臺坊 (加拿分道) (已結業)

今日黎到尖沙咀工作，突然好想食鹽酥雞，就即刻四圍搵到邊到有台式餐廳，咁岩就搵到呢間「臺坊」。餐廳係正轉角位，大大隻字寫住「臺坊」好易搵。我4pm去到，依然坐滿晒人，睇黎都幾受歡迎，就等我試試先！呢到主打都係台式野食，講得出既台式食物呢到大部份都有。今日我就叫左鹽酥雞同佢推廌既黑糖仙草凍。鹽酥雞話咁快就黎到，雞份量都好多，仲有魯肉飯同滷蛋。先講主角鹽酥雞，炸得好脆，面頭唔會好多粉，而且亦唔會太咸，食落入面啲雞仲係嫩滑多汁，一啲都唔老。如果有得加七味味或梅子粉就滿分！魯肉飯唔會太濕，有次去台灣食成舊糊仔咁，令我對魯肉飯無咩好感，呢到反而好食啲！黑糖仙草凍，黑糖味都算出，食完咁熱氣既鹽酥雞食返啲仙草下火就岩岩好！埋單都係67蚊，有野食有台式野飲，好抵！

平時見勁多人幫襯諗住試下啦，點知。。嗌左個$57鹽酥雞肉燥飯，唔單止好細份，啲飯仲要有啲勁硬😅鹽酥雞好大陣油味同好鹹...另外加$6嗌左杯小麥胚芽奶綠，但唔係平時飲開果陣味🥲🥲🥲而且而家疫情期間，啲筷子同羮係就咁放係個筷子盒度，好唔衛生😅不過都冇下次嫁喇～

經開尖沙咀，去食左呢間台灣野。女朋友叫左個鹽酥雞肉燥面，雞係新鮮炸，唔錯個面冇乜特別，同其他餐廳差唔多。我就叫左個豬扒冷面，青瓜幾新鮮，個面幾開胃，可惜嘅係塊豬扒有少少生。最後，叫左杯水蜜桃紅茶，店員好細心，問我需唔需要少冰少甜味道我覺得幾好，唔會太甜又有茶香味，值得一試叫左幾樣野 Total 119蚊，價錢合理$$有少少野，覺得可以改善嘅係環保♻️。係相中都見到，呢間餐廳係選用一次性即棄紙碟，同膠匙羹，但筷子🥢並唔係用即棄嘅😹所以希望餐廳可以唔好用即棄嘅餐具同碗碟。

星期日下午我在準備返回「西貢」看韓國電視綜藝節目之前，先在「尖沙咀」「厚福街」裡面光顧台灣牛肉麵食店「臺坊」，本來期間「臺坊」「牛肉麵」會有類似「牛肋腩」的「牛肉」食材。不過我在詢問過「臺坊」裡面的店員之後，就感到有點失望，因為原來「臺坊」「紅燒牛肉麵」裡面使用的「牛肉」，未必屬於我比較期待的「牛肋腩」，而是有可能是「牛𦟌」。加上「臺坊」本身廚房沒有製作「牛肉飯」，只有「肉燥飯」或者「牛肉麵」，所以我最後只好無奈地，改為享用「臺坊」的「胡麻醬」「鹽酥雞冷麵」。反而「臺坊」餐牌裡面可以供食客選擇的手調台式飲品，比較合乎我對台灣手調飲品的口味要求，不單只有「珍珠奶茶」、「冬瓜茶」跟「蜂蜜柚子茶」，我還發現到可以享用「水蜜桃紅茶」。結果我最後很快就決定好，選擇了享用「臺坊」「鹽酥雞冷麵」跟「水蜜桃紅茶」，只是「臺坊」侍應當時卻告訴我，需要先在收銀櫃檯付款購票。原來「臺坊」是奉行快餐店的銷售方式，食客需要先付款購票，然後找餐廳裡面的餐檯座位，然後坐下耐心等候「臺坊」的侍應送餐過來。無疑我曾經有擔心過「臺坊」廚房店員製作食品「鹽酥雞冷麵」，跟手調台式飲品「水蜜桃紅茶」，實際上需要的時間不短，可能

之前聽到同事介紹，就黎試左呢間位於厚福街街角嘅台式小店，眼見店鋪坐位不多，相信店鋪主打外賣☺️·🍛鹽焗雞絲肉燥飯(HKD 54)雞絲食落似是用了雞柳，肉質較滑身，有點入口即溶的感覺，份量都足夠，但就不太食得岀有鹽焗的味道，比較清淡。肉燥足料，唔算太油膩，伴飯食剛剛好😜•🍝鹽酥雞冷麵(HKD 57)同事就試左鹽酥雞冷麵，鹽酥雞鬆脆可口，但略嫌炸粉太多，冷麵配合胡麻醬都幾好味，旁邊亦配有青瓜等配料，令冷麵帶清新感覺。·🧋珍珠奶茶(跟餐+ HKD 6)跟餐價錢黎講算幾抵👍🏼而且可以自由選擇甜度，珍珠咬落煙煙韌韌甜甜地，整體都幾好飲😋值得一讚係店員服務態度好好，有禮待人對於整體服務好重要！！而且細細間鋪亦有街景睇，在繁忙嘅工作中，令午飯時間都可以有一絲喘息的空間😝

