重慶劉一手火鍋店 (旺角商業大廈) (已結業)

一早已聽過呢間餐廳既名.. 今次有機會黎試下. 點知有唔愉快既經歷.. 當晚既8點去到都唔使等位就入得座.. (入座率低於5成)呢度環境好大, 好闊落, 但張凳就唔係好好坐, patpat位好窄..但成張凳係幾長既…  湯底我地要左正宗重慶麻辣鍋 X 山珍雜菌鍋 之後就揀其他配菜.. 期間店員sssss都好積極過黎推介佢地有D咩牛好食.. total有成5個人approach過我地., 令到我地覺得有D煩煩煩.. (第一個過黎已經同佢講我地自己睇先就OK.. 最後有5個人…mygod!!!) 牛種類都OK, 而且有拼盤選擇… 但我地最後一份牛都冇order! 1. 因為佢地太hard sell既關係2. 見人地拼盤既份量都幾小..3. 我覺得食麻辣火鍋, 食內臟好食過食牛^^ <<山珍雜菌鍋>> $84鍋入面既雜菌都幾多下.. 湯底比較清~ 味道都OK<<正宗重慶麻辣鍋>>$84普普通通. 我食過兩間既湯底比呢間好味! 都係係MK..唔夠香!! 麻都OK,係香味差左小小~🤒<<炸重慶酥肉>>

本人其實冇試過寫食評, 但真心忍唔住, 同學聚會, 8個人打邊爐, 先要入數一千元作deposit, 都冇所謂, 食物覺得真係新鮮嘅. 但另一方面, 首先座位唔舒服, 然後店內幾個女阿姐侍應, 態度服務都有問題, 我地已叫成枱食物, 再加個細碟鮮牛肉, 阿姐不甘我地唔叫大碟牛肉, 拎埋黎仲要加句"叫咗你地叫大牛肉架啦", 首先我地冇覺得唔夠食, 唔知佢做咩要加句咁嘅說話, 其次我地有朋友臨時帶咗小朋友出黎, 叫阿姐侍應加櫈, 佢都要有說話, 面有不悅講"多咗個小朋友呀？!", 其實枱面設計不方便, 勸多人去的話要三思, 坐得好唔舒服, 小朋友亦喺單上當大人計算醬料費, 呢次實在係好唔愉快嘅打邊爐, 雖然食物同湯底係可以嘅, 但啲服務我真的不敢恭維!

聽講呢度有好多唔同款特別既中式湯底,哀男朋友來陪我食一次,男友是一個十分食得辣既人,我就麻麻地。所以我地嗌左鴛鴦鍋底,佢嗌左中麻辣,我就清清地叫左個椰子雞。本身佢想嗌大麻辣的,但係落單姐姐叫佢試左中辣先,唔夠可以加。鍋底一來左佢就試左一下,佢話無咩味,唔夠麻,我就覺得條脷都無埋感覺。我覺得椰子雞鍋無椰子味,肉又鞋,大陸戈的好佢好多。叫左滑雞片,真係好滑同爽。男友話毛肚好味 我覺得油麥菜用椰子湯烚好鮮甜。芝士蝦丸同墨丸打得好鬆,好有本身海鮮既味,正。我最欣賞就係重慶小麵,加埋自助醬料吧既調味,簡直一流。呢個肉拚盤有3款牛,肥牛都算滑,其中一口牛粒最有牛味,超濃,係正既。但2個內呢度食左成千銀 又覺得有的太貴。可以一試但無下試。

繼續麻辣火鍋💃💃💃湯底點了小辣...因為天氣太凍...一放到碗...麻辣油層很快形固！細心的侍應見我們點羊肉片...推薦我們可改點羊肉條...食落更暖...又真係不錯吧👍🏻羊味濃...又夠淋！紅糖糍粑完全是整餐火鍋的靈魂...真的很好吃😋....煙煙韌韌的糍粑點上濃濃的紅糖醬....最失敗的地方是響鈴...是最沒誠意街市也可買到的盒裝響鈴！😡

