胡爐 (已結業)

原來尖沙咀厚福街間胡爐而家做緊半放題火鍋，梗係約埋朋友仔去試下，每位$298，食足120分鐘，三款湯底任選，仲有30多款火鍋配料任食，另外包左3款拼盤包括《胡爐牛拼盤》、《時令海鮮拼盤》、《手工魚餃拼盤》。 仲送咗個迷你嘅佛跳牆😊特色湯底有惹味雞煲、青麻辣豬手煲、胡爐醉鴨煲，我哋揀咗惹味雞煲，食完雞之後加湯就可以打邊爐啦。雞件相當鮮嫩，雞煲配料仲有大量洋蔥，蒜頭，芫茜，香芹等等，麻辣又有點洋蔥甜味，又麻又香又辣。《胡爐牛拼盤》有澳洲和牛、牛舌蕊、黑毛豬豚肉，肉切得厚薄適中，口感十分豐富， 和牛脂肪分佈平均又有肉汁，牛舌蕊嫩滑口感彈牙。《海鮮拼盤》有鮑魚、海蝦、帆立貝、大蜆，海鮮非常新鮮，蝦肉好彈牙，鮑魚夠曬厚肉， 大蜆完全冇沙。《手工魚餃拼盤》有黑松露墨魚丸、手打蝦丸、芝士牛丸、XO醬帶子餃 、泰皇鮮蝦雲吞，手打丸真係好正，尤其係蝦丸夠曬彈牙又有鮮味。任食的三十多款火鍋配料中， 最回本就係廣島蠔，非常大隻， 又夠蠔味， 其他配料點左鮮冬菇、芝士腸、日本蟹柳、唐生菜， 食埋之前三款拼盤已經好飽，另外我哋點咗38蚊任飲，每人都飲咗四罐飲品，非常超值！ 半放題火鍋之中水準好好，火鍋配料質素高

食麻辣雞煲好定食青麻辣豬手煲好？計我話，反正同幾位朋友食，要埋醉鴨煲就最好啦﹗之後再享用高級火鍋放題，吃到飽﹗ 這晚來到高質火鍋店胡爐，以$298元就可以食到雞煲，及任點任食高質火鍋2小時，經社交平台訂枱，仲會每人奉送佛跳牆一客及日本雪糕一杯添，記得要訂枱啦﹗(**另收醬料費$18及加一服務費)蠔皇鮑魚佛跳牆用料十足，鮑魚爽彈入味，螺片軟腍。3款煲底各有風味，每枱一煲，+$98 多選一款煲底，胡爐醉鴨煲是比較甜味的，鴨肉幼嫩，好適合不吃辣的朋友。 麻辣雞煲不是太麻，是帶點甜的麻辣，雞件多肉肥美而且好入味，越煲越麻辣，過癮。 青麻辣豬手煲有點麻辣感，除了豬手，更加入豬皮、豬紅、腐竹、豆卜、蒿筍等配料，青麻辣加上泡椒等，惹味又不會太辣，所以最後決用這個來做火鍋湯底。 放題已包括3款至尊拼盤，時令海鮮拼盤(5款)，今日有生蝦、蟶子、元貝、蜆、沙白，吃得出是即日鮮，全部都鮮甜爽彈，好高質。 胡爐牛拼盤(澳洲和牛、牛舌蕊、黑毛豬豚肉)，不吃牛的我，推介黑毛豬豚肉，肉味香濃，而且好爽口呢﹗ 手工丸餃拼盤，有黑松露墨魚丸、手打蝦丸、泰皇鮮蝦雲吞、XO醬帶子餃，另外，還有自製魚皮餃及芝心丸，真材實料啊

