醉瓊樓飯店 (西貢街)

营业中

休息中

同班姨姨5個人叫左個4人套餐,加左4個白飯先講個湯, 胡椒豬肚白果湯, 好香胡椒味, 原本餓到有d胃唔舒服, 飲完個人暖番哂精神哂, 胡椒味剛好唔算太濃烈, 但可能我地全部人都唔食白果, 個個都揀哂d白果出黎, 見到煲湯好足料 鹽焗雞, 隻雞有雞味, 唔會太咸, 而且肉質好滑, 雞皮整得好爽脆~好味梅菜扣肉, 呢個正到不得之了原本黎左碟8成係肥, 2成係肉, 我都已經心心眼架啦, 但姨姨唔想食咁肥,叫人換左碟, 個呀姐好好人, 叫廚房揀過碟比我地,仲打開少少比我地睇左有幾肥先幫我地上碟,好貼心好啦講番碟肉, 個肥瘦度係靚到幾FU 1:1:1:1咁....好有層次,口感好豐富, 果然係招牌菜!!!墊底GE梅肉唔會太咸, 冇蓋過扣肉GE風頭但拎佢黎撈飯又好夠味喎, 呢碟野已經令我呢個夜晚唔食飯GE人,食左1碗白飯, 仲想添多碗紅燒豆腐, 不過不失啦, 不過夠哂大碟囉, 好似食極都未食得完咁 油菜, 同佢個名相符-.- 好油, 油到要用個咀SIR番D油出來,大家食少少好了

媽媽假傳M先生口喻，話呢間客家菜好味。不過我都想去，一試無妨。4人餐其實平啲，但我想飲魚蛋湯，所以散叫。要咗4樣餸。鹽焗雞好有肉又唔肥，少少鹹味，要點沙薑粉。梅菜扣肉軟腍入味，一啲都唔膩。客家雜錦煲有鯇魚丸、牛丸、豬肉腐卷、豬肚、豬肉、魷魚、豆腐、白菜，非常豐富，全部都好味，湯底有胡椒夠香。蝦醬炒魷魚通菜，惹味鹹香。姐姐招呼幾好，等我影埋相先湯比我哋。啲普洱茶好滑唔澀，$5一位茶錢好抵。不過坐响出菜位張枱，有啲迫又多人行嚟行去，原本訂位留咗樓上卡位好啲，但媽媽唔想行樓梯冇辦法。

今天是專程來吃在一般食店瀕臨滅絕的雜會炒麵和生魚片連湯的。雜會炒麵是自小到大十分偶然有餘錢能獨自上館子時必叫的，別人眼中的豬雜總是下價貨，不登大雅之堂，甚至是洪水猛獸看見也怕，我卻覺得是天下妙品，雜會更不單有豬雜，更有魷魚青菜，我是百吃不厭，但近年雜會二字幾近在菜牌上絕跡，都是功夫多賣不貴無人叫惹的禍。西貢街的雜會炒麵不枉我專誠來吃，又是落單十分鐘內新鮮滾熱辣送到，炸得香脆的蛋麵上面鋪滿豬膶豬肚肉片鮮魷牛丸魚丸白菜，脆卜卜的麵吸滿茨汁，啖啖麵啖啖肉，拌客家辣椒醬吃，任你有山珍海錯米芝蓮，我也寧選這雜會炒麵，吃一世也不厭。生魚片連湯也是兒時家有閒錢，爸媽帶我們去吃大牌檔必叫之選，有湯有魚有菜好送飯，但近年這道抵食夾大件的美食已差不多絕跡江湖，養班雪魚處處，連茶餐廳也賣真假萸辯的炒班球，生魚這淡水魚下價貨註定被淘汰。我其實從來不吃淡水魚，怕他的泥腥味，最初也以為她是鯇魚大魚鰂魚一樣可畏，加上曾經在婆婆的線裝書堆找到一本漫畫，講一個不孝子喝了生魚湯，一刻鐘變了一灘水，原來那尾貌似生魚，實是有四隻腳的化骨龍，婆婆還說這是大家撻生魚的原因，撻到化骨龍露出真身，幾歲大的我嚇得被媽喊打喊殺也死不喝生

