醉翁亭火鍋館 (已結業)

兩公婆在觀塘撐枱腳想打邊爐打算食好啲靚啲。打開OpenRice 見到食評唔錯又book到位，決定一試。到埗之後由攞枱開始谷氣，由知客寫咗張有枱號嘅紙交俾侍應帶位，到位後我哋正想坐低，就被一位着灰色衫嘅類似經理嘅女人喝住，喝問我地點解坐去呢個位，我望下張有枱號嘅紙同埋個枱號係match嘅，即係我哋無去錯位啦；唔緊要，你既然另有安排我咪跟住你嘅安排去另一張枱囉。點知佢帶咗我哋去一張背後滴緊水嘅枱，佢同我地講：左邊滴水你哋坐右邊冇影響嘅⋯⋯好！於是我又跟住佢指示坐低左(由開頭嘅滴水到我哋食到中段啲水變咗長流不息)⋯⋯嘢食質素好普通，刺身三文魚未解凍入口仲係冰，吞拿魚入口係梅嘅，辣雞煲上枱已經係熟嘅不過唔入味，雖然佢提供飲品任飲，但我自己唔太受得凍飲，所以要求佢沏壼熱茶，但灰色衫個疑似經理答我哋話：無！(真係答一個字) 後來我哋再問個傳菜嘅哥哥仔，佢即刻去幫我地沏了一壺茶出嚟，真係唔知搞邊科，試問一間食晚飯小菜飲茶嘅中式酒樓佢竟然話無茶，如果你需要另外收費你可以同我講聲，由我決定要唔要繼續要求熱茶。總括一句：咁嘅價錢咁嘅食物質素咁嘅客戶服務質素唔會有第二次囉！

趴B唔太喜歡要限時的火鍋，因為本來打邊爐就是想一邊食，一邊同朋友傾下計。🍼 如果到頭來，又係趕頭趕命的，真係唔好搞了。🍼所以今次趴B就去了無限時任食的醉翁亭（觀塘）！🍼 除了任食吸引外，重有海鮮拼盆（海蝦、蟶子或元貝、龍躉片、大青口、鱔片、魷魚、脆鯇片）、刺身拼盆(三文魚、吞拿魚、希靈魚、北寄貝)、極級牛頸脊、至尊小餃皇（每位一隻）、蠔皇扣鮑魚（每位一隻）。🍼而湯底都有４款選擇，七位以上就可以有兩個鍋。🍼 趴B就選了重慶雞鍋，其花椒八角的味道很濃厚，口腔會有一種麻麻的感覺，縈繞不散。🍼 趴B評分時間！🍼餐廳環境：🍼🍼🍼（滿分為🍼🍼🍼🍼🍼）大家愈早訂位愈好！2個人重有卡位可以安排架！不過環境好嘈雜，可能談心就未必合適。🍼員工態度：🍼🍼（滿分為🍼🍼🍼🍼🍼）因為太多人了，趴B星期六去光顧，係FUL BOOKING，所有侍應都是滿場飛，經理重掛上了黑面…其實趴B係無辜的……🍼食物品質：🍼🍼🍼（滿分為🍼🍼🍼🍼🍼） 有前菜比客人出去拎，但趴Ｂ就無咩興趣…..每枱敬上的食物：海鮮拼盆（海蝦、蟶子或元貝、龍躉片、大青口、鱔片、魷魚、脆鯇片）：推介鱔片同海蝦！好鮮！但元貝就唔夠新鮮… 🍼刺身拼盆(

和友人的每月一聚-今次選了醉翁亭。位置超級好找，apm麥當勞個邊就有電梯乘搭。有樣野留意返，電梯分兩款既，搭右手邊那幾部就可以。入去既話門口冷氣充足，但入到去開始打邊爐既話就唔多夠，始終地方好大加上每一台都開著一個爐。佢座位好好坐，2人都是給4人位置，但如果是坐對面的話說話要大聲一些了，位置隔得有點遠😂講番食物方面呢，送既食物有刺身拼盤（呢個正，雖然每人一片，但都是厚切的）手切牛（這個好吃，但任食就冇牛）西蘭花鮑魚炆冬菇（呢個好一般...最好食反而係冬菇）海鮮拼盤（海鮮好新鮮，但吐沙方面要改善，有北寄貝那個勁多沙）大餃子（超足料，好好食，可惜每人得一隻）。講番湯底我地揀佐冬瓜瑤柱湯底，呢個好鮮甜，撈到好多一絲絲既瑤柱既，冇偷工減料。任食選擇唔多，但每一次都是良心食物，特別推介牛丸同烏冬。至於任飲方面，希望追加多些選擇。總括係可以再幫襯間既