本地有間高級火鍋店，名為「醉胡爐」，要吃得飽飽，每人最低消費五、六百元，她有間姊妹店「胡爐」，同樣在尖沙咀，同樣高質，價錢卻親民得多，近月更推出任點任食，每位$238起，任食兩小時，FB訂枱還贈送佛跳牆和雪糕，抵到爛！鍋底共有三款選擇：青麻辣豬手煲、惹味雞煲、胡爐醉鴨煲，三款都很好吃，我有很認真考慮下次再來要選甚麼，想了很久都難分高下。吃完開始打邊爐，拼盤非常高質，包括自家製的肉丸和餃子、澳洲和牛，還有新鮮甜美的海鮮；之後有任點任食火鍋料，共有32款選擇，必須大力推介他們的美國和牛，牛肉味濃郁，肉質軟滑，啱晒我這位牛魔王！這是我近來吃過既高質又抵食的火鍋店，一定會再來。記得，任點任食只限尖沙咀分店咋！「胡爐」共有兩間分店，分別位於尖沙咀及銅鑼灣，不過任點任食則只有尖沙咀店供應，不要去錯。此店位於厚福街H8，中式裝修，很有格調。看這「任點任食」的點餐紙，寫得很清楚，1是鍋底，2是拼盤 (按人頭只出一份)，3是任點任食，共有32個選項，4是加錢火鍋料，有更多美食選擇，如花膠筒、鵝腸、安格斯肥牛等。一、鍋底青麻辣豬手煲惹味雞煲胡爐醉鴨煲三款鍋底都試過，「青麻辣豬手煲」微辣而惹味，豬手炆得夠腍

發奮圖強好少出去打邊爐，朋友阿陳話有間唔錯嘅邊爐要試下，呢間叫醉胡燒一行八個人，兩枱包左個房試下呢度嘅邊爐。呢度有幾款煲俾你選擇，青麻辣豬手煲，醉鴨煲同雞煲你選擇。幸好我哋人多可以試到兩個煲底。先講醉鴨煲，好得，味道一流。加上另一選擇，雞煲又係勁惹味。第二round 係個個海鮮拼盤，海鮮真心多，而且新鮮。又有牛肉，豬肉，同牛舌拼盤。加上一個迷你佛跳牆，有鮑魚，好入味。打邊爐就有好多菜式可以選擇，都幾好食，我都幾滿意。今餐食完，就要減肥了，發奮圖強，加油。

之前和寶寶到過同一集團的另一家食肆，是位於尖沙咀的「醉胡爐」❗️就是前幾天聽朋友介紹這裏轉了半放題形式用餐，今天來尖沙咀這邊購物，順道來這裏試試新的半放題火鍋🤓此分店雖然比「醉胡爐」小，但這裏有兩間可容納兩張四人桌的房間😲如果8個朋友/同事訂桌，這間房間就剛剛好了🤩而且古色古香風格一點也不輸蝕👏🏻屏風、掛畫和擺設都帶中國特色✨整體氣氛不錯💕一點也不像火鍋店😆今天星期日收費是$298 一位❗️星期五、六及公眾假期前夕另加$30～價錢包含：三個火鍋拼盤（海鮮、肉類、丸類）➕32款任點任食火鍋食材❣️🥢現在轉成火火鍋放題後，還可以另加$38可享啤酒及汽水任飲❗️邊吃火鍋🥢邊喝點小酒🥃，挺寫意的❣️火鍋鍋底有三個選擇❗️惹味雞煲、青麻辣豬手煲及胡爐醉鴨煲🍲最後我們選了➡️惹味雞煲雞煲醬汁香濃惹味😋醬汁跟雞件混合得很均勻🤓雞件剛剛炒起即上桌，熱騰騰的♨️入口嫩滑，口感彈牙結實❗️雞件每件都十分入味💕☺️幸好雞也不算大隻，份量剛好❣️不然我們兩個人吃完雞煲都已經飽了🤣享用完多麼入味的雞件，我們便請職員倒湯，開始火鍋了🤩至尊拼盤乃是時令海鮮拼盤❗️拼盤包含五款時令海鮮🦐我今天的是⬇️鮑魚、蜆肉、貝、扇貝及海蝦❗️款款新鮮🌟貝類

