醉翁亭火鍋館 (已結業)

打電話book 8點，朝早收到電話confirm booking, 叫我早10分鐘黎攞枱，點知夜晚7點50分去到，話要等有枱先可以比到，再問即係要等幾耐？小姐話：答唔到你喎，有人走咪有枱囉！我地叫你早十分鐘到，係叫你攞定枱，只係有枱就優先比你。呢個真係book枱新定義呀！小姐仲要話：我地一般只留7點半booking, 平時唔留8點既，所以你要等人起身。咁我booking 時點解唔同我講清楚？7點半入座會有枱8點走？明知8點有booking, 點解唔係留定枱？間野好唔好食？唔知呀！因為最後無食到喇！

今個月Victor 好叻仔又爆數了，我又帶他去慶功，醉翁亭剛好7月份新出了一個任飲任食的海鮮火煱，既然在公司樓下當然今晚就去食過痛快吧!  The waitress is super nice , she open a Comfortable Room for us to have Hot Pot and air conditioner is super Great, we feel so cold and comfortable in that room !除了任点任食的環節，竟然每桌有一個賣相十足的刺身拼盤，有肥美的三文魚，吞拿魚，銀針魚和北極貝，刺身很新鋒肥美，口感十足!另外送的還有極級牛頸脊，至尊水餃皇和蠔皇扣鮑魚!不得不提還有一個環球海鮮盤，有海蝦，蟶子，龍躉片，大青口，饍片，鱿魚，真的好像一個海鮮大集會，因為每天的海鮮也不一樣的!另外我們叫了一個重慶雞鍋是鍋底，雞煮得又香又濃又嫩滑，我們吃得停不了口!另外鍋底我們選了冬瓜瑤柱鍋，所有海鮮食材十分新鮮，在炎熱的夏天，在冷氣下嘆任飲任食火煱, 真的是人生一大快事!

今晚朋友請食飯,2個人黎左呢間醉翁亭打邊爐, 貪佢任飲任食仲要話唔限時間, 唔使食完急急腳要走, 可以吹下水.我地2個人俾左個卡位我地, 坐得超舒服, 2至4個人黎食就最好, 個卡位真係好好坐! 我地叫左個冬瓜湯底, 味比較清d! 醬料bar都算幾齊佢有分任食同收費, 選擇都算ok, 係牛肉就冇得任食囉一黎就自己上左盤剌身, 整體都好新鮮,又唔會切到細細舊咁!呢碟鮑魚都係送, 好腍好入味呢碟都係送, d蝦好新鮮, 唔會話好似出面食個d梅晒!呢碟牛肉都係送既, 再叫就要俾錢, 個牛肉真係幾好味, 睇個樣都知同出面個d好大分別!其他食物都唔錯, 係個玉子豆腐真係唔知食緊乜, 原完冇味總括黎睇比起出面任食好好多, 每人300蚊到,

今晚陪朋友apm買相機，買完搵地方食飯，行過少少鱷魚恤大廈，貪佢食肆夠晒多，火煱從來是我心頭好，今晚就揀左呢間醉翁亭。餐廳有一個任飲任食火煱餐，但同坊間那些連鎖式酒樓最大分別，這裡是高級版本。環境舒適很多，我地被安排在卡座，座位是梳化，仲有大形腰墊，坐得很舒服，而且檯與檯之間有足夠空位，完全無嘈吵感覺套餐有多款食品贈送蠔皇鮑魚，鮑魚夠腍身又有鮑魚鮮味，質素相當高，就算出邊散叫，我估都要一百元以上刺身拼盤，共有四款，三文魚，希靈魚，吞拿魚，北寄貝，三文魚夠鮮，希靈魚很甜。至尊水餃皇，很大隻，以為是普通料點知灼完成個乒乓波咁大，成隻水餃都係蝦，蝦肉夠晒彈牙，果然係皇牌。侍應很貼心，問我們要甚麼湯底，雖然有雞煲可選，但我地揀左個清清地嘅冬瓜瑤柱窩，真係有好多瑤柱喺入邊。海鮮拼盤，入邊有蟶子，帶子，墨魚，鯇魚片，海生蝦四隻及青口，全部都很新鮮，蟶子很鮮甜，海生蝦夠大隻，青口灼熟亦夠晒爽口鮮味手切牛肩脊，很大碟，油脂分怖很均勻，牛肉味濃又唔韌，正野食完贈送食物，到自選食物，墨魚丸蝦丸都是手打，細細粒相當彈牙，個人較喜歡蝦丸，蝦味極濃， 炸魚皮很脆口，大大籃一份夠晒食，生根 唐生菜 ，飲品方面，當

