金城餐廳 (已搬遷) 新店位置

店名：金城餐廳地址：香港筲箕灣東大街123號地下好味指數:7.4/10價錢：$28（凍飲+$2）炸雞脾配沙律 凍咖啡炸雞脾炸得金香鬆脆，肉質嫩滑，味道香口。沙律是用栗米和蟹柳製成的，兩款食材都是我喜愛的，因此非常滿意。

放工四圍揾野食, 一早都听聞呢度的野食唔錯, 今日就試下先叫左一個什扒餐, 同出名的摩囉雞扒飯, 本來個雞扒飯有野飲冇湯, 侍應叔叔都好好人咁送多個湯俾我地, 個湯係老黃瓜湯, 好夠味摩囉雞扒飯- 一來到個賣相已經好吸引la....大大隻太陽旦, 又白又滑, 煎得啱啱好, 如果想食脆邊的朋友就冇得食lu...呢度係白滑個隻, 唔係脆口個隻, 大大塊雞扒就煎得好香脆, 雞皮好薄身, 好容易就俾我成塊起左lu....雞肉好嫩唔會鞋口...雞扒下面仲收埋左塊煙肉, 煙肉係偏瘦的, 煎得好香, 啱晒我呢點又為食又怕肥的人講返個汁先, 個汁香得來有點甜甜地, 撈飯食好正, 飯底似印尼炒飯, 有淡淡咖哩味..加埋菠蘿同青椒等配料, 當然最夾係提子干la...咸咸甜甜咁好雜扒一來到時覺得個鐵板好似細個左點....有大大塊豬扒, 雞扒, 火煺,腸仔同薯條, 腸仔整得好黑, 燶左點, 點肉都偏咸....不過豬扒煎得好香, 又唔會太硬, 質地唔錯餐茶就叫左凍柚子茶同好立克, 2杯都偏淡

說到東區食街，筲箕灣東大街絕對係number one，中日韓港滬菜都有，最緊連德國菜都有，不過lahris朋友喺果頭返工，話果個舖位一年轉幾次手，轉嚟轉去都係西餐，做唔長（聽聞豬手唔錯，所以更加要快啲去幫襯先得）。今日去開東區，朋友建議去成條東大街最正嘅茶記「金城」，出發前心諗都係普通嘢，茶記又有幾surprise吖lahris聽朋友講叫個招牌焗豬，一個字，好掂!先講個presentaion，微燶嘅面加鮮紅茄汁，睇落都好吸引! 豬扒完全唔韌，好軟身，用粉漿先炸，再焗，口感幾特別。成個飯個汁都好夾，朋友話加少少金城個辣椒油食仲正，lahris 雖然少食辣，但都試落幾滴，確係好香，食得辣必須要落！$54有熱飲老細話送埋個羅宋湯，都唔錯幾足料（係唔係因為我靚先有? 哈哈）同行友人都叫個招牌菜「摩羅雞飯」，個名怪怪地但組合又幾正類似印尼炒飯配雞扒、煙肉同太陽蛋，加個蒜蓉汁，淨係講個太陽蛋，完全無燶，perfect!!! 蛋黃落到飯真係無得頂，好大碟都係$52，抵食，都係跟熱飲又送湯（連佢都有湯，咁應該只係老細太好人）再嚟一個星洲炒米，好夠料同樣大大碟，咖哩醬好香，夠晒重口味，唔會好似平時茶記得

今日放工, 叫左個外賣焗葡國雞飯呢個飯就貴了, 一飯一餐湯差不多半張紅衫魚試左淡, 都OK, 飯有飯味葡汁有葡汁味濃烈的葡汁夾住新鮮的雞扒, 可說是神來之筆啖啖都係雞肉, 爽 (人人都愛食雞...~~~無雞不歡)而且醬汁飯的比例適中, 唔會飯多過汁或出現汁多過飯的情況D飯都唔係普通的白飯, 溝左雞蛋的, 飯中帶有蛋香, 蛋香中帶有飯香, 掂~~~~可以~~跟飯的羅宋湯就唔合格了, 太稀...(番茄水溝羅白...)味道值70分, 但價錢太貴了, 俾多十幾蚊就可以食好少少XDDD