早二星期，隔離team的大姐生了bb, 見她放放產假回來, 就諗住大家一齊放工出去打邊邊, 順便談談照顧bb的喜與樂! 因為大姐是住觀塘, 所以揾餐廳任務就我來了~~~醒起APM 附近的鱷魚恤大廈內有間叫醉翁亭的任點任食火鍋店裝潢很有氣勢, 而且看看宣傳單張都有很多野食一個價錢, 就有齊任點任食, 每人一隻鮑魚, 魚生船等等, 都幾抵食所以就預約這間了~ 平日去客人都超級多, 餐廳佔地很廣, 內裡裝修很新淨, 位子夠大, 坐得好舒服~坐下來後, 服務員送了幾款醬料比我地"混醬" 我們就是吃這個了!無限時任飲任食, 平日只需HKD 268. 周五, 六日就HKD 298除此之外, 每人還有極級牛頸脊, 刺身拼盤(有三文魚, 吞拿魚, 北寄北等等),還有一人一隻至專水餃王和蠔皇扣鮑魚 任飲任食紙的選擇不少, 蔬菜菇類, 各款肉類, 海產, 丸類餃子無限叫, ~另外還有些是另收費食材, 想食豪一點可以叫這些~ 湯底可以5選一 (可叫雞煲), 另加HKD 80 可選龍蝦湯底~我點了鴛鴦鍋底, 有沙嗲 和清湯(皮疍)鍋~ 另外還有熟食免費專區, 不過選擇很少, 只有少少熟食如雞腳,

又去打邊爐喇。。。今次揀左同倫哥有啲似的呢間。268加一，任食配料6小時揀左冬瓜瑶柱湯底，好多瑶柱丫可惜order紙無冬瓜揀依度的餐前小食好正丫，有六款。#涼瓜豬肚#豬肚好淋，涼瓜又唔苦。#藥膳雞腳#雞腳夠淋，好入味，可惜唔夠熱#泰式雞腳#唔辣，啱晒我甜甜地，又爽脆#青瓜#本來平平無期的青瓜，個汁超encore左3round仲有#毛豆#（無試）#芥末雲耳百合#微辣，少少功鼻，爽！#蠔皇扣鮑魚#鮑魚炆得好淋，不過好細隻。#刺身拼盤#呢個好無誠意，全部平價野。淨係食左個希靈魚籽，超甜囉，唔知點解整到咁甜#水餃皇#半個拳頭咁大一隻，入面超多蝦，好新鮮。不過無得encore,每人得一隻咋#海鮮盤#得蝦同蟶子ok。青口，鱔片同魷魚都有得re-order。個大貝殼類有沙，又un#牛頸脊#四人份，好多丫，我地都食唔晒超好味丫，我覺得係最好食的牛部位好香牛味！點左勁多野食，放到張枱滿晒。啲fd係咁食炸魚皮，炸響鈴。#魚腐#正常，我鍾意食呢種魚腐。#貢丸，魚皮餃，芝士腸#都正常。#韮菜餃#又係無誠意之作。買返來的雪藏貨，皮好厚#駝鳥肉#嫩滑#豬膶，粉腸#麻麻，唔爽脆。係咪我煮得太耐呢#蝦滑，墨魚滑#好味

今晚約左屋企人去觀塘試下間新開既火鍋酒家<醉翁亭>，響鱷魚恤中心3樓！呢度以人頭收費$268加一任食，近酒吧枱有自取前菜包括無骨鳳爪，黑木耳，青瓜，而醬料一早效在枱上供客人自行調味，湯底都有五種，連重慶雞煲同加少少錢轉龍蝦鍋都有，不過見呢度咁多美食都係叫個清淡既鴛鴦鍋有芫茜皮蛋同冬瓜瑤柱湯底。呢度重頭戲當然係價錢已包埋既五款名貴頭盤啦，見到張菜單，同場內噴畫，都不禁想再問侍應，呢幾款頭盤要加錢嗎？係咪五樣都有？原來無花無假的，先來一碟刺身拼盤，我地有四人，有厚切鮮甜三文魚、紅紅的吞拿魚、稀靈魚和爽脆既北寄貝﹗之後再上火煱料頭馬，呢度超班既醉翁亭極級牛頸脊，雪花均勻，烚熟入口好滑，牛味甚濃。仲有個震撼既環球海鮮盤，有海蝦、元貝、龍䠢片、青口、魷魚和蟶子，海鮮會按時令海鮮，不時轉吓，我最喜歡係海蝦，蝦肉爽甜，蟶子彈牙，青口厚肉夠晒大隻﹗睇住張菜單，好期待個蠔皇扣鮑魚，一上枱見到巨型冬菇加上原隻鮑魚，蠔皇汁色澤均勻，冬菇肉質超稔，鮑魚非常入味，彈牙，鮮甜味十足。至尊水餃皇，餡料豐富，有爽甜大蝦，皮又夠薄，一隻都夠晒。食完頭盤當然未飽啦，再看點心紙菜單，仲有好多選擇，點了響鈴、

