金滿仔 (已結業)

看到食友們稱讚這兒的粉仔及油渣。愛吃此道的小弟對此當然極有興趣，就趁是夜太座帶著小友出席聚會之際，自己便一支公走過來試試....這裡是一間很家庭式經營的小店，兩口子中男的負責烹調串燒的部份；女的就負責樓面接待；另外粉仔及其他小吃就由一位嬸嬸躲在廚房內默默的做.....分工是相當的清晰明潔....既然當成是一頓晚飯，小弟固之然是毫不客氣在點菜紙上亂剔亂劃了 ---- 先來的是一碗大粉仔，再來多一小碗另添的油渣；之後再要多兩串串物，最後是清清哋來一碟菜心.....我想應該"夠脾"吧....粉仔的份量雖說是大，但對一個大男人來講仍是遊刅有餘。呷一口湯，是蠻甜的，而且人工味不算很強；粉仔看上去就像是切成細段的普通白麵一般，碎濕濕的沒甚麼咬勁是比預期中遜色；冬菇片及油渣亦只是零星散落在湯粉上。若非加了五大洋去另加的話，恐怕便不能滿足自己大啖油渣的欲望了。說回油渣本身，咬落不熱不脆的似乎絕非現炸現食，此點讓人甚覺失望。可幸整體上吃起來不算是十分油膩，但光只這一點確賣未能將劣勢挽回的....看到檯上有一小盅辣菜甫，絕不吝嗇的下了幾匙進湯內，湯頓時變成既香辣且鮮味的上品。算是為失色的油渣搶回一些分數.

因「救濟」之名而衍生的狗仔粉, 是那些年(五、六十年代)的日常食品, 只要簡簡單單用熱水開粘米粉搓成條狀的粉已可用來填肚。老實的說, 我也是近幾年才接觸狗仔粉, 直至今次到金滿仔才真正把狗仔粉與銀針粉分辨出來, 因為以往食過的狗仔粉是粉條尖頭尖尾, 像唐狗尾巴。小店開在嘉頓那條街, 一出店門口就是巴士站, 街頭頗擠...油渣麵的好旅伴...辣菜甫與榨菜粒從未吃過炸到這麼鬆化乾身又不油膩的豬油渣, 咬就會有油脂的味道噴出來 狗仔粉已有提供, 但喜歡便可以好似我咁加多$5要一碟來當口果狗仔粉煙韌彈牙香滑, 100%高筋麵粉無添加所以食到很純的麵粉味, 豬骨湯的味道全溶入粉條內, 很是滋味牛仔肉串燒就被鬆肉粉鬆到失去了本身的肉味, 肉質浮浮, 口感麻煩金菇肥牛卷細條到與手指尾都有得fight, 燒得乾乾, 柴皮比它更好既然炸豬油渣炸得咁拿手, 應該可以運用豬油渣來做更多出色的菜餚...期待呵~

曾不下一次透過食評抒發我對狗仔粉 (粉仔) 的情懷，總得來說它代表了我個人百感交集的兒時年代。一口地道的粉仔在嘴巴裡就彷彿在重溫著某一階段的童年。感激各食家的千尋百訪，使得 OpenRice 這個平台的存在義意更加實在。在得悉最新近兩位食家為金滿仔寫出的食評後，對那份粉仔的回憶在心裡不斷回盪！幸虧不久便遇上突如其來的義工工作，讓我可借故重踏深水埗區去追蹤香港僅存的粉仔。從前吃粉仔的街頭檔攤早已隨歲月絕跡了，眼前的是一家整潔，井井有條的金滿仔。舖前方劃出了一個小廚房，供水吧與製作燒烤之用。舖後端亦有另一廚房。除了主打的粉仔外，金滿仔還有黃薑飯、生炸的雞肶飯，即燒串燒及新推出的1人火鍋。不管其他食品有多吸引，還是鍾情於粉仔上，其他美食先得讓路。您或會產生一個疑問，為什麼我會用上 "僅存" 二字來形容粉仔。確實粉仔在香港不難找到，恕我對粉仔有自我一個死硬的準則，凡是用上海麵或其他現成白麵條充當的不算，因為自家製作的粉仔才稱得上正宗的地道食品，方能擁有那份味兒。最初開業的錯敗經驗，令金滿仔將從前媽媽的粉仔配方改良，由高筋麵粉取而代之，使粉仔不帶糊口，相對較有彈性，只嘆舊式的味道未獲得新一代的認