是日，與Cc相約入石澳，在陽光沙灘大海前，「以天為被，以沙為蓆」，睡他一整個下午。出發前，先去東大街的金城餐廳吃飯。才十一點，已有午飯提供，小妹不作他想，即點了金城名物 - 焗芝士豬扒飯$54配奶茶。奶茶集茶香奶味於一口，入口順滑香醇，茶記水準之作。一直想試金城的焗芝士豬扒飯，一客焗飯有四塊切成長條狀的豬扒，豬扒醃得入味，肉質軟腍具彈性，煞是鮮美。不過，飯粒的軟硬度和口感，以及蕃茄汁的濃稠度和酸甜度，則稍稍比不上某連鎖集團的餐廳之作也，略感可惜。無獨有偶，Cc竟要了XO醬豬扒炒出前一丁麵$58配熱檸水，我倆不免變成「豬扒狂徒」了。香煎豬扒沾有香辣XO醬汁，更為香腍惹味，公仔麵混雜XO醬、魚乾仔、芽菜、香辣椒和韮黃等，炒得極為香口，且不太油膩。不過，價錢一點兒也不便宜啊﹗小結：茶記的焗飯和炒麵份量蠻多，合我們兩人之力，也無法吃完，故決定吃掉焗飯，把吃剩的乾身炒麵打包帶走，留作下午茶……

天氣凍凍的, 就是想吃熱辣辣的食物。就算是明知道為了身形的緣故晚上還是應該少吃澱粉質為妙, 但當太陽一下山天轉暗了, 肚子咕咕叫來, 滿腦子都只會是焗飯、煲仔飯! 也管不了那麼多, 想吃就吃吧。是晚人在筲箕灣, 在金城餐廳和紹華小廚之間掙扎良久。反正兩家都未吃過, 金城餐廳又比較近, 為了可以快快祭五臟腑最後還是來到這裡!雖然是街坊小茶餐廳但打掃得很乾淨! 最吸引我的就是牆上的手寫菜單, 也寫得太有心思了吧? 而且還是一種很一致的新字體, 姑且就稱之為「金城字體」好啦。環顧金城餐廳內的侍應大叔大嬸, 猜想是家庭小生意吧? 不知這手花巧的字又是出自於誰的手筆呢?眼見不少街坊都是叫餸食飯, 但我其實一早已經想好了要一會這裡的名物焗豬扒飯。以圓形兜上, 份量可是不可小看呢。個人很喜歡它們的豬扒, 夠厚身之餘又煎得香口, 一絕。但芝士份量太少, 不夠過癒呢。蕃茄醬汁香甜可口, 啖啖都真材實料, 超棒的。播開蕃茄醬看到底下的飯是炒底的, 不過顏色不見金黃, 也沒有多少蛋花。不過我覺得炒得很夠乾身, 用來做焗飯已經夠好。畢竟蕃茄醬和豬扒都是濃味食材, 炒飯太香了或許顯得太膩呢。另一個讓我心折的地方

