蟹仙海鮮私房．蒸氣石碢 (環海大廈)

营业中

休息中

念念不忘這間蒸海鮮餐廳「蟹仙」，位於尖沙咀最緊要夠晒方便，價錢也相當合理，尊貴海鮮套餐 食足8款海鮮 折完$449全部每日新鮮到貨，海鮮質素好好，透過猛火蒸氣更加食到原汁原味，掌握最佳蒸煮時間，熱騰騰上，避免平時食海鮮，轉頭就凍晒風味大減，呢度有專人幫手，我淨係負責食就得啦當日就揀咗以下嘅海鮮海鮮：野生膏仔蟹/韓國釜山鰻魚/野生琵琶龍蝦/台灣九孔鮑魚/大西洋野生青口/韓國斧山珍珠蠔/黃金翡翠螺/蟹黃大元貝雖然比起平時價錢相宜，質素一樣咁高，encore 仲可以優惠價加購，最愛當然係鮮甜彈牙的琵琶龍蝦，多膏好飽滿，大元貝非常好厚肉加上自家製蟹黃醬，味道更加惹味，好味完全唔需要醬油！店家大推的「菲律賓膏仔蟹」，香港只有數間海鮮批發商可以取到貨，所以很難得可以吃得到，蟹膏呈綠色相當豐腴，鮮味濃，食到海鮮的原味！最後嘅粥，集合海鮮汁精華！加上芋頭、豬骨、粟米、菜脯及蔥等，配料咁多差啲食唔晒，最後再食甜品「椰汁雪燕」，真材實料又唔會太甜，大家都好滿意👍—————————————————蟹仙海鮮私房．蒸氣石碢 (環海大廈) (尖沙咀)尖沙咀天文台圍2號環海大廈2期地舖

蟹仙海鮮私房，蒸氣石碢，位於尖沙咀，近天文台道，座位幾闊落，全場爆滿記得book位😗做海鮮蒸鍋，有唔同既套餐，幾百到幾千都有，專人服侍計好晒時間，仲會提議埋食法👍🏻開餐！加拿大野生大赤蝦，好大隻既，超濃蝦味肉質好彈好鮮🤞🏻韓國鰻魚，非常厚身，肉都彈牙又夠鮮🤩台灣九孔鮑魚，食落就好鮮好爽身，好好味🤤元貝大大隻，鮮得黎幾好肉地，韓國斧山珍珠蠔，勁大粒，蠔味又濃又juicy🥳飲住小麥啤繼續食青口都幾大隻，唔點醬油都夠晒海水味😻紐西蘭刀貝蚌，都係好濃海鮮味，正👍🏻菲律賓肉蟹，膏超多又濃，肉都好鮮好正🤗野生琵琶蝦，肉質彈牙好味，幾特別既蝦味👏🏻食埋菜之後就用啲精華煮粥，個粥濃又綿，好味😋食蟹仙既海鮮食一定無死，超高質👍🏻整體都相當新鮮，食到原汁原味😘又飽又滿足既海鮮餐😛

今日黎到蟹仙尖沙咀分店食海鮮蒸氣鍋，位置方便，仲性價比好高。我同朋友揀左尊貴海鮮套餐$449，食到共十款美食，真係好抵食！～尊貴海鮮套餐～菲律賓奄仔蟹韓國釜山鰻魚澳洲青年龍蝦台灣九孔鮑魚加拿大野生海虎蝦韓國釜山珍珠蠔紐西蘭刀背蚌加拿大翡翠螺蟹黃大元貝有機蔬菜籃估唔到呢個價錢可以食到珍貴海鮮，我最愛嘅龍蝦、鮑魚、蟹等～元貝超驚喜！除左鮮味仲好彈牙～青年龍蝦好多肉，仲有好濃蝦膏！奄仔蟹都好正，蟹肉鮮，好多肉～蟹膏都滋味無窮！店員細心介紹每樣海鮮食法，翡翠螺同海虎蝦海水味濃，唔洗點醬汁都好好食；店員特別推薦鰻魚點wasabi, 味道特別，更顯鰻魚鮮味！最尾由海鮮精華煮成嘅粥，鮮味無窮！食完個身暖粒粒！真係大滿足～

