西貢松記車仔麵

营业中

休息中

剛剛一年無黎依間人氣車仔麵喇，印象中車仔麵好好味！今日發生咩事？服務勁差，叫左三四次落單都話等陣，再叫多次，阿姐話佢落唔到單，佢唔係負責落單囉！keep 住埋頭苦幹地執枱。只有一個樓面可以落單？朋友仔等左半個鐘個通粉都未到，我醒目梗係食車仔麵啦，行出去即叫即做五分鐘唔洗有得食，哈哈。眼見廚房霖晒檔，大量西式早晨做唔切，即食麵、意粉、通粉、煎蛋、等等，排晒長龍。我都食完碗伊麵走得喇，朋友仔碗通粉都未到。隔離枱叫極落 order 叫到發脾氣都無人理，黑面著火！成枱起身走人！豬紅牛筋牛肚伊麵多汁，豬紅好鮮甜入味啊！入口彈彈的，咬口裡面嫩滑，好味。啖啖骨膠原既牛筋軟棉棉又滑溜，炆得非常入味可口。毛肚棉而彈又索汁，一邊趙一邊肉汁激射而出，好有快感，再用伊麵卷埋一齊食，正到痺！最後試埋桂林辣椒油，濃郁咸香帶味辣，增添地道風味！

趕時間！唯有走去松記食早餐啦，雖然前幾日比個阿姐激到紮紮跳，但勝在松記車有位唔洗等，如果走去茶餐廳實爆場等到嘔呀！獨獨早餐行去叫車仔麵最醒目，即刻有得食，上次食出前一丁，今次食個好耐無食既車仔麵多汁就上船喇！牛腩豬紅蘿蔔幼麵多汁，松記既牛腩係堅牛腩，唔係牛腩碎、唔係牛腩渣，大大舊啖啖肉，軟棉鬆化肉汁澎湃，味道溫和香甜，滲出淡淡牛鮮味！豬紅有鮮豬紅既味道，非常有彈性，外脆內嫩，浸得夠入味，good！蘿蔔有少少渣，都甜既，可以接受！幼麵無烚過腍，依然保持彈性同嚥韌，掛上咖哩汁大束大束地送入口，好味呀！發現原來上次碗出前一丁都係車仔麵度煮架，唔怪得湯底味道咁古怪啦，車仔麵湯底加出前一丁湯粉。仲有隻全熟老蛋都係車仔麵度夾囉，我只食太陽蛋或荷包蛋架乍！搞到上次成隻蛋掉左！三餸麵多謝HKD36，西貢價而且依個質數，物有所值。

不經不覺原來已經三年無黎依間名人車仔麵喇！記得當年車仔麵好好味！重遊舊地，裝修過喎，仲改左開放式門口。望望個 menu，依家有港式即食麵餐添，變左車仔麵茶餐廳？據我經驗，每次麵店專注一樣野好地地，一轉埋茶餐廳既時候，質數插水式下滑。雖然尊程想黎食車仔麵，但抵受唔住出前一丁既魔力，最終決定食佢啦！又係出前一丁。太陽蛋豬扒腸仔出前一丁，阿姐你瞓醒未呀？落錯晒單喇！我要凍齋啡走甜，走糖走奶，你就求其凍啡走甜！我要太陽蛋腸仔豬扒出前一丁，你就比熟蛋我，仲要廿十成熟勁老勁乾！我即黑面著火！仲未完，又錯！我問豬扒呢？阿姐答今日無豬扒喎。無你剛才落單唔講無？真無定假無呀？你無豬扒你唔黎問我要咩？依家變左腸蛋麵。您唔識廣東話就返鄉下再培訓先黎香港！火都黎！另外，出前一丁個湯邊度係咁既色架！飲落味道係車仔麵既湯溝出前一丁既湯囉！麵質合格。朋友仔見我黑晒口面，割愛請我食隻太陽蛋降火！舊熟蛋當然掉低無食，以示抗議！滷水雞中翼，肥美夠大隻，浸得剛好，皮香肉滑，仲好有肉汁添！無話浸到霉霉爛爛乾爭爭，好味。滷水清香不濁，啡黃帶光澤，上品！

