諾亞半熟蛋糕專門店 (已結業)

比一般完全成熟的蛋糕，半熟蛋糕就少了份厚實，但多了份軟糯的口感。我最喜歡亞諾的半熟芝士蛋糕，口感似芝士凍餅，但味道就比較清淡，有些cream cheese的酸味，但又有淡淡的甜味，適合一眾喜愛芝士蛋糕但又要健康的朋友。之前經過荔枝角地鐵站附近，見到一間還未開門的貓貓門面的亞諾，希望快點開門。

Ever since i have tasted the first Noah Castella's cake a year ago, it has been the bakery to visit whenever i have the craving for chocolate cake. Even though it was not the best chocolate cake i have tasted, the size and price kept me going back.  As it was the weekend before mooncake festival, there were flock of people queuing outside those traditional bakery shop buying for mooncake. Never did i expect Noah Castella to launch mooncake too. Their products were always displayed in a transpare

「諾亞」唔係第一次聽, 不過飲品真係第一次飲今日行經見到有個外形好特別既飲品~就買左黎試試日本玄米奶茶$19價錢一d都唔平, 只係比佢個外形吸引到而買造形好似一個鎢絲燈膽咁💡, 估唔到一攞上手係個玻璃黎(仲以為係膠製)飲落去, 好多日本玄米… 真係一粒粒果d米黎嫁! 不過佢地就先將佢打碎再煮熟, 口感都帶點硬身有咬口, 本人對佢個口感麻麻地至於奶茶呢~~~茶味唔重都唔算好香…. 味道好一般, 唔係一杯好既香滑奶茶🙁🙁🙁不過外形方面幾的確幾特別! 而且玻璃杯仲可以洗乾淨用黎放干花/種花🌷, 不過飲一次就夠🙈

今日去朋友家裡搞一個生日聚會，為了慶祝，補祝，預祝各人的生日，我在深水埗附近買一些開party 的用品搞搞氣氣，然後在西九龍中心的諾亞半熟蛋糕專門店買了一個蛋糕，給大家一點驚喜。店舖擺放了多款的半熟芝士蛋糕，真令我三心兩意，無從入手。後來經過一輪自我掙扎，最後揀選了"草莓半熟芝士蛋糕"，望落夠大份，應該夠7個人食，而且很多女生都喜歡草莓這種生果。 店員很細心問我的車程時間，以便放適合份量的乾冰，以保存蛋糕的溫度，真貼心對待顧客。其實店舖除了賣半熟芝士蛋糕外，還有自家製的飲品如蜂蜜薏仁水，日式白米奶茶，紫貝天葵山楂水等等，下次先買來品嘗。大家見到這個"草莓半熟芝士蛋糕"都非常歡喜及驚訝，然後唱過生日歌，便分蛋糕。其實蛋糕分開三個層次，第一層是士多啤梨生果啫喱，士多啤梨唔酸，好香甜，雖然已切開半粒，但仍然是好大粒。第二層應該係芝士蛋糕，內裡有啲似乳酪，軟心的，相信係溶心芝士蛋糕。軟綿綿又冰涼，也不會太甜。第三層係Tiramisu/慕絲的餅底，好香芝士味，軟熟又creamy。

早前朋友生日聚會，知道佢有興趣想試諾亞既半熟蛋糕，所以我地就偷偷買左個蛋糕為佢送上生日驚喜☺️由我負責去買蛋糕，我企係到諗左好耐，店員都好好人為我介紹左幾款蛋糕，最後就揀左呢款以黃色小鴨造型既檸檬芝士蛋糕喇。不過店員表示冇生日蠟燭，所以要自己另外係出面買😟呢個蛋糕造型可愛，整體食落好清新，檸檬既味道酸酸地，可以中和芝士濟膩既感覺，不過流心效果就唔太突出喇。

