軟橋米苔目餐廳 (已搬遷) 新店位置

「米苔目」這個名稱對於很多香港人都可能會很陌生，它其實是台灣地道的小食，外貌就好像迷你版的銀針粉，但口感就比銀針粉細緻滑溜一點，有點似米線與銀針粉之間的口感。這裏的米苔目是由老闆每天親手泡製，全人手製作，並不加防腐劑，保証新鮮。三餸米苔目 （$43）👍👍👍👍👍米苔目系列，兩餸$36配豬骨湯底，另加每款+$7。配料方面有二十多種選擇，另外亦可加銭轉湯底。這碗是三鎹豬骨湯米苔目，我們選了鴨肉、魚蛋和牛肉。湯底味道清甜，米苔目短短的，味道帶有淡淡的米香，可以用匙羹跟湯一起吃。鴨肉很嫩，牛肉又不靭，魚蛋爽彈，加上大量椰菜絲，每樣材料都很新鮮。鴨血鴨肉米粉（$42）👍👍👍👍這款鴨血鴨肉米粉是特別推介，所以都試一試。鴨肉的份量可不少的，鴨血很滑又帶點爽彈，加上韮菜，有點似吃潮式的韮菜豬紅。另外還配有酸菜和豆卜，味道很惹味，如果喜歡吃鴨血的，不妨試試。手拍青瓜 ($18)👍👍👍👍青瓜很爽脆，醬汁有分大中小辣，冰涷清爽的青瓜，很清新亦很適合夏天食用。涼拌雲耳 （$18）👍👍👍👍👍雲耳配合蒜蓉、辣椒粒和醬料，令本身無味的雲耳變成健康又好味的小吃。香煎脆皮肉餅 （$24）👍👍👍👍這個肉餅很特別，有點似扎肉

米苔目係台語譯音字，係用米漿通過多孔器具，搓出一條條粉條，粉條立即落下大滾水中被加熱。係銀針粉狗仔粉個Friend。這種純手工菜式，竟然隱藏在深水埗，就在鴨寮街近西九龍。老闆每天親手制作米苔目，煮豬骨湯底，再配上各種配料，豬膶新鮮爽口，鴨肉甜美冇騷味。另外仲有廿幾種配料可選。 小食蒜泥白肉非一般只有蒜蓉，更有葱花芝麻辣椒，非常香口，份量也多，另外麻辣牛肉非常香滑，想起都流口水！大腸食得出老闆的用心，一丁點奇怪味都沒有，非常軟嫩。朋友食咗牛腩飯，蘿蔔牛腩用個盤裝起，牛腩香濃多汁，蘿蔔亦甜。用時間心機去做的菜而家越來越小見，在小店聽著店員和顧客閑話家常，更有人情味加分。見到有鴨血米缐，在港少見鴨血，下次要試！

每次同朋友深水埗，都係食牛雜麵，食到有點悶，所以諗住去完買嘢再諗下食咩，行經一間麵店，見到門口有餐牌，就試下依間啦；一入去就有位姐姐叫我地兩個坐入面，當我地坐低後，就問我地有冇食過米苔目，之後再介紹餐牌上的食物。我地一齊都係叫咗喇沙湯底的米苔目，餸就分別係豬膶+腩肉 及 木耳+鴨肉，另加一碟小食花雕酒雙脆（豬舌+豬耳）。喇沙米苔目到咗之後，先飲湯底，好香濃，最緊要係唔多覺有味精（讚），豬膶好爽，鴨肉好軟淋，好好食。雙脆都唔差，如果浸在花雕再耐少少更入味。熱檸蜜味道都唔錯,唔會開到好水當離開去收銀找數時，會主動問客人在食物方面有咩需要改進，好有heart的一間食肆，下次去深水埗都會再去食其他嘢

星期六走到西九補領身份證，回程之際在鴨寮街見到米苔目，正好食晏所以入去試下。 米苔目原來是台灣的特色食物，樣子似狗仔粉和銀針粉的混合，但更有米香，口感更煙韌。2餸配飲品三十幾蚊，以手工粉黎講，價格實惠。點了豬膶雲吞豬骨湯及腩肉冬菇2款，份量好足！肥肥短短的米苔目，入口煙韌但米香，感覺似食緊爽口版的狗仔粉。豬骨湯沒有味精，值得讚，朋友的沙嗲就夠惹味。 豬膶夠爽嫩，雲吞細細粒但餡料扎實，夠足料！朋友的腩肉是薄切，但唔肥且帶爽！呢度的小食好推介，因為真的用心出品。蒜蓉鴨肉大大碟，鋪滿了蒜及葱，又加了芝麻，所以入口葱香得黎有芝麻香，鴨肉啲皮都爽，夾埋蒜蓉食，好食👍🏻 還有個雙脆，豬耳同豬脷凍食，爽口又彈牙，鍾意食呢兩種食物的人，一定會鍾意！配埋一杯台灣特飲仙草凍或者愛玉，夏日的消暑良品。食慣了米線或者麵食，突然遇上這種台灣食物，的確令人新鮮。而且小店的姐姐好熱情，出品又夠用心，經過深水埗，絕對值得專程黎試下。

