莎娃迪卡 (已結業)

之前在佐敦走著走著經過一間新開沒多久的泰國餐廳，便一於試試！店舖裝潢帶西式，不似泰國菜館，不過菜式挺有特色，值得一試！先來個青木瓜沙律，每次到泰國餐廳必點之菜。青木瓜爽口，配有幾隻肥美大蝦，酸酸辣辣的味道很過癮，絕對是開胃小菜之一。不過這個會越食越辣，尤其是連辣椒絲也一併吃了，不嗜辣的朋友要留意了。我和友人的重點推介絕對是海鮮椰青焗飯，以整個椰子盛載滿瀉的海鮮飯，每盛一點時都害怕飯粒掉了浪費掉。鋪面的是一層甜甜的椰醬蓉，啖啖厚厚的椰子肉夾雜在飯之間，令每啖飯都散發著淡淡椰香，平日常吃泰菜的我也是第一次見及品嚐這個飯，的確有特色，這個飯也較清淡，相比其他泰國菜式不會太濃。另一推介是泰式明爐烏頭魚，份量挺大的，加上湯底亦是酸酸的，待湯滾後，湯滲進烏頭魚肉裏，鮮味又惹味！不夠湯的話，另附一碗細的湯讓你不時添加。除了吃魚肉飲湯外，湯入面的材料還有草菇、蔬菜及香料，所以吃完這個，真的超飽！不過記緊吃魚的時候要小心細骨頭！其實還有好幾樣菜式我們想一試，奈何我倆已經太飽了，唯有等待下次吧！

今日放工約咗朋友去佐敦買衫，跟著買完就梗係衣肚，我地去咗吳松道同廟街搵吓有乜好嘢食，咁行下就見到呢間泰國餐廳名字幾特別，於是就入去衣肚.餐廳座位都幾闊落舒適。咁就開始點菜要咗泰式雜錦拼盤&泰式炒飯同埋冬陰公大頭蝦湯。拼盤有蝦餅&沙嗲&春卷同沙律4樣，蝦餅夠香，沙嗲就有雞同豬D肉夠滑點醬汁食一流，沙律就開謂同有小小辣。之後飲大頭蝦湯，湯配料足又嘢味蝦肉又夠爽斟完一碗又一碗食埋泰式炒飯，新鮮熱辣好香啦咁就肚飽飽回家

放工行到去佐敦覓食，原先都不知道吃什麼好，直到走到一間泰國餐廳，門口有一磈牌寫著食夠＄400就會送生蝦刺身一碟，而食滿＄600就送明爐烏頭一條。我和友人決定入去大快朵頤，兩人應該可以食到＄400送生蝦吧。餐廳呈長方形，環境光猛，感覺不錯，牆上有此特別的裝飾。泰國餐廳就當然有象形的擺設。我們被領到餐廳盡頭的一張四人枱，職員端上餐牌並熱絡地介紹餐廳的特色美食和優惠。當然我們也不忘食夠＄400就會送生蝦刺身一碟。冬陰公大頭蝦湯（小）＄108我先點了一個冬陰公大頭蝦湯，這是我去泰國餐館必食的一道菜，我最愛就是冬陰公湯的惹味！但不是每間餐館都做得好吃，好彩這裡的冬陰公大頭蝦湯做得十分出色。它用上泰國的大頭蝦來煮的，大大隻的蝦，煮得湯頭鮮味十足，加上其他鮮味的配料如鮮菌，令整碗湯鮮味無比。甜甜酸酸之間又帶點辣，十分過癮！一碗夠兩人飲。馬拉盞炒通菜＄78通菜好新鮮好爽脆，馬拉盞味濃香，加上炒出來的通菜不會油淋淋，我十分滿意。間中還會食到蒜味的香，看來蒜和馬拉盞都有爆香過。泰式咖哩豬頸肉 ＄108咖哩不太辣，應該說是沒有辣味，但有濃濃的咖哩辛香味，黃黃的咖哩比我想像中濃郁，加上豬頸肉爽口，連咖哩一起吃

