胡爐 (已結業)

天氣開始涼快打邊爐當然又係一個唔錯嘅選擇，久不久就會同朋友轉下口味，今晚就同朋友上了這裡，位置就腳方便，質素唔錯之餘，私隱度又高，人多還有房間選擇，而望了個餐牌點了個濃湯佛跳牆雞翅鍋，店員推介這個外還有份手切頂級安格斯肥牛，加多個椒鹽鮮魷，等了一陣濃湯佛跳牆雞翅鍋就上枱，如果就個依個鍋嘅份量同材料來說，真係份量十足，上面放滿了材料，有爽口彈牙嘅翅在嫩滑雞上，當中還有彈牙爽口鮑魚，充滿膠質嘅花膠，湯底鮮甜，只是飲湯都十分入味！當湯滾時，店員為客人剪開雞成雞件放便入口！椒鹽鮮魷，炸得十分香脆可口，一啖鮮湯一口彈牙煙韌嘅鮮魷，正！而手切頂級安格斯肥牛都十分大份，上面嘅脂肪紋理清晰，在鮮湯底拖兩拖就可以入口，肉質嫩滑軟熟夠晒肥美！除此之外追加了xo 醬鮑魚蝦餃王，同香菇韮黃帶子餃各半份，兩款餃子都十分大隻，個人較喜歡xo 醬鮑魚蝦餃王，吸收了湯底嘅味道，加埋彈牙嘅完隻蝦肉，咬開夠晒口感味道十足！香菇韮黃帶子餃，韮黃味道濃郁，香菇煙韌彈牙，加埋鮮味帶子口感都唔錯！起初擔心唔夠食，但邊食邊講，加埋個超正湯底多飲幾碗，真係夠飽！

來到尖沙咀，今晚想食火鍋，來到厚福街的胡爐。現在雖然疫情放緩，但還是四人限聚令，餐廳的間格，就令我食得放心。 濃湯佛跳牆雞翅鍋$398 要了個餐廳推薦的濃湯佛跳牆雞翅鍋湯底，有海參、鮑魚、仿翅、津白、瑤柱仔、火腿、雞件、翅邊、海螺片及花膠…等，皆因材料豐富，所以湯底份外滋補清甜。第1次食火鍋有海參，啖啖肉帶點爽口，正！鮑魚有2隻，正好每人一隻，新鮮又鮮味。花膠份量很多，好像食極都還有，都是帶點爽口的花膠，認真抵食。還有很多雞件，嫩滑清甜，整個濃湯佛跳牆雞翅鍋，好味抵食份量多，超正！廣島蠔$88廣島蠔，都算大隻，入口軟滑有蠔味，有8隻，每隻脹卜卜肥嘟嘟的，好抵食。白鱔片$148白鱔片切得很薄，肉質看落透明透明的，份外誘人，白鱔片很新鮮，鱔味頗濃，自調的辣醬汁，令白鱔片味道更鮮味。至於火鍋，我都愛有個青菜，唐蒿是我的首選，唐蒿很嫩，吸收濃郁的湯底，爽中帶腍，清甜美味。再配上個汽水，今餐食得滋補又美味。

今次第三次食胡爐，胡爐俾我既印象係「湯底」，因為湯底係未試過令人失望，係驚喜不斷!!之前試過龍蝦海鮮鍋、鮮椰青雞湯都好飲到不得了。直頭係飲左大半煲湯先開始打邊爐。今次試濃湯佛跳牆雞翅鍋湯底$398，十分足料。一打開蓋，湯是奶白色的，鋪了滿滿的翅，內有五六舊又厚又大的花膠、五六塊排翅、五六塊螺片、半隻雞(起碼)、兩隻鮑魚、海蔘。個湯飲完係lim口的!!!同埋飲完係唔口渴!!!我同朋友就咁食湯料已經非常滋味!! 湯料撈極都仲有，非常滿足。我同朋友都各飲左3碗湯先開始打邊爐，很補身。手切頂級安格斯肥牛(小) $228肉與脂肪分布平衡，輕輕淥4、5秒已經可以食，牛味濃郁，厚薄適中，口感一流。黑松露芝心手打牛丸半份 $58咬開芝士流心，黑松露香濃，牛丸彈牙。手打墨魚丸半份 $48爽口，食到粒粒墨魚。厚切萵芛片 $58翠綠、厚身、新鮮，食下去爽爽地，又索哂個湯底。

