舍 (已結業)

每隔一段時間就要約閨蜜聚下💕今次選左 SHÈ 舍 x gülsha 下午茶套餐粉紅色賣相勁吸睛🥰每人仲有一份 gülsha 護膚套裝及禮劵(價值$420)!有得食又有新產品試，閨蜜就最開心🥳第一次黎「SHÈ 舍」都有D難搵原來係連卡佛入面，一入餐廳就聞到陣陣的玫瑰味，好似入左玫瑰🌹花園咁😍店員介紹先知原來全場噴濕器都加左 gülsha 玫瑰水，唔怪得咁香噴噴! 🥳今次 High Tea 除咗可以試 gülsha 玫瑰水之外仲有 gülsha 研發 10 年的矜貴【gülsha 晨露純玫瑰花蜜精華霜】，gülsha 為達到最佳效果，用了最純淨的大馬士革玫瑰水，再加入高濃度的玫瑰精華油，將當中的玫瑰精華成分 double up!除了補水，鎖水亦極為重要，所以加入了天然蜂蠟成分🐝，為皮膚築起薄薄天然保護屏障，防止水分流失而不會倒塞毛孔。講下個 High Tea 先🥰又粉又紫賣相一流，食物質素也非常好最怕太甜既 High Tea ，但今次恰到好處甜點鹹點各佔一半，比例剛剛好杯特飲仲好醒神開胃

餐廳可以見到無敵海景，真係一種享受，加上食物水準都唔錯，同friend兩個人嗌咗那些年腸粉、玉米炒飯、流心紫薯、香檳蝦餃、秘製龍蝦炒麵，見到每一碟賣相都非常好睇，份量唔多唔少啱啱好，紫薯外脆裡軟，裡面特別甜，好濃的紫薯味，龍蝦炒麵個炒麵好香，而且唔會覺得油膩，龍蝦肉已經起肉連同炒麵一齊，龍蝦口感彈牙，味道鮮甜。

朋友生日，所以想搵間靚啲嘅餐廳dinner同佢慶祝，因為佢係中環返工嘅關係，我地就係IFC搵左呢間餐廳。.多數有海景位嘅餐廳都係食西餐，但係呢間餐廳食嘅係中式fusion菜，餐廳室內設計都係有fusion嘅感覺，比起一般嘅中菜館更有情調，我地被安排坐係沙發位，座位幾舒服，唯獨係張枱有少少細，唔係好夠位擺哂我地叫嘅食物。.我地想試下呢到嘅點心，但係點心只係得午市先有，唯一可以試到點心嘅係叫Dinner Set Menu，所以我地一人叫左一份$498 Dinner Set Menu。一份Dinner Set Menu包左8道菜，由前菜至甜品都有，份量對於一個女仔黎講算係多，食物質素都高，所以性價比好高。下面會詳細講下Dinner Set Menu嘅食物，係必食項目:- 點心拼盤一份有3粒點心，有招牌粉紅色蝦餃、燒賣同一隻好似粉果嘅蒸餃。點心賣相精緻，味道好，用料十足👍🏻- 胡蔴醬秋葵沙律沙律好清新，好適合做開胃前菜。好欣賞佢地處理秋葵嘅手法，因為食落係無滑潺潺嘅感覺！- 椰皇蟲草花螺頭燉湯燉湯湯料十足，𢳂起見到有幾粒螺頭同數條蟲草花，所以味道十分清甜，飲完覺得好滋潤。- 蜜汁黑豚肉叉燒叉燒

好耐無過黎IFC食飯 今日老公專登帶我過黎呢邊食中菜帶我行入去Lane Crawford 搞到我以為行錯路入到餐廳嘅裝修好靚 一邊有個飲酒嘅吧枱 坐位呢就有中國裝飾嘅設計 成個裝修有啲中西合璧嘅感覺識我嘅人都知我鍾意食多款唔同嘅食物所以呢我哋就叫咗唔同嘅種類有雞有豬有菜有湯 同埋唔唔叫炒粉炒麵炒飯類花雕醉雞 好香酒味 雞夠嫩滑椒鹽豆腐 外皮好軟熟 裡面好嫩滑蜜汁黑豚肉叉燒 上菜嘅時候叉燒連🔥一齊上 叉燒半肥瘦 入口即溶 第一次食到叉燒係入口即溶 🤩椰皇蟲草花螺頭燉湯 好耐無飲燉湯就叫個中式湯飲下 椰皇燉湯好清甜 再加上我最愛個螺頭 好滋潤鴛鴦蝦球 芥末 / 鹹蛋黃好特別嘅鴛鴦蝦球 我就鍾意鹹蛋黃味 熱辣辣食又香又濃嘅鹹蛋黃味👍🏻田園濃湯浸翡翠苗食中菜我通常會叫個菜食 翡翠苗夠嫩 濃湯味道啱啱好紅燒乳鴿乳鴿大大隻 乳鴿皮燒到好脆 整體黎講 餐廳環境好靚好舒服 適合放工放假黎撐下檯腳 出面個balcony 仲好舒服 飲住酒睇下夜景好relaxed

