臨家麵館

营业中

休息中

荃灣大壩街不嬲都好多野食，今次經過見到呢間餐廳係未見過既，就入去試下啦！原來入面係食台灣菜既，主打麵類🤤🤤不過湯麵就唔係好多款選擇，有紅酸湯(餐廳獨創)、沙茶湯同蕃茄濃湯。既然紅酸湯係餐廳獨創咁就緊係要試一試下佢啦！我同朋友就分別叫左紅酸湯魚片台南扁粉同醬滷豬軟骨沙茶米線，跟住仲加左一份台南鹽酥雞。等左5-10分鐘左右紅酸湯魚片台南扁粉就率先上菜，唔知點解覺得呢個金色碗好有韓式既感覺🤣🤣試左啖湯先，少少酸少少辣，但味道十分融洽且柔和，唔會有任何一邊搶風頭，飲飲下仲非常之開胃添，蕃茄味亦唔會太突出，所以唔食蕃茄湯底的人都可以一試。魚片肉質細膩而富有彈性，食左幾舊都冇細刺，可以安心食用🤣👍🏻除左魚片之外都有其他配料係入面，例如旺菜絲、野菌菇，十分豐富。台南扁粉雖然望落去好似河粉，但食落去都有啲唔同，係香港食開既河粉一夾就好易碎較滑嫩，而台南扁粉就比較爽口彈牙，好食💯跟住到醬滷豬軟骨沙茶米線，豬軟骨超～大舊，而且食落去肉質鮮嫩，入口即化，每一啖都食到豐富既肉汁，令人感到十分滿足同幸福！沙茶湯十分之鮮甜，飲落去有少少辣辣地既味道，都是不錯的。最後就到台南鹽酥雞，熱辣辣大大份好抵食🉐食落去外皮酥

麻辣米線就食得多🧐呢間既麵好特別，湯底有香港少見既沙茶、獨家自製紅酸湯🍅，麵底有台南扁麵，好多都未食過🐮滑牛肉片沙茶麵 $48喺香港好少食到沙茶湯底既麵🔍，沙茶味濃郁♨️，感覺有啲類似沙嗲味，要左台灣麵，我地都中意呢類粗身啲有咬口既麵🍜💓滑牛份量好多，而且麵算幾滑🤌🏻，另外加咗大腸（$10）🐷，又係份量超多，而且入味，唔錯🍅紅酸湯本地新鮮崩沙腩台南扁粉 $65呢間個紅酸沙係獨家製，喺香港真係未見過😲係用蕃茄加香料發酵而成🍅味道酸酸地好開胃🤤，無咩辣味，呢個湯本身仲有大量肉碎、旺菜絲、野菌等，另加大大隻虎皮鳳爪($10)，唔會「梅」，而且幾吸湯💦，牛腩肥瘦均勻，唔會「Un」🌶️麻辣蒜泥五花腩片 $32有好多塊，每塊都有麻辣味，配埋蒜蓉食正呀🧄可以一試👌🏻🐮新鮮牛雜 $52有牛筋、牛肚、牛腸，用新鮮牛雜有誠意👍🏻無奇怪腥/羶味，不過份量再多啲會開心啲😂overall:呢間既麵都好好好大碗😂淨係食麵唔叫小食都好飽，欣賞佢啲麵都有野菌(羊肚菌等)，配料份量好足有誠意，而且湯底、麵款都係香港比較少見，推薦

今晚又約了朋友在荃灣吃晚飯。朋友表示日前行經大壩街時，發現又有新餐廳。於是來了這間新開的「臨家麵館」嚐嚐新。據悉他們的沙茶麵頗為出名，所以點了一碗試試。麵底有4款選擇，選了台灣麵，粗身帶煙韌口感，很掛湯。沙茶湯底入口有花生香味，味道濃郁。豬軟骨肉質燉至軟腍入味，有醬油鹹香。除了豬軟骨，還配有豬肉碎、旺菜絲、野菌菇等，非常豐富。另一碗就是紅酸湯底，餐牌介紹湯底要經過90天的釀造，似乎是心機之作。湯底附有大量蕃茄粒，酸香感十足。麵底配上台南扁粉，感覺跟金邊粉有像，同樣好索湯。豬潤質素不俗，但就未夠粉嫩。值得一提的是，2碗麵條的份量都好大碗，食到好飽！鹽酥雞外層炸至香酥，還帶有九層塔的獨特香氣。一小粒的size，一口一粒剛剛好。大腸的份量又是很多！口感軟中帶韌，有一點咬勁，咀嚼間充滿麻香，甚為惹味。配上一罐雪梨茶作解渴之用。

