蓮苑 (已結業)

我地今日捐地窿去咗K11. 左碰碰，右碰碰，最後決定食哩間。佢哋有午市套餐，價錢$8x~$1xx. 大少叫咗瘦肉皮蛋粥配糭，我就食灼牛肉鯪魚球撈麵。個粥都唔係太大碗，諗住食埋個糉（糯米飯多，肥豬肉多，無乜其他料）應該會飽，點知大少食完之後，佢話只係半飽。。。我個灼牛肉都好林，唔似用鬆肉粉，鯪魚球三小粒（size 只係大咖哩魚蛋少少)配薑蔥撈麵。奉上辣椒豉油一碗，我鍾意用辣椒豉油撈麵多過用大地魚湯。唔知係我今天肚餓，定佢地分量真係比較精緻，我食完都唔覺飽。總括來說，味道唔差，不過分量過份精緻。以佢地收費，真係食唔飽。場外埸内，有好多選擇。一句講哂，唔扺食。我比劣評係基於食唔飽同唔扺食，與食物味道無關。

今朝約表姐食晏晝，佢公司係尖沙咀，在尖沙咀港鐵地庫商場裏面有間餐廳，主打香港地道小炒跟 麵食，還有多款小食提供，餐廳環境舒適寬敞， 食物方面都不過不失。一份京都炸醬麵，麵質煙韌彈牙，肉絲蜜甜微辣，配有一碗餛飩，蝦肉鮮甜爽口，雲吞包裹得滿滿實實，整顆幼滑味道不錯。套餐還有飲品提供。原盅杞子螺頭燉雞湯，多款食材配搭，味道中規中矩。一款小食涼拌海蜇手撕雞，呢款我比較喜愛， 海蜇爽脆滑捋捋，雞絲幼嫩鮮甜，令你吃完會想再加添。餐廳地點跟環境都係一個不錯選擇。

情人節當日 大部分西式同日本餐廳都大排長龍唯獨是中式餐廳有位然後發現這間有創新甜品好奇之下就入去了價錢都算是平民化的正常出面的甜品店都是這個價錢左右更何況是創新的呢一件好味的創新甜品要化的心思是很多的要花費大量時間同成本去不停試食來控制味道所以好味的創新甜品是很罕見的先評論創新甜品蓮蓉西米杏焗布甸 售價$48原本西米杏焗布甸在香港都是常見的甜品但是加入蓮蓉的 應該較為罕見這件布甸 食到中間才會有蓮蓉 因為如果全件都有 實在太濟了 所以中間才有一層的蓮蓉來喚醒一下味覺 不用全都是一樣的味道 愈食愈悶但整體味道偏甜椰汁紅豆沙聖馬克蛋糕 售價$42椰汁和紅豆的甜味配合得很好不會太甜 亦不淡味 味道適中伯爵茶奶凍 售價$32一般奶凍都是純奶味而這個就是奶茶味 認真品嚐之下 會有少許伯爵茶味道紅棗枸杞桂圓達 $42紅棗同桂圓帶有不同甜味枸杞帶有微辣合併出來的味道很特別如果本身喜歡紅棗味的會很愛食另外傳統的榴槤班戟也很足料榴槤味很濃當然 我也有叫正常的中式食物原盅螺頭燉雞湯 $68看得出是足料的而味道方面 都很足夠是有煲足鐘數的燉湯整體評分座位：有軟墊 很舒服 5/5檯面：夠大 充夠擺食物 5/5

然午餐黎到尖沙咀，的起心肝試下呢間蓮苑先。開左一排嫁喇，不過見佢食既野好似大品牌個啲粥麵舖咁，的唔起心肝入去食。星期六都有午市套餐餐牌，7個小菜佔左4個都係牛，唔食牛既朋友選擇會小啲囉。仲有散叫，餐牌同甜品餐牌。睇落去價錢偏貴，等等睇埋佢份量先。我地叫左午市套餐既葱油龍江雞&四川辣子雞丁。先睇龍江雞，$88有跟白飯同餐飲，份量算正常。雞肉滑既，好味喎！👍🏻然後辣子雞丁，個樣.....好亂，雞係得7舊既，仲要無咩肉個隻....$88份量會唔會太少？！味道係好既，好惹味好好味！不過份量咁少真係食到到喉唔到肺....餐飲大杯呀，不過杯咖啡好稀，咖啡水囉。飲左半杯已經頂唔住。食完好唔滿足唔飽咁，有飯比你都無餸送😫仲要$88個餐，好食既，但價錢真。偏貴，我真係唔理解。試過一次算啦。

全晚最滿意的就係佢個響螺湯煲到啲料林哂，湯超甜雞好大碟又厚肉，咕魯肉香脆肉”林”，皮蛋有糖沁，沙律蝦球夠大隻，唔會有太多沙律醬剛好整體感覺都好好好，2個人食唔到太多野，啲野算係大碟。

