蘇潮韓海火鍋私房菜

营业中

休息中

$388，二人火鍋餐，外賣自取再9折。呢個價錢，真係抵食，CP值高！湯底，揀左「粟米忌廉卜卜蜆湯」，居然有意外驚喜，係花甲呀！！！ 唔係用普通蜆。配料芫荽蔥，都俾好足量。仲要送埋加湯，唔使加滾水溝淡個湯底。2人餐，份量剛剛好。咩都有d，咩都食d。水餃好好食，特別係鳳城水餃，隻蝦新鮮仲識旭，唯獨牛小排就少左d，菜有2款2大盒，整體黎講2人份已經好夠食！勝在款式選擇多。另外，仲有2個烏冬，同埋2罐汽水。

難得週未同先生二人世界，當然離不開我哋至愛嘅火鍋，今次揀咗位於大鴻輝嘅呢間火鍋店，貪佢近之餘口碑亦唔錯。火鍋湯底同配料選擇都非常多，特別係湯底，配搭用心，價錢方面亦合理。落單後侍應為我哋送上醬料，選擇豐富，而且感覺乾淨企理。湯底方面我哋揀咗花雕藥膳醉雞鍋，湯底一送上已經香氣撲鼻，非常吸引。我哋揀咗半隻雞但望落去份量非常多，雞件用花雕醃過帶有陣陣酒香，肉質鮮嫩，肥瘦適中。美國桶蠔一份四件，係意想不到咁大隻，而且非常新鮮，入口鮮甜無比，絕對係必點！牛肉方面我哋點咗頂級牛王拼盤，價錢唔平但絕對冇令我哋失望，真係一分錢一分貨，特別係A4和牛同牛胸爽，質素極高，令人超級滿足，每一啖都係享受！食完咁多肉當然要清返腸胃降低罪惡感，蔬菜籃超豐富，而且樣樣都好新鮮。餐廳無論火鍋湯底定係食材都係超水準，服務亦係非常好，絕對係近來食過嘅餐廳入面印象最好，非常推薦！

荃灣都有高質火鍋，呢度係商場頂層，可以睇到荃灣全貌，而且座位寛闊，有好大空間感。先黎9格調味架，自己可以自選調味醬，有辣椒、XO醬、胡麻醬、蒜蓉醬、芫茜等等椰子雞湯鍋椰子雞湯鍋有好多椰子同雞，好香椰子味，其實佢哋都有好多湯底選擇，但我地想食雞又想飲到雞湯，所以揀左半隻椰子雞湯做湯底上等牛腹肉上等牛腹肉肉質幼嫩，雪花紋理均勻，入口好軟身，肉味好香手打四寶丸新鮮手打四寶丸，新鮮即製四款丸，有牛豬墨魚丸同蝦丸美國桶蠔原來係超級大隻美國桶蠔，好大隻好好味好食火鍋之選

想打邊爐又諗唔到去邊😜真係好推介你嚟《蘇潮韓海》環境好好！坐得好舒服好闊落-鮮椰子雞煲 半隻$198椰子🥥另上，即刻倒落湯底度俾我哋🥰本身以為半隻雞一定喂唔飽我哋，點知食食吓其實都飽飽地😋-日本黑豚肉片$98必點🔥🔥🔥好好味！一致同朋友覺得好出色！-滑牛肉 $118呢碟滑牛肉真係滑到用筷子要夾幾次先夾到😆同朋友係咁講，呢碟真係滑牛肉黎🤣-薄切牛脷 $108-白鱔片 $88-海中蝦滑 $82-雜菜拼盤 $68菜比好大份，一啲都唔孤寒！最近疫情啲菜賣到好貴，同朋友係咁講，快啲食多d菜，啲菜貴呀🤣

_____好味指數：🌟🌟🌟🌟抵食指數：🤑🤑🤑🤑今日同朋友嚟荃灣，咁啱大家都想打邊爐🍲見到呢間新開嘅火鍋店，就嚟試下😋餐廳裝修舒適，餐具和佈置都給人高雅的感覺，咁啱有窗邊位，可以一覽荃灣風景🌇點菜後店員就會端上九宮格醬料，選擇多可以調配自己喜歡嘅口味✅蕃茄薯仔牛腩湯鍋♨️ 配料非常多，牛腩炆得好腍又入味，番茄味非常濃郁🍅就算唔點任何醬汁都覺得好夠味✅上等手切牛腹肉🥩油脂分布平均，入口充滿牛香味☺️店員話特登將牛肉切成細細片，呢個size 唔洗擔心牛太厚會淥太耐變老👍🏻✅桂花蚌桂花蚌爽滑彈牙，好鮮甜！而且size都幾大✅豬頸肉豬頸肉口感厚實，出奇地同湯底幾夾✅手打四寶丸分別係蝦丸、墨魚丸、豬肉丸、牛丸。手打丸擺盤精美口感彈牙👍🏻✅ 竹蔗茅根水叫咗一壺竹蔗茅根水清一清熱氣，清甜解渴👍🏻