荃灣廣場旁邊的大壩街是一條集合多國菜的平民食街，港式、泰式、西式、越式、台式想得出的都有，所以真的很喜歡去那裡覓食。今天想吃台式。這間麵店是台南風味，我還是頭一次吃。他們以阿里山紅酸湯做招牌，用野生蕃茄發醇製成的酸湯，今次就試了紅酸湯海鮮台南台灣麵。酸湯非常鮮味，加上大量新鮮番茄粒粒，很開胃。海鮮配料有大蝦和魷魚鬚，蝦非常鮮味，魷魚鬚也很彈牙，麵條順滑，加上肉碎和菇等配菜，增加了口感和味道的層次。男朋友試了醬滷大腸沙茶台南扁麵，沙茶湯惹味濃郁，花生味很香，扁麵跟台灣麵一樣很順滑可口。看看差不多每一枱都有點鹽酥雞，我們也點了一客鹽酥雞和一客虎皮鳳爪。鹽酥雞很juicy 嫩滑，肉也醃得夠味，但又不會過咸，恰到好處。鳳爪配上生蒜粒，很新穎的配搭，蒜蓉控表示喜歡。

🚩臨家麵館全港首創阿里山紅酸湯‼️喺正荃灣廣場對面非常方便特別近排上咗咁多好戲｜可以食埋去睇戲〰️〰️〰️〰️〰️〰️〰️〰️〰️〰️〰️〰️〰️🌈醬滷大腸沙茶麵 $48超級濃郁嘅沙嗲味｜湯底微辣用咗圓轆轆嘅手工面｜非常有咬口大腸份量好多｜滷得軟淋入味食極都食唔完🌈紅酸湯本地牛雜台南扁粉 $55用新鮮蕃茄熬製而成有90日發酵工序｜所以食落酸味會較重台南扁粉類似於我哋河粉又係啲餸多個麵｜有齊牛肚牛筋牛腸🌈虎皮鳳爪 $32一吮就脫骨記得浸下湯吸滿汁會更加好食🌈台南鹽酥雞 $42新鮮炸起｜控油做得唔錯炸雞有保持到肉汁🌈西洋菜蜜 $8

呢日黎到荃灣西行街，離遠係大街見到間粉麵店新裝修咁，非常光猛，就去試下佢主打好似係阿里山酸湯粉，不過仲有唔同口味選擇全部價錢都唔貴，我地岩岩好17:20黎到仲有野飲送我話要影合照，老公小食廿幾三十零就有，估唔到份量都好足，呢個係虎皮鳳爪，比想像中辛辣，我要飲野送，但好惹味，我地食到一件不剩手拍青瓜都好入味，蒜香十足老公簡左沙茶湯豬軟骨跟台灣麵，佢話好掛湯，麵好有咬口同麵粉香我簡左蕃茄湯崩沙腩台南扁粉，似係河粉同瀨粉之間，無咁易斷，但都係淋d 軟身d崩沙腩果然係每日新鮮既，勁重牛味，有筋既爽脆，又有肉既淋香，而家佢勁多蕃茄/芫茜/雜菌，口感豐富，我非常喜歡

今日同男朋友喺荃灣睇戲見肚餓就入咗呢一間餐廳佢有好幾款唔同嘅湯底同埋麵底特別嘅就係有一個叫做台灣扁麵我就叫咗一個沙嗲鮮牛肉台灣麵佢同平時茶餐廳嘅沙嗲湯底唔同佢係成個湯都係沙嗲味 花生味好濃而牛肉都好新鮮之後男朋友叫咗個紅酸湯牛坑腩台灣扁麵其實就係好似扁咗嘅台灣麵我自己就覺得平時嘅台灣麵比較有咬口我男朋友話牛坑腩都幾新鮮除此之外，我哋都叫咗兩款小食其中一個就係麻辣牛腱 另外我哋仲叫咗個鹽酥雞最後食到勁飽