過年前，好多商舖都減價，呢日我哋去咗K11行街，行完就喺度食晚飯啦，突然好想食中菜，於是就揀咗呢間蓮苑試吓。睇咗個Menu，佢自己主打都係食粥粉面飯之類嘅中菜，但同時亦都提供小菜。我哋四個人叫咗三個小菜、乾炒牛河、一個小食。三個小菜分別係時菜帶子蝦球、玫瑰雞半隻、薑汁炒芥蘭，三個小菜我哋都配左螺頭湯。要讚下個湯，上到嚟真係熱辣辣，湯嘅味道非常好非常入味，裏面亦都有好多瘦肉、螺頭和紅棗。時菜帶子蝦球夠新鮮、玫瑰雞啖啖肉、炒芥蘭炒得非常碧綠，菜亦都好幼嫩，好出色，食唔停口。另外乾炒牛河炒得好有鑊氣，亦都唔會好油膩，我覺得都係好出色嘅食物。小食我哋叫咗涼伴海蜇手撕雞，味道都唔錯啊，海蜇好爽口。最後我哋梗係要食埋甜品先走啦，不過可能由於我哋遲去，有啲我哋想食嘅甜品都已經賣晒了。好彩我仲食到我最想食嘅伯爵茶布甸，真係好好味呀，有茶味一啲都唔甜。另外湯圓亦都唔錯，因佢個湯又薑汁味，我好鍾意。

今日得閒打反篇食評先話說早幾日同屋企人走左去k11行街行行下晚飯時間到之後屋企有人話想食雲吞麵就走左入蓮苑食啦點知原來佢有得炒小菜😋太好了因為本人晚餐喜歡吃小菜🤣Ps:我今次竟然記得影餐牌😆上次唔記得影啲名都唔記得叫咩之後就叫左一個水餃併雲吞撈麪,韭黃叉燒炒滑蛋,沙拉骨炒蝦球 仲加左個螺頭燉雞湯😍水餃併雲吞撈麪幾好，都幾多粒，不過無咩特別韭黃叉燒炒滑蛋都幾大碟，唔錯，啲蛋唔會熟過頭，不過這個價錢有點小貴沙拉骨炒蝦球我超級喜歡😍特別推介 大大粒蝦 配沙拉 正入囗彈牙又好味要試依個螺頭燉雞湯都幾好，雞味重，料都足😆個人都幾喜歡依間野簡單食可以叫雲吞麵，粥有時間既，可以叫小茶慢慢食重要係 服務都不錯 見你無水即刻會加去間尖沙咀 不防去試下😁

今日來到尖沙咀k11既蓮苑，地鐵站層一出就見到，不太多人等位，很快便有職員帶位。環境舒適優雅，服務員客氣有笑容。本來不算太好粥品點心，卻被蓮苑的賣相吸引了。點了招牌豬手撈麵，彈牙不油膩。四季豆及老火湯亦是推介，湯底落足料，叫餸加$35便有得飲，必試。xo醬炒腸粉同牛柳粒亦香味十足，喜歡麻辣的朋友可自由添加花椒配料。粥品亦十分出色，清清地無味精的感覺十分好。推介！

一班人吃飯拿起餐牌，究竟誰人點菜、點甚麼菜等，總是惹來不必要的爭議與煩惱，那麼去蓮苑近年不少型格廣東粵菜中菜廳格調推出滋補美食耳目一新以華麗開放式既賣相以摩登主打創出賣相討喜，即使單點及套餐配備每道菜也讓人回味融入中菜元素仔細一瞧裏面有(小食/湯/撈麵/粥品及廚師推介炒麵及小菜等)......在你口腔徘徊( 淨原味柱侯牛腩 )(南乳炆豬手麵 )( 狀元及第粥 豬潤豬腰豬肚 )( 蔥油龍江雞半隻 /套餐 )東搞搞西搞搞菜單羅列經營形態，配以時令廣受歡迎，迎合清新，健康口味嘅食材口味現做而成 !味鮮而不膩這道菜，就算親友群中有極之嘴刁的吃貨，也肯定會滿意而歸飽餐一頓無論冬大過年和家人團聚/長輩弟兄慶生或一家老少出門，用膳五花八門都能呈現時尚新風貌，集合各大招牌菜指導新手法正呀

尖沙咀K11一間叫""蓮苑""嘅中式餐廳🍴裝修富麗堂皇雖然鋪面積唔算太大, 但係都坐到三四十人, 原來呢間餐廳總店喺跑馬地總店已經屹立咗30年, 被譽為名人飯堂, 被傳媒被傳媒冠以［天王天后最愛當鋪嘅粥麵店］的美喻。見到佢張餐單都好多元化每個小菜都會跟一個白飯仲有甜品嘢飲又有熱飲凍飲加特飲以供選擇欖菜肉鬆四季豆炒飯好好味啲炒飯仲好甘香個燒汁茄子牛柳粒好Juice啲牛柳粒好淋四川辣子炒雞丁雖然有點辣但炒得非常之入味好香口XO醬炒腸粉好正呀仲嗌咗一個沙拉汁炒蝦球醬汁酸酸甜甜仲可以攞嚟送飯湯方面我哋叫咗一盅原盅杞子螺頭燉雞湯非常滋補再加15蚊仲有碟油菜添！認真抵吃😋3個人下午茶都係$600臨尾仲嗌咗兩個飯後甜品一個係伯爵茶奶凍而另一個係熱嘅杏仁茶真係好好味我哋三個人食完仲可以捧住個肚走, 食後感覺覺得雖然細細碟但係份量都十足仲好好味添。