多年前深水高登外的一段福華街可說是掃街天堂!一到傍晚時分便熱鬧非常,基本上說得出口的的街邊車仔檔美食也有齊,不似現在的單調只得一團麵粉的所謂燒賣魚蛋,便是全無蛋味的格仔餅雞蛋仔.除著食物衛生及街道整潔,車仔檔小販已被取締很多懷舊的街頭小吃已慢慢消失.頗佩服這店以這較冷門的小吃來作主打!油渣麵長久也有捧場客,但這種粉仔杰撻撻的質感則未必人人也喜歡吃.辣/不辣菜甫可算是吃粉仔的靈魂.豬油渣才$5一份!炸得乾身通透,入口極之鬆脆.已不知多久沒有吃到炸得這麼美味的豬油渣!金牌粉仔----老實說是比以前吃到的有點分別,湯比較清喝完也不口乾如再加點蝦皮味道會更接近.麵條亦較挺身咽韌不像以前的那麼像杰身糊仔.粉果----皮不算厚沒甚特別的大路貨色.這裡也有兼賣串燒等小吃,作主打的粉仔可算是交足了功課,出色的豬油渣是吸引再來原因之一!

一位年老的伯伯走入店中，還未坐好，老闆娘已開心地大叫：「好耐冇見喇，係咪照舊大粉仔走蔥？」當香港「好多男人連自己結婚紀念日都記得唔清楚」，一間小麵店的老闆娘卻能記住一眾熟客的口味。好評不多，名氣遠比不上同區另一間豬油渣麵，老闆娘兩姊就默默地在不起眼的小區中，為一眾街坊服務。每天親自開水搓麵糰，數小時的勞力，換來一條條的手製粉仔。看介紹說，做粉仔因水不能多下，所以麵糰比一般的硬，搓起來更費力，這種花時間全手工的麵吃，很難不被一機機大量做出來的現成麵條取締吧。幸好老闆小時候家裡是賣粉仔的，念在粉仔「養大了兩姊弟」，決定把這老一代的食品傳下去，讓生活富裕的我們可以吃到上一輩這種廉價美食。 要了碗金牌粉仔（大$20、普通$15），小妞不怕死，還要另加油渣（$5），看到有豉油蛋（$5）也忍不住點了。除了粉仔，這裡還有較飽肚的黃薑飯串燒套餐（$35）和豉油雞脾飯，點了前者試試。 粉仔有點像短身的烏冬，本來過擔心它會否像上海麵般糊糊粉粉，沒想到入口相當爽滑，手打的果然就是多份靱勁。湯底用了豬骨和蔬菜去熬，喝起來相當清甜，加點店家強調「只配粉仔專用」的自製辣菜莆，辣油和那酸菜味融入了湯底後，

打完波朋友介紹話此店既油渣粉仔十分美味2個人每人叫一碗粉仔再另加一小碟油渣明知油渣唔健康,但喜愛香口既我又點會錯過.店鋪細細初時都對佢地既食物唔會有太多期望, 點知味道又真係出乎意外地美味.雖然成碗粉仔都無咩特別材料, 但粉仔好滑帶少少煙韌, 最正就係果小碟既油渣真係似自家製炸得甘脆, 炸過既肥膏已經沒有半點肥只得脆卜卜又香又美味.

講到豬油渣,出名既類似周記英記都係淋既軟身豬油渣.相信年紀唔太輕既朋友,都好耐無見過以前果D炸到透,細細粒既豬油渣麵賣.難得發現而家仲有地方有售,出開深水涉就特登去試下.是次試左:1. 一大一普通豬油渣粉仔. (粉仔,冬菇粒,豬油渣粒.另可伴菜甫)粉仔質感爽口彈牙,類似剪斷晒既烏冬,但由於形狀並不完美,相信係自家制而非外面機器所製的來貨.由於本身都有幾分飽至黎,未能試真湯底味道.半飽時感覺得雖非甚麼上乘材料,但至少配麵時頗順口.反正沒打算過把湯喝光,伴麵ok即可.炸透的豬油渣我也是第一次嘗試.與主流(?)那種又肥又軟又大片的豬油渣相比,少了一分肥膩,多了一分香口.但細細粒炸透始終不如主流那種啖啖肉令人滿足獸欲.如未曾試過柞透的豬油渣者,絕對值得一試.畢竟這東西買少見少.2. 油菜. (生菜)普通,菜算乾淨.沒要蠔油要鼓油.鼓油很咸,混在菜水之中味道變得ok很多.3. 豬頸肉串燒.豬頸肉即叫即燒,而且是生燒而非先煮半熟再燒香給客人.等侯時間會比較長一點,但生燒的口感與半熟再燒各有不同.喜歡生燒的朋友可試.吃辣程度普通的我,認為沙嗲醬很辣.還好醬是伴碟而非混者串燒上.可能因為只售$8的關係