簡單一個豆腐豬骨湯底，已經食得好滋味！而且環境舒服，服務唔錯，可以慢慢食慢慢嘆😋❤️上等手切牛腹肉 每一片都雪花均勻，賣相已經好吸引！淥一淥就熟，油脂香加牛肉既香味，非常高質🧡手打四寶丸 擺盤精緻既四寶丸，手打牛洲和牛丸好彈牙，芝士蝦丸好爽口!!💛鳳城水餃 好飽滿既餡料，有豬肉 木耳 鮮蝦，皮薄餡靚💚黃金鮮魷 外層薄薄一層咸蛋黃香漿包住新鮮彈牙既鮮魷，好有驚喜Overall 樣樣野食都唔錯，食材全部都好新鮮好高質，而且賣相都好吸引～不過相對地食材靚d 價錢都貴dd🤫

今日同朋友仔去咗荃灣火鍋之塔大鴻輝中心🤣🤣🤣呢個名真係唔係浪得虛明，真係成座都係打邊爐!!!! 由於任食火鍋質素參差不齊，揀咗一間單點火鍋😇😇😇感覺質素有保證。餐廳景觀開揚，落地大玻璃可以睇晒成個荃灣。設有獨立VIP房，相對衛生好多，有自己一間房咁就唔使擔心社交距離嘅問題啦! 呢度嘅座位好闊落，坐得好舒服，裝修新淨好靚。值得一題係佢哋啲碗碟好用心、好靚，食得好開心😃❁路邊雞煲 半隻 $198雞煲有得自選辣度，揀左小辣，雞肉嫩而且好入味，雞煲入邊仲有唔少椒、芫荽等等嘅配料。好期待加水做火鍋湯底😛正。❁ 頂級本地手切肥牛 $298手切肥牛好新鮮，切得幾薄身，牛味重而且少脂肪，大大碟爭啲食唔晒，賣相好掂🥩🥩🥩❁ 日本黑豚肉片$98由於同行朋友仔唔食牛，一於叫黑豚肉俾佢啦😁黑豚肉脂肪比例均勻，肉質嫩滑，大大碟，好抵食😝❁白柏葉$42呢款配料份量好誇張🙈多到食唔晒，我鍾意佢哋切到好幼身，因為牛柏葉本身好難咬，細細條方便進食，餐廳好細心。❁手打四寶丸$82有牛丸、雞軟骨丸、蝦丸同墨魚丸，整體都高質。牛丸值得推介，咬開除左香濃牛味，有牛肉汁滲出來😋😋😋好正!!!!❁娃娃菜$38

晚市禁堂食鐘意打邊爐既我點會放過中午打邊爐呢？早前聽朋友講 荃灣有山景火鍋好奇心作怪既我所以就上去睇下餐廳位於荃灣大鴻輝頂樓環境好寬躺 坐位全部都係卡位坐得好舒服 又方便放袋玻璃窗外盡是荃灣市區景色非常開揚可以一邊慢慢享用食物一邊觀賞荃灣新舊建築景色養生松茸菌湯底湯底有多種菇菌 味道清香材料用料十足 而且味道天然鐘意食菇菌類朋友 推薦頂級牛王拼盤款式夠豐富 包括牛胸爽 牛腹肉 和牛牛舌等等 一次過滿足晒鐘意食牛既朋友仔味道方面各有各好食之處牛胸爽油脂充足而且質感爽口和牛味香濃而且脂肪分布平均梗有一款啱你食海中蝦滑蝦滑表面見到粒粒分明海蝦入口非常爽口彈牙 鮮甜台灣新鮮鴨血口感嫩滑 Q彈細緻雜菌拼盤新鮮 乾淨 美味最後值得一讚係餐廳廁所乾淨職員服務都好好👍🏼