老媽子說明不做飯，要到外食，還要求打邊爐，做女兒的當然即時搜尋網上有什麼打邊爐好去處啦。醉翁亭，酒樓式的火鍋店，座位寬敞，坐落又幾舒服。我們是放題任吃的，點了個冬瓜瑤柱鍋，先呷一口湯試試，嗯，蠻清甜的，很適合現在熱辣辣天氣。一個套餐當中，先來花菇炆鮑魚、海鮮拼盤、刺身拼盤，還有多種款式的牛肉拼盤，再可以隨意任點menu上的配料。鮑魚炆得夠腍，爸也吃了兩頭飽魚呢！還有那個牛肉拼盤，想像不到會那麼的新鮮，每一口的牛油香味也濃郁，而且質素不錯，連嘴有點挑的媽也讚。至於火鍋配料方面，我們點了魚片、豬腰、豬肚、魚腐、炸魚皮、炸腐皮、炸芋件、珍寶腸、燕尾餃，這個是蠻特別的，小小隻水餃，裡邊包的是豬肉餡，小小一口的份量。另外到小食吧是可以任取小食的，好像酸辣鳳爪、手拍青瓜等等。與家人一齊火鍋的過程中，職員也很勤力替我們換碟子，見滿了就會換，還提醒我們外面有得取新的小食，所以我覺得服務方面還不錯的。

朋友介紹觀塘鱷魚恤中心多酒樓，今晚約好去醉翁庭，裝修豪華，任食火鍋為主，先看餐前小食自助吧形式，有黑木耳，青瓜同無骨鳳爪，全部都係開胃小食。湯底都係任君選擇，已包，叫了冬瓜瑤柱同芫茜皮蛋湯底，兩樣都較清淡。任食之餘，包了幾樣高質素食品，有蠔皇冬菇扣鮑魚、極級牛頸脊、至尊水餃皇、刺身併盤、海鮮併盤，先食鮑魚鮮甜煙韌有趙口，冬菇非常入味，好大隻，又夠稔身。極級牛頸脊鋪得滿滿，份量足晒四人，雪花紋分佈均勻，烚起牛肉香味濃，口感嫩滑夠稔。再上刺身併盤，有四款選擇，有三文魚，吞拿魚，北寄貝，希靈魚，最熱門之選，我自己較喜愛三文魚厚切，油份旺盛，魚油香味濃郁。海鮮併盤同樣出色，有帶子，彈牙爽甜，青口，蟶子爽甜，竹簽蝦爽脆，蝦味夠清甜，還有鮮味魚片，散叫餸有鴕鳥肉，好有趙口的質感，清淡餸有超滑豆腐，竹笙，最特別係苦瓜片，冇諗過打邊爐咁好食，爽脆，甘甜，額外還叫了豬潤，豬腰，韮菜餃，生菜，鵝腸，響鈴，非常多選擇，而且好大碟。飲品任飲，自助雪櫃，有一樽既雪梨汁，紙包有罕見既荔枝汁，還有大熱既消滯飲品無糖的道地烏龍茶，當然唔少得罐裝汽水啦。埋單每位都係$268 再加一，又有鮑魚，刺身，海鮮同靚牛，抵晒啦！

