野郎Stone (已結業)

今日放假出尖沙咀分公司探下啲舊同事，之後 乘機去食番個扒先返屋企。 一個人嘅時候，我最鍾意嚟依度食，好多牛嘅部位揀選，易有紐西蘭羊架，西班牙黑豚，而且質素唔差，价錢又唔貴。 今日揀左西冷扒200g价錢係138元好抵食！用張紙 冚住都感受到塊肉喺度叫！香氣四飄，好惹味！大大件，熱辣辣！塊石不停咁喺度煎，食到尾都唔韌！切開好嫩滑多肉汁，味道啱啱好！配埋碗白飯，食完好飽足！再埋杯冰凍日本啤酒，真係好滿足！店細細大享受！簡直就係我嘅天堂！

這間餐廳bookmark左好耐，每次放工經過都見到有人在餐廳外排隊，今天難得早放工，見未有人排隊，於是跟友人決定一試。這裡點餐是在門外的點餐機，點好菜後，在門口位置把賬單給予店員便可。餐廳座位不多，只有大概4張枱左右，所以客人也是食完便走，不會逗留太耐。肩胛肉眼300g，餐廳會把牛排弄至一成熟，然後就到我們在石板上烹調到自己喜歡的生熟度。上枱時牛排會用廚房紙先蓋著牛排，可防止油濺出，十分貼心。肉眼帶有少許筋，牛肉味濃，肉質都幾鬆軟，肉汁都幾多。牛排已先用黑椒調味，而餐廳有不同醬汁可選擇，點上燒汁更能提升牛肉的鮮味。加$30可轉套餐，有沙律、湯和飲品。沙律是椰菜絲沙律，加入芝麻醬，十分開胃。而湯是面豉湯，飲品有幾款汽水可以揀。在尖沙咀用這麼便宜的價錢也能吃到優質的牛肉，實在抵食!

一向喜歡吃燒牛肉，今次來到尖沙咀一間日本🇯🇵風小店試試店子小小但很有格調，像到了日本的感覺店内有介紹牛的不同部分，店長也有親身來推介不同部分怎樣吃才好，非常專業朋友點了「牛橫隔膜」200g從來也沒有吃過，貪新鮮就試試。店長在上面加上一張紙，上枱後要等30秒後才可拎開張紙，原來這樣就可令熱力更平均。牛橫隔膜肉質有口感之餘又不會太韌，很夠淋，肉牛新鮮濃郁，一吃便知是高質素的牛肉我就點了「牛板腱」 200g這塊比較厚，一定要切一片片出來燒熟一些才吃，這過程體驗也滿有趣。比起橫隔膜，牛板腱比較有口感和韌少許，適合喜歡啖啖肉，肉厚而有口感的食家😋個人覺得300g才夠食，可能因為太好味😋總結牛肉質素高，是一家專業的燒牛肉店😋會再來

今日天氣同我心情一樣，天色陰陰仲帶點微雨，令我要自閉一餐，今天去到尖沙咀唔知想食咩，行行下在暗角見到有間專食牛既石板燒，但都會有羊架、雞扒、黑豚等。到最後我都係揀牛，食之前要在門口自動販賣機，吃什麼款式，什麼重量，都在此機先選擇再付款，+$30就可以轉套餐，套餐有麵豉湯、麻醬椰菜、飯或意粉或薯蓉(前者無限添加)，汽水(轉啤酒+$28)。店內都有介紹食用方法，自選熟成度可煎大約幾耐。我點了300g翼板， 一來到即刻要讚，它們用了餐紙先覆蓋熱辣辣的牛扒上， 避免熱油彈出而弄污衣服。【翼板】每件牛都非常厚身，每件都有差不多成吋半厚，上面再加了炸蒜，令牛再添香味，每口都好Juicy，燒到5成食，更加滋味！

石燒牛已經流行左好一段時間，今晚終於有機會食到一放工就即刻衝去呢間餐廳點菜，大大部點餐機放係門口負責人介紹左我地食牛板健同橫板膜，前者肉質爽口彈牙，後者鮮甜有肉汁，值得一讚既係佢比多30蚊就可以有得跟餐，仲要湯飯任添，啱哂我呢啲大食一族！話口未完，主菜就送到我面前，熱辣辣既牛板健就放左係我面前，高温既火山石係咁燒住佢，加上預制既炸蒜，肉香撲鼻牛板健口感爽滑，脂肪均勻，非常好食又好送飯，我足足添左兩碗飯食物滿分💯，值得大家一試