收工後同同事去左旺角食劉一手重慶火鍋，一入到去真重好香好麻既味道，口水都流埋出來！我地叫左個麻辣鍋同椰子雞煲！麻辣鍋小辣都好辣！好正宗，但我地頂唔順叫佢撈起d麻子同辣椒🌶️再叫左海鮮同牛！真係好好食！可以再去！但價錢偏貴左少少。但未食過可以試下！

今日同學聚會，揀左旺角劉一手重慶火鍋，一上到去，都好闊落，裝潢都有重慶味道自助調味吧，勁有誠意！點左生啤，夠晒冰凍，我自己叫左手邊的人工啤酒，麥味中帶有少少果味，幾特別！我地叫左鴛鴦鍋，一邊係重慶麻辣，另一邊係椰子🥥滑雞鍋，我地先試左椰子雞，勁椰香味，好甜，雞勁滑！重慶麻辣鍋香到一個點，身如重慶的感覺！牛魔王點左牛脊肉，牛味重，涮8成熟，配埋重慶麻辣湯底，呵呵！加埋鴨血落到麻辣鍋，食到停唔到口墨魚油炸鬼，即食香脆又唔油，食多一舊浸麻辣鍋，雙重口感！劉一手推介鵝腸，不得了不得了，15秒即食，爽！必叫！脆肉鯇腩，份量就少左d, 但質素又好有水準手打墨魚丸，呢個就唔夠彈牙！整體都好好，服務一流！

劉一手幾個月前在旺角開了分店，約了幾個朋友來一吃，重慶過江龍，朋友都嗜辣，我覺得非常值得吃。2個湯底，一辣一不辣辣的湯底很香很吸人，我們點的是小辣，食到咀裡的味道可是剛好，不會令食物嚥不下，反而增加食物的味道。不辣的是椰子滑雞鍋，非常清甜，我地另外把蔬菜中的粟米、窩荀、冬菇放到湯中，湯底更濃更好喝。我們都選了什麼配料？少不了一定會點的牛併盤 （極上牛肉拼盤盛）有日本雪花肥牛、 澳洲和牛小排、一口牛舌、 手切肥牛、日本和牛。每樣都鮮嫩，肥牛脂肪比較多，越吃越香；和牛則比較牛味濃；牛舌爽。 然後是珍寶田雞髀 比平時食嘅田雞髀要大隻很多，有一隻中指的粗度及長度， 肉質鮮嫩厚身，食得過癮，味道鮮甜。鴨血：比較大塊，但很爽嫩脆肉鯇：脆而鮮味黃喉：下湯1分多鐘就可以食，非常爽朋友點了個天梯，每級都有不同的丸類，有8款，嘩！這個擺設令最普通的丸子變得很有看頭。 我最喜歡幸運元寶，意頭非常好，而且口感好順滑，食起來應該是蛋吧！感覺是很滑的蒸水蛋變成了元寶。 另外主食少不了薯粉，這薯粉下在麻辣湯鍋中，味道真的不得了，非常惹味，好好食。

朋友大推, 所以一行十多人去左打邊爐.當日打去book,晚上8點,都有位.叫左個蟲草花湯, 係幾正嘅!!叫左牛肉set, 好新鮮, 味道不錯.叫左一條魚,好味呀!印象中200幾蚊. 都算新鮮, 可一試.叫左脆魚鯇, 新鮮的, 但同上面條魚無得比. 原條大魚, 味道係正d 嘅! 肉係鮮d!仲有牛丸都幾好食,好有牛味,又juicy!印象比較深刻嘅 係任拎嘅麻油.因為怕肥,所以無食. 只係試左朋友嘅少少.味道好香呀!!!愛麻油嘅 一定要試.埋單每人都要400蚊左右. CP 值唔高, 唔會再黎.可能係食唔到麻辣湯, 覺得無咩特別!