🥢🥢🥢歸類為小姐少爺餐 睇火同夾餸都有人代勞 鮮味程度 = 90%回訪率呢個海鮮蒸飯真係食到我心坎入面！首先，加拿大野生海虎蝦搭配黃金翡翠螺，海水味好濃，根本唔需要點豉油，已經夠味！台灣九孔鮑比韓國釜山鰻魚更勝一籌，鮑魚彈牙，配上醬油，味道更加突出；而鰻魚用薑蔥蒸，點上wasabi，真係唔錯！韓國釜山珍珠蠔超肥美，海水味好濃郁，食完一口，真係想再來一隻！至於紐西蘭刀貝蚌，粒粒大，鮮甜又有咬口，食落去真係好爽！澳洲青年龍蝦同菲律賓奄仔蟹都好正，三個月大嘅幼蟹，膏多得嚇人，超滿足！有機蔬菜籃配上豬骨粥，粟米、生菜同娃娃菜，清新又健康，粥底更添風味。最後，糖水用椰汁燉雪耳，竹蔗矛根茶真係清甜可口，完美結束！整個餐廳嘅海鮮新鮮得令人驚喜，真係值得推介！#蟹仙 #蒸氣海仙鍋推介

点了$2438四人套餐及兩瓶飲品，連醬油費／粥底費，加一服務費及假期附加費，埋单接近$3000, 平均每位消費$750。海鲜尚算新鲜，是一般的海鲜種類，包括龍蝦，蝦，蟹，蠔，蚌，螺，鲍魚等，連鷄件肉片及蔬菜合共约十二款食物。店員服務勤，積極推介的饅頭蟹很细，每人半隻，肉少無膏，令人十分失望。餐廳環境及装修較舊，燈光昏暗，小店格局。由於全是清蒸海鲜，沒有任何配料烹調，加上份量少及環境衛生一般，我覺得物非所值。

天寒地凍行到諾士佛臺突然好想食蒸海鮮就同friend上網search到附近原來有間蒸海鮮嘅餐廳😮 見到都幾多好評就去咗食😆嗌咗個$449一位嘅尊貴海鮮套餐入邊共有10款嘅野食😮今次我哋食咗前菜✨秘製南非飽魚之後就主菜蒸海鮮👇🏻✨野生膏仔蟹 太平洋饅頭蟹 野生琵琶龍蝦 大西洋野生青口 加拿大野生海虎蝦 韓國野生珍珠蠔🦪 紐西蘭刀貝蚌 紐西蘭月亮貝 再食埋🥬蔬菜蒸完海鮮嘅精華就落曬去最後個粟米芋頭粥到啦😆💬 呢間蒸海鮮嘅海鮮都新鮮 膏蟹仔都多肉🦀同埋全程會有專人幫你蒸海鮮 唔洗自己郁手😂雖然都知道香港食海鮮嘅價錢一定會比較高🥹但如果份量再多啲就更好啦😆不過最後都仲有個粥食 如果唔係都可能真係未必個個夠飽😂📍 蟹仙海鮮私房．蒸氣石碢 (環海大廈) (尖沙咀)尖沙咀天文台圍2號環海大廈2期地舖#蟹仙海鮮私房蒸氣石硐 #蒸海鮮 #尖沙咀 #環海大廈

蟹仙海鲜私房．蒸气石碢 (环海大厦) (尖沙咀)尖沙咀天文台围2号环海大厦2期地铺--尊贵海鲜套餐$449一位用现金或者转数快俾钱仲会送椰汁雪燕甜品，劲多雪燕好足料😋😋-野生膏仔蟹太平洋馒头蟹鲜味又嫩滑，睇落细细只但鲜味同肉身嫩滑感就系海鲜中数一数二～一年只有三至四个月可以品尝，非常罕有-澳洲青年龙虾台湾九孔鲍鱼大西洋野生青口加拿大野生海虎虾韩国釜山珍珠蚝蟶子蟹黄大元贝有机蔬菜篮-海鲜粥蒸海鲜嘅精华会流落去煮下层嘅粥，店员会粟米同排骨放入粥内煮，蒸晒所有海鲜之后，再加入葱花+菜脯就可以食粥了🔥粥底非常鲜甜，连埋菜脯食好有咬口，仲有劲多排骨，真系好足料！🫶🏻-

今日同朋友嚟到尖沙咀試「蟹仙」嘅尊貴海鮮套餐，真係超值又滿足！成套餐總共有10款海鮮，全部都係靚料，最重要係新鮮到不得了！ 第一道係韓國釜山鰻魚，職員蒸得啱啱好，鰻魚好彈牙，肉質鮮甜，食得出係高質貨。之後嘅澳洲青年龍蝦，每人半隻，龍蝦肉嫩滑又有彈性，真係好好味。跟住就到南非乾包，大隻又肉厚，啖啖肉真係好滿足。仲有大西洋野生青口，一咬落去，滿口海水味，鮮味十足！ 加拿大野生海虎蝦都係巨型，肉質爽滑，蒸完仲保留住佢嘅鮮味。韓國釜山珍珠蠔精亦係驚喜，蠔好大隻，蒸完依然鮮嫩多汁，仲有少少奶香味。至於蟹黃大元貝同蟶子王，大元貝上面加咗蟹黃，一口落去Creamy到不得了，而蟶子亦係爽口彈牙，質感一流！ 最後係太平洋饅頭蟹，肉質厚實又鮮甜，啖啖肉真係滿足感爆棚！蒸完海鮮仲可以蒸啲蔬菜，生菜同白菜吸晒啲海鮮嘅精華，變得特別鮮甜。 食到尾聲，海鮮嘅精華全部滴晒落去用嚟煮海鮮粥，一碗接一碗，鹹香濃郁，真係完美收尾！整體嚟講，呢間餐廳無論係食材質素定係服務都好高水準，蒸氣海鮮嘅蒸法又健康，絕對值得一試！