講到覓食，相信東大街無人不曉。魚蛋粉，豬扒飯，雞蛋仔都很想試，奈何箕灣實在太遠，遠得從不在我的考慮之列。這天放假，跟男友決定去行山，是我倆的第一次。人生中行山的次數一隻手也數得完，還是交由他決定地點。想不到，起點竟是筲箕灣。我的第一個反應是，豬扒飯，我來了！還以為金城會是很舊式的茶餐廳，整潔程度絕對出乎意料，還有聖誕裝飾，中西合𤩹的好例子。除了每日的快餐，白板上有餐廳推介，包括龍躉片炒河，斑片炒河等等數款。摩囉雞扒飯也是推介之一。份量超大，一大塊雞扒，飯又多，還有一條煙肉和一隻蛋。雞扒的外層煎得香脆。炒飯有點像印尼炒飯，又有點像泰式原隻菠蘿炒飯。炒得乾身，幾入味。金城焗芝士豬扒飯即叫即焗的豬扒飯，等了一會。賣相很不錯，也是很大份。炒飯底很有蛋香，雖然加上茄汁，但飯沒有變腍變濕，還是粒粒分明。芝士都幾多，溶在茄汁中。豬扒都不錯，肉質剛好，沒大家樂的過腍。飯和豬扒都比大家樂出色。茄汁的味道不錯，但始終是茶餐廳調教的茄汁味，較喜歡大家樂的鮮茄香。吃不完有點浪費，但實在太大份了。簡簡單單的一餐，又快又好食，充滿能量去行山。

在筲箕灣好出名的金城餐廳,其中最令食客回味既就係龍躉炒河$88。今日特意前來一試,份量的確十足,魚肉新鮮富彈性,啖啖肉無骨食得夠爽,而且膠質豐富!只係河粉又幼又影碎,夾不起,菇類仲變酸,服務員態度恐怖.可以blacklist

前幾日，收左工接埋個女友番去，唔想次次到係cwb個邊食，今次打算去到佢屋企樓下先醫下個肚。去左東大街個頭，個度成條街都係餐廳黎，真係都幾多選擇。搞到我都無從入手，唔知食邊間好，我女友就知我鍾意食海膽，就拉左我黎　金城呢一個間餐廳都開餐喇。我就聽佢講叫左個海膽炒飯，佢就叫左個焗豬扒飯，大家share黎食下。金城呢度個海膽炒飯，我覺得絕對係值得一試架，海膽有海膽味就唔再講啦，一放上台就已經聞到一陣陣強烈嘅海膽既香味撲鼻而來。未入口，碟炒飯個look都已經好吸引我喇。個飯食落去好香好正。咁另個佢個焗豬扒飯又係另一個杰作，佢個豬扒係同茄汁幾夾架，好味過快餐店個果焗豬，咁當然呢個係我個人既口味，但事實上豬扒質素係好好味。之後我諗我會再黎試下其他既小菜或者其他野。

一個人12點見不用排隊,即管試試!叫左個set lunch"洋蔥汁牛扒飯", 坦白講唔會有驚喜,40蚊一個飯+湯連熱飲, 牛扒當然沒有鮮味,一塊'林池池'既肉,洋蔥汁無洋蔥味,唔難飲既無料中湯,超級一般的快餐食物!!!重點係服務,午市零服務我唔計較,問題係侍應對待坐隔離枱既兩個學生哥,應該係中一仔,佢地一樣叫兩個餐, 不過食意粉! 意粉到其中一個學生哥有禮貌地問要支茄汁,侍應答無茄汁!!!!! 個學生哥再問,個侍應居然答"都話無茄汁,賣晒啦"!!!!!!!賣晒茄汁??!!餐廳無茄汁??!!有無攪錯呀!!我望望四周,明明有茄汁放係一個細櫃內,咁樣對客對細路仔,而見對待熟客就完全唔同.......咁樣對客,咁樣對學生,絕對無下次幫襯!!!!!

見到有報導講海鮮好得，結果幫襯咗兩次，真係只有海鮮得。第一次食咗斑片炒河，魚塊大大件，雖然只有四、五塊，但都比其他舖頭多，而且的確好新鮮、好鮮味。不過個河粉就⋯⋯無火候，乜味都無，仲要加上個好似鼻涕咁嘅玻璃茨；難食到呢！第二次食咗龍躉炒河，仲貴啲；的確比斑片好食，但啲河粉都係一樣咁難食。無緣試到海膽炒飯，因為兩次都話無海膽。亦無信心幫襯第三次。