朋友介紹來到慶祝我的生日飯，據說形容為一間有皇帝級湯底，皇后級配料的火鍋店，高質至此，要提早放工應約到尖沙咀厚福街H8。一出電梯，店內的中國風裝飾設計，屏風與古燈式的擺設襯托，播放著中式音樂，加上座位闊落，環境已感受到那份高質體驗。生日大哂自然由我發板~金翅花膠乳鴿湯 $328今期限定的滋補養顏火鍋湯底，一見張相已經唔駛點選擇，一分錢一分貨，材料豐富得驚人，花膠、黃金素翅、金華火腿、日本南瓜及原隻乳鴿，既賣相吸引又足料非常，上檯第一時間飲頭淡濃湯，金鍋配上金翅黃花膠黃乳鴿，擺盤氣勢不凡，難怪是本店獨有的限定火鍋湯底，乳鴿肉嫩鮮美，淨係湯料已經溫飽了秋冬的寒冷感。黃金炸魚皮$88外層咸蛋王實在不得了，厚厚貼在脆魚皮之上，大廚上黃油的技藝於卜卜脆口的魚皮中盡顯功架，是成為等待著金鍋滾起之時的一個必點小食!手切頂級安格斯肥牛$228上檯精美吸睛，鮮紅色肥牛條紋平均，優質頂級安格斯水準肥瘦均勻，用濃湯滾一滾已可入口，質感軟綿肉味又重，完全對得住呢個高質價錢的一份必食推介。黑松露蟹肉餃$68 半份講得出係招牌水餃一定唔可以錯過，雖說喝只有三隻不多，但其香味足料是少有的自家水餃類，黑松露與蟹肉控少

朋友最近有抗疫疲勞，忍唔住要約我相聚一刻，秋天天氣乾燥又涼爽，最適合就係打邊爐再飲返一個滋潤湯底。我今次就揀咗尖沙咀，shopping 之後去咗 H8嘅《胡爐》，大家食過都覺得好滿意。濃湯佛跳牆雞翅鍋 $398中女三寶之一就係養身 ，把麻辣暫時放埋一邊，一於聽店長推介食返個佛跳牆 。食物質素高價錢唔算貴，鍋上枱已見到真材實料，物有所值。雞翅鍋有大量名貴食材鋪面，鮑魚、海參、大件厚身花膠、魚翅、嫩雞；細心的擺盤很精美，先飮一碗雞湯，清甜美味。然後我哋再把火調細，慢慢品嚐鍋中之物，足料的湯底每一口都充滿骨膠原，未打邊爐已經滿足了一半。本來乾燥的喉嚨立刻得到滋潤。老友鬼鬼 $78即叫即炸老友鬼鬼，入口非常薄脆，蝦膠味香濃，沾上特色醬汁，味道更加突出，不油膩，必食開胃小吃。手切頂級安格斯肥牛 $228小的價錢已經大大碟，肉色紅嫩，雪花脂肪分布平均，入口即溶口感鬆軟，口腔裏面充斥着濃郁的牛肉味道，湯底夠清更加可以吃得出牛的原汁原味。黃金墨魚丸 $52丸丸 提議可以叫伴份，人少少都可以試多啲款式唔同口味。新鮮手打墨魚丸 口感零舍不同，非常彈牙有口感，再加上黃金咸蛋黃充滿鹹香， 層次豐富。黑松露芝士

依家工商廈多咗好多有質素嘅食肆，唔係朋友介紹都唔識黎搵食，原來呢間喺厚福街大廈入面1嘅「胡爐」，係近日重開番嘅。胡爐裝修好中國宮廷風格，裝修典雅配合木製傢俬，多一份溫暖親切感。我地嗌左餐廳推介嘅金湯鴿翅花鍋，感覺滋補又養生。乳鴿補肝壯腎、益氣補血、又清熱解毒，肉質嫩滑。花膠同金翅份量好多，落重本，感覺食完人都靚D。湯底好好飲，有老火湯感覺，食野前忍唔住飲左兩大碗。飛驒A5和牛肉眼超高質，油脂分佈好均勻，入口即溶，又有油脂嘅香，好正！冰豆腐同打邊爐係絕配，整舊豆腐索滿晒湯底，好味！雜菇拼盆食材新鮮，又可以每款試少少！食到最後，試下D南瓜肉，好驚喜，超軟淋又綿，煲到南瓜蓉咁，好香甜。今晚食得開心又滿足，個湯底超讚，期待餐廳再推出特色湯底。