有朋友介紹食呢間話係勁新鮮嘅蒸氣海鮮鍋。個名叫蟹仙。個位置比較難搵，係喺諾士佛臺尾嗰條斜路行到盡再轉入去，出面條街係掘頭路應該可以泊到車。👍👍👍開頭嗰啲鮑魚蝦蠔同埋，刀背蚌嗰質素就ok啦，正常水準。👌👌👌但係最尾上嗰個澳洲青年龍蝦同埋野生奄仔蟹真係不得了。啲膏爆曬出嚟。同埋啲肉係勁爽勁彈呀。食得出個鮮甜嘅味道。同出面養殖嗰啲真係差天共地👍👍👍👍係絕對會返轉頭食嘅餐廳😍😍😍🥰

尊貴海鮮套餐最近我品嚐咗一個非常豐富嘅尊貴海鮮套餐，內含十款精選食物，每一款很好吃。🐟韓國釜山鰻魚肉質滑嫩，味道鮮美，帶有淡淡的煙燻香🦞澳洲青年龍蝦肉質鮮甜，口感彈牙，不用醬料了，也很好吃🌊台灣鮑魚質地緊實，又唔會太韌，鮮香味濃⚓️野生青口肉厚、鮮味十足，搭配蒜香醬汁更添風味。 🦐加拿大虎蝦味道鮮美，好厚肉，非常適合清蒸🦪韓國釜山珍珠蠔口感滑嫩，海味濃郁，不會有腥味🐚紐西蘭刀背蚌肉質鮮甜，配合醬汁令人回味無窮🥗有機野菜籃有粟米、生菜等，新鮮爽口，十分健康。🥣最後，套餐的粥底集合咗各種海鮮精華，加入菜脯、豬骨等，香氣四溢，每一口很好吃。

每次一天氣轉凍就最想食蒸氣海鮮！蟹仙有唔同嘅海鮮套餐，仲有專人計好晒時間蒸熟，所以永遠都係我嘅首選💓▫️尊貴海鮮套餐 $449喺正式蒸海鮮之前，餐廳前菜居然係鮑魚冬菇！鮑魚同冬菇都炆得好入味☺️餐廳將貝殼類海鮮及蝦一次過呈上比顧客睇，令我哋超級期待😎特別係超巨型嘅生蠔，牛肉超巨型又厚肉👍🏻其他海鮮都唔錯，蝦同埋其他貝殼類海鮮都十分之新鮮☺️平時喺出邊好少見到嘅琵琶龍蝦都可以喺呢度試到，十分之有驚喜！餐廳名叫蟹仙，因此套餐內總共包含咗兩隻蟹俾我哋嘗鮮🥰新鮮嘅清蒸蟹質係特別鮮甜！除咗海鮮外餐廳都會提供蔬菜及粥底，確保每位顧客都吃飽滿足👏🏻💬 推薦想食清蒸蟹嘅朋友來一試，都幾適合小型家庭或朋友聚會🎉

夜晚同朋友👭去尖沙咀食海鮮發掘到一間隱世海鮮店令人驚喜🥰🥰。餐廳係天文臺圍，上咗天文臺道條斜路之後轉右行到最尾就係餐廳嘅所在位置。餐廳有眾多海鮮選擇，店內魚缸海鮮都係每日新鮮直送，有質素保證。我同朋友叫咗尊貴海鮮套餐，份量豐富。韓國釜山珍珠蠔🦪海水味濃，甜味回甘，肉質肥美、creamy。紐西蘭刀貝蚌混雜淡淡海洋味同清新柑橘味，清甜爽口。蟶子唔駛沾豉油，就咁擺入口，食出海鮮嘅鮮味。琵琶龍蝦🦞賣相唔討好，食落卻有異常鮮甜味，係海鮮嘅不二之選。成餐飯以鮮甜蔬菜🥬🥦同粥底作結，滋味無窮，期待下次再嚟蟹仙品嚐各類新鮮海鮮！！꧁☬小編推介☬꧂ 尊貴海鮮套餐（$449/位）（5折後價）✅ 韓國釜山鰻魚✅ 野生琵琶龍蝦✅ 秘製原隻南非乾鮑✅ 大西洋野生青口✅ 加拿大野生海虎蝦✅ 韓國釜山珍珠蠔🦪✅ 紐西蘭刀貝蚌✅ 蟶子✅ 有機蔬菜籃✅ 竹庶茅根雪梨一渣（$68） （餐廳自家製冷泡茶）(◔◡◔) ♥️ 人均傷害💰：~ $500♥️