天鴿襲港，造成破壞及水浸，天文台更曾經發出十號風球，杏花村更成為重災區，水浸造成不少破壞，終於天鴿離開了，香港回復風平浪靚，巿區也沒有太多雨，可以外出吃晚餐了﹗得了一天假期，我們六點幾就去了最近大熱的醉翁亭食半任食火煱，這裡的賣點是無限時任食，大家可以慢慢選菜和慢慢享用，不需要看著手裱了﹗吃得太多還可以待消化一會再戰第二回呢﹗觀塘分店地方很大，桌子也十分大，保證枱面有足夠滿間放菜，而且還坐得舒適，雖然風球除去不久，但醉翁亭的海鮮存貨量完全沒有受到影響，所以沒有出現缺貨情況，而且在颱風下，日間的茶巿還照常營業，真的辛苦服務業的人士呢﹗餐單簡潔，首面是限定食物，背面是任點的食物⋯飲品選擇反而不算多，而且不是可樂啊﹗我惟有飲7-up另外，外邊還有少量自取食物，每枱都放了醬料供客人自行調味湯底有五種，我們點了重慶雞鍋，麻辣口味，不算太辣，雞肉尚算入味，份量算多⋯限量的刺身拼盤有三文魚、吞拿魚、稀靈魚和北寄貝，非常新鮮﹗同樣是限量的醉翁亭極級牛頸脊，油花均勻⋯環球海鮮盤有海蝦、元貝、龍䠢片、大青口、鱔片、魷魚和脆鯇片，海鮮沒有劃一，會按時令海鮮每天提供6-8款，最值得一讚的是元貝，鮮甜嫩滑﹗限量

又是同事報料, 說觀塘這幢"酒樓大廈" 新開了一間任食火鍋, 於是我倆便放工後又去滾。 兩個人在家打邊爐的難度有點高, 總不能在街市每款買兩粒丸, 幾片肉吧!看見這餐廳名字, 總會想起中學年代的中文課, 那些醉翁之意不在酒...對, 我們這晚在意的不是任飯的水酒, 是在乎火鍋料的食物質素。同事推介原因之一除了這兒坐得舒服, 沒有那些任飲任食酒樓的擠迫。除了有限定特色的食材,還有刺身和鮑魚, 十分豐富。 我們選了火鍋湯底後, 便到餐前小食區取小食, 放工後的時間總是覺得特別肚餓。幾款涼拌的小食都不算濃味, 略帶微酸都幾清新。而白雲鳳爪做到頗爽脆入味, 不會過淋或一陣雪味, 因此也吃了兩三隻。配給的刺身也送來了, 看起來也算大件和整潔。 三文魚腩橙白相間, 肥美甘香, 有日式餐廳的水準。雖然冬菇扣鮑魚沒有什麼特別的擺碟或裝飾, 但味道卻很不錯。鮑魚和冬菇都炆得十分淋, 而且肉厚味濃, 蠔油汁又不會過杰, 鮑魚的面積比食匙還要大, 大大隻的食得幾開心。湯底其實也很快送來, 我們懶懶的點了鴛鴦湯底, 沙嗲併芫茜皮蛋, 紅紅綠綠顏色漂亮。芫茜皮蛋湯底的料都幾多, 很快就煲到半鍋綠油油了。其實火鍋

同班好耐冇見老友食飯打邊爐，果度冇限時間既！最閉已經booking 左19:30,又早到15分鐘攞位，但係可以叫你等到20:45都冇位比你，仲話前面仲有兩張枱死未？咁book 黎有咩用，同walk in 等有咩分別！？如果有香港精神既耐性同毅力🤦🏻‍♂️，不如試下等了又等不到的感覺啦！

難得放假所以去接老公收工同佢去撐下枱腳先去到觀塘搵嘢食見到鱷魚恤中心有好多間食肆突然好想打邊爐就試下醉翁亭，見佢有優惠，最大嘅賣點係**不限時~可以由6點食到9點**唔洗趕可以慢慢食！所以一於同老公去試吓。我哋大概6點零鐘去到，因為時間尚早所以冇乜人,地方空間感都幾大，樓底又夠高所以感覺都幾好唔會好侷促。入到去帶咗我哋去坐卡位，卡位可以坐到六個人,但係如果坐六個好似有啲逼夾，但係坐四個呢就應該啱啱好，兩個人坐一人一邊呢就好好舒服寬敞！服務員都好好態度好熱情幫我地開咗位落咗湯底之後就介紹我哋去吧枱前面介紹有啲飯前小食。。。我見到有。。涼拌青瓜，涼拌雲耳，白雲鳳爪，同藥膳鳳爪⋯⋯味道都可以，唯獨藥膳嘅味唔夠入味。然後上個免費嘅刺身俾我地，刺身都幾新鮮而且都係厚切，讚！免費嘅仲有蠔皇扣鮑魚，花菇肉厚又香，鮑魚夠味又夠諗！然後仲有兩粒至尊水餃皇，一粒餃入面有三隻蝦真係落足本！但任食放題係冇得點架。。放題飲品雖然選擇唔算多，但都好大路，較特別嘅係有幾款唔同味嘅Jolly Shandy…我地就揀咗薑同荔枝味我同老公一齊揀咗個一鍋兩食嘅麻辣雞煲，中途就加上湯打邊爐烚下烚下。。。本人覺得個雞煲㷫住食個