現在火鍋放題愈來愈不簡單，雞煲加火鍋已經不足夠，就如這家新開的火鍋館，除了雞煲火鍋，還有鮑魚和刺身吃，知道有好物就當然要來試吧！整層都是這家菜館的，門口有大大個魚缸和酒櫃看。入面空間好大好多座位，又寬敞企理，坐著都感到舒適。任食可自取飲品和涼菜，種類頗多的呢。這裡是無限時吃的，這點最吸引！點菜紙第一版是每人一份的，後頁的火鍋料就任叫任食。只看前頁的已好豐富蠔皇扣鮑魚雖然不大隻，但味道鮮，也有鹹和甜的味道，靭度十足非常有咬口刺身拼盤也不賴，尤其三文魚好肥美，一咬就有豐腴的三文魚油滲出來，好香！北寄貝和希靈魚都鮮甜又爽口，比想像中還要好吃鍋底我們選了重慶雞煲，事先煮得均勻入味，雞件的肉嫩滑，只是覺得不夠辣~限定的海鮮有蟶子皇，帆立貝，青口，虎蝦，魚片和魷魚，全部都非常新鮮！尤其蟶子皇和虎蝦都是大大隻，啖啖肉，爽口彈牙味道鮮甜，正到暈！！！！就連牛頸脊都好大碟，脂肪量少，牛味濃郁，肉質也軟滑，涮到剛剛熟來吃就是最好吃的吃到這裡還是限定的食物。水餃皇每隻內有四隻鮮蝦和木耳絲，非常爽口又甜，吃了上面那些都開始飽了，才開始吃任食的火鍋料。四寶丸都是手打的，加上蝦滑和墨魚滑全部都是彈牙的，好好咬吃了

觀塘區試過多間中式及日式任食火煱，300元內也不會有期望，畢竟一碟A4和牛在日本也不止這個價錢，不期望真的會有和牛或海鮮。今次吃到醉翁亭有驚喜，任食價錢包一碟牛肉，魚生，水餃，海鮮拼盤，扣鮑魚。牛是靚牛頸脊，有牛味；蝦及鱔片是新鮮街市貨；魚生中三文魚腩最好，不像一家連所外賣店吃到的又霉又出水；水餃則有數隻大蝦，其實吃完這些已半飽；任點食物沒有牛，有少量海鮮，鱔片好吃，拼盤吃了後再追加。一家餐廳用不用心經營可從其洗手間看出，這𥚃的洗手間十分乾淨，完全不用閉氣，值得一讚。火煱店也有數款清酒，價錢不底，沒有點。當中更有一支要6千多元（除十四代及新澤酒造外不能想像清酒需這個價位）。唯一怪怪的是那個扣鮑魚，味道正常但跟其它菜有點格格不入，如果可以，換成雪糕應該會較受歡迎。

今晚每年一度小學同學聚餐，今次就柬左觀塘呢間火鍋店，我地7點就齊晒人，入到去環境都唔錯又唔迫夾，不過可能我地大家都係剛收工，大家一坐底大家就不約而同咁提意叫魚生黎食，一上到枱望見都流晒口水。之後我地叫左個鴛鴦火鍋湯底同肥牛，海鮮就叫左蝦，聖子，青口，帶子同善片，上到枱都排得幾靚，我都忍唔住影返幅相，不過食完就無我預期咁驚喜最後我地埋單每人要350幾，真係有點兒貴，不過勝在坐得舒適又可以比我地開心一晚講過不停都算唔錯。