去深水涉買電腦野，路過見到米苔目好特別，同行友人說是地道的台灣食品，所以就去try try!我地選豬骨湯底，人手做的米苔目貌似銀針粉，短身而有嚼勁，。豬骨湯底帶港式風味，港台合壁，湯味濃厚花雕醉香豬雙脆（$22）意思係豬耳跟豬脷，口感很爽脆，醉點酒味，很開胃，可以食多碟。鴨肉+海帶+香菇貢丸轉湯底+$3 鮮茄湯底 配米苔目，配椰菜、韮菜，鴨肉真係幾好食，肉質嫩滑，要食過先知有幾好味。配料都特別，有海帶揀。。最後飲左個綠茶可樂,估唔到咁平民既餐廳都有日式飲品,依類飲品多數拉麵店先有,綠茶可樂,味道唔似綠茶又唔係可樂,不過唔錯

第一次試米苔目(應該是米通吧)，幾過癮嘅。入到去坐大枱(要搭枱，冇所謂啦)，侍應姐姐(唔知係咪老闆娘)熱情招呼，細心介紹餐牌同招牌菜，佢話米苔目係自家製，非常健康，配方魚湯底就更鮮甜好味，就相信了佢，叫了鴨肉加韮菜餃米苔目配方魚湯(跟餐可叫兩款餸)還有姐姐推介Q彈豆腐同蟹肉碗仔翅，果然都沒有令我們失望，絕對感受到他們的味道是誠意自家製，用心的一間餐廳。餐飲加少少錢可以轉特飲，見佢賣台灣野，姑且一試台灣特飲，叫了一個百香果愛玉冰少甜，一試都係比較甜。下次可以再嚟多次，一定會encore

天氣炎熱唔想出街 , 但朋友 call 要陪去鴨寮街買電話卡，無辦法當然要去啦買完之後已經汗流浹背，想行去西九食飯嘆下冷氣，途中經過這間台式小店，要休息飲水補充體力。店面唔大，容易被人忽略，普通餐廳裝飾但都乾淨整潔老闆對每個客人都殷勤招呼， 落力推介鎮店食品，好有人情味，要加分醋茄新鮮紅茄灑上青色蔥粒，加上醋汁混和了番茄的酸酸甜甜，簡簡單單， 但入口清新舒服，如此效果是夏日最佳涼菜涼拌皮蛋個樣似好辣，但入口完全冇辣的感覺， 流心皮蛋配上蔥粒和秘製醬汁， 非常惹味Q彈豆腐外貌似炸過的魚片，用特別方法處理完，入口 QQ 彈牙， 不愧是老闆推介的王牌食品花雕醉香豬雙脆材料是豬耳朵和豬脷， 豬耳朵切成薄片入口爽脆， 豬脷口感煙韌， 最重要是花雕味濃入哂味， 每一口都是酒的芳香，超鴨肉豬潤米苔目豬骨湯底清甜， 鴨肉唔肥， 豬潤爽滑， 手做米苔目， 似粒粒銀針粉， 但口感鬆軟， 並無 一般麵食飽滯的感覺， 抵讚大腸飯大腸用秘製滷水醃製， 把豬腸的泥騷味全部 剔除，非常好食台式烏梅仙草冰夏天飲咽喉覺得好舒服， 加上滑溜仙草 ，朋友讚口不絕蜂蜜生薑檸檬茶出汗太多，有小小中暑感覺，我叫了這杯蜂蜜薑茶，飲