又到懷舊店子，與家人一同進餐。雖是小小餐館，但門口亦有水牌寫著哪位客人訂了桌，猶如酒樓般，有意思。醉瓊樓還設有二、三樓，可真是難得的多層舊式餐館呀。四人點了個四至六人餐，看來經已相當豐富，毋須再額外散叫其他菜吧。胡椒豬肚湯不受得胡椒味的，一喝就覺微微辣；吃慣的，只覺甘甘的辣。湯色澤清而白淨，豬肚爽。喝一碗暖暖肚皮，再吃其他菜式。炸大腸拼京都骨京都骨略為過氣，不像太新鮮弄出來的， 因為肉的表面太過淋，像是在京都汁(類 似甜酸醬)內浸浴了好久，幸而肉質不乾 不鞋，入口易咬不痴牙。大腸內部沒太多肥膏，薄脆，懷舊美食，間中吃兩三件，不會太影響健康吧。中間再有一圈罐頭菠蘿，原片放在碟子 上，切也不切，貫徹其罐頭菠蘿的形象。鹽焗雞好像的確比較香鮮雞味，未醮沙薑汁，亦 感到微微咸香，雞肉比街邊燒味飯的雞鮮美得多。可惜，黑色"一執執"的雞毛，有很多還沒 有清走，雖然這些黑色粗雞毛比細微雞毛 易清走，但絕對有礙瞻。梅菜扣肉這是考驗膽量的菜式。健康/瘦的人，吃 得多怕肥；怕油膩/曾吃膩的人(我)，吃少 少也怕又會吃膩；不健康/肥人，吃少許 也怕超標。結果，在這個冷雨夜，我還是吃了一片， 後來就將肥膏除去，

近期常想吃客家菜，心癮難抵，又捉了另一友人吃上次沒肚吃的:炸大腸不是我常敢叫的東西，因為很少地方做得好，今天好慶致，就大膽一試，一吃便知不得了，腸已片薄成一長片方便吃，炸得十分香脆，透着大腸脂肪被炸透後的獨有香氣，入口卻一點也不膩，反而是咸香，腸尾炸得鬆脆，我卻更愛腸中段既靱且脆的質感，伴墊在碟底的酸蘿卜一起吃，索索聲，妙品。塩雞也不是隨便叫的，怕生帶血和肥，靭和生之間，我寧取靭，但雞竟熟且嫰滑皮又不肥，咸香滲滿雞皮和雞肉，佳作。芥蘭炒牛肉，牛肉沒過份醃，生炒得鮮滑嫩，唯芥蘭過淋，美中不足。必吃的東江豆腐寫過了，不談。

東江菜我是永遠吃不厭的，久不久心癢就要找人一起大吃一頓，碩果僅存有質素的東江菜館是買少見少，每次總是吃時興奮吃完唏噓，望着老伙計老老闆勤懇待客，總有吃得一次得一次之歎。西貢街醉瓊樓其實比老店不保的泉章居更有趣，他自1961年便在這條小街上存活，53年看盡彌敦道西貢街變遷，普慶戲院四海醉瓊樓保齡球場消失了，拔萃女書院拆了又起，尖尖照相隨菲林片一起功成身退，就衹有這醉瓊樓仍在看繁華落盡。看見這裡的霓虹燈招牌樓梯閣仔卡位菜牌運食物的，就讓我覺得有歸家感覺，就像看見爸幾十年前在這裡勤懇工作。今夜心情大好，叫了不常吃的梅菜扣肉，我不好油，原打算輕嘗，但啖一口扣肉，羔肉即在口中溶化，是不得了的香轜，甘香豐盈，把梅菜香扣透入五花肉，我不吃肥也大口大口吃。友人叫椒鹽鮮鮮魷竟說了豉椒鮮魷，我聽在耳內決不改正，就將錯就錯，結局來的鑊氣味道簡直可比中環盛記，豆豉青紅椒洋葱爆透，拌鮮魷大火兜，下酒妙品，如鮮魷大片點就更完美。再來的是必叫的東江豆腐煲，九件大大件的釀豆腐，豆腐味比泉章居更濃，更「老」和實，豆腐吸滿清甜的湯頭，拌一點東江辣椒醬吃，我的確可以天天餐餐吃。清炒通菜也有驚喜，大大碟無一斤也有十二両，生