荃灣呢條街一向多野食，行過見到呢間食台南麵，喺香港真係好少見有台南菜，價錢唔算貴，所以入去試吓。台南鹽酥雞即叫即炸，熱辣辣，食落好正宗嘅台灣味道，外皮脆卜卜，入面d雞肉好嫩滑，唔錯。麻辣大腸大腸滷得好淋好入味，加上大量蒜頭同麻辣味一齊食，好惹味。紅酸湯魚片台南扁粉紅酸湯都幾特別，酸酸地，又幾鮮味，湯底入面仲有好多蕃茄，菇同肉碎，都幾足料，而d魚片非常嫩滑，份量都幾多。崩沙腩沙茶麵我地要咗台灣麵底，d麵好煙韌，吸收埋湯底嘅味道，好好味，個湯底味道非常濃郁，好香沙茶味，而崩沙腩煮得好淋好入味，肥瘦均勻，正。

好耐無去荃灣，shopping好去處，去到荃灣廣場附近見到間食台式麵新開，生意好不錯崩沙腩沙茶麵，麵底可選台灣麵、台南扁粉、台麵扁麵、米線，揀左台灣扁麵用麵粉製有口感，配沙茶湯底好夾，惹味有飽肚感，另外配菜有鮮豬肉碎、旺菜絲、野菌菇、蔥、芫茜，不喜歡的配料可走。阿里山酸湯粉，紅酸湯牛雜米線，湯好濃郁，酸味來自蕃茄，同港式酸辣湯好不一樣，我比較喜歡紅酸湯這款，清新醒胃；牛雜有牛肚、牛筋同牛腩，切到細細粒，份量都夠，食整都有！台南鹽酥雞，即叫即炸，熱辣辣，不過就唔算多肉汁；麻辣大腸好吃，麻辣汁好入口味。食左濃味野，配杯凍檸茶最好不過，清一清味蕾，解膩解渴。

這間位於荃灣的【臨家麵館】，主打台式粉麵，另有多款台式小食及飲品。崩沙腩沙茶麵麵底揀了台灣扁麵，沙茶湯底有陣陣花生香，而且帶微辣及海鮮甜味，扁麵彈牙，吸收了湯汁更鮮味，崩沙腩份量十足，而且肉質鬆化。腩肉餃子番茄紅酸湯扁粉扁粉似河粉但比河粉更有彈性且不易浸腍，湯底酸甜開胃，有些肉碎、芫荽等，十分香口惹味。麻辣牛展牛展炆至軟腍，而且有7-8件，全部都是厚切，表面灑上生蒜及辣醬更惹味。麻辣豬腸豬腸洗得乾淨，去掉中間大部份的油脂，略有咬口。

同朋友一齊嚟咗呢間麵店食個簡單午餐🤣$48「白菜豬肉餃沙茶麵」🤣$52「魚片沙茶麵」🤣麵底有幾款可以揀：台灣麵、台南扁粉、台灣扁麵、米線 🤣「沙茶麵」裏邊有配菜：鮮豬肉碎、旺菜絲、惹菌菇、蔥花、芫茜 🤣餐牌仲寫住《沙茶還是依照古早配方，由十多種辛香料和中藥組成，加入大量的老薑，如此一來，辛辣味變得較為溫潤》🤣「魚片沙茶麵」：揀咗「台灣扁麵」，軟腍腍🤣；有好多片魚片，魚片幾鮮味🤣「白菜豬肉餃沙茶麵」：揀咗「台灣麵」，幾煙靭🤣；白菜餃子🥟簡簡單單感覺踏實🤣$32「麻辣蒜泥五花腩片」：五花腩片薄切，加埋啲蒜蓉辣椒，辣辣哋，幾惹味🤣$52「新鮮崩沙牛腩」：炆煮得幾軟熟🤣新餐加 $8「熱奶茶☕️」：叫咗2杯，大大杯，熱辣辣，幾滑🤣真係食得好飽🤣