同朋友係深水埗鴨寮街買完電腦零件，已到晚餐時間。咁岩經過一間叫軟橋米苔目既台式餐廳，個名好特別，決定一試。 聽同我地落單果個員工講先知，原來米苔目係台灣既一種手工麵，好熱情咁推薦我地試下。於是我同朋友都點左湯米苔目系列，$36仲可以任選兩個餸。 首先，講下我果碗，酸辣湯底配豬潤同鮮冬菇，辣度岩岩好，酸辣開胃。冬菇夠入味，豬潤爽滑，仲發現左心型既豬潤片添。米苔目細細條，口感較軟腍，手工米苔目天然健康，對台灣美食又多了認識！ 朋友果碗，酸辣湯底配韭菜餃同雞肉，韭菜餃皮薄有肉汁，韭菜陷新鮮。餐廳貼心提供三種可選辣度：小，中，大辣。還有其他五種湯底如方魚湯底，泡菜湯底等。 至於飲品，點左日本蜜瓜波子汽水同埋日本櫻花可樂，顏色好靚，分別係淺綠同淺紫，天氣炎熱，有氣飲品超解渴。 我地仲叫左三款滋味小食，Q彈豆腐通過輕微油炸，外脆內軟～再撒上一些味粉～真係幾惹味！ 蟹肉碗仔翅超足料，多蟹肉再配一d條狀既瘦肉同木耳，仲夠杰身，係我食過最好味既碗仔翅。 涼拌皮蛋，雖然唔辣，但卻有另一風味，青椒粒同蒜蓉同皮蛋都幾match。 呢一餐好滿意，下次再黎深水埗，一定再試下餐廳其他正宗台灣美食！ 軟橋米

同朋友去完黃金睇game四圍行左陣 ～ 行行下鴨僚街 突然有間麵館, 見有啲餓餓地就去左幫襯下， 呢間店員好熱心 。 同我地介紹有咩主打菜～ 聽完其實唔覺得hard sell , 仲反而見到對自己餐廳好有熱誠。 原來米苔目係台灣特色麵！ 佢地每日都會新鮮人手打麵條， 今時今日都算好難得。 小食叫左麻辣牛肉 青瓜 招牌雙脆 蟹肉碗仔翅～ 牛肉一上就聞到好香辣！ 啲肉係滑身唔係平日食到鞋口既果種！ 底層仲放左啲米絲索味， 用牛肉卷埋米絲食仲正！ 青瓜夠青爽。 雙脆係豬耳加豬舌， 呢道餸好煙un 味道好好 食到唔停口。 蟹肉碗仔翅 原來係即叫即煮 ～ 好香麻油味 味道較濃厚～ 面層仲有鮮味蟹肉！ 差點忘記講埋主食 >米苔目 呢種麵外表好似銀針粉咁樣 ， 食落好有米氣 仲要份量唔少比得好足。 $36兩餸都已經好飽肚！ 湯底加左$3方魚湯 ， 味道一啲都唔腥仲好清甜， 飲到底都唔覺有味噌既口乾感， 好真材實料。 朋友叫台南豬手飯都唔錯 ！ 個湯底都好好 又係無味噌。 豬手夠爽有咬口～ 但呢度門口夠穩閉 , 唔行內街都未必見到 ， 大家要小心唔好miss左個門

經朋友介紹下，一間不能錯過的餐廳！先要介紹軟橋招牌Q彈豆腐，小食如其名爽口彈牙，口感不像一般豆腐！外層薄脆內裏Q彈口感，味道有一點辣！而且混入了一啲魚肉，令到口感獨特，本身唔喜歡食豆腐，但是食完呢個豆腐之後一試難忘！湯底清甜好味，點左比個比較清淡嘅湯粉及冬菇！湯粉口感非常特別，爽口而滑！點左杯蜂蜜飲品，都值得推介！冬菇嫩滑香甜，美味可口！餐廳屬於小店，餐廳職員好熱情咁推介嘢食比我，服務態度亦很好！平日食完其他米線，都會覺得味精好重，呢一間啱啱相反，每一樣野都好原汁原味，絕對唔會有口渴嘅感覺！眼見好多人都會叫唔同嘅小食，下次可以同多幾個朋友黎就可以叫多幾個小食！

同男朋友去左買電腦野順手係附近食個lunch 見到openrice 啲人話呢間穩世餐廳好食原來門口都唔難搵 不過係比車仔檔遮住左米苔目之前旅行時食過一次呢度既麵條都跟返臺灣人手打方魚湯底米苔目好似好人氣 所以嗌左一個米苔目個樣同銀針粉都90%似但就富有米香方魚湯好清好香冇腥味~仲係冇加味精 好味道男友就食豬手飯~~~小食係豬耳豬利雙脆同麻辣滑牛男友大讚豬手好有咬口又入味豬手係同黃豆咸菜一起煲入味到不得了又爽口麻辣滑牛 好滑又香口 辣得滋味而碗蟹肉碗仔翅原碗即叫即煮好麻香 啖啖有蟹肉個配搭好破格 唔似成日都雞肉做總括來講都好好味 而且仲好抵食 叫左咁多野都唔過$200兩個人都食飽飽 認真抵到爛啦推薦上來比大家多個選擇！