今天的打波地點移師至長沙灣，本想跟波友先在深水埗吃過點心再去，可是店子要排長龍，唯有改覓食地方，來到金滿仔。有套餐，是黃薑飯加兩串串燒，包杯飲品，就來了一客。另外，散點了豬腸粉、潮州粉果、粉仔同埋油菜。豬腸粉一點不滑，但配以三色醬，總不會難吃的；粉仔口感煙韌，應是自行製的，本是不錯，卻就敗在豬油渣上，因豬油渣雖是炸脆，但就完全不香，扣晒分數；潮州粉果好大隻，皮厚卻不黏牙，餡料味道亦可，唯熱度可以足一點；對西生菜則沒太多要求，總之是爽脆便是。兩串串燒分別要豬柳肉和雞腎，前者爽而不韌，後者夠晒爽脆，質感都可以，但辣醬實在是太厚太杰，有點倒胃口。咖啡不算十分香濃，但至少不是難飲。

之前已試過金滿仔的手打粉仔，湯底及豬油渣的味道好，而且手打粉仔非常特別。最近再到這店，他們推出了黃金飯套餐，原來黃金飯套餐就是黃姜炒飯加兩串串燒及壹杯奶茶或咖啡的飯品。黃金炒飯炒得很香而串燒也非常美味，在這麽冷的天氣吃了姜炒飯很温暖，奶茶也香滑，而價格只是30元非常便宜。

一直都未食過粉仔,一知道長沙灣開咗間專賣粉仔就專程走去試吓.因為未食過所以唔知粉仔係咪不嬲都配油渣.對於我嚟講佢就係啲麵碎咗嘅油渣麵唔係唔好味,不過對於食開英記湯底濃郁嘅我就覺得比較遜色雖然對粉仔評價平平,不過燒雞翼又幾好味喎燒完嘅雞翼依然鮮嫩,醬汁美味服務態度又好,始終都係小店親民所以都比個好評啦!!

個日我睇到頭條話有間專賣粉仔ge小食店,咁我咪帶埋我男朋友去試下食囉可能個一日係頭條出街介紹呢間野,所以去個時好多人,勁多人排隊我地第左15分鐘到先有位,,落單係自己tick,,咁仲好,唔洗成日等人問我地食咩D野有少少亂,但話晒都係新開GE,,咁我地都冇咩所謂個招牌粉仔都要等一陣先有.,但係我覺得都抵,,話晒係人手製作,,慢工出細貨,,豬油渣入口脆卜卜而不油膩,,好多賣粉仔ge 店都做唔到唯一唔夠好ge係,真係有d亂,同埋唔係好夠位但食物真係好好食,中肯d講句,話晒人地都係新店,有好多野都要改善,但我覺得d食物係值得等ge

入到去 坐滿左客, 有新客人入到黎,, 完全冇人理. 冇人問你幾位, or 叫你等陣.... etc 咩都冇 ~ 眼見所有"工作人員" 手忙腳亂 . 一d 都吾 organize !!!!!!!!!!!!!!! 全部都係"生手"員工 ...... 企左5分鐘, 都完全冇人問我幾多位, 想點呀?????????????? 就我企o係度等位的10分鐘, 已經看出所有"工作人員"都吾係熟手, 枱號又吾知; 又經常漏單、客人不斷催食物還未到... etc etc ......... 等左大約10分鐘, 我見到有人走... 即時又冇人叫我地入去坐, 又冇人執枱..... 最後, 我自己走入去坐下二人枱!!!!!!! 等左一段時間先呢食物款式吾多, 都係一d 好簡單的食物... 所有野都係自己"tick"落張單度... 我明明tick左要魚蛋, 最後吾知點解黎左 燒賣 ........... ! 算數, 見佢地咁"忙" . 取消左都吾知幾時先有得食,,, 照食吧!呢度好似主打係.."粉仔" .... 其實我覺得粉仔應該好快 .. 但吾知點解要等成15 mins先黎到.. !!! 叫串燒都仲

一直以嚟，都好想搵返細個响街邊檔食過嘅豬油渣麵/粉仔。走訪過好多自稱正宗、真正油渣麵/粉仔嘅食肆，最終只有失望而回...以為呢種麵已經失傳。今日行過呢度，望落似新開無耐嘅舖頭。又係寫住正宗粉仔，冇理由唔俾個機會佢。近年食到嘅油渣麵，都係一舊一舊小豬膏，又腍又肥。呢度食到嘅，真係脆卜卜嘅小油粒。湯底係比較"杰"，味道幾濃郁。跟餐有串燒，叫咗雞腎。切得太厚，好在都幾爽。辣味太濃，食唔到其他味道...整體好滿意，要响佢紅起嚟之前，帶太太嚟試吓！p.s. 散叫一碗粉仔都係$15，抵食！