依間位於IFC百貨公司入面嘅中式點心餐廳，睇落去好似好高檔，屋企人之前誤打誤撞去左飲野，發現其實佢個價錢都幾合理。今日晏晝我哋一家人出嚟中環飲茶，就揀咗嚟依間。因為我哋遲咗book位，book唔到入面位，但係坐出邊，反而仲好，因為海景好正。今日有少少大風，不過好在冇落雨，唔係就比較麻煩。一家人研究左一輪之後嗌左幾味點心，一個炒麵，同埋菠蘿咕嚕肉。幾味點心，有擦左金嘅蝦餃，外表好靚，味道ＯＫ。仲有粉果、燒賣、子薑牛肉球等等，仲有個炒麵，全部都ＯＫ好食。菠蘿咕嚕肉係新鮮做，用上新鮮嘅菠蘿，炒得熱辣辣，肉排新鮮炸，皮好脆，個汁掛得岩岩好，兩老食得好高興。全家人一面食一面欣賞下維港景色，慢慢歎，食得幾滿意。都算比一般酒樓貴一點，都係物有所值。

人生第一次寫食評前一日幫六個日本人訂台食飯,佢地想食香港中菜餐 ,但星期六 好多地方卜唔到 有位又無六個位 本身想訂32公館禁岩見呢間好似唔差,又有六個位可以訂,就幫佢地卜左呢間,諗住幾好食,點知大失所望,六點去到,個menu好似乜都無禁,班日本人話似lunch menu,就連佢地話要食小籠包都可以話無,真係唔知間餐廳搞乜其中三個日本人仲要係特登澳門過黎食餐飯就返過去澳門,無乜特別,味道普通,俾張相佢叫湯,點知又黎左最貴既湯總結只有環境可取無下次

朋友要到外國留學，走之前想食中菜，另一個朋友就揀左呢揀係IFC入面的餐廳。一開始有小小難搵，佢係Lane Crawford入面，最後要問職員先搵到佢出面都有位，但其實係入面都睇到個景，所以入面都無問題～醉雞：酒味一般，雞籠嫩滑。炸豆腐：好好食！又脆又滑！黃金四季豆：最好食的餸！食唔停！蜜汁黑豚叉燒煎蛋飯：即係叉燒蛋飯，不推介。龍井蝦仁：茶味不錯。欖菜肉排：好食，酸味啱啱好。花膠浸菜：不錯。宮保雞丁：配飯一流！好惹味！糖水：一般，沒甚麼特別。Signature Cocktail：OK

咁啱見到同事喺IG講呢間餐廳，於是我有帶屋企人嚟食下。餐廳位置有少少難搵，藏身喺連卡佛入面，我哋要問連卡佛嘅職員，先至識黎。星期日嘅中午時間嚟到，唔使等位就可以入座。叫咗個炒貴叼，顏色有點兒螢光綠，覺得有啲怪。味道都一半般。又叫左蝦餃，粉紅色上面有金色，好可愛，唔錯。馬拉糕，係用呢個做太極嘅圖案做設計，從來未見過，都好得意。仲叫咗依個烤鴨夾包，原來好似漢堡包咁，有驚喜。總括來講，下次會主攻點心，價錢都唔係想像中咁貴。

無耐前去咗Ifc 行街街～攰攰地就諗住坐低食少少野之前見到呢間新開嘅點心Tea set幾特別，本身想同啲外國朋友一齊嚟食😆今日由於食左晏唔太肚餓嘅關係就無叫到tea set, 就咁嗌左少少點心試吓先～魚子醬黑豚肉燒賣嚟到嘅點心都係熱辣辣～呢個我個人會推介！魚子醬蝦多士🦐呢個黎到有啲失望，餐牌冇相嘅關係，我以為係將d蝦攪碎再放上麵包，原來係原隻蝦放上麵包到～ 所以呢個我唔再encore 雪耳燉木瓜飲落都幾甜，整體ok

喺IFC Lane Crawford 裡面嘅新式fusion 中菜廳，lunchtime 過來飲茶☕️餐廳內部裝修精緻優雅，外望九龍ICC海景，而今日天氣晴朗☀️，更覺得景致優美👍🏻我哋叫咗香檳金蝦餃（蝦肉新鮮彈牙👍🏻）、魚子醬黑豚肉燒賣（肉汁juicy👌🏻 ）、魚子醬蝦多士（香脆可口蝦肉彈牙👍🏻)、那些年腸粉（太普通，同傳統腸粉差唔多囉😅)、太極馬拉糕(雙色就係傳統馬拉糕加咗芝麻味，不過唔夠鬆軟，都係傳統嘅好味d😅)、酥皮蛋撻仔(其實就好普通，不過我鍾意食😆）、炒豆角(反而最好食）同黑豚肉叉燒煎蛋飯（黑豚肉入味軟腍👍🏻），其實同一般中菜廳點心差不多，fusion 在於整色整水，加d顔色魚子醬咁，上碟賣相靚咗😆