惹味雞煲。四人份量嘅雞煲相當足料，雞肉嫩滑入味，洋蔥稍為中和下唔會太鹹。花椒、辣椒乾令雞肉辣辣哋刺激食慾，加埋各種香菜，成個煲名副其實好惹味。食完雞煲，加個湯底又可以打邊爐。時令海鮮拼盤。有5款時令海鮮，鮮鮑魚、扇貝、花蛤同鮮蝦，全部都好鮮甜，尤其係鮑魚。胡爐牛拼盤。有澳洲和牛、牛舌蕊同黑毛豬豚肉。澳洲和牛甘香有牛味，牛舌爽口彈牙，黑毛豬肥瘦均勻又爽口。手工丸餃拼盤。黑松露墨魚丸、手打蝦丸同芝心丸各4粒，泰皇鮮蝦雲吞、XO醬帶子餃同魚皮餃各4粒。丸類彈牙，蝦味同墨魚味濃郁。餃類都唔錯，個人尤其鍾意魚皮餃，個皮煙煙韌韌咁好有嚼口，餡料都好味。原本只係單點式嘅火鍋，而家變陣做半放題，大部份火鍋料都係任叫。唔單止日本蟹柳、魚片頭、牛柏葉、芝士腸等，美國肥牛、豬頸肉都係任食，支竹粟米豆腐金菇菜類更加唔使講。總之就會食到你好滿足。每位加$38仲汽水啤酒任飲添。

經朋友介紹之下，今日就來到尖沙咀「胡爐」進膳。原來這間餐廳本身是高級單點火鍋，聽聞現在雖然做半放題，但食物質素不改，依然高質，非常欣賞👍，就決定嘗試一下這裏的火鍋吧！店舖內依然有單點食物，種類繁多，但是今晚我們選擇了半放題，分別分為3個程序。第一個程序先來一個「胡爐醉鴨」，起初還擔心酒味過重，幸好沒有。鴨肉肉質嫰滑，配料有：豆腐卜、萵筍等。正想進食時，突然店員每人贈送碟鮑魚炆冬菇，真有驚喜🤩第二個程序來一個「至尊拼盤」有：鮑魚、蝦🦐、扇貝、貴妃蚌及蜆，整體新鮮。還有「牛拼盤」包括：澳洲和牛、牛舌蕊及黑毛豬豚肉，切得夠薄，灼數秒便可吃，肉質細嫩，濃厚肉味。另外還有手工丸餃拼盤，黑松露墨魚丸、蝦丸夠彈牙，若能大一點更能滿足食慾。鮮蝦雲吞有濃烈的香茅味，味道特別，帶子餃餡料有帶子及肉碎，皮薄餡飽滿。第三個程序任點火鍋料來到這部份開始感到有些飽意，但仍然努力地💪叫了響鈴、豬頸肉、金菇等火鍋配料。整體環境和食材不過不失，若能飲品能任飲會食得更開心🥳

少有打邊爐嘅地方咁有格調燈光昏暗 裝潢甚有韻味之前哩到無放題 依嫁有啦首先喺三款煲入面選一款青麻辣豬手煲 麻辣雞/鴨煲毫不猶豫地叫咗雞煲 BB辣然後會按人頭送海鮮拼盤裡面嘅扇貝、海蝦、蜆、蠔都算新鮮另外仲有一個牛肉/肉丸餃子雲吞拼盤牛肩肉絕對無唔馬虎 好好味黑松露肉丸、蝦丸 味道都令人好難忘期間仲有三十款火鍋配料任點而飲品方面 可以加$38任飲啤酒或者罐裝飲品所以都幾抵食 平日去每位都係$298係食物質素方面 同之前一樣保持水準雞煲味道似層相識係正宗重慶麻辣嘅味道好惹味 切雞件份量不少每件雞都十分入味 辣得好過引因為雞煲汁味道濃郁 所以加入清湯後準備打邊爐時都仲保留到重慶麻辣嘅味道而看似三十款配料唔夠咁但叫落好多好豐富 好夠食待應熱情 招呼周到 良好嘅經驗 下次一定會再嚟

