食完煲再加湯食火鍋之後店員會送上5款時令海鮮拼盤~鮑魚,蝦,扇貝,花甲,蜆牛拼盤~澳洲和牛,牛舌心,黑毛豬豚肉手工丸餃拼盤~黑松露墨魚丸,手打蝦丸,芝心丸,泰皇鮮蝦雲吞,XO醬帶子餃,魚皮餃之後再有三十多款火鍋料可以用qr code 任點任食材料非常新鮮，7:30前每位都只是$238真係相當抵食，喜歡飲啤酒汽水嘅朋友可以加$38任飲，訂枱嘅朋友更有每人送一客蠔皇鮑魚佛跳牆同日本雪糕一杯~每樣野我都覺得好好食真心推薦