老外朋友來香港話一定要去廟街睇吓我當然送佛送到西由街頭行到街尾再直奔佐敦搵食他們都喜歡吃泰國菜我就一於奉陪啦見到門口有晚餐優惠即管試吓內部裝修感覺有點 fusion 其實有二至三人套餐都幾抵食但朋友就始終當然喜歡單點菜色Any肥冬陰公湯一定要叫比佢哋試吓嘅冬陰公大頭蝦湯 $108酸酸辣辣加上強勁嘅泰式香草味道老外大讚過癮又好味仲有原隻大頭蝦又有好多草菇有得飲又有得食食泰國野啊當然唔少得青咖喱啊青咖喱配牛肉 $98入口都幾辣夠晒開胃為咗lum 盡每一滴咖喱汁我專程為佢哋叫左印度薄餅 $40入口香酥熱辣辣食一流燒沙嗲牛肉豬肉 $98最後當然係要叫一個泰式地道嘅 Pad Thai泰式炒金邊粉 $98店長叔叔仲教咗我一個泰國人喜歡的食法就係要加啲辣椒粉加啲砂糖同加啲花生碎然後拌埋一齊食果然更加好味

成日食泰國野都喺九龍城，今次去佐敦同朋友搵野食，最後我地都揀咗泰國野食！入到去都幾有泰國feel，好多象嘅擺設同裝飾！食得泰國野一定要叫定野飲先，我就揀咗個大泰國椰青，味道又清又甜！正！解喝同解辣都一流！好鐘意食佢地個香葉肉碎生菜包！將辣辣地嘅肉碎放入生菜包住黎食！肉碎越食越有味，真係食唔停口！拼盤最岩幾個人分黎食，所以我地叫咗個有4樣小食嘅泰式雜錦拼盤入面有炸蝦餅、沙嗲串燒、春卷同木瓜沙律！佢仲分咗3樣醬俾我地點，有個甜酸醬、酸梅醬同沙嗲醬！甜酸點春卷，酸梅點蝦餅，沙嗲就點串燒！個炸蝦餅好大舊好厚好彈牙！春卷個皮好薄，入面又好多料，如果有俾埋生菜包黎食仲好！串燒燒得好香，不是最正係佢個沙嗲醬！雖然唔辣但花生味夠重！食泰國野最鐘意叫明爐烏頭，天氣凍凍地食真係成個人都暖晒！烏頭個汁酸酸地好開胃！入面仲有啲肉碎可以食！烏頭啲肉唔嚡又夠味，最後連酸菜都食晒！因為朋友唔食得辣，所以叫咗青咖哩牛，咖哩完全唔辣仲有啲甜添，個味好香好重椰奶味，因為食咖哩所以叫咗薄餅同蒜蓉包送薄餅同蒜蓉包我就鐘意用薄餅點咖哩多啲，薄餅香得黎又唔會太濃味，所以用黎點咖哩香得黎又食到咖哩香！有朋友就鐘意蒜蓉，因為又大件又