今日天氣凍凍地，最好就係打邊爐啦！咁朋友打邊爐傾吓計，真係幾好！今次去左非常就腳嘅旺角，同埋個名大家一定唔會陌生既劉一手！我成日都聽朋友講話呢間好好食，但一直未食過！今次就試下有幾好食！上到去每個位置都好闊落，一定坐得好舒服！同埋佢都有個細心位，每個人都設有圍裙！如果鍾意食牛既人，黎呢到食真係岩晒！佢既牛分左好多款！咩價位都有！佢有牛祭同海鮮🦞祭！真係啱晒唔同人口味！食材新鮮！好足料！服務好！🤗

見到廣告呢一間麻辣火鍋店連天王都話好味，趁着聖誕節同班朋友又來食下！要咗一個鴛鴦鍋，一邊要豬骨湯底，一邊要招牌麻辣湯底，麻辣要咗小辣，已經對於我來講好辣，但辣得真係好過癮！越食越想食！要咗半份牛肩脊，肥瘦適中，牛肉味好純，一點都不韌！伴粉嘅份量已經足夠三個人食。留番啲quota嗌其他嘢。另外叫咗牛脷同埋肉眼邊，肉眼邊脂肪較少，比較有咬口，肉味亦都好濃郁！好正！牛脷係用薄切，亦都好彈牙！煎韭菜餅用來打邊爐係第一次！估唔到都好特別，外皮煎得脆脆地，用邊爐烚完之後多左份麻辣香。幾特別。蔬菜拼盤樣樣都有啲，其中最讚嘅係粟米！超級甜，又多汁！好正！流心芝士丸好彈牙，入邊好多芝士，會爆漿！所以食嘅時候要小心。響鈴不過不失，相對冇咁特別但都算好食嘅。

大學re-u拉隊到了位於旺角的劉一手！餐廳空間感頗大，黎亦係設計上花過心思，以木、竹枝作點綴，可謂古色古香。總之就坐得舒服😌自助醬油區醬油同配料方面有多種選擇，大家記住拎埋特製火鍋油試試呀！當晚叫咗好多野食，要share下阿叔我嘅認為要必叫item。398 牛肉拼盤憑盛打得邊爐當然要食牛啦，依個set就最value-for-money，一次過就有牛肉粒、和牛小排同雪花肥牛。又平又唔洗諗🤤爽脆黃喉黃喉係重慶嘅火鍋名物，基本上放入水滾一滾就食得，爽脆的口感令人念念不忘！劉毛肚即係牛柏葉，賣相就一般啦！不過試過包你返唔到轉頭！一個字「爽」！麻辣汁燒羊柳串入口熱辣辣，而且陣羶味真心不得了。食完過陣羶味仲係口內浪下浪下！團圓鴨血入口厚實而且口感軟嫩，值得一試喔唔食得辣嘅亦可以叫鴛鴦湯底！整體感覺唔錯！服務好，食材新鮮同又好坐！

呢排天氣凍，最岩就係打邊爐。成班朋友又可以圍埋一齊取暖，又可以品嚐美食，真係最佳嘅享受。之前行過旺角見到呢間新開嘅劉一手分店，我地就約埋一齊黎試下。因為天氣凍，我地就叫左麻辣鍋同埋胡椒豬肚鍋兩種湯底。麻辣鍋我地揀左小辣已經好夠辣。豬肚湯店員叫我地落食物之前先飲一碗，果然好美味又暖胃。打邊爐唔可以無牛，一份$398牛肉拼盤盛就包含左幾款唔同肉質同部位嘅牛肉，滿足大家食牛嘅慾望。黎到一定要點招牌既毛肚(牛柏葉)，放落湯度煮十幾秒就可以食，超新鮮，口感非常彈牙。下次再黎都一定會點。紅糖糍粑甜甜地同埋軟綿綿嘅口感，女仔一定會鍾意，打邊爐時食可以用黎解辣。劉一手仲有自己嘅手工啤，口味比較清，易入口。店內裝修好靚，張檯好大張，直程好似返左深圳打邊爐。每位店員都好好服務態度，會教你點煮食材，主動加湯，有時仲會同我地講下笑。總括黎講，呢間係一間非常高質嘅火鍋店，推薦大家要黎試下！