前幾天到觀塘閒逛，心血來潮想吃火鍋，在網路上知道有一間新開的醉翁亭，無限時間任食好像蠻不錯。進去空間感十足，十分寬敞舒適的感覺。火鍋前可以到外面來一點小食及飲品。等一下就會送上刺身拼盤，有三文魚、吞拿魚、銀針魚、北寄貝，每一件材料都很新鮮，三文魚和吞拿魚肥美厚身肥美。蠔皇扣鮑魚鮑魚很入味，口感不會過韌。環球海鮮盤、有海蝦、蟶子或元貝、魷魚、大青口、龍躉片，個人最愛吃海蝦及蟶子，海蝦味道鮮甜，爽身彈牙，蟶子吃起來沒有沙子，滿新鮮的。至尊水餃皇皮薄餡多，材料十足，真想多吃一次。極上牛頸脊份量算多，牛肉味濃，油脂部份不會太多，很嫰口沒油膩感。以上的食物都不是任食喔，不夠的話可以再點其他任食材料其他材料都滿新鮮的，個人很喜歡鵝腸、響鈴，份量也比我想像中多的。

食放題最唔開心係乜？就係當你一路食一路同朋友傾計時，侍應走過黎同你講，先生夠鐘交枱了！成晚的mood當堂冇哂！所以當發現呢間位於觀塘的火煱放題係不限時的，就即刻book位黎試一試。當步入大門口時，你會發現成個感覺好開揚，完全冇出面啲放題將啲枱放到迫一迫咁！第一印象分已不錯，到坐低時，你更會發現佢地啲枱係非常大，足夠放一定數量的食物，唔須要好似出面啲放題咁，放多兩碟就要幾樣食物放埋一碟，又要加個茶几喺枱邊咁陰公！可以睇到張枱有幾大調味架選擇大路，但最令我欣賞係呢個架全晚都放我地枱面，目測每枱情況差不多，兔卻食食下要週圍搵人拎個架比你架調味醬，抵讚。餐牌大大隻字寫住無限時，呢個係我選擇呢間放題的主因蠔皇鮑魚，一人一份，冬菇厚身，口感不俗，鮑魚炆得算入味，唔錯每人一隻的水餃皇，真正的啖啖都食到鮮蝦，而且食得出啲蝦不是平價貨！我食完就明白點解每人限一隻，如果任叫，根本冇可能比到呢個水準的水餃比你食，我寧願貴精不貴多，呢一隻水餃確令我回味無窮亦都係限量供應的極級牛頸脊，有咬勁，牛味濃，同水餃一樣，與其你比我任叫一啲雪到硬哂的所謂肥牛，我寧願好好享受一碟精緻的牛頸脊。同樣地都係限量供應嘅係魚生同海

又到咗每個月一度嘅紀念飯，由於行開嚟觀塘，行咗成個apm後就揀咗apm隔離嘅呢間放題火鍋店，貪佢夠近嘛~ 好彩我無預約都唔使等位，但入到去就真係全場爆滿了~ 這裡的格局實在像極釣魚翁，坐下才知道原來是同一集團來的! 這下我就知道質素應該有保證了! 平時去釣魚翁都起碼要4百蚊落樓，今次$268再收埋加一都係3百蚊有找，仲要有海鮮拼盤、魚生拼盤、鮑魚，完全係好吸引到我去食啊~ 唯一挑剔的是飲品選擇不多。放題前還有小吃~ 但啱唔啱口胃還是見人見志~ 第一樣嚟到嘅係冬菇扣蠔油鮑魚，雖然細細隻，但一樣入口煙韌，而且鮑魚好入味，冬菇夠厚肉，呢個前菜真係令人越食越肚餓。呢個就係宣傳單張所講嘅每人一粒至尊水餃皇，點解叫至尊呢? 因為咬開後，有4粒~5粒嘅蝦肉係入面，足料到癲~ 其實我想食雞煲，但係少爺話識食一定係食鴛鴦，雖然我唔知係乜理論，但姑且一試。的確，這裡的鴛鴦鍋，兩個湯底都十分足料，皮蛋芫茜係食哂成餐都仲撈到，沙嗲湯鍋並唔係用粉開，真係有料係入面，侍應生仲叮囑我地要較細啲個火，因為沙嗲比較易燶。話說我們原不知道這裡極級牛頸脊都送，還多叫了一碟，好彩侍應生勁好提一提我地，仲幫我地取消返多叫咗嗰碟