今日又相約咗朋友到尖沙咀，夜晚去咗餐廳林立嘅厚福街食晚飯。 據朋友所講，呢間火鍋店“胡爐”一向只有單點，依家新開始做埋半放題，又即管睇下呢個“胡爐”又賣咩野藥！先點個胡爐醉鴨煲，一送到枱面香氣撲鼻，材料除咗紅椒、乾葱、蒜蓉、豆瓣醬等，亦加入咗香茅同檸檬葉，唯一小心係個煲比較容易黐底，要間中攪拌一吓。每件鴨件都非常入味，並且散發住清香酒味。完成鴨煲部份，店員就會加入清湯打邊爐，先送上嘅係至尊拼盤，包括時令海鮮拼盤(有海蝦、帶子、生蠔、鮑魚、蜆)同胡爐牛拼盤(有澳洲和牛、牛舌蕊、黑毛豬豚肉)。 海鮮生猛鮮甜有咬口，牛肉亦件件肉味香濃夠厚切。 再嚟就係手工丸餃拼盤(黑松露墨魚丸、手打蝦丸、泰皇鮮蝦雲吞、XO醬带子餃)其中泰皇鲜蝦雲吞同带子丸格外出眾，XO醬味不論聞還是咬落口都非常澎湃。食完咁多肉肉後，當然要order 返啲蔬菜平衡一吓(娃娃菜、唐生菜、粟米)。 除此之外亦有唔少火鍋配料可以選擇：墨魚鬚、廣島蠔、芝士腸、炸魚皮、美國肥牛等……全部可以無限任點。甜品有雪糕！最終埋單每位$298+30(因為星期日所以要加錢)，半放題都做到咁高質，掂！

限聚令，4個人緊係喂喂喂打邊爐啦！今次就撰咗尖沙咀一間半放題型式既火鍋店！原來本身餐廳係做開單點，雖然依家做半放題型式，但食物質素仍然保持高質👍🥰惹味雞煲雞肉嫩滑入味，再加上有干泡椒同花椒，麻得黎又帶點辣味，十分惹味可口😋時令海鮮拼盤有蝦，鮑魚，扇貝，花甲，蜆打邊爐加埋海鮮，湯底即時都變得鮮味😆胡爐牛拼盤澳洲和牛-牛味重，有嚼口牛舌蕊-好爽口黑毛豬豚肉-薄片，好快熟，但又唔鞋，唔錯手工丸餃拼盤味道唔錯，爽口彈牙仲有好多任食配料，如響玲，豆腐，支竹，蟹柳，牛柏葉，粟米🌽等等我哋仲每人加咗$38任飲汽水或茶，飽到上心口🙈

呢間港式火鍋店原本係做開單點 價錢都中高價但呢排新推咗半放題$298 食完雞煲有三款拼盤送 再任點火鍋配料😻+$38任飲啤酒汽水 一開始煲底有雞煲 豬水煲同醉鴨煲揀 我地揀咗雞煲雞煲好濃味 再加上辣椒花椒 好惹味 食到後尾覺得鹹咗少少 雞件入味 雞肉嫩滑好快就加湯打邊爐🤣 +$18任加醬料呢個一定要加架啦🤣 冇醬料點打邊爐～ 不過佢嘅豉油好出色唔會死鹹一開始送咗三款拼盤 其實食呢啲都夠飽海鮮拼盤海鮮好新鮮 帶子淥完都唔會縮水 仲好鮮甜😻 蜆都冇沙 蝦又多肉又鮮甜牛拼盤有澳洲和牛、牛舌芯同黑毛豬豚肉黑毛豬好正 口感夠爽又唔油 仲正過牛手工丸餃拼盤手打丸都好出色 煙韌彈牙 粒粒都好足料其餘嘅任點配料就QR code落單叫咗少少試 質素都正常都冇伏 不過都食唔到好多 已經飽到出汁🤰🏻

之前黎過食單點火鍋，勁高質，個花膠雞煲一再令我回味，今次幫襯，發覺轉左半放題火鍋，比起單點更抵食！送的胡爐牛拼盤勁好食，食得出好重牛味，貴野牛舌芯入口即溶，睇細字先發現原來有一碟係黑毛豬肉，食落勁嫩海鮮拼盤好新鮮，真係聞到海水味的感覺廣島蠔竟然係任食list有得叫，size仲無將貨就價，回本之選呀手工丸好明顯都食得出係心機貨，手打彈牙，唔同一般機製丸。惹味雞煲好辣好麻，唔食得辣的朋友記得叫走辣呀！加湯打邊爐就正！叫到成台都係餸，送餐好快！用qr code落單好方便每人仲會送一杯日本雪糕🍦圓滿一餐