今晚又來到西貢，要食一個“快”晚餐。今天想食D“濕濕地”的食物。好多年冇幫襯松記了，今天就食下車仔麵啦。先決定粉麵的種類，我話要米粉，當爐阿姐好cool地表示：“冇”，我話有乜，阿姐指下個堆粉麵，其實因為角度問題，我唔知個堆嘢系乜。咁，就改成河粉啦，選了三種topping，蘿蔔、魷魚、豬手。松記食車仔麵，系有服務ga。你點完食品，自己入店里坐下來，捧餐阿姐會替你端上來。我問捧餐阿姐有乜嘢飲，她好COOL，指下個牌，亦冇介紹。讀完書，決定要羅漢果茶。阿姐問熱定凍，我話熱，阿姐有點愕然。夏天，蘿蔔不是季節，甜味稍遜，那是必然的啦！豬手夠軟爛，不過急凍豬手，味道就沒有豬肉的香味，只能靠調料啦。泡發魷魚，就只有口感，也沒有乾魷魚原來的海鮮味道。整體而言，冇乜特別。食到快完了，羅漢果茶姍姍來遲，因為要把某牌子的瓶裝東西加熱奉客。這杯羅漢果茶，因為幫襯車仔麵，所以平咗$4啦！現在一般茶餐廳一杯飲品賣緊幾銀？這羅漢果茶完全沒有羅漢果的味道！平時，我會在家弄羅漢果茶，超級easy job！仲非常便宜！大家不妨一試。羅漢果我買乾貨，越細越好，因為它甜度很高，冇謂整一大煲！一般十元有三個，事頭婆心情靚，就

因為比賽緣故好快又去西貢。上次食松記有伏，但係隊友又想入去食，咁於是唯有試下叫其他配菜。（因為近水，D餐廳好多都潮濕，D客人多，入面又多水咁樣，好似好污糟，得呢間乾淨小小（比人感覺），同埋價錢又唔貴，於是大家都想入去食。）今次就食米線，腐皮再加牛肉。 umm,,,D米線原本既配菜係夠既，可以見到D芽菜呀果d都ok多。 D米線夠軟熟，但係牛肉就好老，同埋無咩味道，一舊肉咁。唯一好dd就係分量適中。但係腐皮就得少少，唔系好夠。同上次一樣，個湯底味道唔錯，食得出係魚湯，不過就稀左D。原本想叫野飲，但係全部都係另外再加好多錢，於是放棄，過出面7仔買。總結：fine，下次都係試下其他車仔面啦。

松記車仔麵 裝潢好得體既車仔麵，會比人感覺好貴，但原來價錢都accetable，仲要係赤柱呢d偏遠地方，無亂咁加價真係少有。anyway，咁我就order左粗麵，紅腸，魚餅，貢丸。嗱，老老實實，d湯底同麵好好食，係讚既。湯底唔似街邊求求其其整，比到d顏色同鹹味你就算，佢湯底真係有車仔麵味，至少唔會感覺係污糟，同埋好多味精咁樣。平時我一定唔會飲湯，今次飲左一半，感覺幾好。 d麵就夠咬口，唔會太冧，可能對部分人來講偏硬左少少，可以試下叫河粉應該好好多。d配菜度，紅腸good既，煎得夠香，仲係厚切，比貨。貢丸，普普通通，但係味道唔似出面街食果d，淡d，同埋無咁多料既感覺，唔知係咪自家制。至於舊魚餅，on shit，難食死人。 賣相係吸引既，煎到金黃色咁樣，但係個味有dd苦，跟住仲有d腥味，唔鹹唔淡，orz。不如一槍殺死我，仲係貴過普通配菜既價格，食過一次唔會再叫。

以前的松記真係唔錯，醬油自家調制。但而家真係唔得，醬油在超市購買到。我當日我食牛肚加豬腸，味道一般，唯獨咬得開，夠林，但兩樣加埋佢收我$40，牛肚只有4舊，腸只有5舊，仲要非常細舊，見到真係嬲嬲地。而我朋友叫4個餸加面，點知間野計佢5個餸加面，唔肯退錢，而且服務員d態度好差，我地好無奈咁走

遊客來西貢，不食海鮮，不食西餐，不食甜品，仲有甚麼食的地方是吸引區外人慕名而來的呢? 這就是令巴士站冷巷成名的第一間店，西貢的《松記車仔麵》。身為西貢人，太多遊客排隊及追捧的店，我是不會常去的，所以，此店出現在西貢的飲食地圖多年，我之前只去過一次，而這一次再來，相隔已經有7至8年了。這一天，其實是如常地於上班前，經停西貢市轉車時的早上一餐，我在尋覓中，發現了後巷街口的一個易拉架，說《松記車仔麵》有早餐食。心想咁多年冇黎過，眼見店子又的確是冇乜人，令我覺得，來食碗車仔麵做早餐，是應該的。如常，是需要自行去麵檔前，選取心儀的配料，我選了兩個餸，就是牛腩同魚皮餃，配油麵。《松記車仔麵》，貴為一間較為高質素的車仔麵店，所以車仔麵的餸，絕不是平時午餐車仔麵檔食到的肉碎，雜丸。我點的牛腩真的是一條條的肉腩，魚皮餃也大大隻，有魚香又有肉味，不錯的。油麵其實是配角，不需要說，但那個香口的腩汁湯底，是令人滿足的。早上，我必定要一杯奶茶，不過，我不用說大家都知道，這一杯奶茶的質素會是如何.....麵的質素的確是好，味道的確是很吸引，《松記車仔麵》的確是西貢的一個寶，是吸引遊客的其中一個寶....因為相對來