與朋友到尖沙咀辦完點事情，剛好六時多正在厚福街，這時候想起我的最愛<野郎>熱石上的牛排！ 二話不説走入小店，時間尚早還有枱，每次到<野郎>都吃得很滿足！啖啖肉很滋味！有質素！性價比又高！ 今次我選了牛板腱，按重量收費150g / $ 88 ，200g/108，300/ $ 158要吃得痛快點！選了300g轉套餐加$30，飲品可加$28轉啤酒~ 落單不久，很有效率的一份用吸油紙蓋着的牛板腱套餐已呈現眼前……清爽的芝麻醬汁椰菜沙律熱呼呼的麵豉湯急不及待的揭開看看~滾熱的石繼續在燒發出"吱"~"吱"~聲……令肉的表面散發焦香，吃一件切一件，上面的香脆蒜片很香口！切開肉質鮮嫩多汁，口感油潤有韌勁，越嚼越滋味越感鮮美！喝一口冰冷啤酒，再一口香嫩的肉， 夫復何求！鮮美的肉配上不同的調味各有韻味！喝完富有豆香的麵豉湯~大滿足！

今日一丁友來到尖沙咀厚福街，突然很想吃扒，在這裡正找尋食店，見到這間野郎，門口不是太大，但總算骨子，所以我就入去吃過扒先！來到這裡，原來要在外面的售賣機揀選食物，再付錢，再入去坐下等食。我今次選了一款西冷(200g)，再加錢轉套餐，套餐有一個味噌湯，有沙律，一碗飯和一罐汽水。西冷上枱，西冷用上幾百度的石板盛載著，熱騰騰的聲音很動聽，店員很細心用上一張紙鋪上肉面，等上枱時人客不會被肉汁濺到，等一會就將紙取走，就可以開始食用。熟成度由人客自己來控制，西冷原汁原味，很有肉的味道，這裡還有多種醬料給人客，我將海鹽輕輕的撒落肉面，我還選了味噌，蒜茸和甜醬汁，我試了三款後都發現用上蒜茸就最適合我。西冷加上白飯，真的很飽肚，很好味。沙律加上麻醬，份外香甜，味噌湯就不過不失吧！其實一個扒加錢變套餐份量都幾好，下次試下吃羊架先得！

之前越開越多石燒餐廳，早前食過一次感覺不錯，於是今晚跟老公打算找另一間石燒再試試看。尖沙咀厚福街街尾有一間隱藏石燒店，一不留神也發現不到。餐廳空間有點迫，還好冷氣十足。餐廳採用自助型式，先在門口自助機落單，入坐時再將單據給店員就可以，非常方便。肉類選擇都幾多，而且還有一些特別部位供選擇，又有提供羊架，黑豚等等，選擇多元化。揀了牛肋間隔膜300g再加$30 轉套餐，套餐包了日本秋田米,湯+沙律（無限添加），非常超值。店內牆壁貼上膠片，教客人石燒食用方法與技巧，保證客人可以自己動手燒出自己喜愛的生熟程度。牛肋間隔膜肉紋清晰，而且300g 份量非常多，先靜待大約20-30秒，之後切開小塊再煎至自己喜愛的生熟度，牛肋間隔膜肉質非常軟嫩，入口肉味香濃，每一口都充滿肉汁，加上面頭炸蒜片，少少鹽調味，味道已經非常足夠，秋田米飯香黏口，甜度特別高，再加上少量飯素，特別滋味。椰菜清爽鮮甜，拌上芝麻沙律醬更多美味。

今晚放工行開呢頭，一個人都係想食得滿足啲，午餐時間趕又怕人多，放工行過這條巷時見到佢，這裡係食牛扒嘅專門地方，再望吓個價錢都唔貴但，變埋set 都好抵食有湯、有沙律，配埋飯或薯茸，於是在門口部機點選了個牛肋間隔膜，而今晚就係點了300g，加多條日本豚肉煙燻腸，入去交比店員，店員就按排座位座下，等了一陣，大大塊嘅牛肋間隔膜放在塊超級熱盪盪嘅石板上，上面用了張吸油紙阻擋一下牛肋間隔膜在石板上嘅油脂，跟餐還有無限添加嘅沙律同薯茸，打開張吸油紙見到夠晒厚身嘅牛肋間隔膜，上面還放了香脆蒜片，切開仍見到裡面仍然都係生的，需要切開細細件用石板嘅熱力去弄熟的，入口軟熟嫩滑充滿肉汁，真係啖啖肉，可以配埋個醬汁味道又唔同！而條豚肉煙燻腸都十分彈牙煙韌，個陣煙燻味道濃郁！薯茸唔夠可隨時追加，轉頭就立即送上！讚！加埋個汽水，完全滿足！

尋晚約了朋友係尖沙咀食飯，佢話想食牛扒， 我就帶左佢去口福街食石板燒牛扒,平時好多人好長龍,今日唔知係咪早，唔使排隊， 點餐就要喺門口自己㯲機買飛。我就叫左200g西冷牛扒跟套餐,個石板燒到熱辣辣，牛扒上枱時沙沙聲，件西冷牛扒切開時，牛扒燒得約一成熟，牛扒內還是血紅色，食時要幾熟就自己控制，我就最喜歡食生啲,件牛扒有香濃牛味，牛扒肉汁又多味又濃。雖然佢有好多調味酱料，但我都係加了小鹽，已經帶到牛扒味。西冷牛扒肉質都算軟，但食起都有質感，今晚塊牛扒好靚，好滿足。

