西貢星 (已結業)

眾安街越來越似一條潮流食街, 上年頭先有雞煲進駐, 也令不是食店轉營或者加賣雞煲；如今, 雞煲熱潮稍為降溫, 進來的是越南菜館...老趙, 還有這間西貢星。   西貢星兼賣泰國菜, 店內牆上掛了兩幅泰皇及皇后的照片, 那是泰菜館基本的必然的佈局(今天店內客人眾多, 不便舉機拍環境照)  室內裝飾簡潔, 白牆壁白檯凳配上蘋果綠坐墊, 落地玻璃增加空間感, 若然在客少的情況下來到, 坐下並喝著滴漏咖啡, 環境舒適, 似乎能「洗滌心靈」吖!今天星期日, 當然不能悠閒地坐著, 更加要付加一服務費...叫了客 午餐E 香辣肉碎炒河 配 即磨咖啡 $46送上檯已聞到香香的泰國香草香味...我習慣先用餐具把炒河撈散才開始吃, 撈後發覺炒河粉底下藏有大量西生菜絲, 薄身的河粉食落又濕又腍, 有好香好重的蒜頭味 (不是蒜蓉喔~), 幸好腍度也未致於糊, 難道想用大量生西生菜絲去增加炒河的層次爽口感？ 配菜有很多: 洋蔥塊、生青豆角、紅尖椒、蔥白、青椒塊、九層塔、肉碎, 而且蒜頭有炸過；以上種種味道合起來, 食落有香草的香味, 蒜頭的甜, 還有紅尖椒那令人標淚的辣, 好好味!不過, 即磨咖啡的味道是有點怪

放工同男朋友過荃灣食飯，本身諗住食雞煲但係好多人 ，男朋友又唔想咁熱氣，見對面間西貢星裝修都幾靚，條龍又唔係好長，決定一試！呢間越泰餐廳同平時個啲好唔同，有多好多自創菜式！  今次決定唔要椰青，試下佢個椰子沙冰！好少見啲沙冰溶左都仲咁濃味！男朋友一睇到個餐牌就話要試農夫飽！我地揀左咖喱雞！等一次食！一上既時候個飽係未打開既，一打開見到好多雞！真係好足料！個咖喱味都唔錯少少辣，不過可以再濃啲我就叫左個芥末芥蘭配魷魚，貪佢個配搭新唔知係我少見識定點，我覺得呢個款好特別呀！魷魚就都係個啲啦但係個WASABI芥蘭好正！食個下真係功鼻唔食得WASABI真係要諗諗先。但係我本人好鍾意，第一次嫌啲芥蘭少男朋友叫左個蓮藕苗沙津，又係貪新鮮！真係大鄉里，蓮藕苗我都係第一次見食落好爽無左平時食個啲絲，啲汁甜甜地酸酸地都幾開胃。但係我始終唔係好鍾意食蓮藕嘻嘻我地仲想叫泰式蝦餅，侍應姐姐推介左呢個蝦薄餅！！果然無介紹錯！同平時個啲蝦餅又係好唔同！佢加左花生係入面所以好有咬口！新鮮炸一咬落去熱辣辣不過好熱氣我地兩丁友食唔曬真係太飽所以無再叫野食。見到隔離差唔多個個都有煲野，原來係冬陰公賣相不錯下次再試！總括

見佢開左一段時間，又幾多人幫襯咪試下。叫左兩個晚餐連餐飲及糖水。第一個係海南雞飯$55-睇落好靚，但實質d雞好肥，仲要無味同d肉有少少梅。第二個係鮮茄牛尾煲$68，唔錯，好夠熱，只係甜左少少，送飯一流。跟餐小食酸辣鳳爪$12-好辣，連友人食開辣都叫救命。最後送左黑糯米糖水，甜左d,都唔錯。