前陣子裝修過之後, 門口大咗,落單地方叉闊落D, 食品唔洗講,保持一貫水準!! 蘿蔔又甜又入味,雞亦尖夠味,豬手夠彈,牛根又軟又滑,湯底可以話無得彈夠濃但一d 都唔油肥

周未去松記食車仔麵。松記是先要自己排隊付款的，侍應生見我一個人背住狗，二話不說幫我排隊，好好心的侍應生。我叫了招牌車仔麵及士多啤梨珍珠特飲。招牌車仔麵內的料多及入味，麵爽。(份量多一個人是食不完的)P.S. : 職員態度好，值得一提。

無論湯底同啲餸都淡而無味去到無河粉無米粉牛腩無牛味更加無腩汁味牛腩似牛肉多過腩咬落勁硬完全唔淋服務態度差永不再光顧

依間位於西貢既松仔車仔麵,久聞大名多年,都係未食過,雖然會入黎食海鮮,但就真係好少食車仔面。一開始就叫左依個蘿蔔牛筋腩,依個真係推介,因為我真係對蘿蔔情有獨鍾,而且發覺到依到既蘿蔔炆得好清甜,最緊要既係無咩渣,又唔會太多味精值得一讚。另外佢個牛筋都炆得好腍好滑,又夠入味,入落好滑口,加埋佢個牛腩味道都好濃,依個果然唔錯。之後就依個盆滿砵滿嚀,依個係依到既招牌車仔麵，一碗就有哂魚蛋、魷魚、紅腸、蘿白、生菜、豬紅及雞翼,咁多野都有,一個人都真係未必食得哂,先試一試佢個湯底,原來加埋咖喱汁,真係幾正,令到成碗麵既味道更加惹味,追住黎食。之後就係依個招牌豬手, 炆豬手最難就係炆得入味,依到都算做得,另外佢個豬皮有彈性,整體都算好好味。 

今天和朋友的女女學校活動，午飯自己安排之下去了食車仔麵。松記從來都是味道不好又貴的車仔麵，只是其他人沒食過，才帶他們前來。******************************今次要了牛腩牛筋粗麵。好食的牛腩一定要燜得入味之外，還要夠腍，沒想到這裏的牛腩味道不般之外，還不腍身，配上腩汁都不香，唯一較入味的只有牛筋，但牛筋又不會太多，真的有點失望。來了一碟油菜和朋友一起分享，以腩汁為調味，菜也新鮮，只是價錢有點不值這麼貴。最後再來一碟魚皮。入口非常之硬口，就算放入湯水之中，都是硬口不脆，也是不值這麼貴的價錢。

之前黎食過，都覺得幾好味架，今次再去到，真係差左好多。晏就去果陣見到好多人排隊，夜少少真係無咩人。是日我點左個粗麵底，雞腳，豬紅，油菜同埋魚皮。($37)先講左d餸先啦，雞腳，唔入味，麻麻。豬紅都還可以。炸魚皮都不過不失。而最失望係個麵，無彈性，好冧，無麵味，得個粉味。劣呀!真係唔值得入去排隊囉!!不過勝在真係好大碗…

每一次經過，都見到好多人排隊！自己本身亦愛食車仔麵，所以一試！價錢真係唔平！叫咗一份冬菇，要$9，得一隻咋！豬腸竟然唔當係一個“送“，如果想食，要另叫一個叫“豬大腸麵“，之後再加其實配料！雞翼好似都要$9，而且極唔入味，我最後叫咗幾樣平價配料，都要$39 味道… 唉…… 失望，唔明白點解咁多人排，乜真係好食咩，山長水遠入到嚟，竟然食咗個咁嘅麵，真係唔開心！仲要個粗麵係未煮好架，仲係一大舊硬嘅 兩個人最後食咗$102………