今天放工後，本約好朋友到＜金枝玉葉＞晚餐。來到方知已變為泰國菜館，門口是泰國雕像，內裡有泰國大象，但仍保留著牆上的樽蓋裝飾。既然來到，就一動不如一靜。看看這裡有什麼好吃吧！其實來到泰國菜館，就特別想點芒果糯米飯。這是泰國特色甜品呀！當年在芭提雅必食，在曼谷又食，機場上機前都要食。芒果糯米飯食到最後一口，芒果都係甜的，這就是泰國靚芒果及泰國糯米飯的秘密了。但是，餐廳表示這晚没有芒果糯米飯供應。真的很傷心！　唯有交由朋友決定菜色吧！肉碎生菜包　　很常見的泰國小食。這個肉碎，底部滲水，可能是炒肉碎的火力不夠勁。而肉碎亦摻有南薑碎，青辣椒碎，洋蔥及香料。整體香辣也帶酸，是十分醒胃的小食。黃咖哩－雞肉　　來到泰國餐廳當然要點咖哩。黃咖哩內的香料粉末很明顯，是否丁香，荳蔻，八角？整體偏甜，味道跟馬來西亞咖哩有點相似。　咖哩內還有雞肉，洋蔥，薯仔。蒜蓉包　　西式法包，原本跟咖哩風馬牛不相及。但其多氣孔結構，有助吸收醬汁。硬掘掘蒜蓉包，沾咖哩也没有變軟，真的一流。黃薑飯　　還以為是印尼黃澄澄的薑飯，原來是類似海南雞飯所用的飯。粒粒帶油光的米飯，有香茅味，也帶點薑味。看到碗內的還有咖哩汁，一滴也不浪費，

早幾天去了佐敦約了朋友食飯，突然間好想食泰國菜，就見到呢間「莎娃迪卡」泰國菜餐廳，名字好特別。整間裝潢都好有泰國的感覺，不少的擺設及飾物。入到店內，店員好欣勤去介紹，最後就點選呢兩樣：「泰式雜錦拼盤$158」、「泰式炒飯$88」。🍴「泰式雜錦拼盤$158」分別有木瓜沙律、春卷(4件)、炸蝦餅(4件)、燒豬串(1串)、燒雞串(1串)，配上三種不同生的醬汁，食既時候配上醬汁更惹味。木瓜沙律切得好幼細，食落好有口感，再加上少少的酸辣，好開胃。春卷有4件，外皮好脆口，內裡材料豐富，味道剛好。炸蝦餅有4件，食落好熱騰騰，剛炸出來的，蝦餅好彈牙。燒豬串及燒雞串燒得好香，不會太韌，食落好有肉汁。🌯🍤🥙「泰式炒飯$88」外相好吸引，飯粒炒至粒粒均勻，用上雞肉、芥蘭、蛋等材料去炒成，味道剛剛好，而份量好足夠2中進食，抵食之選。🇨🇷🍚「餐牌」我已經影左上載至openrice既「餐牌」入面啦，方便大家查閱相關菜式。📋

早幾日同朋友行尖沙咀搵聖誕禮物，反正都行到佐敦附近，咁就直頭落去廟街搵食啦，本身食左tea又唔算好肚餓，諗住唔食好多野咁就唔食那些海鮮大排擋了，行行下見有間叫莎娃迪卡的泰菜，突然又想飲冬陰功咁就俾佢個名吸引左入去啦！呢間店是小店黎架，舖頭細細但係環境寧靜舒適，店員都好落力介紹有咩招牌菜，但我地都唔係好餓，只想飲下冬陰功食下香口野，於是點左d平日食開既菜，試下質素先∼我地小小地點了冬陰功湯，鹽燒烏頭，飲品和泰式甜品，先上冬陰功，用料充足有蝦，蝦肉新鮮唔會霉，湯的口味是偏濃的一種，我地冇特別叫辣度，以我不太食辣的來說佢算係我的中辣啦，仲即刻叫左罐可樂tim ar！今晚重點來了，就是鹽燒烏頭，好大條，用粗鹽來燒，燒的火喉剛好，食到好香濃滋味既甜味，魚既肉質好滑，魚肚內放滿泰國香料來除腥味，魚好鮮味，配上他們的酸辣汁一絕呀！最後就係甜品，椰汁西米糕，這個就沒有什麼特別，但係份量就夠晒多！$48好抵，又夠甜又夠凍！味道好清新！整體來說，這店的味是偏濃的口味，個人就好合胃口，喜歡濃味的人可試下喎！