去到荃灣火鍋之塔 ─ 大鴻輝中心，梗係要打邊爐！最近頂層21樓開左間新嘅火鍋店，裝修雅致，環境舒服。火鍋湯底選擇唔少，我地就揀左醉雞鍋，湯底有滿滿嘅藥材，真材實料，而雞就用左酒去醃，充滿酒香，兩個人食半隻就啱啱好。原來打算叫牛頸脊，但無貨，所以就轉左食牛腹肉，點知質素都唔錯。牛腹肉即係「牛五花」，油脂比較多，好啱打邊爐。水餃、丸類都可以叫半份，適合兩個人食，咁就更有彈性叫多啲野食。竹蔗茅根水好抵飲，一大樽都只係$38，大約斟到五杯。而且味道清新，唔會太甜。🔹花雕藥膳醉雞鍋（$198半隻)🔹上等手切牛腹肉（$298)🔹鳳城水餃（$42半份）🔹芝士蝦丸（$42半份）🔹鮮腐竹（$38)🔹皇帝菜（$45)🔹竹蔗茅根水（$38)

平時好怕外出打邊爐，但係呢度就唔同，呢度環境舒適，座位闊落，好有空間感，而且非常乾淨。餐廳位於商場頂樓，遠眺整區嘅景色，而餐廳主打高質素火鍋👍 先有9格調味架，可以自選唔同調味醬，入面有XO醬、麻醬、蒜蓉、芫茜、辣椒等 呢度有多款湯底，如雞、牛、羊、豬骨、麻辣、蕃茄、芫茜皮蛋、清湯等，我地想食雞又想飲到雞湯，所以揀左半隻椰子雞湯做湯底🐥 椰子雞湯鍋🐥$198 半隻椰雞湯鍋有好多椰子，整個湯都好香椰子味 上等牛腹肉🐮$248牛肉雪花均勻，拾下拾下必選😋 手打四寶丸🍡$82鮮手打四寶丸，新鮮又美味 美國桶蠔🦪$168超級大隻美國桶蠔，3分鐘左右就食得，入口好滑入面又軟身

呢排天氣又凍返，好想打邊爐！知道大鴻輝頂樓開左一間新嘅火鍋私房菜，主打高質嘅食材同一般放題質素唔同，就黎試下！地方好闊落，有好多間vip房，成間餐廳都有落地大玻璃，好開揚！望到成個荃灣的景色，我哋揀左一個窗邊位坐！👉🏻椰子半隻雞火鍋湯底好足料，呢度係即開椰子，將成個椰子嘅水倒落個鍋，而且亦都唔係急凍雞，係靚嘅冰鮮雞，好有雞味！份量都好足！呢個湯亦都好清甜，除左椰子雞仲有好多粟米，雞腳，椰子肉同其他配料！👉🏻本地手切肥牛298食過手切嘅返唔到轉頭，油花好靚，冇肥肉，入口即溶，好重牛味，推介！👉🏻手打四寶丸$82擺盤超級打卡，而且內涵亦十足！每一粒都好彈牙，特別鍾意牛丸入面好似有啲芝士咁，好好味！👉🏻炸蝦油炸鬼 $78油炸鬼包咗蝦膠，只需浸一陣個湯底就食得，味道出奇地夾！真係好滿足嘅一餐！

平時甚少晏晝打邊爐，但因為晚市限堂食，今日決定喺荃灣大鴻輝中心嘅「蘇潮韓海」午市打邊爐。餐廳居然安排咗間VIP房俾我哋，裏面有獨立電爐和電視，可以在房內慢慢混醬，在疫情底下，真係勁貼心安排。鮮椰子雞鍋店員結我們打開椰皇，然後將椰子汁放落湯底，真係夠晒新鮮和足料。雞皮薄肉厚，唔會太肥，煲出來湯底都唔會油膩，味道鮮甜，椰香撲鼻。牛舌每塊牛舌都切得厚薄適中，食落肉質幼嫩，牛味濃郁。白鱔片白鱔片十分新鮮、肉厚、而且份量很多，CP值極高。招牌手打澳洲和牛丸招牌菜式冇得頂，彈牙，牛肉味超濃郁，必食。港式鮮蝦雲吞自家製嘅雲吞果然不同，豬肉和蝦肉嘅比例啱啱好，加埋個椰子雞湯底和烏冬一齊食，味道一流雜菜拼盤菜嘅種類很多，分別有茼蒿，生菜，白菜仔和油麥菜等等，而且份量都好多，而且夠新鮮和洗得好乾淨，冇得彈。