今日約左一位素食者既朋友食LUNCH, 食乜當然要就下佢啦~所以我就問佢想食咩啦, 點知佢話要食點心, 今次真係考起我啊~~原來要搵一間全素食既酒樓真係好難, 點知比我搵到依間新式酒樓, 雖然舍唔係全素食, 但係佢菜單上有清潔例明邊D係素既選擇~種類不少之外, 仲配埋開揚既海景, 胃口都好D啊~~我地就點左太極馬拉糕, 那些年腸粉, 田園雜菜粿 同埋欖菜松子玉米炒飯.每一樣都好精緻! 田園雜菜粿包到好似個福袋甘呢~太極馬拉糕亦都好可愛, 不過2隻色既味道就分別不大了, 哈哈

Just a nice catch up with my friend, but both of us were not hungry; so we just had something light. Savory Crispy Fresh Abalone Cubes with Salt & Pepper was so good! Crispy on the outside and bouncy inside.Steamed Grouper Fish with Bitter Melon was tasty too. Tender and juicy fish with bitter melon well prepared, soft and not too bitter.We were both quite disappointed on Honey Glazed BBQ Kurobuto Char Siu... so dry and chewy. Cha Chaan Teng could have done better than that.Anyways, it's nice ov

Booked a table at this restaurant through an automated phone system which sent me a link for a website via sms. Confirmation received but less than an hour before the booking was scheduled the waitress called me to advise the earliest table was after 1:30pm when my booking was 12:45pm. No explanation was given and the waitress was not apologetic at all. This is the second time in a week I’ve had a booking “cancelled” without my consent despite receiving confirmation. Both these restaurants are i

放咗幾日假今日返工，放假前已約定兩個同事今日食飯，一早book定呢間餐廳，因為放完假第一日返工，緊係想lunch食好d麻。餐廳係IFC 3樓，要行去連卡佛入面穿過去，唔算易搵。由長江中心急步行到去都出晒汗。餐廳安排左我地坐靠窗邊卡位，冷氣唔大，可能今日天氣好熱，所以一路用餐時都係出汗嘅。餐牌有我最鍾意嘅雲石枱，影食物相最靚酥皮菠蘿黑豚肉叉燒包 - 普普通通，味道尚可，但酥皮唔脆的。酥皮蛋撻仔 - 都係普普通通，酥皮都係軟嘅。流心紫番薯 - 味道有d怪，麻麻地。珍菌黑松露球 - 味道都係怪怪地。蜜汁黑豚肉叉燒 - 味道幾好，肉質夠嫰，仲有個火爐熱住暖暖地咁星州炒貴刁 - 不過不失啦。總結，食物味道普通，但勝在餐廳環境靚，有自然光，食物賣相都好靚，影相打卡，都係一個唔錯嘅地方。

今日同朋友慶祝生日，揀咗中環ifc 呢間餐廳，地點係有點難找，因為佢位於連卡佛入邊，不過景色絕對醉人，望住海景，品嚐fusion中菜，與良朋工序，實在係一件賞心樂事。。餐廳嘅裝修也相當型格，入口嘅左邊，便是一個bar 檯，擺放左各式各樣嘅走，除了品嚐中菜之外，這裏也可以點不同的cocktails 呢。可惜今晚天氣好差，而且下着密密細雨，窗外嘅景色唔算太清楚，如果天氣好，坐喺窗邊一定係非常享受。。香檳金蝦餃：蝦餃嘅顏色已經非常吸晴，值得一讚係入邊嘅蝦肉好彈牙呢。呢個點心係餐廳嘅招牌，蝦餃皮嘅紅色其實係以紅菜頭汁製成，蝦餃皮上面點上金泊賣相絕對100分。。流心紫番薯：咬開之後好驚喜，因為真係紫番薯慢慢流出來，而且真係即叫即整，熱騰騰的。外皮香脆可口帶點煙韌，餐廳以流心湯圓的概念製作，外皮嘅紫色係以紫薯配上糯米粉製成，流心紫薯餡甜而不膩，呢個幾好食。。椒鹽豆腐：外脆內軟，豆腐好滑呀！好香口，佐酒一流。。招牌花膠滋補養生鍋：材料好豐富有花膠、乾螺頭、杞子、桂圓、准山、蟲草花、紅棗、豬骨等，花膠非常厚身，而且口感軟腍，個湯飲完都唔會好口渴呢，清甜滋潤。。蜜汁黑豚肉叉燒：呢個叉燒好食呀，仲要用一個