歐遊回來，太座對東方食品特別懷念，由於時差的關係，睡醒已是下午，正好來一個下午茶時間，落到大街，行過看到這越南店， 太座說未試過可一試，我自已反正胃口未開，吃什麼也可以，就進去一試。坐下點了兩份下午茶餐，一個是 青芒果沙律跟菜蜜差不多全份沙律百分之九十是青芒果，用料算十足，但可惜材料太參差，有幾條芒果未熟就用，結果酸到瀝口，部份就夠夠熟夠甜，而面上灑上的魚乾就非常脆口，入口也香甜，可惜沙律汁太辣，蓋過了大部份味道。另一個是牛根生牛肉豬排金邊粉跟咖啡湯底不夠濃，頗為清淡，牛根夠淋有噬口，生牛肉可能太薄，—浸入湯就已過熟，入口嫌有柴的感覺，香茅豬排用碟另上，香茅味不錯，但豬排放久了，不夠熱兼入口太淋也欠肉汁，金邊粉夠滑；而飲的咖啡尸是普通即沖咖啡而並非越南咖啡，還十分淡口，不過總括來說這般價錢還是可接受的。

同老公去完Studio影相後．．．我們對這區不太認識，難得到訪，當然要尋找美食～但出名的泰式餐廳及火鍋店都大排長龍．．．最後選擇了門面光鮮的泰越餐廳，名為西貢星。 店子小小，以白色及緑色做主調，感覺不錯！打開餐牌閱讀一下，不乏有泰國及越南菜式，有粉麵飯有小菜，還有小食供應，價錢都十分親民。雖然週末都有飲品半價及小食特價．．．真的不錯～咖喱牛腩配法國農夫包有黃咖喱、紅咖喱和青咖喱三款可選擇，侍應話三款辣味一樣，但青咖喱比較香．．．所以選了青咖喱。西貢星的這個包賣相吸引而且夠脆夠熱。青咖喱很creamy，而且牛腩腍，而且細細件容易入口，還有炸過的迷你薯仔。整個麵包都盛滿咖喱汁，用店方提供剪刀，可便剪開食。吸了咖喱的法國農夫包十分惹味！蒜蓉包　$12 (3件）蒜蓉味不太重．．．但用來送咖喱牛腩都可以～牛油雞翼　有６只，雞翼熱辣辣而且雞翼大大隻，份量十分足夠～牛油味都幾香～　唔錯！豬頸肉燒得好香口惹味，肉質鬆軟，再加上秘製汁少少辣，唔錯！青檸梳打＆椰青平平的晚餐但味道都不錯．．．埋單$250

見到間新開張嘅茶餐廳 ， 應該係食泰國同越南野 ，用左白色主題既裝修，好似好乾淨咁，於是走左入去食下午茶，叫左個咖哩牛腩飯，我諗牛腩而家應該好貴，因為只係得4件牛， 咖哩味道一般， d汁好似水咁，咖哩唔夠濃味 ，汁裏面有粒連皮的薯仔，我仲以為係牛丸 ！！！ 有粒連皮嘅薯仔，好似怪怪地！！！ 最值得讚就係侍應生態度，好勤力，收碟好快。不過連下午茶都要四十幾蚊，好似鬼左少少 ！！！！

上星期在眾安街用膳後，準備打道回俯，卻給在下發現有一間新開張的泰越餐廳，名為西貢星，於是今天就造訪這新開餐廳，品嚐一下泰越菜式。從外面到裡面，都是以純白色為主色，當中也以綠色為點綴，而且有綠色像似是植物裝飾，令人感到很舒適及光猛感覺。而餐桌及座椅亦是以白色為主色，感覺也覺統一吧。在餐廳面門看到的，更以中英日文寫上了餐廳名字呢！打開餐牌閱讀一下，不乏有泰國及越南菜式，有粉麵飯有小菜，還有小食供應，價錢都十分親民。在下就坐時間為下午茶時間，因此亦有下午茶供應。香茅豬扒飯賣相不錯，豬扒斬件而且配有紅蘿蔔絲及白蘿蔔絲，豬扒上面舖滿了香茅，旁邊還有一小碟醬油。在下把醬油加上後，再混和香茅，吃一口豬扒，有微微的鬆化感覺，但是肉質就偏硬了一點，而且香茅味道不夠濃郁，而紅白蘿蔔則有酸酸的味道，也幾醒胃。米飯方面卻有點偏硬，未見軟腍。泰式蝦餅一碟三件，因為是下午茶關係，因此份量比正常少。蝦餅上桌是已經分為兩半，吃一口的時候，雖然是經過油炸，可是卻又異常的乾身，沒有油膩的感覺，而蝦餅本身都結實，欠缺了彈牙感覺，倘若可以做到彈牙的話，相信會更好。凍咖啡香濃而濃郁，富有咖啡的香味，奶的份量也恰到好處，使咖啡的