今天晚上到了西九龍中心，逛街後到了這間專賣半熟蛋糕的專門店，打算買一個外賣蛋糕回家跟好友分享蛋糕店面不算太大， 但仍可清楚看到有什麼熱賣蛋糕在櫥窗內有多款蛋糕可供選擇主要都是半熟蛋糕和芝士蛋糕系列 因為我有朋友不愛吃芝士，所以我便選擇了半熟蛋糕的原味蜂蜜味 店員很有心地問我大約要多久時間才回到家，然後他便把蛋糕放進盒子內給我帶走 而且店員也跟我說回家後要把蛋糕放進冰格內，當要吃的時候，先由冰格取出，在待半小時外賣盒的樣子很得意，看似一隻貓貓晚上朋友到了我家後 我把蛋糕由冰枱取出蛋糕看起來扁扁的不是太漲滿和高身外賣盒側邊也有一些字句及圖像來教大家如何正確食用半熟蛋糕盒內也有隻碟和膠叉可供大家方便食用我都是先把蛋糕分成4份然後都是放在室溫中靜待直至看到有蜂蜜流出才食用我大約正在了差不多20至25分鐘因為如果沒有蜂蜜流出，蛋糕的中心位也是冰冰的及較硬身，應該是未解凍的足夠所以當有蜂蜜流出時，蛋糕的質感會變成軟綿綿而且口感充滿蜂蜜味，好像流心蜂蜜一樣 所以大家千萬不要貪快在完全未解凍夠便吃，因為這樣會影響蛋糕的質感和味道今晚有蛋糕招待朋友大家都吃得很開心而且大家都是第一次吃這種半熟蜂蜜流心蛋糕

諾亞半熟蛋糕專門店又推出新口味蛋糕了！😋比利時朱古力芝士蛋糕 價錢 99/個味道值得一讚👍😋蛋糕充滿濃郁芝士和朱古力味道，鍾意食芝士的人一定喜歡。切開蛋糕後，會見到濃郁的芝士慢慢流出，十分好吃，但有點兒過甜，感覺很肥。再者，蛋糕的口感濕潤順口，份量大概適合五至六人。另外，不得不提的是店鋪既特飲，我選擇了荔枝椰果特飲，飲品味道是混合了荔枝和椰果味，雖然有點過甜，但感覺很新鮮，底部也有少量殘餘物。證明不是利用調味劑。。真係一讚。😋

今日行西九龍經過呢間諾亞蛋糕呢個咁得意既牌, 忍唔住要帶啤啤返屋企!之前已經食過幾次呢度既蛋糕, 服務好同埋蛋糕真係幾好食好特別,今次就食未食過既小熊提拉米蘇 小熊提拉米蘇 ＄98因為搭巴士冇位坐, 好迫人既關係, 啤啤好不幸比我搞到咁既樣 ;(不過唔緊要啦 都要食你落肚架小熊口感幼滑, 奶香味夠 咖啡淡淡咁滲出好creamy, 香濃既忌廉芝士味,真係令人食唔停口屋企人都話正份量4-6人都絕對可以小熊既耳鼻口既朱古力唔係d廉價貨, 好有驚喜, 食落口好滑好貼心準備左5份紙碟同叉

爸爸生日，從深水埗簡左諾亞個 草莓溶心芝士蛋糕全家都喜歡士多啤梨, 仲係cheese cake, 一試發現冇令我地失望！ 由於家和店鋪有一段距離， 店鋪會提供乾冰，約可保存兩小時，回家後乾冰使蛋糕保持凍身，吃過晚飯後我地就拎左個咁吸引ge蛋糕出黎，士多啤梨係最上的TOPPING，Topping下面係流心士多啤梨芝士（質感似MOUSSE. 最底下係硬身士多啤梨芝士餅 蛋糕芝士味較淡同軟滑, ，平時食開的芝士蛋糕完全唔同， 若不太喜歡濃芝士味，此蛋糕必合胃口！加上新鮮草莓，酸酸甜甜，口感十足！ 

周未和娘子在西九龍廣場食Lunch，離開時，被娘子發現了一間半熟蛋糕專門店 – 諾亞半熟蛋糕專門店，告訴Step不如買一個回去試試；Step看到蛋糕賣相不錯，加上價錢吸引…結果Step便買了一個回來試試，試試半熟蛋糕究竟味道如何??!!------------------------------購買時，店員問Step：『先生，你大約需要多久才回到家?』Step回答：『大約半個小時左右…』Step奇怪為何店員這樣問，原來是將冰放在盒中冰凍著半熟蛋糕，避免天氣過熱令蛋糕融掉!!諾亞果然想得周到；而店員千叮萬囑Step：『先生，在不吃時記得要放在冰箱冰雪保鮮；而蛋糕可保存3天，務必在3天內將蛋糕食光!!』店員的親切溫馨提示，Step也不敢銘記在心中…其實，Step不擔心蛋糕會變壞，原因回到家中一定很快會被娘子一個人KO!!回到家，娘子已經急不及待拿出紙盒，紙盒上貼上了食用方法，提醒客人如果保存半熟蛋糕；打開紙盒，裡面放了由朱古力控的娘子選擇的比利時朱古力半熟溶心芝士蛋糕；拿開蛋糕，下面還有4人份量的膠叉和紙碟提供，果然夠細心，方便客人買後可以隨時隨地即時開餐!!比利時朱古力溶心芝士蛋糕 ($