而家晚上既尖沙咀開既餐廳真係唔多見到有間近街邊叫臺坊既外外賣店 無得點揀既情況下試一試直入主題首先蛋餅份量好夠同好味 只係賣39蚊 做主食都仲得但冷面唔冷 暖暖地 這個扣分 口感都唔太好 咬落好粉鹽酥雞好夠味 份量唔算多 CP值中規中矩香辣牛肉面 這個真係要彈我想要既係香辣 而唔係單味一個字 係食得出佢只係不停加左超大量花椒油全程味蕾麻左 嗅覺都係花椒味 這個真係唔多掂唯一亮點就係有3舊牛肉唔算少 肉質都食得落口 肥瘦適中但就係衰在好麻 好麻 好麻 麻麻麻麻麻麻大致上係咁

在openrice落單,預計16:00自取點知原來15:26就整好擺咗成半個鐘一早整好都唔緊要，點解唔打嚟通知呢、16:00去到拎，店員都下意識摸一摸外賣熱唔熱☹️叫個幾次外賣，呢次真係好唔滿意

厚福街太多人，所以今日就行多兩步，黎到位於街角嘅臺坊，店位細細，但選擇都唔算少架!!💚炸豬扒肉燥飯豬扒大大件，佔咗便當盒嘅3/4，炸粉好薄，食落唔會好油或者成口粉，扒嘅厚薄適中，肉質嫩滑之餘仲有少少肉汁。肉燥甜甜地，加上少少菜甫增加口感，配上白飯一流!!!💚蒜汁雞絲冷麵呢度嘅雞絲唔係平時嘅雞胸拆肉，而係用咗雞柳條，肉質嫩滑，加埋蟹柳、青瓜、蒜汁同秘製辣椒油，辣椒油嘅辣之中帶有花椒味，撈埋蒜汁同冷麵嘅味道超夾!!💚鹽酥雞炸得香脆但仍然保持嫩滑嘅肉質，炸粉薄，椒鹽味唔算好重，整體黎講好味但未至於有驚喜。💚芝士肉鬆蛋餅餅皮好薄但少咗台灣蛋餅嘅煙韌，蛋嘅厚度仲厚過餅皮，芝士肉鬆呢個組合基本上冇乜好挑剔，上面嘅醬多翻少少就更好!💚小麥胚芽奶茶💚小麥胚芽茉香奶綠兩杯嘅茶味都比較重，個人認為奶綠比奶茶出色，綠茶底嘅茉莉香好重，可以一解炸物嘅油膩感。味道: 🌕🌕🌕🌕🌘服務: 🌕🌕🌕🌖🌑環境: 🌕🌕🌗🌑🌑價錢: 🌕🌕🌕🌕🌑

🏠臺坊麻辣雞絲冷麵🌶 💰$54鹽酥雞 💰$36黃金芋圓波 💰$35吞拿魚粟米蛋餅 💰$39佢哋嘅麻辣麵食落去唔會太辣，對於只可以食小辣嘅我黎講就啱啱好啦🤗加埋d青瓜同埋蟹柳一齊食超清新🌱尤其值得讚嘅係佢哋嘅芋圓波💕💕超香外脆內軟🤤🚅 尖沙咀/尖東地鐵站 B2出口 👣步行約3分鐘

新開張位於尖沙咀既呢間台灣菜，性價比都算好高，但味道同裝修設計就一般般🤫 首先，餐廳牆上面掛滿左台灣風景相，加上對住冷氣風口位，啲明信片會吹到飄飄下，雖然個idea幾特別，但考慮衛生問題，啲塵埃可能會飛落食物，覺得麻麻～ 食物方面，揀左熱門既紅燒牛肉麵，味道中規中矩，啲牛肉都算淋身入味，而雞絲冷麵就比較平平凡凡，不過唔會難食～ 反而嘢飲方面，黑糖鮮奶凍就幾唔錯，加上另加飲品價錢的確好實惠～ 總結可以一試，但未至於特別推介～

尖沙咀某街角開左一家台食, 食物選擇都多。肉燥味味道不錯, 鹽酥雞都OK, 香脆的。仲有個黃金茄子都夠脆口。可惜個蛋餅有點點失望, 味道較淡。胚芽奶茶都不錯, 好多胚芽, 正常台式奶茶味道。