#meloin @suchao_hanhai冬天最啱就係打邊爐，今日同媽咪一齊去咗荃灣，90度景觀開揚，中午打邊爐人少少，卡位坐得好舒適。💫鮮椰子雞鍋$198湯底用料上乘，用了新鮮原個椰子，湯底在上枱前，才把椰子水倒入鍋內。半隻黃油雞肥瘦分明，肉質鮮嫩。鍋內還有新鮮粟米和椰子作配料。💫極級本地手切肥牛$ 298手切肥牛一點也不肥，而且肉質淋，牛味濃郁💫手打四寶丸$82牛肉丸、豬肉丸、手打墨魚丸、鯪魚肉有選擇困難症嘅朋友一定要叫這個拼盤，每款有兩粒💫雜菜拼盤$68雜菜拼盤比想像中多，生菜、油麥菜、白菜、菜心等應有盡有，每款菜都非常新鮮乾淨💫竹蔗茅根水$38/一壺一壺飲品可以分成五至六杯，清甜解渴醬料用九宮格形式送上，辣椒、芫荽、姜戎、蔥花等新鮮配料係我嘅自愛，還有XO醬、沙茶醬、豆瓣醬等等📍 蘇潮韓海 (荃灣)荃灣眾安街55號大鴻輝(荃灣)中心21樓5⭐️評分好食指數：⭐️⭐️⭐️⭐️餐廳環境：⭐️⭐️⭐️⭐️

最近沒有晚市，很少機會外出食飯，而天氣確實有點冷，真的很想打邊爐，便相約太太午市來到附近這間環境很不錯的餐廳位置（8/10）：位於大鴻輝中心21樓，由港鐵荃灣站B1出口步行約10分鐘，荃灣最集中的飲食地標，附近是沙咀道及眾安街，交通便利環境（10/10）：餐廳裝修華麗，空間及通道廣闊，開揚的落地玻璃顯得貴氣，連洗手間外的裝修亦很精緻服務（9/10）：收銀台提供消毒潔手液，經理很有禮貌，見我們在考慮，主動幫忙先下湯鍋及提供醬料，服務不錯食物（9/10）：餐廳食材精緻，食得出的新鮮，湯底亦算有質素，午市更有火鍋外的午餐選擇，價格實惠醬料 ~ $15/位九宮格的醬料整齊乾淨，其中XO醬相當香濃，瑤柱絲及蝦米份量十足，物超所值半隻花雕藥膳醉雞鍋 - $198用上沙參、玉竹、紅棗及杞子煮的湯底，再另上半隻醉雞，沒有先煲過所以有點淡，但用料算足，打邊爐一段時間後味道慢慢滲出，而醉雞算是香滑，同時充當一款飽肚的火鍋料招牌四式拼 - $108有鳳城水餃、港式鮮蝦雲吞、韭菜餃及梅菜豬肉餃各兩粒。全部大大件令人滿足，水餃香滑爽口、雲吞彈牙而蝦肉鮮甜、韭菜餃相當香濃，最後豬肉餃鮮味十足半份招牌手打澳洲和牛丸

荃灣呢間火鍋店位於大鴻輝， 地理位置十分方便。 餐廳有唔同嘅獨立vip房，喺疫情嚴峻嘅時候獨立房真係令人覺得安心好多，尤其是打邊爐嘅時候，唔使驚會因為隔離枱，咁容易受感染。湯底方面具有好多唔同湯底選擇， 最後我哋決定叫蘿蔔牛腩湯底， 十分欣賞佢嘅料好多， 牛腩煲到好林， 蘿蔔亦都冇苦味。佢哋招呼好好， 調配醬料嘅醬料拼盆會親自送嚟畀我哋自己撈。我哋叫咗一個蔬菜拼盤， 上等手切牛腹肉， 招牌四色拼手作餃， 台灣新鮮鴨血， 新鮮炸腐皮。 不得不讚佢嘅蔬菜拼盤超抵食，裏面有四五款蔬菜而且勁大盤食到好飽。 而佢嘅上等手切牛腹肉亦都好新鮮 ，牛腹肉切到好薄，牛味好重。 最欣賞佢嘅新鮮炸腐皮其實即係響鈴，新鮮炸係唔同啲，佢比現成響鈴更薄更脆， 入口即化。 佢嘅新鮮鴨血亦都好好味， 口感一流。 值得一讚係佢嘅招牌四色拼手作餃，料好多，味道亦唔錯。