又到Happy Friday，涼涼地打邊爐啦，尖沙咀中，朋友特別鍾意養生湯底，又想靜靜地傾偈，呢間唔錯。外觀同裝修好有中國特色，店面不大，不過坐得舒服，有兩個房間，乾淨企理。金翅乳鴿鍋 全窩金黃色好吸引，面層原隻乳鴿，蓋上金黃翅身，湯底好清甜，乳鴿肉嫩多汁，花膠大件爽口，湯我飲足4碗，唔會口渴。黑松露芝士手打牛丸牛丸外層質感非常彈牙，口感爽身，內裡包著黑松露醬加芝士，好惹味。萵筍厚切後顏色翠綠，煮熟後變得精瑩通透，口感爽脆，清甜多汁。酥炸午餐肉午餐肉炸得香脆，口感鹹香，直食都好味。竹蔗茅根水 清熱解毒，滋潤又解渴。

最近秋風起，總是想相約朋友打邊爐。是夜便到厚福街H8試試胡爐！我們點了店員推薦的金湯鴿翅花膠鍋，賣相太吸引了！原隻乳鴿鋪滿了粉翅，加上南瓜海味湯，湯頭是金黃色的，而且喝一口湯頭很濃甜，除了有很多滑嘟嘟花膠、排翅，也浸滿了鮮甜瑤柱，所以湯甜惹味得很，令我們忍不住未打邊爐先喝上兩碗湯！不過沒想到這個湯的亮點竟然是乳鴿和南瓜！乳鴿熬湯後仍有鴿味，而且有調味過，所以啖啖肉。而南瓜則越煮越入味，令湯頭更濃，南瓜味更甜！之後便開始打邊爐了！紐西蘭羊肉片份量很多，而且肥瘦適中，羊肉味濃，有少許我喜歡獨有的羶味，加上食起來有口感，味道很好！而紫菜炸響鈴亦是推介的，響鈴很大捲，浸湯後半酥半鬆化的口感太好味了，紫菜令味道提味不少，而且吸收了鮮味乳鴿花膠湯的精華，真是令人滿足的邪惡美食！我們也點了牛骨牛汁丸和手工雲吞各半份，餐廳很多配料也有一份和半份之分，很貼心，令我們可以選擇更多！牛骨牛汁丸爽口，牛味很濃，又有爆汁效果！不過會有少許膩感，食兩粒已經很飽了！而手工雲吞很大一顆，包著兩隻蝦和豬肉餡，很豐富，而且蝦仁也很彈牙鮮甜，皮薄餡靚，質素很好！最後，我們點了油麥菜，份量也不少，油麥菜很新鮮，是我打邊爐的必

今日難得有時間，約了家人吃火鍋，這間位處尖沙咀，交通方便。金翅乳鴿鍋湯底濃郁，清甜中帶有乳鴿香，底層原隻半個日本南瓜，托起原隻乳鴿，頂層條條金黃金翅，賣相吸引，花膠大件又爽滑，湯都飲到3碗。牛胸爽第一次試牛胸，口感非常爽脆，感覺像膠質，口感好特別。香菇韮黃帶子餃餃子饀料滿滿，一咬有韮黃香，帶子粒鮮甜，爽口彈牙。紅薯粉吸收晒湯精華，爽口又彈牙。竹蔗茅根水 清甜解渴店內有房間，私隱度高，環境乾淨企理，抽風做得好，正

呢排天氣涼浸浸好舒服，最啱就打下邊爐喇！呢度位於尖沙咀厚福街一大廈入面，lift 門一打開，就見到中國風嘅設計、擺設、屏風等等...隔間四四正正咁。侍應介紹我地試吓個金湯鴿翅花膠鍋，話真材實料，一定無介紹錯喎！見大部份係貴價食材，一於豪下啦！個鍋真係超足料呀！侍應建議先飲兩碗湯先，真係清甜好味。湯底：原隻乳鴿，餚左好耐都依然又甜又嫩滑。鍋面個pat 金翅份量好多，橙金色好靚，有咬口。花膠有成四、五舊大大舊，厚肉又養顏。居然鮑魚都有隻，煙韌鮮甜。大南瓜令到湯底好香甜，南瓜肉入口又綿。蘇格蘭聖子：大大隻，鮮甜爽口桂花蚌：新鮮鮮味，入口好滑鮑魚：煙韌又鮮味。今晚真係大滿足！高質食材同服務，樣樣都好正！

每次黎食 火鍋湯底都唔會失望❤️食過龍蝦湯底🦞 冬瓜花膠雞湯 都覺得好足料好正今次終於到期待已久既金翅花膠乳鴿湯😍個湯一黎到 嘩一聲 係乳鴿上面舖滿左金黃色既素翅湯底仲有大量花膠 女士養身必備。乳鴿底下舖左半個南瓜🎃 咁岩我同朋友都係南瓜控 食得津津有味 全部清晒😂成個湯底都好清甜 建議湯底黎到煮滾後先飲返半碗💙.黑毛豬豚肉色澤好靚 望落仲有少少似牛肉紋理鮮明 唔會切到好薄 咬落有口感 大大碟半肥瘦剛好 就算煮耐左都唔嚡口 肉質嫩滑 抵讚👍🏻.手工魚皮餃大大粒 咬落啖啖肉🤤.皇帝柱貝墨魚丸彈牙 有淡淡墨魚香 加左柱貝增加左口感同鮮味 2人食既話可以點半份咁就可以試多啲其他唔同既嘢了。.呢個湯底真係無得輸 未試過既一定要試下😋