食火鍋係冬天指定動作次次食一間會好悶嘅雖然話打邊爐都係個D野不過總有D特別野唔係間間有嘅今晚就去左間未食過嘅重慶火鍋 劉一手湯底緊係鴛鴦鍋啦要左麻辣鍋 & 豬骨鍋正啊有辣有唔辣麻辣鍋辣味夠哂出 辣得來真係麻架豬骨鍋都好足料架大大個豬骨398牛肉拼盤盛好高質嘅牛牛味夠得來有咬口 又唔會咬極唔爛同埋份量都係好夠 嗌左一次牛已經好滿足因為佢有唔同部位比你每樣都有得試豚肉片係靚豬來 點食得出?食豬食左咁多年 其實一食就知無so味 無臭味就係好豬喇脆肉鮠食落真係爽架唔係講笑又有魚鮮味 唔梅響鈴係必食架啦 唔食過都唔算打左邊爐午餐肉都放到咁 好有心水餃皮薄餡靚 必叫放心D皮係唔會痴牙紅糖糍粑甜入心啊 好小邊爐有哩個記得叫食完D辣野要食返D甜點墨魚冷麵個樣好Q食落好彈牙好爽好似食緊墨魚嘅味 但又唔洗好似平時咬墨魚咁用力非常特別嘅感覺哩餐食得好開心又好滿足

重慶劉一手火鍋鴛鴦鍋$168正宗重慶麻辣鍋+皮蛋芫茜鍋唔想咁熱氣就可以選擇鴛鴦鍋，既可以試吓麻辣湯底又可以食皮蛋芫茜湯底解熱氣。炸響鈴$38+招牌劉毛肚（黑牛柏葉）$148呢間鋪頭嘅牛柏葉係黑色一大片的，建議放入麻辣湯底煮熟，因為這樣味道會豐富一點。（半份）鮮墨魚滑丸$58鮮墨魚滑，彈牙。水餃皇$58+層層疊午餐肉$58水餃大大粒，午餐肉嘅切法值得一讚，切到一條條方便食。蘿蔔，爽脆土豆片，萵筍食麻辣湯底可以點這幾款蔬菜類的食物，因為蘿蔔和萵筍時間煮得越耐越入味。老闆天梯$238這款天梯的食物賣相精美，但是食物本身的味道我自己麻麻地鍾意。例如元寶賣相嘅食物好似係豆腐加雞蛋，味道和口感怪怪的。鮮魚標$58魚標是不錯的，好新鮮，又唔腥！餐廳環境夠闊落，整齊和企理！員工服務或招呼周到。地點便利坐落於旺角朗豪坊對面馬路，亦在旺角地鐵站出口旁邊。

今次同超鐘意食辣野既媽咪黎食一入到黎 感覺好舒服 啲位好寬落👍🏻一開始緊係揀湯底 我地揀咗麻辣鍋(小辣)同蕃茄牛尾鍋蕃茄牛尾鍋入面真係有幾舊牛尾 係足料入味呀麻辣鍋 好香呀！媽咪讚不絕口！點咗咁多野食，款款都好正好高質！媽咪好鐘意食龍躉 啖啖肉👍🏻雲吞皇都係好正！入面有鮮蝦架！特別推介油炸鬼墨魚滑！係超級正！放落鍋十秒就可以食，油炸鬼仲係脆，真係外脆內軟，感覺好特別，哩個唔係周圍有得食，我覺得係黎哩度必點既！😋最後我地食到超飽超滿足，打邊爐既湯底真係重點，哩度既湯底正之餘，食物都好正，所以總括黎講劉一手真係好正！而家冬天最啱黎打邊爐，真心推介❤️