誤打誤撞來到西貢星，遠遠看見招牌有點日文，起初以為它是日式餐廳，再望望它的裝潢，又覺得像一間cafe，原來統統都不是，這是一間越泰餐廳，裝潢以綠白為主，雖然感覺清新而且光潔明亮，但總是有點說不上來的格格不入。 串燒肥牛柳粒用魚露醃製，味道很泰式。外表燒得有點焦，肉質有點不自然的爽嫩。泰式魚蛋有個響噹噹的名字，叫飛刀魚丸，外表同樣燒焦，也嚐不出是否真正的飛刀魚，不過口感上跟廣東魚蛋差很遠，欠爽彈感。在menu上，泰式湯河和越式湯河是分開的，各有不同配料，粉麵的種類也不同。價錢方面，單拼$38，雙拼$45，三料$50。找不到我最愛的扎肉雞絲湯河，唯有點豬膶扎肉湯河。不過幾乎是一上菜我就後悔了，因為豬膶的血水不斷滲出來，口感鞋口，非常嚇人，而且湯底用的香料，味道不夠突出，不似金不換，也不似香茅。今餐唯一的亮點，是這個咖喱牛腩配法國農夫包，有黃咖喱、紅咖喱和青咖喱三款可選擇，嗜辣的可選青咖喱，想安全一點，便應該選黃咖喱。雖然說是法國農夫包，但可能因為少了那道十字刀痕和表面那層白麵粉，加上內裡是白麵包而非麥色麵包，所以感覺少了那種純樸的歐陸風味。不過，西貢星的這個包夠脆，拿起來輕軾敲打，聲音非常

往銀行之便,在食肆林立的眾安街找午餐,在一眾茶記中忽然有家外觀純白的餐廳在眼前,望望門前菜單,原來是吃越南菜的西貢星,反正店內有位造就一個越南午餐。全店採用素白色調,令餐廳看來光猛明亮,連鄰桌OL也有如此感覺,像咖啡店的環境是舒適的,只是一眾OL在午餐時間談得太興高采烈而吵了一點,當她們離座後整家西貢星回復安靜又是另一番更佳感覺。越南菜當要試其湯粉,捨棄飽肚的海南雞飯選了雙拼湯檬,原來這個午餐還有飲品,女侍應所說的飲品選擇中只聽到青檸梳打及即磨咖啡,在這還算熱的天氣下還是青檸梳打較合我飲。看到不遠處的水吧如何泡製這款特飲,每杯加了約1/3的檸檬汁,加冰再加梳打水就完成了。看來夠多的檸檬汁帶來的酸度還可以卻未夠清新,所用梳打水也不是太夠氣,始終未及Bee Two的青檸梳打般夠氣清新,西貢星的只算平平。湯檬看似大碗其實份量不多,幼身檬粉很有韌勁,不會一夾即碎的沒水準,配合牛骨湯後也吃得飽;沒多油份的牛骨湯濃度有點不足,鮮味也不太足夠,唯一好處是夠熱,足可以將爽脆銀芽燙熟,不然半生不熟的芽菜真的不好吃。不知道是否午餐關係,湯檬除了蔥花沒有加入什麼香葉,別論正宗與否也令湯粉欠缺香草香,食味更為