可以食完馬上又期待下次再來的食店實在不多,但醉翁亭火鍋實在令人驚喜又回味,而且不貴, 還有要讚的是他們的店員,每一個人都非常有禮貌,令人有賓至如歸的感覺,食物質素很高,而且任叫任食,食起來夠盡情~~ 醉翁亭火鍋館就在觀塘鱷魚恤中心3樓,地鐵站走過去才幾分鐘,地點非常方便 裝修很有氣派,而且很高樓底, 令空間感高,加上位和位之間很有空間, 沒有局促感, 也沒有平時去的酒樓那種的嘈吵 門口的魚缸展示著大量的生猛海鮮 平日$268一位,假日就$298一位,接著就可以點湯底,也可以點雞煲 7位以上就可以點兩個鍋 下單後店員會送上限定食物,之後就可以再加單點生料打邊爐 調味架~基本上可以不用,因為湯底已經好夠味,加上生料都好新鮮 前菜~在等水滾之時可以出去取些前菜頂肚~ 雞腳很好食,尤其是白雲那款 飲料也是自助的,選擇也很多 限定的刺身拼盤,很新鮮 湯底來了,我們點了鴛鴦湯底,一邊是冬瓜湯底,夠消暑又清甜,而且入面竟然有一絲絲的瑤柱,味道很鮮。而麻辣湯底夠惹味,看起來很辣實際其實只是很香帶點辣,相信不食辣的人,食少少都接受到 限定的原只冬菇炆鮑魚,非常矜貴的一

早前看到社交網站的宣傳，看到有包冬菇鮑魚，海鮮盤，牛頸脊，魚生，大水餃每人一份，另外還有各種的火鍋料選舉，重點還沒有限時，所以就吸引決定去試試。晚上7點鐘到達，人還不算太多，被安排到窗口的四人位環境：雖然酒樓面積不算很大，但不會坐得太擁擠。而且桌子也不會太小，可同時放數碟大盤的火鍋料也不大問題。味道：食材新鮮，鮑魚仔雖細小，但還算有咬口，冬菇都爽口。海鮮盤不會霉，每樣都彈牙，尤其大蝦，帶子和蟶子。大水餃亦不錯，每隻當中亦可食到3隻蝦，鮮甜彈牙。牛頸脊油脂分佈平均，肉亦呈鮮紅色。其他任食食材亦中規中矩，肉類亦鮮紅，沒有變黑等情況。另外亦有一些冷盤任食，如泰式鳯爪，白雲鳯爪，毛豆，手拍青瓜雲耳。魚生就較為遜色，不算肥美，亦不鮮甜。服務：服務員態度不算差，詢問職員鴛鴦鍋當中的沙爹湯底換成冬瓜瑤柱，亦無有拒絕。任食火鍋很多時都有漏單的情況，本身看食評亦害怕會遇到，但這次一共叫了三轉，亦算到齊。總體：任食來就，食物新鮮值得一試，同時與朋友聚會能慢慢詳談，用餐不用太趕。

朋友生日，想試試呢間新的任食火鍋原本睇食評都有d擔心，但可能無期待下反而有d驚喜我們7大1細，叫左兩個鍋底: 雞煲同蕃茄龍蝦鍋(+$80)兩個鍋底同水餃好快就到先食雞煲，幾香幾惹味，但唔會太鹹，好快就分晒，再加湯做湯底，唔似其他店咁油，都唔錯蕃茄龍蝦鍋，龍蝦係斬碎左的，唔算太多肉水滾即落水餃，爽口彈牙，可惜一人只有一隻，encore就要俾錢，都係留肚食其他野之後再等多陣先有2碟細牛、鮑魚、海鮮盤同刺身盤到。最like海鮮盤，d蝦同聖子超新鮮。其實食到呢度而經飽左7成。之後再加左九菜餃，炸魚皮，響鈴，鱔片，魚頭，鵝腸，粟米，油麥菜同公仔麵。除左油麥菜漏單外，其他野都齊，同d侍應講漏左單，亦都好快上返俾我們。由6點坐到9點，坐得舒服，野食都幾好，請埋生日位朋友，每人$400, 大家都好滿意

完全唔值得一食，話任飲任食海鮮火爐，但選擇超少，好多平常打邊爐店都有ga佢都冇，例如蝦，漏單超嚴重（當晚只有一半入座率），９點，１０點都分別入左次單，１次都冇送黎，問佢就叫我再寫，到接近１０點半話last order，咁我咪再寫多次，佢真係有黎，但係２張紙點ＧＡ野一齊黎，重要話食唔哂要收錢，我即刻話你漏單叫我寫，唔係我玩野，佢先收聲，接近１１點就開始趕人走，員工比說話客人聽，話阻住佢收工，網頁寫住收１２點，你都唔係１１點就趕人走掛？埋單連加１每位３３０，食物服務都唔值所收，唔建議大家食。