江湖傳聞食泰國菜一定係去九龍城我就唔信啦比我發現佐敦都有正正泰國菜個店名仲好鬼易記 真係識改名鮮蝦柚子沙律鮮蝦果然係鮮蝦,好爽口!柚子好爽甜,再配洋葱,果仁。都幾清新,好好嘅開胃菜!冬蔭公大頭蝦湯平時我都唔係好飲冬蔭公湯既 因為驚好辣不過我老友鐘意 就試下啦哇竟然唔辣 仲好岩我口味 好似去左泰國咁因為正宗泰國口味係唔辣既非常足料,用料新鮮,入面有好多蝦肉愈飲愈開胃正呀 最後成湯KO哂無難度燒大頭蝦呢隻大頭蝦 好似龍蝦咁大隻食落啖啖肉第一次食呢款咁大隻既大頭蝦唔錯唔錯 好似發現新大陸咁椰青好清甜,椰肉好滑,又多椰子水!幾抵飲!

去完九龍公園跑步之後,又係時候醫下肚,不過係輕食今次同大家推薦下一間餐廳~(莎娃迪卡),其實一聽個名就知道係一間正宗泰國菜嘅餐廳!點菜先!印度簿餅質地柔韌,好重牛油味,好味!最重要係放左喺枱一段時間都保持彈牙! 讚冬蔭公大頭蝦湯呢個湯真係要隆重推介下,完全同喺泰國飲無分別!足料,用料新鮮,唔算辣,但飲完係停唔到,最重要係唔算油味道又一流!讚讚燒大頭蝦(正得制趁熱食唔記得影相)仲以為係一般嘅大頭蝦,原來平時食開嘅細隻大頭蝦喺用嚟煲湯。至於咖喱,燒烤煮法呢,就用呢個Size。一咬落去,啖啖肉,鮮甜度呢....用燒烤呢個煮法真係無得輸!總結:算係有驚喜,因為諗住walk in 無乜期望.服務態度又好! 唔錯唔錯!

昨日約左班波友去打體育館打波，打左兩粒鐘，人都顛！做完運動特別肚餓，得阿輝同我食飯，其他人要返去交人，行行下見到有泰國野食，唔理了，醫肚先！間餐廳唔係好大，麻雀雖小，但五臟俱全，阿輝中意食燒魚，我們首先點左原條燒爐魚，即叫即燒，等待時間大約20分鐘，條魚都幾大條，不過爐魚挺多骨，食用時要小心。魚面好滋味，用左粗鹽去醃去調味，所以面個層有好香的鹽燒味，魚肉燒得剛剛好，唔會鞋口，仲可以保持住香滑。有部份的燒魚只有表面的有味道，但呢個爐魚連魚肉都充滿魚香味！肉碎生菜包就食得多，豬頸肉生菜包就真的未試過，起初我還以為唔辣，但原來都幾辣！豬頸肉份量幾多，夾生菜可以夾多一點！生菜賣相好靚，用盆上菜就好似一盆盆栽似的，豬頸肉煎得又香又入味，肥厚又肥美，生菜新鮮碧綠，唔食得辣的朋友要小心！食泰菜又點可以唔飲冬蔭公呢？冬蔭公大頭蝦湯，小的$88，但足夠二人份量。冬蔭公酸酸辣辣，我本人就覺得酸味較重，辣味都勁，入口感覺酸酸的，食得黎滋味但又未辣到要噴火，大頭蝦充滿冬蔭公味，蝦應該煲左好耐，好淋，Size好大，十足十日本赤蝦咁大隻！辣到流晒汗，又點可以唔飲返杯泰式特飲呢？龍眼冰就係我既心頭好！冰的份量，甜度