媽媽生日：食咗鹽焗雞半隻，梅菜扣肉，炸大腸，咕嚕肉，大班兩味，胡椒豬肚湯。雞ok但肉有點鞋，扣肉味道好但瘦肉好硬，西蘭花炒班片啲西蘭花完全無味，炆班頭腩普通，炸大腸好脆，咕嚕肉好味，個湯係成餐飯最好嘅，整體可能對呢間老字號飯店有期望所以真有啲失望，真係好普通的生日飯。

對上一次幫襯醉瓊樓應該係廿幾年前，今次可謂久別重逢，估唔到質素還在，今次叫了最出名的幾樣：鹽焗雞梅菜扣肉客家釀豆腐最驚喜可算是鹽焗雞，用的是新鮮雞，肉質富有彈性充滿雞味！ 梅菜扣肉燘到好淋好入味，扣肉既精華俾梅菜盡吸，只係梅菜夠我撈幾碗飯！客家釀豆腐算是比較清的一味，女仕們應該好喜歡！送的糖水係綠豆沙，綠豆極多但水準不及金山的。埋單價錢合理，味道出衆，唔怪得全場爆滿！一定會再幫襯！

有十多年無食,聖誕難得一大棚親友一齊食飯, 唔去食西餐, 反而黎食醉瓊樓, 但果然無揀錯!一圉十二人所以就叫個套餐, 碟碟都好足料, 份量夠哂食梅菜扣肉, 每台客人必點! 睇落好肥膩, 但入口即溶! 梅菜又唔會好咸, 又香鹽焗雞, 無冰鮮味, 忍不住連雞皮都食埋客家釀豆腐, 夠獲氣~蒸鯇魚, 無泥味又大條, 好彩無加錢要條斑白胡椒豬肚湯, 唔辣, 都不錯,但感覺似腐竹糖水多D~真係保持住十幾年前的味道, 下次一定再黎食過^^

醉瓊樓可算是本地食客家菜的老店之一。記憶中細細個已經跟過家人去過。這日再臨，一踏進店以可以從裝修和牆上的menu等感受到陣陣懷舊氣息。當然這懷舊是真的用日子堆積下來的舊，而非扮出來的。 我們每人選一個菜，很快4個菜就點好了，分別選了鹽焗雞（＄120半隻），骨髓炆三鮮（＄70），客家釀豆腐（＄60）和白飯魚煎蛋（＄50）。鹽焗雞雞肉嫩滑，帶淡淡鹹香，味道不錯，難怪是這裡的招牌菜呢。骨髓炆三鮮很久沒食過了。骨髓軟滑，不過這碟菜偏油膩。客家釀豆腐用一小煲仔上枱，有約8大塊，以這價錢份量真多，我們都無法把它吃完。豆腐雖不算嫩滑，但釀了鹹香的魚肉及豬肉再煎過後食起來都頗香。白飯魚煎蛋賣相雖然不太吸引，看來亂，碟邊又油立立。 不過食起來煎得香口，不用點任何醬油已經很夠味。最後還有糖水送。綠豆沙每口都有清新的海帶和綠豆香，如果臭草香能更突出就會必定會更美味。整體來說，各道菜的賣相較粗枝大葉，份量也偏大份，單看賣相已經有點飽得感覺。不過偶爾一次感受一下傳統老派客家菜也是個不錯的體驗。

尋日(18-10-2012 Thur)放工後又去探大哥,呢個時間探佢o既只有爸爸,大嫂,我o地睇完佢就三個一齊食飯,今次去食咩呢?爸爸話醉瓊樓.@@”o黎到,今晚多人喎,可能比前晚早啦,樓下冇晒位,我o地要上樓上坐卡位.今次我o地唔叫套餐散叫喇,同大嫂商量o左,要:1.$65.00o既菠蘿咕嚕肉驟眼睇好冇菠蘿, 咕嚕肉仍脆,汁o既酸甜到較得o岩o岩好,好味.食食吓至發現,原來菠蘿o係晒底部.2.$50.00o既菜莆肉鬆煎蛋一碟有幾件,應該係分開煎,菜莆好夠鹹,肉鬆唔係多,而蛋呢,一啲煎到熟晒,一啲就煎到仍有蛋汁同嫩.3.$38.00o既蒜蓉炒生菜份量好似比大前晚o既炒菜心多,而呢個一樣炒得清同油.4.今次我o地o左兩碗白飯,個樣冇大前晚咁乾同o鞋,好啲啲.5.送o既綠豆糖水睇賣相,原來大前晚送o既係綠豆糖水,今次就甜返少少,OK啲.環境:樓上可以話完全冇裝修,而且樓底好矮,我o地伸手就會掂到橫樑,如果大哥同二哥佢o地o黎到,真你會撞到頭.冷氣一樣.坐低時o岩o岩好,但又係越食越熱.服務:樓上只有兩個亞姐招呼,不過佢o地唔係咁識做,開茶唔會好似前晚地下o個個亞叔咁,自動畀埋熱水.我o地畀