k11入面嘅蓮苑，地鐵出口直接出就到。下午茶每個菜不到100蚊，試左燒汁茄子牛柳粒，牛柳質感夠軟，汁香唔會太咸，配搭左欖菜肉鬆四季豆炒飯，有穫氣。辣子雞比想像中易入口，平時唔食得辣都覺得ok。加左有沙拉汁蝦球，蝦球同汁都好唔錯。最後試埋甜品，同朋友一齊試下杏仁奶同伯爵茶奶凍，呢度甜品幾有特色。價錢原來唔貴，食物都好高質，比去酒樓更好的中菜下午茶選擇。真係一間不可多得嘅中菜餐菜式別出心裁一定會再和三五知己來嘆下午茶

早兩日同朋友係尖沙咀k11行街, 俾我係一個唔起眼既角落發現到一間食粥麵既鋪頭，見都行到有d攰就一於坐低食下啦野~ 本身都唔抱太大期望既，因為始終都係商場食肆，都唔會太有特色。我同朋友兩個人叫左一個粥，一碟腐乳炒生菜， 欖菜豆角炒飯同埋油炸鬼。雖然全部都係普通菜式，但佢又整得幾好食。 尤其是碟腐乳炒生菜， 好夠鑊氣! 埋單又唔貴， 都不失為一個好選擇~

聽說在尖沙咀有一間高水準的粥麵店，吸引了無數明星慕名而來，今天下班後，正好和友人約了在尖沙咀食飯，便去享用晚餐。地點原來十分方便，就在地鐵/西鐵🚇站一岀便是的k11。剛合適我們那些工作已疲倦的人聚餐！來到店鋪，已經看見很多人食雲吞麵和粥！我們便叫了，蝦籽撈麵，Xo醬炒腸粉，XO醬帶子牛肉粒炒飯，更配上肉碎炒四季豆，最後再加上一個螺頭燉雞湯(跟餐$48)平👍🏻蝦🦐籽撈麵的麵質是師傅手打的，十分細膩，每條分明，而且十分通透，食落更很有口感，還很彈牙。再配上蝦籽的粒粒，令整個比例都十分平均，蝦籽的分量卻不少。可以令每一啖都有著蝦籽的作伴。而且還有另一種食法，就是把湯浸上去，令蝦籽停留在湯中，一口飲光，更可突岀蝦籽的味道😋XO醬炒腸粉，不會太有油膩感，而且每條腸粉都不會太厚身，而且XO醬的份量也很多，味道卻很重，再配上少許辣椒🌶️來炒，令人更開胃！XO醬帶子牛肉粒炒飯，米飯🍚粒粒分明，炒得更很有鑊氣，而且不油膩，帶子和牛肉粒的比例平均，令吃回一啖飯都充滿着XO醬帶子和牛肉粒的味道。而且牛肉粒也不會炒到全熟，保留住牛肉的鮮甜👍🏻肉碎炒四季豆，肉碎十分多，可以用來加飯一起食，更為美味😋四季豆更很鮮甜

跑馬地蓮園一向都出名好食🎉🎉🎉而家係K11都開左分店啦仲多左野食揀添呀👍🏼👍🏼👍🏼第一次試新分店😋😋😋梗係要試番佢地既粥同糖水啦😎😎😎艇仔粥好足料 吞吞魚片🤤🤤🤤糖水都係必試item黎😛😛楊枝甘露味道岩岩好 唔會太甜👍🏼👍🏼好多西柚 但略嫌西米細粒左d🤔🤔薑茶湯丸好好味薑味好濃郁 好岩冬天飲🤓🤓芝麻湯丸需於一口size 皮唔會好厚 食完都唔會覺得好滯🤩🤩🤩

平時去親尖沙咀，都係食西餐或者日本野。今日咁啱行開K11 ，見到有間中菜廳環境唔錯，咁一於入嚟試吓啦。食中菜最緊要梗係飲燉湯啦，呢個螺頭燉雞好香，飲落重好夠味添。人哋話試一間中餐廳質素夠唔夠好，最緊要就係試咕嚕肉。呢度既咕嚕肉色香味俱全，炸得夠哂脆，襯埋個汁簡直一流呀。最鍾意食辣既我，緊係必叫呢個水煮牛肉啦。個汁又香又夠辣，送飯岩岩好呀。而牛肉既烹調時間岩岩好，唔會太硬又唔會太稔。呢個瑤柱蛋白炒飯都又香又足料，炒得夠哂乾身。而且有足夠既菜，食落感覺好健康呀呢間餐廳環境又靚，價錢亦夠平民，等我下次帶屋企人再黎食先。