在書展幫才子買了几本書，今天在觀塘交收，順道晚餐。才子就建議火鍋，於是來到這家火鍋店了。曾在這飲食集團的太子釣魚Ｘ分店，嚐過高質火鍋。這家也許不錯吧！晚市剛開始，客人不多，我倆可在卡位安座。這卡位本應是四人座呢！現在二人就座，感覺十分舒適。要點鍋底了。大家都想享用多款口味，選了鴛鴦鍋：皮蛋莞茜 及 沙嗲。然後才慢慢選擇任食款式。職員也提示，外面有熟食可任添，飲品任飲。 枱面的一大一小的豉油碟，色澤各有深淺。大碟豉油的味道較淡，小碟豉油的味道較鹹。幸好自己聽覺靈敏！聽到主管教導下屬的對話，才知道是濃味中式豉油及淡味的魚生豉油。但是職員没有主動告知我倆呢！　　任食火鍋的固定款式先上來。蠔皇扣鮑魚　鮑魚真係細左少少，但肉質不算太硬，味道還算不錯。而冬菇很厚身，絶對比得上新年送禮的冬菇呢！至尊水餃皇　好大隻的水餃，內裡都是原隻蝦蝦蝦蝦。所以就叫做至尊囉！刺身拼盤環球海鮮盤　鱔片　很難得有鱔片，而且也是任點呢！鱔片有微微的酸味，夠新鮮。再在任點系列來第二輪了！蟶子　大大隻，拌蒜蓉蔥花豉油，味道一流。青口，蝦都交給才子了！極級牛頸脊　二至三人，可享細份。即是二人分享細碟，就是1/2碟牛肉啦！計落二

朋友介紹試下冇限時任食，一行7大1細，3歳以下免費，正！計環境，以任食場計環境真的不錯，唔迫坐得舒服。5款精選食材，以牛頸脊最掂👍海鮮食得出真係新鮮貨鲍魚ok啦，朋友話好味，但我一向麻麻地鮑魚水餃確係大隻嘅，都多蝦係入面，食多兩隻都飽刺身都唔錯鍋㡳我地揀雞煲，食完雞煲加湯打邊爐但其實都已經飽飽地，因餐前食左D白雲鳯爪，沙薑豬手好彩冇限時，唔係就蠢左。最尾慢慢打最後坐左四個鐘。整體呢間值得推介，但需要加多D人手，睇得出人手唔係太夠！

鮑魚細隻 味道一般蝦都正常 聖子同蜆勁多沙 帶子無味一粒大粒既水餃 無特別腥 唔新鮮 質素差以為有咩特別 食落仲差過普通肥牛任食配菜：魚皮餃：有骨丸同滑：一般貨色豬頸肉：應該係成餐最高質既配菜響鈴：淋既其他野都係任食火鍋既水準環境都算坐得舒服服務態度就麻麻，員工無咩禮貌，講野串串咀咀最離譜係我地食剩左半碟丸，佢拎走左換個碟上比隔離台食完返屋企即屙整體黎講收268加一完全唔值你收168都唔會再黎市面好多200蚊上下幾款海鮮火鍋都高質幾倍

呢間所謂任食火鍋，論質素，除送既一碟牛脊可見下人外，冬菇鮑魚，五蚊size，海鮮拼盤都係一般貨色，其他任點既野，都係好普通野，但以二百幾近三百蚊，連牛都無任食，就真係貴。以呢個價錢其他地方都好過佢好多。 食物普通都算，最離譜就係啲服務。order左野就似石沉大海，寫七樣野，衹黎兩三樣，其他全漏單，叫伙記跟單，有D得個應你，跟住繼續呆等，最頂隱有個阿姐話唔催得架，D廚房會鬧人，又話唔衹服待我一枱，下，我叫丸，腸仔同菜，呢D係放落碟唔使煮，加上我已忍左成15分鍾以上先催單，真係食左唔少嘅放題，任食火鍋，韓燒，都未遇過呢D情況，不衹係我，隔離幾台都一樣，亦未試過鄰枱有多左野share同我地食我抱住試下去食點知中伏，我見都全場爆，我就唔知佢地係咪都係試下心態去食，如果唔係，我真佩服😂，總之，以近300蚊價錢換嚟88蚊cheap 酒樓火鍋質素（服務可能還比上去）我必會推介呢間比我嘅 仇人 去食!