呢間原本係做開單點火鍋，主打高價位邊爐市場，但最近就轉左做半放題式，而且又有三樣煲揀，所以就去試吓佢😆每人$298，就有自選一款煲底，有雞 鴨 豬手揀，我地就揀番穩穩陣陣既惹咪雞煲算🤤啲雞上枱嘅時候就已經差唔多熟，只要再煮翻滾就可以食得，當我地將啲雞炒吓嗰陣，個煲既香味已經爆發出嚟，啲汁完美咁將雞包住，果然夠哂惹味🤤🤤，而且啖啖肉，唔會嚿嚿都係骨咁😆我地叫咗小辣，不過都係覺得有啲辣🥵但有麻既感覺，所以都食得過癮😚食完雞煲就到打邊爐環節，一開始已經送上咗三款拼盤，主要分為肉 海鮮 手工丸餃👍🏻，份量十足，尤其係肉類拼盤，澳洲和牛切得非常厚身，充滿肉感，但一啲都唔難咬😚😚黑毛豬豚肉肥瘦分明，睇啲色澤都知係靚野，肉質鮮嫩，豬油香豐膄😍海鮮貝類為主，而啲蝦非常彈性而且好鮮甜，而手工丸餃最令我驚喜，尤其係蝦丸，爽脆彈牙，味道又鮮甜，係我食過最好食既之一，墨魚丸都夠足料，但略嫌啲黑松露味有啲搶，唔係太啱我食😂雲吞佢哋加咗啲泰式元素落去，好似有啲冬蔭公味，都幾有新鮮感😋食埋啲拼盤，其實都差唔多，叫多少少配料都已經夠哂喉😝呢度雖然轉左做半放題形式，但啲配料仍然高質，啱哂叫埋啲frd一齊嚟食👭👭

尖沙咀胡爐依家晚市有半放題餐啊～一向食材同湯底都高質😍尤其係牛肉同海鮮🦐食完雞煲 就可以加湯打邊爐🍲另外仲有豬手煲同鴨煲選擇雞煲小辣 雞肉嫩滑 加埋芫茜 洋蔥🧅炒香不得了海鮮同牛肉拼盤份量係固定左 不過好夠食如果肉肉控都唔洗擔任 因為任點配料都有肥牛 豬頸肉等等架 有3x款配料都係任食的。.海鮮拼盤有大蜆 鮑魚 海蝦 帆立貝 生蠔🦪樣樣都咁新鮮 大蜆肉非常鮮甜多汁 鮑魚爽口彈牙牛拼盤有澳洲和牛 牛舌蕊 黑毛豬豚肉🐷牛舌蕊牛味香濃 帶點爽口 同雞煲湯底都幾夾可以唔洗點醬料已經好夠味❤️

又是個吃火鍋的日子，這次的地點是位於尖沙咀厚福街食廈 H8內，環境古色古香的「胡爐」。這火鍋店最近推出了一個「半自助任點任食火鍋餐」（星期一至四 $298/位，星期五至日 $328/位），在限時120分鐘內，顧客可以在三款特色煲底中自選一款，然後在超過三十款火鍋料中任點任吃，店舖還會奉送包括「時令海鮮拼盤（5款）」、「胡爐牛拼盤」和「手工魚餃拼盤」在內的「至尊拼盤」讓客人享用。雖然這「半自助火鍋餐」是不包一些要另外單點的火鍋料，好像安格斯肥牛、BB象拔蚌、鱈魚花膠筒的，但即使散點這些火鍋料，價錢其實也不貴，更何況，單只是吃那「至尊拼盤」和任點火鍋料，已經相當豐富，對我來說，根本完全不用另叫單點的火鍋料，已經可以吃得飽到撐，捧腹回家了。三款特色煲底，分別是「惹味雞煲」、「青麻辣豬手煲」和「胡爐醉鴨煲」。「惹味雞煲」較為常見，不太特別，「青麻辣豬手煲」我又怕它太辣和膩，「胡爐醉鴨煲」就最適合我了。其實這「胡爐醉鴨煲」的酒味不太濃，吃不出多少醉的感覺，不過湯底味道可還是濃郁的，鴨也下得甚多，一點也不吝嗇。那些鴨髀、鴨件、鴨肉經沸騰的熱湯浸泡後變得肉質軟熟易嚼，加上其他配料，挺豐富的。「時令海