今晚難得早下班，加上家裏沒人造飯，而又十分懷念筲箕灣金城餐廳的焗飯味道和情懷，於是儘管家遠離筲箕灣也要一到那裏吃個飯。　　吃飯前，本是滿心歡喜的。入到金城餐廳，點一客馳名的「金城芝士焗豬扒飯」，加凍鴛鴦。　　鴛鴦很快就上桌。呷一口，縱使咖啡味微蓋奶茶味，但仍不錯。　　可是，對主菜感到失望。焗飯差不多20分鐘後上到。咬一口豬扒帶點焦的一邊，卻是脆得很而不會覺得過焦。不過，豬扒沒焦的那一邊，卻滿是炸粉的味道，完完整整的蓋過豬扒的味道。而飯，意外地太軟太爛，吃不出炒飯那種粒粒飯分開的飯香質感，再拌以酸甜均等的茄汁也於是無補，整碟飯都難以再入口。　　環境衛生差了。一些椅子的膠墊脫掉了，一些枱的枱腳也有一大片嚇人的锈漬，令人胃口大減。然而，價錢卻加了，質素卻下降了。 　　筲箕灣東大街的美食買少見少了，恐怕這一次也是我最後一趙到金城餐廳吃飯了。

傳說中嘅海胆炒飯，人生中絕對值得一試，正～炒飯夠鑊氣，海胆有海胆味一上台已經聞到陣陣強烈嘅海胆味撲鼻而來再望吓碟炒飯，個樣已經相當吸引食第一口已經感覺到海胆味非常濃郁必食之選!

一年一度來這條街道覓食, 做功課時, 差點走漏了眼, 錯失嚐美食的機會, 原因喊臉不少, 但看到推介美食竟然是 龍躉炒河, 實為少見, 於是 "冒險" 一試.到達時間尚早, 還未到12 時, 一坐下見到牆上水牌的第一道食物便是此名物, 心中立即踏實不少, 馬上詢問供應情況, 當服務生說 : "有" 時, 真有點想大叫的衝動 此外也點了另一名招牌食品 :  焗豬扒飯.   美點雙輝, 很是期待.不一會, 龍躉炒河出場, 一大碟, 魚塊不少, 舖满面, 太興奮了, 趕忙夾了一小碗後, 才忘記未拍照.先嚐一口龍躉, 很鮮味, 魚味很濃郁, 又彈牙, 一吃便知是新鮮的.  魚肉不會太咸, 只可惜沒有魚皮,  河粉切得幼幼的, 很滑但不油膩, 茨汁不會太稠. 剛好裹著每一條粉, 實為人間美食 過了一會, 豬扒豬也焗好了, 飯用雞蛋炒底, 豬扒切為四大片, 兩片有骨, 另兩片淨肉,  用的是新鮮番茄配以菠蘿. 洋葱及西芹焗製.豬扒拍鬆了,但仍有點實, 番茄味很濃, 但西芹和菠蘿帶出了酸中帶甜. 很開胃. 而且焗得很香, 令人一股腦兒吃下去.    這套餐附送飲品, 熱奶茶令人很驚奇

想食焗豬，諗起東大街既金城，就特登行過去試吓啦。佢D焗豬出哂名，連蘇絲黃都話正，餐廳門外同入面都貼滿哂雜誌訪問同埋D明星合照添~焗豬連熱飲，$50，都唔平架！杯奶茶幾重奶味，口感夠厚，應該係用黑白淡奶沖既，亦好夠滑！不過滿心期待既焗豬就……先講塊豬排，佢係先炸後焗，所以無汁果part就脆脆地；睇幅相以為好厚身，不過原來係厚在D炸粉，入面其實唔多肉；塊排好瘦，搞到D肉好鞋，完全唔鬆化。然後個汁，簡直係敗筆，因為係無味既，得個「多」字；D汁望落好紅，但完全無茄味，正確黎講係連少少紅汁應有既甜味都無！至於個飯底就不過不失啦，略嫌炒得唔夠鑊氣，有D飯仲係癡埋一舊，飯粒唔夠分明，好在唔太油。好失望，真係大X樂既一哥焗豬都好食過佢