✅️位於尖沙咀，地點方便✅️主打野生海鮮，更加鮮甜✅️清蒸海鮮，原汁原味，還有鮮甜海鮮粥✅️設有套餐，方便選擇困難症人士，優惠高達五折尊貴海鮮套餐（10款） $449 0. 秘製原隻南非乾鮑整個套餐的前菜，醬汁入味，肉質緊實香濃。1. 罕有藻食綠膏蟹整個套餐畫龍點睛之筆，膏蟹大隻多肉，甘甜鮮美，滿滿的蟹膏。2. 太平洋饅頭蟹 帶有海水的鮮味，鮮味又嫩滑。3. 野生琵琶龍蝦 肉味鮮甜嫩滑，淡而柔軟，肉質富含水分。4. 大西洋野生青口 淡淡的泥土香氣，口感滑嫩。5. 加拿大野生海虎蝦 味道緊實鮮甜，帶有海水的清新感。6. 韓國釜山珍珠蚌帶有特有的甜味和海水的鹹香，別具口感。7. 紐西蘭刀貝蚌肉質鮮嫩，味道獨特。

餐廳直接供應各地野生海鮮，適合海鮮愛好者。全程有店家幫忙蒸煮，教你如何享用。尊貴海鮮套餐 （10款） $449 + 10%罕有藻食綠膏蟹大隻多肉，肉質鮮嫩，甘甜鮮美，蟹膏多、香濃醇厚，帶有淡淡的藻類香氣。太平洋饅頭蟹肉質鮮嫩，帶有自然的甜味，口感滑潤，略帶海水的鮮味。野生琵琶龍蝦肉質緊實且彈牙，味道濃郁。大西洋野生青口有淡淡的泥土香氣，口感滑嫩。加拿大野生海虎蝦味道鮮甜，帶有海水的清新感。韓國釜山珍珠蚌肉質細膩，味道清新，帶有淡淡的甜味和海水的鹹香，口感滑爽。紐西蘭刀貝蚌肉質鮮嫩，味道獨特，兼具海鮮的鮮甜和微微的堅果香，口感滑溜。

《蟹仙海鮮私房．蒸氣石碢》今日同朋友嚟到尖沙咀呢間主打蒸氣海鮮粥底火鍋嘅「蟹仙」食😙😙 佢出名啲海鮮超級新鮮同埋大大隻🫨 而今次就選擇咗尊貴海鮮套餐（每位$449） 有成九款海鮮咁多服務員都會幫你整蒸同埋計時間，我哋就淨係坐喺度等食就得啦🙈首先蒸嘅係加拿大野生海虎蝦，每隻都有成隻手咁大隻，肉質當然係非常彈牙鮮美😋蒸鰻魚都真係第一次食 感覺幾新奇 其實有啲似食緊鱔 肉質好彈牙 而且鰻魚皮保持咗煙靭感同埋充滿油脂感，非常香口🤩🤩原隻南非乾鮑係全餐唯一唔使用蒸氣煮熟嘅海鮮 配上秘製醬汁熬製而成 同埋配埋花菇 味道非常鮮大西洋的野生青口體積非常大隻，而且個人嚟講好少食咁新鮮嘅青口(平時食開都係急凍青口🙈🙈 ) ，亦都係充滿海水鹹味唔使額外調味韓國斧山珍珠蠔蠔肉肥美，海水味十足。服務員將蠔蒸得啱啱好，保留咗個鮮味。紐西蘭刀貝蚌肉質厚實，味道似沙蜆，但係比沙蜆大隻好多🤪跟住係到蟹皇大元貝。原來元貝除咗配蒜蓉粉絲之外，配搭上濃郁嘅蟹皇亦都非常夾澳洲龍蝦每人有半隻，完全唔使豉油調味淨係食個海水味已經覺得好鮮甜🤤 壓軸出場嘅係奄仔蟹, 蟹肉鮮嫩而且多肉，肉質彈牙。蒸氣的烹調方式更能保留蟹的鮮味，而且蟹膏