趕住去睇戲，於是乎去附近小店黎個速食，軟橋米苔目感覺好似車仔麵店，原來係食台灣嘅特色米苔目同小食。價錢相宜，所以我地都嗌左唔少嘢😂蒜蓉白肉超大塊，有滿滿嘅蒜蓉鋪喺面，好多嘅粉絲喺底，幾樣野夾埋嚟一齊食，非常有口感，味道充滿蒜味之餘仲有小小香辣，唔錯~q彈豆腐外皮煎得非常香脆，但咬落豆腐嘅質感竟然唔係 軟淋淋 而係非常彈牙，好特別！涼拌皮蛋 ：雖然係小店，但賣相好精緻~ 醬汁帶得微辣，幾好食👏🏻我嗌咗豬骨湯底，配料揀咗冬菇豬潤同韭菜 ， 湯係非常入味，而且好清清甜甜，一啲味精都冇， 飲曬成碗都唔會口渴！韭菜爽脆， 豬潤同冬菇煮得啱啱好，而且份量仲好足！！朋友就嗌咗鮮茄湯底， 湯底茄味好濃， 甜甜酸酸嘅好開胃！餸就揀咗鴨肉，牛肉同韮菜餃。 韭菜餃餡料非常足，而且韭菜同肉嘅比例啱啱好，牛肉同鴨肉口感亦唔錯，唔會煮得老左👍🏻麵我哋都揀咗店主非常推介嘅米苔目， 睇落好似狗仔粉同銀針粉，但食落畀兩者嘅感覺更加qq彈牙、更加有口感😋最欣賞係店主嘅態度非常熱情，而且價錢仲係幾平，一定會再encore!

差不多每次去開深水埗都會去食車仔麵，今次一於試新野，見到呢間咁多人Like, 就一於試下啦，入面d店員嬸嬸超Hard sale, 係咁叫你試呢樣試嗰樣，我們都差不多食完佢都仲問你試唔試埋乜乜呀，又不斷問你飲唔飲嘢等等，不過其實最重重點係，d嘢根本唔好食，皮蛋同蒜泥白玉完全唔夠香，見到有食評話沙爹好香濃，點知淡茂茂同唔好味，而佢個手制米苔淋Pat Pat，d餸又唔得，食食下都唔想食了，其實真係唔明點解有咁多人Like😓😓P.S. 今次係我第一次寫食評，從未試過寫食評嘅我，都忍唔住要表達一下😣😣

講起台灣美食麵食就一定唸到牛肉麵，但係米苔目麵食又是另一種風味。入到店舖比人感覺非常乾淨，店員姨姨非常親切，會特別細心咁問顧客會不會走蔥 。而我今次就叫左豬骨湯底配招牌米苔目、牛肉同魚蛋。麵一送上，就聞到濃郁嘅香味，份量十足。仲未食麵，飲左d湯就已經好合味，豬骨湯味非常濃！而佢地嘅招牌麵米苔目口感與別不同，細細軟軟同其他麵種唔同。店員姨姨見我食得咁滋味就同我講，呢個米苔目係自己全天然人手製作。製作咁細心5怪得咁好味！另一方面，牛肉好嫩滑，魚蛋亦都彈牙。形容佢係深水埗隱世美食都不為過！絕對值得一試再試。

不嬲都知深水埗好多好野食，平時多數去某幾間好多人排隊既老店，今日想試下新野，見到呢間小店睇落都好吸引。而且雖然聽過，但未試過米苔目，一於試下先。一入到去，老闆娘就好有禮貌咁介紹野食，非常熱情，果然小店就係人情味最多。佢既米苔目有好多唔同既餸，唔膽既湯底揀，睇到我花多眼亂呀。我就叫左個韭菜餃，絲瓜，海帶，牛肉米苔目。一上台就見到成碗超豐富啦，牛肉好重牛味，又唔會太硬。韭菜餃都好正，個皮夠薄，入面既韭菜都好香。原來米苔目係好似銀針粉同狗仔粉咁一條條，但係口感有啲唔同，咬落比較有層次感，食落更好味，襯埋個湯底簡直一流呀。呢碟麻辣牛肉又係超香口，辣得岩岩好。而且佢既辣味唔會蓋過左牛本身既味，食落勁開胃呀。蒜泥白肉都好出色，夠蒜，而且肉切得夠簿。雖然食完會成口蒜味，但都忍唔住食哂呀。呢個皮蛋又係好夠味，食落味道岩岩好。呢間餐廳真係又平又好味，勁平既價錢就有一流既食物同服務，老闆娘同員工既態度都勁好，呢d就係小店應有既人情味！決定下次一定會再黎食，真心推薦大家黎試下呀。