全自助式販票機係門口，先買票，後入座，可以加錢轉套餐。紐西蘭羊架New Zealand lamb chops 羊肉本身營養豐富，高蛋白質，鐵質，加上紐西蘭的羊通常天然草飼, 所以肉味帶點清甜，肉質嘅脂肪含量適中，一般羊羶味不太重，算係健康之選。而且價錢親民，五支骨先 ＄168店舖雖細，只有四枱，但座位寬敞，坐得舒服。通風麻麻，走時會有少少油煙味。見到牛柳都算多人選擇，上板時一成熟，肉切得厚身，燒起上嚟都可以保持內裏肉嫩，整體肉的水準唔錯。醬料選擇算多，有黑椒、酸汁、豉油、海鹽、蒜蓉，可自行搭配。

假期到尖沙咀行街，順路到厚福街尋覓美食，見到一間日式牛扒餐廳「野郎Stone」，店舖空間不大，但一早已經坐滿了客人，環境乾淨企理，信心保證一於入去試吓！門外有自助點餐機供客人點餐，感覺就在日本一樣。主打多款靚牛肉，牛肉迷見到最開心，安格斯、稀有骨付牛小排、牛柳等，加 $30 可以配套餐，有薯蓉、湯、沙律；而且係可以無限任添的，大男人都夠飽。於自助點餐機點餐後，把食券交給店員，等咗一陣安排好座位，效率快！然後見到店內有幾款調味料供選擇，我對特別的辣味噌和白松露蒜蓉醬很感興趣，自家製味道香。我選擇的牛柳是 200g 重量，食肉獸都要讚美這件牛柳牛味濃郁！而且可以自己在火山石上動手煎感覺特別有趣！廚師將1成熟的牛柳送到我面前，熱辣辣攝氏 400度 的火山石，我可以自行煎烤，要幾成熟都得，由我自己決定，啱晒我口味。牛柳厚身肉味濃，油花分佈均勻，脂肪較少，口感柔軟不會韌，肉質細嫩相當Juciy，有嚼勁！蘸上店家自製的白松露蒜蓉醬更香口。火山石保證溫度十足，吃多塊也不會油膩。沙律菜灑上日本鹽和麻醬混和，微辣醒胃。薯蓉先用火槍燒過，再灑上胡椒粉，惹味好食。總括而言，鐵板牛扒於日本人氣高企，引入香港之

這條街食店多，店舖門口細細，不是太顯眼，但看到有部自動購票，立刻望一望。原來這𥚃有間熱石牛扒店。這間是我喜歡的牛扒店，用燒熱了的熱石上牛扒，把牛扒煮到一成熟，食牛扒的原汁原。這間舖都坐到十幾個人，櫈位是可以收納手袋和外套的，這樣的設計，我最喜歡，不會攪到全部野都有牛扒味。牛扒要了200克牛柳，跟了餐有湯，白飯和沙律。牛柳切開時，中間位置是粉紅色的，所以食幾多切幾多，因為熱石好夠熱，一切開就好快熟哂。牛柳肉質較有口感，又好有牛肉味，加小小海鹽已經帶到牛肉味道，食原汁原味，牛扒肉質好重要。

一個人係尖沙咀行完街唔知食咩好就行去厚福街覓食😎見野朗Stone無乜人就揀左呢間坐低～之前聽朋友講過好味😌不防一試！鋪面雖然唔大，不過野食都幾多選擇💯我唔中意太硬ge肉質，所以waiter suggest 我點牛肋間隔膜，由於我係無肉不歡that’s why揀左300g！上菜時有張廚房紙遮住，以免d油彈到件衫🤗等20-30秒就可以食lu～由Rare慢慢食到well done💯食到唔同熟度牛ge肉質！個人最中意半成熟，下次應該要將牛早d拎起石板，otherwise 會一直煮到比較硬，太有口感！餐廳另有有幾款醬汁俾人點肉食，我好中意燒汁配蒜蓉，又係另一種風味，中意重口味ge人應該同我一樣會覺得好正！

首先點餐要先係門口自動販票機度，同平時係日本買拉麵食差唔多，都係全自助式的。喱間絕對係價錢親民既高質牛扒店，最平$78就食到，肩胛肉眼150g。叫了300g 嘅牛柳, 上碟時牛柳只係一成熟，自己可以係石板上任意調校幾成熟，重點係肉質唔差。牛柳亦份量十足。根據個人喜好可自由加海鹽，蒜蓉，黑胡椒，燒汁，仲有一隻係麵豉醬加辣椒🌶的。加$30就可以轉為套餐，認真又幾抵，可選白飯/意粉/薯蓉另有沙律同麵豉湯, 暫時仲有銅鑼灣同旺角兩間分店，都係市中心非常方便。