上個禮拜趁住打風前，約左幾個friend出黎搵好野食。點知出左門口天文台又話好快要掛八號，結果係荃灣行行下就見到呢間新開嘅越南餐廳，睇落個環境唔錯，咁就一齊入去試下! 結果令我地喜出望外因為本身無諗過食呢間，所以都係見到咩推介就叫咩。一開始叫左幾個小食生蝦刺身 － 都新鮮嘅不過對生野無乜興趣，不過同行既友人就食到好滋味，有少少辣不過好開胃!呢個幾特別，白色一支支嘅係蓮藕苗，好爽口同好甜，無諗過會咁好食! 值得推介 炸蝦餅 － 同平時我地食開薄薄地既唔同，lee碟足料得黎又脆脆地好香口,A NICE ONE ! 呢個係我最推介嘅一個餸！最後食到一小塊包都無剩，下次再食一定encore。青咖哩香得黎又唔算辣，有埋較剪用又係體貼，加分！忍唔住再影一幅~!食完飯仲趕得切係掛8號波前大家安全番到屋企  總括而言，環境舒適，入面仲播住我最鍾意jason mraz ge 歌! 好適合同三五知己黎傾下計! 雖然款式唔算好多，不過樣樣都幾特別同精緻，值得推介! 希望下次黎仍然keep到咁高水準

午餐想試吓這間新開越南餐廳，叫咗1個生牛肉粉絲/1個生牛肉香矛豬扒金邊粉/半隻越式海南雞/椰汁紅豆冰/椰青，先講生牛肉-肥同瘦的牛肉一樣咁韌，湯底好鮮甜好香不過略厭太油，香矛豬扒味道ok又淋，海南雞個皮厚同肥，味道無特別一試無防，椰汁紅豆冰超甜，椰青超清甜不過跟餐要+原價$32飲椰青無折扣唔抵，下次希望試飯餐，座位有點迫，可能天氣涼覺得通風系統都唔錯，座上客只有10人左右，但上菜有點慢，侍應得2個指天椒要叫2次先俾。

近月來, 荃灣多左好多新餐廳開張唔止餐廳數目, 連食肆種類都多左好多自從舊年眾安街開左雞煲之後上星期發現, 而家眾安街連泰式越式都有第一次試, 一個人, 叫唔得多食個海南雞飯夠穩陣賣相ok喎! 海南雞好得!! 雞已起骨, 啖啖肉, 雞有雞味 (May 姐 : 哈哈哈哈哈)黃油雞, 最正係塊雞皮, 晶瑩剔透  唔捨得唔食囉個雞醬係泰式的, 微微的辣, 用黎餸飯一流不過... 裝雞醬個兜好奇怪, 似係一個杯仔而唔係一隻碟 個飯我覺得可以再好D望落係油飯但食落唔夠粒粒分明,如果可以再油一D香一D會開心D 平時食泰國菜會好想飲龍眼冰去中和返D辣店員問我試唔試香茅水我 : "香 茅 水 ???" 杯野賣相似凍菜蜜 XD味道... 我估係 lemongrass , 又唔甜喎~ 幾清新~令我諗起在 Bangkok 做完 spa 飲果杯 iced pandan tea... so relax..... >.<

與好友相聚飯局原本打算求其搵間餐廳路經時發現有新餐廳開幕門口位哥哥仔又好親切招呼入去於是就臨時決定試下得三個人緣故，所以只隨便叫了食物黃咖哩雞飯，咖哩味好濃，又有椰汁味，唔錯雞既部份都幾大舊，不過如果嫩滑返少少會加好多分(我比較鐘意食嫩雞)扎肉撈檬，朋友話幾好食，d配搭好清新香茅牛肉撈檬，唔知點解朋友話有少少騷味炸魚餅，強烈推薦，勁好食椰汁紅豆冰，又係勁好飲，椰汁味好濃奇異果賓治，d冰少返d會好d，不過都好清新既味道整體唔錯，會再encore

(842)荃灣眾安街近來多了幾間新餐廳，其中一間為西貢星越泰餐廳。今天正在試業中，午餐來了這裡。選擇了香矛豬扒飯及椰汁紅豆冰。香矛豬扒飯，賣相不錯，配菜有蕃茄及青瓜幾新鮮，豬扒香矛味不夠濃，味道偏淡，幸好配來一小碟醬油可以提味，米飯就煮得幾好。椰汁紅豆冰，椰汁味道香濃，不過有點過甜，紅豆腍甜好味。這餐廳於9月2日開始試業，9月12日正式開業。