病左成個星期...食藥食到口到苦埋，好需要美食刺激一下味蕾！食泰國菜點少得生菜包！泰式生菜包熱辣辣上檯時，香噴噴，令人食慾大增！肉碎加入左香料炒，辣中帶香，香濃惹味，配上清新爽口生菜，口感豐富又刺激！值得一讚既係肉碎份量非常多，每塊生菜都足夠包裹滿滿既肉碎！而且生菜沒有爛，非常新鮮爽口！咖哩菜式都幾多樣化，而且有紅咖哩、黃咖哩等等...個人偏愛黃咖哩，於是點了黃咖哩雞！咖哩汁味道香濃帶微辣，入口先散發濃濃既咖哩椰香，繼續散發辣味，層次豐富！即使怕辣既朋友都會接受到唷！雞件滑嫩，配搭埋烤餅，咁就天衣無縫喇！黎得泰國餐廳，當然要一飲椰青先夠風味喇椰青味道清香，多水又多肉，絕對冇得輸！

牆上掛有大象裝飾，培添泰國風味！青檸梳打係我每次去泰國餐廳必點！酸酸的青檸味，正好令口腔refresh一下，更容易食出食物既真味！椰青海鮮焗飯，以原個椰青外殼盛放滿滿既飯，非常吸睛！海鮮材料好足，有齊魷魚、蟹柳、青口，仲有一絲絲既椰子肉，令焗飯椰香味更濃郁！另外，意想不到既係海鮮份量好足，特別係魷魚，有成條魷魚蘇，like爆！魷魚口感爽口，又唔會靭，very good!金黃既南瓜大菜糕晶瑩剔透，單係賣相已經讓人討好！入口清新爽口，可以一減飽膩感！

今日係收工收夜左，我地就係諗住同同事食下野吹下水，跟住就係附近搵野食咁，之後就行下行下跟住就見到餐廳，我地發現呢間都比較小食，所以就決定食呢間野，一入到去職員就好熱情咁招呼我們，仲交送上餐牌不過呢度啲店員都真係好貼心，好耐心咁為我地介紹餐廳嘅特色野。泰式小食拼盤作為肚餓嘅野獸，見到呢個小食盤當然要即刻叫喇，蝦餅炸得岩岩好，脆身得黎又唔會太油膩，串燒肉又唔會太乾，食完晒啲煎炸食物，再食下個青瓜沙律個身即刻又會有又解膩嘅感覺。泰式生菜包呢個一上枱大家都不禁嘩左一聲，因為真係唔錯，絕對有陣陣嘅香草味，而且又夠熱，另外係呢度用嘅生菜夠新鮮又足料，包住炒肉碎，一上枱就食極都唔停。泰式炒金邊粉金邊粉嘅表面再舖上鮮蝦等配料。金邊粉好香口，入口口感十足，唔會軟淋，而且夠晒熱除左野食，餐廳嘅環境都唔錯架，二個人靜靜地坐下喝下野，都真係幾寫意架，因為格局或氣氛都比同類型餐好。。。

今日搵個朋友傾野係佐敦跟住周圍行搵地方食野，跟住突然見到呢間餐廳朋友話好想食泰國野，今日咁岩見到就走左入去試下。跟住經侍應介紹，原來餐廳嘅裝修好多野都係黎自泰國架，真係好有泰國嘅感覺，坐係度慢慢傾住偈等下野食都令人幾舒服 青咖哩牛肉青咖哩啖啖都好幼滑又夠香，而且份量岩岩好，牛肉夠晒嫩身又夠熱，餐廳果然係即叫即整。蒜蓉包蒜蓉包入口要夠脆，而且夠晒熱，份量亦都好足唔會太小，本身個味道點埋咖哩真係超級惹味，作為一個傾偈嘅小食真係唔錯架。烤餅(薄荷餅)另外咖哩配合烤餅係一個絕配，餐廳嘅烤餅全部即叫即整，熱辣辣嘅同時又夠軟身，咖哩香濃味道配合烤餅真係令人一試難忘泰國炒金邊粉炒金邊粉最緊要係夠口感，呢個泰國炒金邊粉廚師整得真係唔錯，味道又夠香濃同時真係好足料架，而且入口唔會咸，味道比一般更惹味一啲，金邊粉嘅份量非常足。二個人食幾樣野已經食到飽晒，真係好滿足，呢度價錢適中又就腳，搵日再黎食野試下其他先得