大前日(16-10-2012 Tue)晚,全家人去醫院探大哥,諗住走o既時候可以一齊食晚飯,點知大嫂o既妹妹話同佢食飯慶祝大嫂生日;二哥架車又泊都唔就腳,如果同我o地食完又要行返去攞車,爸爸就叫佢唔好同我o地食.所以最後都分成三批人,爸爸,我同男友就o黎呢o度食啦.由於爸爸之前o係醫院肚餓,佢就食o左啲人買畀大哥o既麵包;而男友o係等我o黎o既時候,都食o左碗細勇;我就因為都食o左啲杏仁而唔太餓.睇睇menu,鹽焗雞一隻都要$300.00,好貴呀!睇睇吓有6人套餐,再搵,睇到有個$398.00o既3-5人套餐,有半隻鹽焗雞, 梅菜扣肉, 客家釀豆腐, 清蒸鯇魚同胡椒白果豬肚湯.爸爸又另叫三個白飯.落o左單,男侍應問我o地要唔要菜,因為個餐冇菜.爸爸竟然問有咩o野菜?然後要個蒜蓉炒菜心.邊食得晒呀?5. 胡椒白果豬肚湯白雪雪,好重白果味,胡椒o既辣係o係喉嚨,但又唔係好辣,感覺好正,豬肚夠腍,冇腥臭.味道: 5分2. 梅菜扣肉梅菜唔係好香,扣肉肥o既部份都唔多,不過啲肉唔腍,冇入口即融o既感覺,味道亦唔夠濃.冇諗到醉瓊樓會做得咁差.味道: 1.5分1.半隻鹽焗雞味道食得出唔係鹽水雞,夠味

幾多人叫幾碟炒嘢, 每次上來阿姐都係唔多睬, 要叫幾次先至過來? 老字號唔代表要揀客呀 ?4個人3碟炒嘢, 就要加多10元茶錢, 無所謂; 無每次例必無炒河粉, 好難得先至食到一次。豉椒排骨炒都, 味道唔錯,可口, 不過隻碟可以好多油; 炒飯, 雞粒炒飯,唔錯, 不過又係油多左, 但飯樣係一粒粒清楚好見, 夠鑊氣; 再來一個芙蓉蛋飯飯, 唔錯, 料多, 味道合, 但真係....碟碟油太多, 食到尾個個唔敢清, 有點可惜。

每次經過醉瓊樓都好懷念, 事因以前中學時段就成日到學校附近既醉瓊樓食飯.宜家想起都覺得自己以前點會喜歡去中式酒樓食飯架.今日又再來懷念一番, 得一個人食飯只可以叫一個餱.叫左個梅菜鯇魚飯, 份量都好多一大片鯇魚基本上2個人食都足夠有餘.魚肉味道都唔錯, 起碼沒有泥味, 魚腩位夠肥美啖啖肉, 唯一美中不足係梅菜唔夠多.此店既梅菜真係幾好味, 帶少少甜用來配飯一流.

之前試過長沙湾醉瓊樓覺得好食,今次去佐敦呢間試下(雖然問過唔係分店)但諗住唔會差得去邊但点知大失所望一家六口食飯,点了菜色如下、金牌鹽焗雞, 唯一好食的菜式>>>、椒鹽白飯魚, 未食過咁嘅白飯魚,極度乾身,食落只有面層粉,食唔到裏面白飯魚 . 客家豆付,水準之差同普通豆付冇分別 梅莱扣肉還可以,但有些肉質偏嚡 白果豬肚湯ok 炒通菜油咗d