本身小食甜品既我，同女朋友係西九龍中心行街，行完街佢想買甜野食，就陪佢買甜品食啦。睇睇水牌，見到呢間半熟蛋糕，咁我對流心既甜品情有獨鐘，咁就行去睇睇啦。呢隻蛋糕既外形幾特別，可能因為入面係半熟？！所以唔會有好脹卜卜既感覺。我就揀左個比利士朱古力，試一試。 買走既時候店員仲好細心問我，拎到番屋企要幾耐，幫我加冰保存好。仲買左個特飲，鳳梨香橙特飲，仲有果肉同埋果皮係入面，好清新好健康，大熱天時，未番到去，已經差唔多飲曬。面頭既朱古力味好突出，濃濃既朱古力香味，配埋入面既半熟芝士蛋糕簡直係絕配。而且芝士味恰到好處，唔濃唔淡，一流。係盒入面已經有齊所有工具，好方便。呢到仲可以訂做3D蛋糕，下次女朋友生日都要訂一個比佢。

一直都捧Noah場,已經回頭幾次,之前都是買他們的香蕉半熟蛋糕,雪凍食好好味。呢次試比利時朱古力半融既cheese cake,一樣係my cup of tea。比利時cheese cake 都係100蚊樓下,d比利時朱古力醬好rich,味道好突出,不是死甜那種,值得一讚。配上半融芝士蛋糕底,仲要係我中意既半融口感,味道配合一流。飲品18蚊一個light bulb樽,喜歡他們不加過分甜,在香港少有。喝了紫貝天葵山楂水,感覺幾healthy,最重要少糖。

好耐之前荃灣有分店時 每逢經過都好想買。但係因為唔想拎住行街，就打消左個念頭。估唔到行完西九去搭巴士回家之際 ，電梯上面有分店。一於買回家伯爵茶半熟蛋糕 店員熱心提醒呢款要放冰格 解凍20分鐘後食用。心急想食 解凍得唔夠耐 。不過反而岩我〇味 唔想太軟 有咬〇。茶味濃厚。甜度比起朋友購買既另一款比利時芝士較為低。 而且沒有糖精既虛甜感。岩哂喜歡食甜品但又接受唔到成舊糖咁甜既人。茶味既蛋糕應該係第一次食。茶香既味道最後見到飲品設計好得意，叫左個蘋果桂圓茶 。消暑解渴。清甜。最主要係想飲完洗乾淨要返個樽。燈膽

早前聽同學講起諾亞半熟蛋糕幾好食，所以趁住阿媽舊曆生日，去西九龍中心的諾亞半熟蛋糕買個比屋企人試試！因為我係第一次買，冇乜概念買邊款好，店員見我企咗一陣，主動介紹比我有邊幾款蛋糕係比較受歡迎！因為家姐中意食士多啤梨，而且這個福崗草莓半熟芝士蛋糕又係最近先出，所以就決定買呢個試試！我見Display櫃有d一樽樽好似燈泡嘅飲品，店員介紹話係薏米水和紅豆水，家姐勁中意飲紅豆水，所以就買枝比佢試下！店員提醒紅豆水是鮮制的，所以要即日飲用！保證冇防腐，夠健康，今次家姐實讚我！蛋糕盒上有建議食用方法。另外，盒入面都有食具提供，非常貼心啊！福崗草莓果然夠睇頭！大大粒滿佈整個蛋糕，面層還有啫喱！要小心d切，因為入面是流心來的！士多啤梨微微的甜，果肉厚，很新鮮！芝士蛋糕不太甜，很適合愛健康的我們，不會像吃傳統蛋糕般覺得滯！蛋糕入口軟滑，像慕絲蛋糕，吃真一點可感受到甜酸和微咸的味道！家姐話紅豆水有蜂蜜，清甜好飲，去水腫一流！

去開諾亞，當然試下新推出的飲品，揀咗最新推介嘅鳳梨香橙肉桂蜂蜜特飲，消暑解渴，挺不錯的！檸檬芝士蛋糕，是黃色鴨子的造型，賣相和味道都是非常出色的。打開盒子， 巨大的黃色鴨頭，自行把黃色的臉、黑黑的大眼睛、橙黃色的大嘴巴拼回，可愛極了！香噴噴的檸檬味散發出來，輕輕一切，夾心層的芝士緩緩流出，整個蛋糕濕潤軟滑。吃上來時， 充滿濃郁的檸檬香，芝士香味淡淡浮現，味道配合得宜。