表妹極力推薦嘅胡爐終於試到啦，真係第一次用濃湯佛跳牆雞煲做湯底打邊爐~原來真係超正😋👍👍絕對真材實料，我地兩個人基本上食完煲入面嘅料已經飽了一大半😁 佛跳牆煲入面有~鮑魚，大大舊又有好多嘅花膠，一梳梳嘅魚翅，螺片，海篸，雞，金華火腿，瘦肉……個湯超級清甜好飲頂級霜降牛肉粒~牛肉粒脂肪分佈均勻，油花非常細密，鮮嫩多汁👍👍韭菜餃~皮薄多菜少肉😋雲吞~大大隻嘅蝦又有大地魚香味😋見個湯底咁正再叫了個稻庭烏冬~烏冬好正不過真係太飽食唔曬，下次要叫多兩個朋友一齊去食可以試多啲其他嘢~真係正到冇朋友

晚上朋友帶我來到呢間尖沙咀胡爐，店員先在門口位置幫我地探熱，更為我哋吱上消毒酒精，食得衛生安心。濃湯佛跳牆雞翅鍋，入面材料實在，份量不少，有雞肉、花膠、鮑魚，海參等，熬出黎湯底特別鮮甜。鵝腸$98:非常肥美厚身，浸完湯底，爽脆美味﹗牛肉的拼盤$388:拼盤款式好多，有牛舌芯、安格斯手切肥牛、極上手切牛頸脊、牛胸爽、霜降牛粒，自己最鐘意牛頸脊，牛肉嫰滑濃味。而牛胸爽白色一片，係牛胸腔肋骨中間軟骨部份，所以不會肥膩，反而爽脆彈牙﹗冰豆腐 $48:吸晒湯底精華，一咬爆晒濃郁湯汁。

晚上和友人來到尖沙咀厚福街8號H8覓食，整棟H8都有好多餐廳，呢次選擇16樓胡爐。餐廳裝修有中式古典懷舊感覺，環境優雅舒服。點了$398濃湯佛跳牆雞翅鍋，入面有大大件厚肉花膠，仲有鮑魚，海參，花膠素翅同埋雞肉，湯味極鮮甜﹗入面半隻雞，所以雞肉份量好多，雞肉嫰滑﹗雜菌拼盤$78:有不同菇類，如秀珍菇，冬菇，金菇，雞脾菇等，加入湯底，令濃湯添有香濃菇味。牛肉的拼盤細$388:牛肉款式好多，份量不少，更重要係牛肉味好濃。桂花蚌$138:桂花蚌厚肉爽口，舌尖感受到海水咸鮮甜味~

近日疫情稍作放緩，小妹就相約好友出嚟補足佢嘅生日啦。友人係一名火鍋控，所以對打邊爐有一定嘅要求嘅。我今次就揀咗位於尖沙咀H8嘅「胡爐」試吓啦，好友都對我今次嘅選擇十分滿意😆「胡爐」嘅賣點係高質火鍋湯底，係名符其實可以飲嘅湯底😋我地今次就揀左濃湯佛跳牆雞翅鍋，一上台就俾個座翅山同兩隻鮑魚吸引住，另外仲有佛跳牆唔少得嘅海蔘、雞件、花膠、金華火腿同大白菜🥬。記得記得係打邊爐之前要先起碼飲一碗足料嘅高質老火湯。講真淨係食佛跳牆嘅湯料都已經飽咗一半。但嚟得打邊爐又點可以唔叫火鍋配料呢，我地都叫咗幾樣野嚟試吓嘅。西班牙黑毛豬豚肉片 $188一客都有成10幾片，仲要塊塊都係微厚切嘅，唔會好似出面咁薄切到透明。仲要雪花分布平均，唔會有肥膩感，反而係爽口又豬味濃郁👍手工雲吞 $58 / 手工干貝帶子餃 $52「胡爐」另一樣必試之選記係哩到嘅手工餃，粒粒飽滿又足料，每粒雲吞入而都有原隻鮮蝦加上彈牙嘅豬肉餡，勁滿足。哩到仲可以叫半份/全份，人少嘅咪可以叫半份試多幾樣野。