尖沙咀近厚福街附近有間台式便當餐廳【臺坊】，面積吾係好大但見到d嘢食好正宗，就同朋友入去試下。😍Order咗鹽焗雞絲肉燥飯、炸豬扒冷麵，飲品要咗百香果蘆薈綠茶同埋珍珠奶茶，另加小食炸花枝丸。😋鹽焗雞絲肉燥飯真係好好味而且好方便食，因為d雞起曬骨淨係雞絲撈埋肉燥飯食，有唔同嘅口感。😋炸豬扒拉麵嘅豬扒就好鬆脆，外脆內軟，冷麵就好彈牙而且好爽口，配埋d青瓜蘿蔔絲食感覺好refresh，特別值得推介係個炸花枝丸，超級彈牙同埋有魷魚嘅鮮味。😋兩杯飲品就傳統台式飲品，珍珠奶茶d珍珠好qq，百香果蘆薈綠茶就可以有一種解暑嘅感覺。😋如果下次再想食台式便當又去開尖沙咀，我一定會再嚟食。👍

呢晚又喺老婆上堂嘅日子，無飯開，唔想又快餐店，想試吓啲新餐廳，聽朋友講晌「厚福街」有家小店新開，賣台灣嘢，都有啲質素，所以，是夜就晌呢一家「臺坊」搵食。餐廳就位處「加拿芬道」同「厚福街」交界，即喺以前「許留山」個鋪位。餐廳裝修簡約，講得喺小店，地方唔會大，一眼望入去，左右兩排單邊位，一共10個位咁多，所以，餐廳另一主要收入來源就喺賣外賣，用餐期間，確喺見唔少人嗌外賣。 雖然店鋪細細咋，但賣嘅食物款式都唔少，如台式小食、台式蛋餅、冷麵、飯品、牛肉麵及飲品，而小食及飲品都可以以優惠價加配。枱上放有辣椒醬及餐具，餐具都喺放晌木盒內，較開放式擺晌枱上衛生，不過，都喺要自行清洗或消毒一下好啲。黑糖仙草凍加珍珠 +$15故此，小弟就加配一杯「黑糖仙草凍」再搭多份珍珠，先飲一啖，茶底不俗，入口芳香，慢慢滲出黑糖嘅清甜，而晌奶茶內浮浮沉沉嘅仙草及珍珠，前者口感滑溜溜，後者煙韌有咬口，令整體多添趣味。鹽酥雞冷麵拌胡麻醬 $57平常晌台灣鋪食牛肉就多，所以，今回改改食冷麵，一來天氣仲有啲熱，二來好想食鹽酥雞，配冷麵小弟就覺得最好不過。麵條以台式便當嘅竹紙盒裝住，感覺既環保，又有台式風味。初時，以為就咁配鹽

之前同事叫過呢間炸豬扒 食過一啖覺得味道可以今日就試吓佢啦！用熊貓app買滿$80就有折炸豬扒冷麵 其實都想叫返朋友嗰隻炸豬扒但係我唔知叫咩名 所以叫錯咗第二款 第二款都OK嘅 裏面啲肉都好軟嫩 但係近冷面嗰一面呢啲表皮就冇咁脆 但係其他位都好脆嘅👍🏼冷麵都正常發揮OK嘅炸花枝丸叫咗個炸花枝丸 所以冇期望就唔會有失望 期望比較大 但係都係普通⋯見到係有花枝粒粒嘅⋯但食落去同裏面啲麵粉都係同一個質感 因為覺得呢啲應該都係一批來貨咁樣嘅（曾經買過一包包嗰啲味都係類似）所以裏面味道唔算好濃 建議出面撒少少椒鹽或者跟返一啲醬料（咁岩公司有泰式辣醬 點一點味道即刻好食好多🤣） 鹽酥雞 裏面都唔柴嘅 似係雞髀肉 滑滑地 但係覺得裏面可再濃味啲啲啲啲🤣 （因為要遮下啲雪藏味哈哈）欣賞佢返到公司都係熱辣辣嘅但係嗰杯黑糖仙草凍就麻麻哋 其實都預咗都得哈哈

豬扒嘅份量好足外層嘅炸粉好薄，咬落質地好酥脆😋要讚一讚嘅係佢脆得黎又唔會好乾，咬落去依然juicy肉燥嘅味道表現正常，食落唔會過鹹撈埋白飯一齊食係幾過癮.鹽酥雞一共有五塊，份量正常外層嘅炸粉厚薄適中，所以食落去都好脆✨雖然肉汁比起豬扒相對無咁juicy但整體表現都係唔錯~麵嘅質地幼細，食落偏軟，配上肉燥乾拌亦係不錯的選擇.花枝丸一共有五粒，大大粒咬落去可以清楚咁見到有墨魚粒，十分足料😍而佢外層嘅炸粉依然係好薄，咬落去幾彈牙之餘，仲聽到‘卡卡’脆聲🙆‍♂️🙆‍♀️.我地仲加左一杯奶綠（6蚊）奶綠飲落甜度適中，而且有淡淡的清香🌿配合埋胚芽，口感唔錯