荃灣本身已有總店 都有唔少人幫襯 好似都幾好食前晚行完荃灣廣場見到新分店就去試下 ～見到餐牌選擇都唔少 望落好吸引 🔺酸湯本地新鮮崩沙腩台南米線 $65紅酸湯底由野生鮮蕃茄 封壇釀造90天自然發酵 整成獨一無二既酸味🍅湯底有羊肚菌 雜菇 肉碎 紅菜絲 芫茜新鮮既崩沙腩份量好足 真材實料炆得好軟腍帶筋 配埋紅酸湯好夾 食完大滿足🔺紅酸湯海鮮台南扁粉 $52扁粉好煙韌 份量好多女仔一個人都食唔哂🙈蕃茄湯底味道濃郁 有蕃茄 肉碎 羊肚菌仲有好多配料 重點係有好多海鮮！🔺麻辣大腸 $32大腸最重要係乾淨 有嚼勁又香又麻口感滷得入味 配埋主食好好食🔺手拍青瓜 $22口感好爽口 調味啱啱好 夠哂入味又唔會太辣🥒

今日晏晝陪姑媽出荃灣整野～跟住係附近搵食～發現有間新開既麵館好特別🐮紅酸湯本地（新鮮）崩沙腩台南扁粉$65配菜：新鮮豬肉、旺菜絲、野菇菌（仲有兩粒羊肚菌）夾在兩層筋膜中肉質嫩滑的崩沙腩，啖啖牛味～兩層筋膜炆到好腍，滿滿骨膠原既感覺台南扁粉第一次食～估唔到口感煙韌～正！阿里山酸湯都係第一次試～幾啱我口味🍅除左蕃茄香亦好重菌味～酸酸甜甜微辣好開胃過癮🐽醬滷豬軟骨沙茶米線$52配菜：新鮮豬肉、旺菜絲、野菇菌（仲有兩粒羊肚菌）、蔥花、芫荽沙茶湯底好香，米線係幼身，食落比較腍豬軟骨比較有咬口小食：🐥台南鹽酥雞$42炸得好香口，咬開有肉汁，唔乾，唔錯。虎皮鳳爪$32微辣超入味，一嗦脫骨，有生蒜芫荽係面，掂！飲品：兩杯凍咖啡～唔錯咖啡香濃，奶既比例都剛剛好。都好多人幫襯，店鋪光猛，店員姐姐好有禮貌。

市場上主打麵食的小店多的是, 要打造特式又出色真不容易, 今天在荃灣廣場附近就給我找到一家主打台灣特色麵的小店, 首先店內窗明几淨, 給人一種舒適閒逸的用餐環境, 菜牌有台南沙茶麵, 配上五花腩片、鮮肉碎、旺菜絲、野菌菇、蔥花及大量芫茜和麵底更可選扁粉、米線和粗幼麵, 用銅砵上台賣相認真可觀, 味道也頗新鮮和好味, 至於另一款阿里山蕃茄紅酸湯底魚片麵就更有特色, 微酸度令人食慾大增, 立即加個小吃麻辣厚切牛展和手拍青瓜抵食夾大件令我印象很深, 一於下次放飯再試其他麵餐。

餐廳位於荃灣西鐵站步行五分鐘左右, 整條街都是美食專區, 這餐廳是新開的, 帶台灣風味的粉麵店✨我們點了紅酸湯五花腩片台南米線🍜 我一向都喜歡食米線, 紅酸湯用上特產的野生蕃茄, 湯汁鮮、有點帶酸爽的味道, 份量十足, 配料十分豐富, 五花腩片、鮮豬肉碎、旺菜絲、野菌菇, 蔥花及芫茜, 店裏最特別是用上金色銅湯鍋, 熱力均勻, 米線夠爽、軟硬適中, 非常開胃, 越食越有食慾台灣紅燒牛腩麵🐮 是店家招牌人氣之選, 紅燒湯底濃郁, 獨家秘製的紅燒作湯頭, 牛腩口感富彈性, 肉質燜得軟腍小食台南鹽酥雞🐔 鹽酥雞完全不乾也不鹹, 正常水準麻辣大腸 滿滿蒜片加上麻辣椒醬, 建議食前先拌勻, 柔嫩可口, 肥而不膩的口感, 沒有騷味、邪惡又好吃飲品凍檸樂 (跟餐）餐廳簡潔企理, 價錢性價比高, 晚市時段坐無虛席